Za młodym swójbam atraktiwny Bart
Fonds „Čiń sobu!“ pomha tamniše lokalne industrijne stawizny we wjesnym zhromadźenstwje bóle zakótwić
Model Bartskeho drjewoweho designera Ulricha Langi za hrajkanišćo, kotrež ma w susodstwje Bartskeje pěstowarnje nastać Foto: Ulrich LangeZe stawiznow wurosće identita. Industrijne stawizny će wćipne činja, hdyž su hišće swědčenja, z kotrymiž móžeš so rozestajeć. Za to pak trjebaš angažowanych wobydlerjow.
W Barće, gmejna Malešecy, zdawa so to wšo na jednym městnje być. Techniski pomnik bazaltowy zawod, hdźež běchu sej wot 1930 hač do 1993 přez lětdźesatki wjacore generacije wjesnjanow swój wšědny chlěb zasłuželi, nětko z lokomotiwu bywšeje jamoweje železnicy symbolisce wosrjedź wsy steji. Horliwcy su stawizny tam „přinjesli“, hdźež wšědnje na nje storčiš. To bě prěni zwoprawdźeny z dohromady pjeć projektow, mytowanych we wobłuku lońšeho idejoweho wubědźowanja „Čiń sobu!“.
Parowane potrjeby strony CDU/CSU a FDP posłužowachu Zhladowanje na lěta přewróta – 23
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
Štóž sej mysli, zo da so Ruska ze sankcijemi abo z poniženjom zatrašić, tón kmanosć tohole ludu, ćerpjeć móc, hobersce podhódnoća. Móžeš zaćišć zdobyć, zo sej Němcy na wuchodźe Rusow dźensa bóle česća a lěpje rozumja hač za čas NDR.
Foto: SN/Hanka ŠěnecLube dźěći, ...
Lube dźěći, kusk hinaši bě lětuši swjedźeń swjateho Měrćina tež w redakciji Dźěćiznaka. Hewak su přišli nas wopytać dźěći z pěstowarnje „Jan Radyserb-Wjela“. Tónraz pak njejsmy słyšeli jich wo swjatym Měrćinje spěwać a tež nic hrónčko, kotrež wy wšitcy znajeće. Zawěsće pak sće na swojich wsach, z bratrom abo sotru byli so pola susodow prašeć: „Njej’ tu swjaty Měrćin był?“ Napišće nam, kak sće tón dźeń swjećili, abo narysujeće něšto. My to rady wozjewimy. Naš Handrij je tohorunja starosće měł. Ale to najlěpje same čitajće.
Zajim za powołanje budźić
Foto: gabriela Hórnikowa
W itaj-skupina z Radworskeje pěstowarnje AWO je njedawno Šmitec pućowanski běrow we wsy wopytała. Hižo dlěje smy so z temu „powołanje“ zaběrali a běchmy tuž wćipni, što nas pola Šmitec wočakuje. Diana Šmitowa je nas lubje powitała a do běrowa přeprosyła, hdźež jězby planuja. Zesydachmy so a připosłuchachmy jej. Dalši běrow je za knihowanje jězbow. Dale smy šli do dźěłarnje. Tam bě wšitko jara zajimawe, wšako tam busaj na reparaturu čakaštej. Fachowcaj staj nam wšitko pokazałoj a rozkładowałoj, što maja wšitko zwuporjedźeć. Na to smy so na dwór podali a ličili, kelko busow tam steji. To bě chětro wulka ličba. Diana je nam jedyn bus wočiniła. A tuž su sej wšitke dźěći spěšnje do njeho zalězli, so tam zesydali a so prawje připasali. Haj, to bě překwapjenka. Wona je nas z busom hač k šuli na zastanišćo dowjezła, kaž to hewak ze šulerjemi činja. Jězba dźěše hišće dale, přez Chelno a Čorny Hodler zaso wróćo do Radworja. To bě wulke wjeselo!
Wjesela so hižo na rjanu nalětnju pychu
Hačrunjež běchu lětsa w nazymskich prózdninach za was dźěći korony dla móžnosće ze staršimi sej něhdźe dojěć wobmjezowane, sće zawěsće přiwšěm rjanej tydźenjej měli, na kotrež so rady dopominaće. Chowancy Njeswačanskeho horta podachu so w druhim prózdninskim tydźenju ze swojimi hortnerkami do tamnišeho hrodoweho parka. Njejsu pak so tam jenož wuchodźowali. Wjesnjanosta Gerd Schuster a nawodnica gmejnskeho twarskeho zarjada Katrin Ullrich rozdźělištaj wšitkim dwaceći šulerjam 3 000 kwětkowych cybličkow, kotrež su woni w běhu dopołdnja na wulkej łuce do zemje tykali. Liam Kubašec z Koslowa, wona chodźi do 1. lětnika, měješe w swojim korbiku wjele narcisowych cybličkow, kotrež budu nalěto kćěć. Jolija Mackec, Katarin Jasnyjec a Alma Jurkec, šulerki 2. lětnika, tykachu z pomocu wjesnjanosty krokusy a hyacinty. Wšitke dźěći wopokazachu so jako pilni zahrodkarjo a su hižo wćipne na nalěćo, hdyž budu „jich“ kwětki po cyłej łuce kćěć. Tak su ze swojim dźěłom zaručili, zo změje tam potom wjele wopytowarjow parka swoje wjeselo. Tekst a foto: Alfons Handrik
2 000 kilometrowz kolesomso wubědźował 1. dźěl
25. julija 2020 tak daloko bě.
