Wobšěrny přehlad wo stawiznach Ruskeje rewolucije a Sowjetskeho ...
W swojej knize „Das Haus der Regierung“ wotkrywa nam Jurij Sljozkin (Yuri Slezkine) nimale sto lět stawiznow: Wone sahaja hač ke korjenjam socialistisko-komunistiskich hibanjow a wottam hač k dobje po Druhej swětowej wójnje. Podtitul publikacije z lěta 2018 „Eine Saga der Russischen Revolution“ njeje na žadyn pad přehnaty.
63lětny awtor Jurij Sljozkin je rusko-židowskeho pochada – rodźeny w Sowjetskim zwjazku – a wuči dźensa jako profesor stawiznow w Kaliforniskej. Po studiju na filologiskej fakulće Moskowskeje Uniwersity Lomonosowa bě wón wupućował.
Kniha Sljozkina je rozrjadowana do třoch zwjazkow z dohromady šěsć dźělemi, kotrež wobsteja z 33 kapitlow. K tomu mamy epilog, předsłowo a přiwěšk z registerskim aparatom. Titule jednotliwych dźělow knihi su wědomje po wotběhu jedneje wumóženskeje stawizny natwarjene.
Són wo čłowjeku noweho typa
W rěči, wěrje a tradiciji zakótwjene
Přezpólne spěwarki – Rowniske glosy – slepjanšćinu zaměrnje zachowuja
Wulki swjedźenski ćah je Rownjanow a jich hosći w septembrje 2006 zawjeselił. Tak dopominachu tehdy na 200lětne wobstaće Njepilic statoka. Wosrjedź swjedźenskeho ćaha předstaji spěwna skupina Rowniske glosy wobraz wo serbskim nałožku přezpólneho spěwanja „Pćezpolne spiwanje“. „Hač do lěta 1955 bě nałožk w Rownom žiwy. Zo móhli jón awtentisce pokazać, bě tójšto dźěła trěbne“, powěda Rownjanka Erika Petrikowa. Mějachu zajimowane žony za skupinu namakać. Runje tak wažne bě narodnu drastu přezpólnych spěwarkow zestajeć. Wona wobsteji z módrozeleneje plisěrowaneje suknje, z běłeho płatoweho šórcucha a słónčneho rubiška, běłeho rubiška z róžowym mustrom. Předewšěm Erika Petrikowa a Rita Krautzowa stej tehdy zaměrnje zajimče pytałoj a namakaštej je w Rownom, Trjebinje, Mułkecach, Slepom, Budyšinje a Choćebuzu. Pilnje nazwučowachu sej wone za předstajenje nałožka typiski kěrluš „Dowěr so Bogoju“.
Dr. Pětr Brězan: „Serbja su hłuboko wěriwy jutrowny lud“
Jutry wozjewjeja křižerjo wjesołe poselstwo wo zrowastanjenju Jězusa Chrystusa. Lětsa pak je wšitko hinak. Koronapandemije dla so křižerske procesiony njewotměja. Skótny lěkar dr. Pětr Brězan z delnich Sulšec hižo wot lěta 1946 bjez přestawki w Kulowskim procesionje sobu jěcha. Lětsa by tomu 75. króć było, zo by poselstwo do Ralbičanskeje wosady sobu njesł. Wo tejle wosebitej situaciji a jeho myslach k jutram je so Andreas Kirschke ze serbskim katolikom rozmołwjał.
Knježe dr. Brězano, křižerske procesiony lětsa na wukaz sakskeho ministerstwa za strowotnistwo a socialne njebudu. Kak sće powěsć přijał?
P. Brězan: Ja to wulce wobžaruju, ale zdobom dowidźu. Strowota kóždeho jednotliweho čłowjeka steji nětko na prěnim městnje. Po wšěm swěće howrjaca koronapandemija je hižo tójšto smjertnych woporow zawostajiła.
Što chceće nětko činić?
