Multimedia w cyrkwi
Čita z knihi Preußlera
Drježdźany. Serbja w Drježdźanach a dalši zajimcy su na dohodowne čitanje w sakskej stolicy přeprošeni. Srjedu, 17. decembra, čita Lubina Hajduk-Veljkovičowa z knihi Otfrieda Preußlera „Krabat a čorny mišter“, a to popołdnju wot 14.45 hodź. do 16.15 hodź na Wienskej dróze 48, rumnosć 003 w přizemju. Zajimcy su wutrobnje witani. Zwjazk serbskich wuměłcow čitanje podpěruje.
Porěča wo Žitnych wikach
Budyšin. Přichodne posedźenje Budyskeje měšćanskeje rady wotměje so srjedu, 17. decembra, w 16 hodź. w sukelnicy na Nutřkownej Lawskej. Mjez druhim póńdźe wo namjet frakcije Swobodnych wolerjow „Přichod za Budyšin“ wo nowym wuhotowanju Žitnych wikow a wo nowych wrotach při Bohatej wěži.
Přednošuje w hospodźe
Chrósćicy. We wobłuku kulturneje zymy w Chróšćanskej putniskej hospodźe přednošuje sobotu, 13. decembra, w 19.45 hodź. Hilžbjeta Pöpelec wo swojich dožiwjenjach na Jakubowym puću w Portugalskej. Hižo w 16 hodź. su wšitke dźěći na serbske kino přeprošene.
Adwent we wsy dožiwić
Adwent we wowčerni
Adwentne wiki w klóštrje
Seniorojo škotuja
Wotrow. Lětuši posledni škotowy turněr serbskich seniorow wotměje so jutře, wutoru, we Wotrowskej starej šuli. Započatk budźe kaž stajnje w 14 hodź. Nowačkojo su wutrobnje witani. Po kartyplacanju počesća sydom najlěpšich hrajerjow lěta 2025. Prěni turněr lěta 2026 wotměje so 27. januara w Kubicec hosćencu w Lejnje.
Radźićeljo wuradźuja
Malešecy. Přichodne posedźenje Malešanskeje gmejnskeje rady wotměje so jutře, wutoru, w Malešanskim sportowym domje. Započatk budźe w 19 hodź. Porěčeć chcedźa radźićeljo mjez druhim wo wohnjowobornym planje, wo nowym jězdźidle za komunalny twarski zawod a wo terminach posedźenjow w přichodnym lěće.
Pytaja zwólniwych za wuběrk
Adwentne wiki přeprošuja
Rakecy. Ze zwonjenjom zwonow Rakečanskeje cyrkwje chcedźa jutře w 14 hodź. tamniše adwentne wiki na wjesnym swjedźenišću zahajić. Wo kulturne poskitki postaraja so w běhu popołdnja pozawnowy chór, pěstowarske dźěći a chór žonow. W 16 hodź. wočakuja rumpodicha. Wot 18 hodź. su zajimcy na party do pincy přeprošeni. Přistupna budźe wustajeńca stawizniskeho towarstwa.
Kulow. Hižo w 13 hodź. započnu so jutře adwentne wiki w Kulowje. Tež tam wuhotuja wjacore cyłki kulturny program, mjez druhim chór hudźbneje šule z partnerskeho města Tanvald. W 14 hodź. zjawnje zdźěla, kotry nadawk ma měšćanosta lětsa spjelnić. Hač je to zdokonjał, zhonja zajimcy we 18.30 hodź. W Jakubecowym wustawje wustajeja drohoćinki z Kulowskeho farskeho archiwa.
Bart. Bartske dohodowne wiki wotměja so njedźelu wot 10 hodź. na torhošću. W 14 hodź. nakraje wjesnjanosta wosušk. Po tym přichwata rumpodich. Na předań poskića mjez druhim madźarske wino, adwentnu dekoraciju a speciality dźiwizny.
Jubilej zakónča w hospodźe
Wustajeja fota wo drasće
Bukecy. Składnostnje adwentnych wikow w Bukecach wotewru pjatk, 5. decembra, w 17.30 hodź. w Bukečanskim gmejnskim zarjadnistwje na Karla Marxowej čo. 16-17 fotowu wustajeńcu wo drasće ewangelskich Serbow Budyskeho kraja. Za to je so fotograf Tilo Aé z Brandisa dwójce z Bukečanskej drastowej skupinu na fotoshooting zetkał. Wustajeńca budźe poł lěta w gmejnskim zarjadnistwje widźeć.
Do dźiwadła na kofej a tykanc
Sulšecy. Němsko-Serbske ludowe dźiwadło předstaji njedźelu, 7. decembra, aktualnu inscenaciju „Won do swěta“ w Sulšečanskim Kulturnym domje. Hra tematizuje stawizny serbskich wupućowarjow, kotřiž su w Americe, Africe abo Awstralskej za nowej domiznu pytali. Předstajenje započnje so w 17 hodź., zastup płaći 15 resp. potuńšeny 9 eurow. Hižo wot 15 hodź. poskićuja za přidatny popłatk adwentny kofej a tykanc. Zajimcy njech skazaja sej swačinu hač do jutřišeho pjatka pak telefonisce pod čo. 03591 584225, pak z mailku na .
Dujerska hudźba zaklinči
Wuměłcy so schadźuja
Budyšin. Zwjazk serbskich wuměłcow wuhotuje jutře, štwórtk, swoju lětušu adwentničku a zdobom swoju hłownu zhromadźiznu w Budyskej Röhrscheidtowej bašće. Přeprošeni su čłonki a čłonojo runje tak kaž přećeljo, podpěraćeljo a zajimcy zwonka towarstwa. Kulturne přinoški posrědkuja wot 16.30 hodź. mjez druhim literatka Lenka, hudźbnik Syman Hejduška a tworjacy wuměłc Thomas Schwarz.
Zymske chłóšćenki a wokable
Radwor. Syć za serbsku rěč a regionalnu identitu ZARI přeproša jutře, štwórtk, na kreatiwny kurs „Serbska kuchnja za swójby – zymske recepty z jabłukom“. Při přihotowanju a woptanju chłóšćenkow změja wobdźělnicy składnosć, nowe wokable nawuknyć a hnydom nałožować. Zarjadowanje započnje so w 16 hodź., popłatk wučinja 5 eurow na wosobu. Zajimcy njech přizjewja so z mejlku na raphaela.
Předstaja komediju z Grodka
