Damaskus (dpa/SN). Prěni raz po 15 lětach přebywa francoski prezident Emmanuel Macron na statnym wopyće w Syriskej. Po informacijach syriskeje organizacije za čłowjeske prawa dožiwichu woby­dlerjo stolicy Damaskusa w nocy krótko za sobu dwě detonaciji, jednu z njeju blisko hotela, w kotrymž Macron přenocuje. Wuchowanske mocy a chorobne awta běchu hnydom na městnje. Oficialne informacije wo přičinach eksplozijow kaž tež wo móžnych škodach abo woporach dotal njepředleža.

Ruske lětadło wotpopadnyli

London (dpa/SN). Britiske bojowniske lětadła­ su wčera nad sewjernym Atlantikom ruske patruljowe lětadło wotpopadnyli. Zakitowanske ministerstwo w Londonje zdźěli, zo běše ruska mašina britiskemu nošakej lětadłow přeblisko přišła a nimo toho wjacore sonarne boje (Sonarbojen) wotćisnyła. Na namołwu, swoju poziciju změnić, njeběše ruska wobsadka reagowała.

Liebich dyrbi w Němskej do jatby

Lima (dpa/SN). Najebać dojednanje mjez Iranom a USA, zo maja transportne łódźe zaso swobodny přejězd přez Hormuski přeliw, je wobsadka tankowca wčera nadpad na swoju łódź přizjewiła, kotraž běše tam po puću. Na łódźi běše woheń wudyrił, po tym zo běše ju dotal njeidentifikowana bomba wosom mórskich milow před omanskim pobrjóžnym městnom Lima trjechiła. Tole zdźěli britiski zarjad za wěstotu wikowanskeho łódźnistwa (UKMTO). Zranił so nichtó njeje.

Štó za nadběhom tči, dotal jasne njeje. Znaty US-ameriski medijowy powěsćowy portal Axios rozprawješe, powołujo so na dweju wysokeju zastojnikow USA, zo su iranske rewoluciske gardy w nocy znajmjeńša dwě rakeće do směra łódźe wottřělili.