K Božej česći a křižerjam k spomóženju
Kulowčanka Marja Hančcyna by Ralbičanskim křižerjam lětsa 30. króć hospodu poskićiła
W martrownym tydźenju maja poprawom wšitcy ruce połnej dźěła. Lětsa pak je wšitko trochu hinak. Jutry dźě wotměja so bjez nam wšitkim derje znatych křižerjow. Minjene lěta je ličba křižerjow w nimale wšěch dźewjeć křižerskich procesionach přiběrała, a tak bě zdobom trjeba jim zaručić městno, hdźež móžeš konja we wopytanej wosadźe wotstajić a sej přestawku popřeć. Hdyž so Ralbičanski křižerski procesion dopołdnja do Kulowa nastaja – stajnje něhdźe 300 muži jich je –, zo by wozjewjał zrowastanjenje Chrystusa, wjesela so křižerjo tež na hospodliwosć Kulowskich hospozow.
Nastajenje z časa dźěćatstwa
Lětsa by tomu było 30. króć, zo pohosćataj tam Hančkec mandźelskaj wobstajnje něhdźe dźesać Ralbičanskich křižerjow a zaručataj tež zastaranje koni. Čehodla ma Marja Hančcyna, kotrejž budźe spočatk meje 70 lět, to za samozrozumliwe a trěbne, za to namakaš wotmołwu w jeje zažnym dźěćatstwje.
Z wulkoměsta do (nje)zanjeseneho kućika Łužicy ćahnyłoj
Jědźeš-li nimo pensije, lodarnje a kofejownje „Kśišowka“ w Huštanju (Wüstenhain), móžeš za rjenje wutwarjenej imobiliju jenož hišće začuwać, zo bě to něhdy bróžnja.
Rozsud Sandry Wilhelmoweje a Hanza Wylema-Keła, do Delnjeje Łužicy ćahnyć, bě prawy. Zeznałoj běštaj so w Lipsku. Sandra wottam pochadźa, Hanzo z Drježdźan. Staj potajkim wobaj wulkoměšćanaj. W lěće 2015 pak běštaj so na njewšědny krok zmužiłoj. W Huštanju, zanjesenej wsy njedaloko Wětošowa, bě stary knježi dom na předań.
Jutry doma
Dokelž njemóžemy lětsa žane křižerske procesiony widźeć, je Mila Dźisławkec z Dobrošic tajki namolowała. Pjeć lóštnych zmylkow pak je wona zapřijała. Namakaš je?Rysowanka: Mila Dźisławkec
Najebać koronapandemiju, kotraž so po cyłym swěće wuskutkuje, ludźo we wjele krajach jutry swjeća. Byrnjež to lětsa jenož doma w swójbje było, so přiwšěm wjeselimy. Tež w Armenskej, Mexiku a Běłoruskej dźěći jutrowne nałožki a tradicije pěstuja. W Sierra Leone wone zmije pušćeja, w Běłoruskej drjewjane jejka pomoluja. W Mexiku wotměwaja poprawom wulke procesiony, tajke pak tam tónraz njebudu, dokelž njejsu dowolene.
