Po mnohich debatach a diskusijach kołowokoło US-ameriskeho nadběhowarja Folarina Baloguna a jeho čerwjeneje kartki w minjenej hrě smědźeše wón wčera tola nastupić, štož mnozy kritizowachu. Tutón „dar“ pak koparjo USA w hrě wužili njejsu. Po cyłkownje słabym wustupje přećiwo konsekwentnym Belgi­čanam su woni jako posledni z třoch hosćićelow turněr wopušćili. Charles de Ketelaere třěli hižo zahe wrota za Belgisku. Tillman drje móžeše za USA wurunać, tola de Ketelaere wospjet trjechi. W druhim połčasu zwyši Vanaken za Belgisku na 3:1, a w přidatnym hrajnym času trjechi Lukaku hišće štwórte wrota za kónčny wuslědk 4:1. Wčera wječor slědowaše wo­smifinale argentinskeho mustwa přećiwo egyptowskemu. Egyptowski narodny team nawjedowaše přećiwo Južnoameričanam hač do 79. min. z 2:0. Potom pak třěli Argentinjan Romero prěnje wrota. Štyri mjeńšiny pozdźišo docpě Messi wurunanske druhe wrota. Z tym pak njeběše Argentinska hišće hotowa. Enzo Fernández trjechi w přidatnym času dobyćerske wrota.

250 kilogramow ćežku bombu z Druheje swětoweje wójny su wčera při twarskich dźěłach na arealu železnicy blisko Choćebuskeho dwórnišća nadešli. Dźensa su eksperća na městnje znješkódnjenje rozbuchadła zahajili. Za to su hač do připołdnja­ 500 metrow kołowokoło twarnišća wšitkich wobydlerjow ewakuowali. Železniske zwiski a zwiski zjawneho bliskowobchada blisko dwórnišća běchu přetorhnjene.

Damaskus (dpa/SN). Prěni raz po 15 lětach přebywa francoski prezident Emmanuel Macron na statnym wopyće w Syriskej. Po informacijach syriskeje organizacije za čłowjeske prawa dožiwichu woby­dlerjo stolicy Damaskusa w nocy krótko za sobu dwě detonaciji, jednu z njeju blisko hotela, w kotrymž Macron přenocuje. Wuchowanske mocy a chorobne awta běchu hnydom na městnje. Oficialne informacije wo přičinach eksplozijow kaž tež wo móžnych škodach abo woporach dotal njepředleža.

Ruske lětadło wotpopadnyli

London (dpa/SN). Britiske bojowniske lětadła­ su wčera nad sewjernym Atlantikom ruske patruljowe lětadło wotpopadnyli. Zakitowanske ministerstwo w Londonje zdźěli, zo běše ruska mašina britiskemu nošakej lětadłow přeblisko přišła a nimo toho wjacore sonarne boje (Sonarbojen) wotćisnyła. Na namołwu, swoju poziciju změnić, njeběše ruska wobsadka reagowała.

Liebich dyrbi w Němskej do jatby

Buddhistiscy wěriwi po cyłym swěće su wčera 91. narodniny swojeho duchowneho nawody Dalaija Lamy woswjećili, tak tež tibetiska­ buddhistiska wosada w nepalskim eksilu w tamnišej stolicy Kathmandu. We wot Chiny wobsadźenym Tibeće je so tež 14. Dalai Lama jako Lhamo Dhondup narodźił. Foto: dpa/Subaas Shrestha