Swójby so zetkaja
Radwor. Pod hesłom „Zhromadnosć, wuměna, zrozumjenje a podpěra“ wotměje so sobotu, 21. měrca, wot 15 do 17 hodź. na Radworskim dwórnišću zetkanje za swójby z dźěćimi, kotrež su zbrašene abo chronisce chore. Při kofeju a tykancu budźe chwile za měrne rozmołwy. Dźěći budu sej hrajkać a paslić móc. Zajimcy njech přizjewja so e-mailnje pod .
Debja jutrowne jejka
Slepo. Wjace hač 30 debjerjow jutrownych jejkow wobdźěli so sobotu a njedźelu na jutrownych wikach w Slepjanskim Serbskim kulturnym centrumje. Wo kulturne wobrubjenje staraja so dźěći Trjebinskeje pěstowarnje, Grodkowscy dujerscy muzikanća a Slepjanski folklorny ansambl. Přistupna budźe tohorunja wosebita wustajeńca Njeswačanskeje debjerki jejkow Sylviny Schilling.
Rěčna hodźina zapósłanče
Jutrowne wiki w stolicy
Při pomniku rjedźa
Pančicy-Kukow. Předsydstwo Domowinskeje skupiny Pančicy-Kukow swojich čłonow prosy, zo bychu so w prawje bohatej ličbje na nalětnim rjedźenju wokoło pomnika Ćišinskeho w Lipju wobdźělili. Zhromadna akcija wotměje so štwórtk, 19. měrca, wot 17 hodź. Wotpowědny grat njech sej prošu kóždy sam sobu přinjese.
Radźićeljo wuradźuja
Chrósćicy. Přichodne posedźenje Chróšćanskeje gmejnskeje rady wotměje so jutře, štwórtk, w 19 hodź. w gmejnskim a kulturnym centrumje „Łužica“. Mjez druhim maja radźićeljo wólbje nawodnistwa Chróšćanskeje wohnjoweje wobory přihłosować. Dale zaběraja so z hospodarskim planom Chróšćanskeje gmejny za lěto 2026 a z wužiwanjom srědkow z tak mjenowaneho Sakskeho fondsa. Zajimcy su wutrobnje witani.
Při pomniku rjedźa
Pančicy-Kukow. Předsydstwo Domowinskeje skupiny Pančicy-Kukow swojich čłonow prosy, zo bychu so w prawje bohatej ličbje na nalětnim rjedźenju wokoło pomnika Ćišinskeho w Lipju wobdźělili. Zhromadna akcija wotměje so štwórtk, 19. měrca, wot 17 hodź. Wotpowědny grat njech sej prošu kóždy sam sobu přinjese.
Nowy informaciski system
Budyšin. Z nowym wuhotowanjom prezentuje so wotnětka internetny informaciski system za wobydlerjow města Budyšina. Kaž měšćanske zarjadnistwo zdźěli, je wobsah samsny kaž dotal, wužiwanje pak je jednoriše. Wobzamknjenja měšćanskeje rady, wuběrkow a dalšich gremijow su přehladnje zestajane a tež zjawne předłohi tam wozjewjeja. Tuž namakaja zajimcy tam wšitke trěbne informacije. Přistup k informaciskemu systemej je z pomocu linka na internetowej stronje města móžny.
Wjazaja křižerske sekle
Wo dožiwjenjach w USA
Wojerecy. Na swoje přichodne zarjadowanje w rjedźe „Rěčna swětłownja“ přeprošuje Domowinska župa „Handrij Zejler“ wšitkich zajimcow jutře, wutoru, w 16 hodź. do Domowinskeho doma na Drježdźanskej. Tam porěči bywši wučer a šulski nawoda Joachim Glücklich wo swojich dožiwjenjach w USA. Hesło jeho přednoška rěka „Won do swěta“. Zastup je darmotny. Organizatorojo župy nadźijeja so bohateho wobdźělenja.
Radźićeljo wuradźuja
Pančicy-Kukow. Přichodne zjawne posedźenje zaměroweho zwjazka Při Klóšterskej wodźe wotměje so jutře, wutoru, w 19 hodź. w twarjenju zarjadniskeho zwjazka na Póštowej w Pančicach-Kukowje. Zastupjerjo sobustawskich gmejnow Chrósćicy, Njebjelčicy, Pančicy-Kukow, Ralbicy-Róžant a Worklecy zaběraja so mjez druhim ze změnu wužiwanja plana ležownosćow. Zajimcy su wutrobnje witani.
Debja jutrowne jejka
Smjerdźaca. W Serbskim kubłanskim srjedźišću LIPA w Smjerdźacej štwórtk, 26. měrca, zhromadnje jutrowne jejka debja. Pod nawodom Jany Pawlikoweje móža so zajimcy wot 17.30 hodź. w bosěrowanju jejkow z pisanym wóskom wuspytać. Za to njech sej prošu wudute jejka sobu přinjesu. Wobdźělenje płaći na wosobu dźesać eurow. Přizjewjenja přijimuja e-mailnje pod abo pod telefonowym čisłom 01520 8783147.