Tež w Serbach njeje tónkróć wjele jutrownych nałožkow móžnych. Na Budyskim Hrodźišku je jejkakulenje wotprajene, a najwšelakoriše zarjadowanja wupadnu. Bolostne tohorunja je, zo lětsa žanych křižerjow njewuhladamy. Po cyłym swěće mamy so rjanych nałožkow wzdać, ale přiwšěm móžemy jutry dostojnje swjećić. Bianka Šeferowa
Nowej logo a icon trěbnej
Foće: Matej Dźisławk SERBSKE NOWINY – KÓNCTYDŹENSKA PŘIŁOHA
Pjatk, 3. apryla 2020
Wjele serbskich młodostnych je runje doma, tuž do dźěła zdar: Trio a Kumple pytaja nowy logo! • Za to trjebaja pomoc serbskich wuměłčow a wuměłcow. • Za dalše profesionelne dźěło (na přikład rozšěrjenje w interneće a socialnych medijach) stej trěbnej LOGO a ICON! Wonej měłoj originelnej, jednorej, ale tež fleksibelnej być – a to hladajo na to, zo matej so na wšelakich wabjenskich srědkach (na př. drasće abo flajerach) wužiwać. • Wobdźělnikam kiwatej pjenježne/materielne myto kaž tež wuhlad na dalše zhromadne dźěło na polu medialneho wuhotowanja. • Swoje prěnje skicy a kreatiwne namjety sćelće prošu z předmjenom a swójbnym mjenom na , a to hač do 30. apryla. Fabian Hejduška
Zrudni zawrjenja dla njejsu
Helena Hrjehorjec z Konjec, 17 lět
Lětsa mam pruwowanja, a tak dóstawamy nadawki w předmjetach, w kotrychž pruwowanje złožimy. Dyrbimy pak sej připódla tež tójšto sami přiswojić. Tohodla kóždy dźeń něšto za šulu činju, zbytny čas staršimaj pomham abo Netflix hladam. Dokelž so z přećelemi nětkole tak intensiwnje zetkać njesměmy, je to wšón jara wostudły čas.
Ławrjenc Bobka z Miłoćic, 17 lět Mam tójšto za dźěło. Dopołdnja pomham našemu nanej na statoku. Staram so wo konje abo dźěłam drjewo. Druhdy so dźěło tež hač do popołdnja ćehnje. Na mnóstwje domjacych nadawkow wšak pytnu, zo njejsu to žane prózdniny, ale takrjec samostatne wuknjenje doma.
Rafaela Domaškec z Nowoslic, 17 lět
67. wubědźowanje wo najrjeńšeserbske jutrowne jejko ...
w
w
w
w
w
w
w
w
Wšitke kolekcije so zaso wróća, wuwzaće je z Młodźinskim spěchowanskim mytom wuznamjenjena, kotraž budźe z kolekcijemi dorosćenych wustajena. Wjeselimy so, hdyž so prawje wjele dźěći a młodostnych ze wšitkich regionow Hornjeje, srjedźneje a Delnjeje Łužicy na wubědźowanju wobdźěli!
Spěchowanski kruh za serbsku ludowu kulturu z.t. Póstowe naměsto 2, 02625 Budyšin e-mail: www. volkskultur.sorben.com tel.: 03591 / 550 108 (Załožba za serbski lud projekt spěchuje.)
Jury móže mytować młodostneho/młodostnu z Młodźinskim spěchowanskim mytom w hódnoće 75,00 E.
Dobyćerjo dóstanu wopismo a pjenježne myto po starobje, w hódnoće 5,00 do 25,00 E, abo tróštne myta.
Wěcywustojna jury posudźuje zapodate kolekcije po starobnych skupinach a wuzwoli dobyćerjow.
Domowina – Zwjazk Łužiskich Serbow z.t. hesło: jutrowne jejka PF 16 28 02606 Budyšin/Bautzen.
Wotedać maja so kolekcije z 2 wudutymaj kokošacymaj jejkomaj (swójske kreacije, swójbne- a regionalne tradicije). Wobdźělenje z wjacorymi technikami je móžne.
Młodostnipomoc poskićeja
Wosebje po socialnych syćach młodostni wuměnkarjam a chorym pomoc poskićeja, za nich nakupować jěć abo druhe wobstaranja přewzać.
To zdźěli na přikład tež Radworska młodźina na Facebooku. Wot póndźele do pjatka wot 10 do 14 hodź. móža so potrěbni pod tel. čo. 0173/242 8474 přizjewić.
Tež w Kulowje młodostni wšěch klubow „United Clubs for Kulow“ mjeztym hižo dwaj tydźenjej pomoc poskićeja. Tak tež woni nakupuja abo so z psom wuchodźuja. Pod 0178/18 19 414 móža so tam pomoc pytacy z Kulowa a wokolnych wsow přizjewić!
Jurij Bjeńš
