Kigali (B/SN). Po rasowej wučbje 19. lětstotka bydla w Ruandźe ludowe skupiny Tutsi, Twa a Hutu. Za kolonialnych knjezow bě lochko, nad skupinami knježić a je mjez sobu wuhrawać. 1994 wjedźechu rozkory mjez skupinami k najwjetšemu genocidej 20. lětstotka. Po naškaranju hutuskeje milicy bu něhdźe milion, štwórćina wobydlerstwa, za krótki čas morjena. Hač do dźensnišeho njejsu wšě ćěła identifikowane a pochowane.

Katolicizm na swěće rosće

Bonn (B/SN). Ličba 1,42 miliardow katolskich wěriwych rosće kaž wobydlerstwo swěta, jenož teritorialnje rozdźělnje. W Africe bydli 16,7 milionow katolikow, to je přirost 7,6 miliono, w Južnej a Sewjernej Americe je to sydom milionow, w Aziji 0,97 mio., w Europje 0,9 a w Oceaniskej 0,2. Podźěl katolikow na wobydlerstwje swěta ze 17,8 procentami je lochce postupił, zwěsći katolska powěsćernja.

Dźeń ewangelskich cyrkwjow

Praha (SN). Čěski parlament je sobotu kónc financowanja zjawnoprawniskeho rozhłosa z popłatkami wobydlerjow wobzamknył. W přichodźe maja so zjawne sćelaki wuwzaćnje ze statneho etata financować. Naćisk pak předwidźi krótšenje cyłkowneho budgeta za rozhłós wo něhdźe 15 procentow porno nětčišemu. Zakoń ma wot spočatka přichodneho lěta płaćić. Před twarjenjom čěskeho parlamenta w Praze tysacy přećiwo rozsudej demonstrowachu.

Lula da Silva wólby dobył

Brasília (dpa/SN). Tuchwilny brazilski prezident Luiz Inázo Lula da Silva je rozsudne prezidentske wólby w Brazilskej dobył. 80lětny politikar Lěwicy porazy z wuslědkom 51,8 procentow hłosow swojeho prawo-konserwatiwneho konkurenta Flávija Bolsonara, za kotrehož bě 48,2 procentaj Brazilčanow hłosowało. Syn bywšeho brazilskeho prezidenta Jaira Bolsonara wuslědk njepřipóznawa a je juristiske kroki připowědźił.

Panter za kooperaciju z Chinu

Drježdźany (SN). Sakske statne ministerstwo za hospodarstwo, dźěło, energiju a škit klimy (SMWA) je próstwu wo přepruwowanje zaměrow za wutwar zdobywanja energije z wětra hač do lěta 2032 za přichodnu konferencu ener­gijowych ministrow zapodało. „Přepruwowanje zaměrow wutwara dyrbi rozdźělne geografiske, topografiske a meteorologiske wuměnjenja w zwjazkowych krajach bóle wobkedźbować“, mi­- nisterstwo w swojej wčerawšej nowinskej zdźělence piše.

Po tuchwilnych zwjazkowych směrnicach dyrbja kraje hač do kónca přichodneho lěta 1,3 procenty, a hač do kónca 2032 dwaj procentaj swojeje přestrjenje za zdobywanje energije z wětra k dispoziciji stajić. Sakska je dotal jenož něhdźe 0,2 procentaj płoninow za to wupokazała.