Zběraja wotpadki
Serbske Pazlicy. Na wjacorych serbskich wsach chcedźa jutře wotpadki zběrać. W Serbskich Pazlicach zetkaja so wobdźělnicy w 9 hodź. na nawsy, w Hrańcy w samsnym času při wjesnym haće a w Sernjanach tohorunja w 9 hodź. na nawsy. Rukajcy a wotpadkowe měchi budu wšudźe přihotowane. Organizatorojo nadźijeja so prawje bohateho wobdźělenja. Z akciju podpěruja Dny hromadźenja wotpadkow w Budyskim wokrjesu. Hdźe w blišim času hišće wotpadki zběraja, zhonja zajimcy internetnje pod .
Přewjedu kurs ploterowanja
Łužica ze serbskeje perspektiwy
Wojerecy. Wuznamej serbskeje kultury za Łužicu wěnuje so Hrodowa rozmołwa jutře, srjedu, wot 18 hodź. we Wojerowskim hrodźe. Pod hesłom „Łužica ze serbskeje perspektiwy“ předstaji dr. Jörg Heidig aktualny łužiski monitor. Studija złožuje so na reprezentatiwne naprašowanje a rysuje realistiski wobraz towaršnosće we Łužicy. Loni běštej serbska kultura a serbska rěč wosebitej ćežišći naprašowanja. Wuslědki a dopóznaća z naprašowanja prezentuja we wobłuku rozmołwy.
Radźićeljo wuradźuja
Radwor. Přichodne posedźenje Radworskeje gmejnskeje rady wotměje so jutře, srjedu, we 18.30 hodź. w schadźowarni Radworskeje gmejny. Mjez druhim póńdźe wo twarske dźěła na Grólmusowej w Radworju a wo wužiwanje srědkow z tak mjenowaneho Sakskeho fondsa.
Přehladka grafikow widźeć
Informuja wo spěchowanju
Pěskecy. Towarstwa, iniciatiwy a wšitcy dalši zajimowani wobydlerjo su jutře, wutoru, we 18 hodź. do Pěskečanskeho sportoweho domu na wobydlersku zhromadźiznu přeprošeni. Tam informuja kulturna załožba Swobodneho stata Sakskeje, krajnoradny zarjad, Towarstwo za wuwiće Hornjołužiskeje hole a hatow, Domowina a Załožba za serbski lud wo swojich móžnosćach spěchowanja. Nimo toho předstaja projekt přetwara Pěskečanskeho sportoweho domu.
Stipendije za kurs čěšćiny
Budyšin. Štóž ma zajim za rěčny kurs čěšćiny w Praze wot 16. julija do 13. awgusta 2026 abo w Čěskich Budějovicach wot 2. awgusta do 24. awgusta 2026, njech w Rěčnym centrumje WITAJ hač do njedźele, 15. měrca, swoje přizjewjenske podłožki woteda (Póstowe naměsto 2, 02625 Budyšin, e-mail: ). Wotpowědny formular a dalše informacije su na internetnej stronje přistupne. Sobudźěłaćerjo RCW na prašenja rady wotmołwja.
Nagel, Janáček, Bulank w koncerće
Žony w rozmołwje
Hórnikecy. Cyle w znamjenju Mjezynarodneho dnja žonow steji njedźelu, 8. měrca, Hórnikečanska energijowa fabrika. We wobłuku zarjadowanjow za kachlemi přeprošuja tam na podijowu rozmołwu z třomi žonami, kotrež so we Łužicy angažuja. Z hosćom budu filmowča Grit Lemke, nawodnica Wojerowskeho hrodu a měšćanskeho muzeja Kerstin Noack a Wojerowska předewzaćelka Frauke Hofmann. Zarjadowanje započnje so w 14 hodź. Kulturna załožba Swobodneho stata Sakskeje je spěchuje. Zastup płaći dźesać eurow.
Jejka debić
Wojerecy. Serbske jutrowne jejka za zahrodu debić móža zajimcy přichodne dny we Wojerecach a Ptačecach. Tole zdźěli rěčna motiwatorka Marija Šołćic. Terminy su 11. měrca wot 14 do 16 hodź. a wot 17 do 19 hodź. we Wojerowskim Domowinskim domje na Drježdźanskej, 18. měrca wot 17 do 19 hodź. w Ptačecach we wosadnicy při cyrkwi, 22. měrca wot 13 do 17 hodź. we Wojerowskim Łužiskim centeru a 25. měrca wot 16 do 17.30 hodź. we Wojerowskej měšćanskej bibliotece Brigitte Reimann. Wobdźělenje płaći tři eura na wosobu. Zajimcy njech přizjewja so pod telefonowym čisłom 03571 601613.
Nowosólska zawrjena
