Mjenje srědkow za kolesowarjow
Drježdźany (SN/MiP). Wutwar kolesowanskich šćežkow w swobodnym staće je wot lutowanskeho kursa sakskeho knježerstwa, z kotrymž je naćisk za nowy dwójny krajny etat za lěće 2027/2028 planowało, masiwnje potrjecheny. Wo tym rozprawjeja Sakske Nowiny a Lipšćanski kolesowarski online-magacin WE RIDE.
We wólnočasnym parku Oskarshausen blisko Freitala nadeńdźeš tele ...
To a tamne (09.10.26)
Dener z wóska je nowy eksponat, kotryž nadeńdźeš wot tutoho tydźenja w kabineće wóskowych figurow Madame Tussauds w Berlinje. Originalnu předłohu za po cyłym swěće jónkrótny objekt wobstarachu sej w najskerje najwoblubowanišim Berlinskim dejnerowym zakuskowym kiosku Mustafa’s Gemüsekebap w Kreuzbergu, pisaja zamołwići wčera w nowinskej zdźělence.
Tydźeń po zwrěšćenym wotprawjenju w zwjazkowym staće USA Tennessee je so k smjerći zasudźena Christa Pike w chorowni ćělnje zaso poměrnje derje zhrabała. Po informacijach jeje prawiznika Stephena Ferrella je 50lětna wčera prěni raz z łoža stanyła a krótke čary běhała. Duchownje je wona tuchwilu lochce zamućena. Hač změje Pike chroniske strowotne ćeže dwójneje injekcije z jědom dla, lěkarjo tuchwilu posudźować njemóža.
Z połnej paru reformować
Berlin (dpa/SN). Po dlěje hač štyri hodźiny trajacych wuradźowanjach su so nawodźa frakcijow Unije a SPD dojednali, zo chcedźa planowane reformy nětko spěšnje zwoprawdźeć. Nimo toho so wot kóždehožkuli ekstremizma distancowachu. „Smy kruće wo tym přeswědčeni, zo swój kraj ekstremistam njepřewostajimy“, nawodźa frakcijow zapósłancam zwjazkoweho sejma pisaja, kaž powěsćernja dpa rozprawja.
Kombinowany nadběh
Kyjiw (dpa/SN). Ruska je Ukrainu prěni raz w lětušej nazymje z tak mjenowanym kombinowanym nadběhom z balistiskimi raketami, wokřidlenymi raketami a wojerskimi trutami nadpadnyła. Prezident Wolodymyr Selenskyj rěčeše wčera wječor wo 25 smjertnych woporach a wjace hač 100 zranjenych. Wón mjenowaše nadběh „narodninski dar Putina“. Wladimir Putin, najwyši komandant ruskeho wójska a prezident Ruskeje, bě srjedu swoje 74. narodniny woswjećił.
Mjenje eksportow
Němski zwjazkowy prezident Frank-Walter Steinmeier a jeho mandźelska ...
Čaru do Pólskeje elektrifikuja
Tankować je kaž loto hrać
Najebać rabat płaćizny za bencin a diesel dale stupaja
Pančicy-Kukow/Praha/Waršawa (SN/StŠ). Hdy je ćěriwo wosebje tunje, hdy njeměł na žadyn pad tankować a kelko wučinja, hdyž swoje awto w Čěskej abo Pólskej natankuješ? Mjeztym je tankować kusk kaž loto hrać. Njehodźi so dočasa prajić, hač sy w prawym wokomiku tankował abo nic. A hačrunjež w Němskej wot spočatka měsaca lětsa hižo wospjet tak mjenowany rabat na ćěriwo płaći, njejsu płaćizny přejara spadnyli. „To zaleži na tym, zo su płaćizny na swětowych wikach dale wysoke. A dołhož bencin a diesel droho nakupujemy, njemóžemy jej tunjo wotedać. To je mjerzace, ale tak to nažel je“, wujasni Mario Berndt, zamołwity mjez druhim za tankownju w Pančicach-Kukowje. Mjeztym zo wulke zawody swoje płaćizny awtomatisce zwyša a zniža, čini Mario Berndt to za tankownje w Lubnjowje, Kamjencu a Pančicach dale manuelnje. „Wězo při kóždym zwyšenju sobu ćerpju, wšako mje to tež potrjechi, runje tak kaž kóždeho druheho. Změnju płaćizny druhdy wosom do dźewjeć króć wob dźeń. Hdy je wosebje tunjo, so při tym hižo wěsće prajić njeda.
