Nowy terminal wotewrěli
Frankobrod n. M. (dpa/SN). Předewzaće Fraport je wčera na najwjetšim němskim lětanišću w Frankobrodźe n. M. třeći terminal za pasažěrow wotewrěło. Dźensa zahaja tam regularnu dźěławosć. Wjace hač štyri miliardy eurow je Fraport za to inwestował. Nowy terminal su dlěje hač dźesać lět twarili. Wotewrjenje bě spočatnje w lěće 2022 planowane a twarske kóšty mějachu poprawom 2,5 do 3 miliardow eurow wučinjeć.
Naćisk reformy předstajiła
Berlin (dpa/SN). Zwjazkowa ministerka za strowotnistwo Nina Warken (CDU) je wčera naćisk za reformu nuzoweho mediciniskeho zastaranja předstajiła. Hłowny dypk w nowym zakonju je wodźenje pacientow z pomocu nowych centralnych kontaktnych městnosćow w klinikach kaž tež telefonisce, wosebje w nocy a kónc tydźenja. Pod čisłom 116 117 dóstanu ludźo po cyłej Němskej w nuzy mjez druhim lěkarsku poradu, dokal dyrbja so konkretnje podać abo hač je lěpje chorobne awto zawołać.
Wuradźuja wo škitnych naprawach
Syn poslednjeho šaha w Iranje, Reza Pahlavi, kotryž je w eksilu w ...
Eklat w pólskim parlamenće
Merzza škit klimy
Naćisk dawkoweje reformy wozjewili
Berlin (dpa/SN). Unija CDU/CSU je wčera koncept za dawkowu reformu wozjewiła, kotraž ma němskich dawkipłaćerjow lětnje wo cyłkownje 25 do 30 miliardow eurow wolóžić. Tež namjety za financowanje wolóženjow, na přikład přez wotstronjenje subwencijow, su w koncepće zapřijate. Wudźěłałoj staj jón financnaj fachowcaj Yannick Bury (CDU) a Florian Dorn (CSU).
Wonaj namjetujetaj mjez druhim, financnu pomoc Zwjazka lětnje wo 15 procentow znižić. Tuta naprawa by zwjazkowy etat hač do lěta 2029 krok po kroku wo 22 miliardow eurow wolóžiła. Nimo toho móhł Zwjazk w zarjadniskich wobłukach, kotrež njejsu za wěstotu kraja relewantne, hač do 2029 lětnje dalšich nimale wosom miliardow eurow wudawkow zalutować.
Za dawki płaćacych chce unija zakładnu bjezdawkowu sumu wo znajmjeńša 1 000 eurow zwyšić. Hornju mjezu lětnych dochodow, wot kotrejež ma so najwyši dawkowy podźěl 42 procentow zwjesć, chcedźa wot dotal 70 000 na 85 000 eurow zwyšić. Solidaritny přinošk, wot kotrehož je tuchwilu jenož hišće dźesać procentow dawki płaćacych potrjechenych, chce unija dospołnje wotstronić.
Najwjetši strach hrozy z Ruskeje
Pistorius prěnju wojersku strategiju Zwjazkoweje wobory předstajił
Berlin (dpa/SN). Wjace wojakow, hightech-brónje za daloke distancy, wobkedźbowanja ze swětnišća: Zwjazkowy zakitowanski minister Boris Pistorius (SPD) je wčera dopołdnja na terminje z nowinarjemi w Berlinje wojersku strategiju předstajił, kotraž ma wottrašowanje a skutkownosć Zwjazkoweje wobory zwyšić a ju na móžny wojerski konflikt z Ruskej přihotować.
Z kmanymi njebrojić
Štyri busy z wodźikom po puću
Maja inwestora za podkopk
To a tamne (23.04.26)
Dokelž je přewótře šnicle klepał, bu muž w Baworskim Geiselhöringu wot swojeho 61lětneho susoda atakowany. Tón bě klepanja dla čuwy zhubił a zaklinka pola hobby-kucharja, kotryž sej runje wječer přihotowaše. Po tym zo bě tón ničo złeho njewočakujo durje wočinił, jeho rozhorjeny a njemdry susod werbalnje kaž tež ćělnje nadběhowaše. Policija dyrbješe zapřimnyć.
Lubowarjo hwězdźinow měli dźensa w nocy njebjo dokładnje wobkedźbować. Šansa, wulku ličbu tajkich wuhladać, je wulka. Dokelž je młody měsačk lědma widźeć, su wuměnjenja za wobkedźbowanje tak mjenowanych Lyridow idealne. W času wot połnocy hač k schadźenju słónca móžemy z 15 do 20 hwězdźinami na hodźinu ličić, připowědźi předsyda Zjednoćenstwa přećelow hwězdow Uwe Pilz.