foće: tomaš šołtafoto: rafael ledźborfoće: feliks hazafoće: ...
ralbicy
(w Róžeńčanskej
putniskej cyrkwi)
Pjatk, 6. nowembra 2020
SERBSKE NOWINY – KÓNCTYDŹENSKA PŘIŁOHA
W tójšto serbskich wosadach bu wjac hač 150 serbskich a němskich młodostnych nětko skónčnje firmowanych, po tym zo bě swjatk koronapandemije dla nalěto wupadnył. Tak je něhdyši Zhorjelski a Augsburgski biskop dr. Konrad Zdarsa młodych wěriwych na přikład w Radworju, Chrósćicach (wulki wobraz) a Wotrowje firmował. Delanskim holcam a hólcam wudźěli sakrament emeritowany biskop Joachim Reinelt tónkróć – a to scyła prěni raz – w Róžeńčanskej putniskej cyrkwi. Ta je wjetša hač Ralbičanska a je so tuž w času pandemije, hdźež mamy wosebje na wotstawk kedźbować, lěpje hodźała. Někotre impresije tohole wulkeho swjedźenja smy za was na tutej stronje zestajeli. Jurij Bjeńš
Wopytw Njechornju
Serbšćinarjo 9. lětnika Kulowskeje wyšeje šule pobychu njedawno ze swojej wučerku Ines Lešowej w Domje Měrćina Nowaka w Njechornju,
zo bychu so wobšěrnišo ze žiwjenjom wuměłca a spisowaćela zeznajomili. Wšako wo nim hižo we wučbje serbšćiny rěčachu. Róža Pinkawina běše hnydom zwólniwa, jich přewodźeć a nazornje informować. Wosebje so młodostni dźiwachu, z kak jednorych poměrow bě so hólčec k wulkotnemu wuměłcej wuwił. Po wopyće ateljeja a bydlenskeho domu Njechorńskeho dźěłachu šulerjo na dźěłowym łopjenu w serbskej rěči. Naposledk so knjeni Pinkawinej wutrobnje dźakowachu, prjedy hač so zaso na dompuć do Kulowa podachu.
Achim Nowak
Nowy
S
P
Ě
W
tekst a fota: matej dźisławk
Njedźelu we 18 hodź. móža so fanojo serbskeje rap-hudźby wjeselić na nowy spěw trójki Lil Handrij, FloJ & SMAN ze spěwom Krabat. Samo widejo, kotrež su w minjenych tydźenjach z pomocu tójšto serbskich
a němskich
młodostnych natočili, k tomu zaso wuńdźe. Na Youtube, Instagramje a Facebooku jón předstaja.
LAN-party wotměli
LAN-party wotměli
LAN-party wotměli
foće: benjamin greger
Spočatk oktobra přewjedźechmy w Smječkecach LAN-party. Za nju wotnajachmy nowu renowěrowanu žurlu wjesneho kluba. LAN-party běchmy hižo měsac do toho organizowali, wšako dyrbjachmy hygienowy koncept předpołožić, a tón dyrbjachu hišće wotžohnować. Dowolene bě 20 městnow, kotrež móžachu ludźo do toho internetnje rezerwować. W běhu třoch dnjow běchu wšitke skazane.
W pincy młodźinskeho kluba zarjadowachmy wobłuk, hdźež móžachu hrajerjo wotpočnyć, štož woni jara derje přiwzachu. W času LAN-party wosta młodźinski klub za wšitkich dalšich ludźi zawrjeny. Tak zaručichmy, zo bě woprawdźe jenož tych 20 wosobow w rumnosći.
Pod předpisami hygieny poskićachmy tež jědźe a napoje.
Wužadanje bě rezerwowane městna tak zrjadować, zo bu žadany połdrameterski wěstotny wotstawk dodźeržany, ale zdokonjachmy to. Dalšu LAN-party planujemy w februaru/měrcu
2021.
Benjamin Greger
