Róžant. Wosebite knižne popołdnjo budźe jutře, štwórtk, w 17 hodź. na Glawšec dworje w Róžeńće. Tam změje kniha Svena Nordqvista „Kak je Findus k Petterssonej přišoł“, wušła w Ludowym nakładnistwje Domowina, premjeru. Kniha wo tym powěda, zo bydleše Pettersson sam w swojej chěžce a zo měješe jenož swoje kokoše. Rjaneho dnja dari jemu susodka karton z napisom „Findus. Zeleny hroch“. W nim pak njebě hroch, ale kocork. To bě spočatk přećelstwa. Štóž chce wědźeć, kak stawizna pokročuje, njech přińdźe jutře popołdnju do Róžanta.

Mokrica zaso rosće

Chrósćicy. Sobudźěłaćerjo Němskeje ­dataje za darićelow mozowca (DKMS) přewjedu we wobłuku Chróšćanskeho folklorneho festiwala akciju, hdźež móža so wobydlerjo w starobje 17 hač do 55 lět za darowanje mozowca (Knochenmark) registrować dać. Na te wašnje ma so ­małemu Valentinej z Kulowa pomhać. Lěto stary hólčec je na leukemiju schorjeł. Jeho žiwjenje hodźi so jenož wu­chować, jeli namaka so tak mjenowany genetiski dwójnik, kotryž swój mozowc dari. Akcija w Chrósćicach wotměje so ­jutře, sobotu, we wobłuku festiwalneho wječora. Dalšich dobrowólnych da­rićelow pytaja njedźelu na kromje ko­parskeje hry Módro-běłych Kulow pře­ćiwo Energiji Choćebuz.

Předstaja mobilnu biblioteku

Budyšin. Jězbna knihownja Budyskeje měšćanskeje biblioteki změje wutoru, 1. julija, dźeń wotewrjenych duri. Wot 10 do 16 hodź. steji přetwarjeny bus na Budyskim Hłownym torhošću a zajimcow přeprošuje, so po mobilnym swěće medijow rozhladować. Za dźěći změja wše­lake zaběry přihotowane. Dale móžeš so tón dźeń wobhonić, kak nowe tablety w jězbnej bibliotece zasadźa.

Němcy. Wjesny młodźinski klub w Němcach wuhotuje jutře a sobotu zaso wulku rockowu party. K tomu su sej jědnaće DJjow přeprosyli. Nimo toho čaka na wopytowarjow kapała Lost Eden, kotraž je mjez druhim za swoju show znata. Na swjedźenišću budźetej hnydom dwě jewišći natwarjenej. Na woběmaj dnjomaj smědźa wot 21 hač do 3 hodź. swjećić. Zastupny lisćik za pjatk płaći sydom ­eurow a za sobotu dwanaće eurow. Kombilisćik za wobaj dnjej płaći 16 eurow.

Rěčna hodźina zapósłanca

Budyšin. Rěčnu hodźinu za wobydlerjow změje zapósłanc Sakskeho krajneho sejma Marko Šiman (CDU) póndźelu, 30. junija, wot 10 do 13 hodź. w swojim Bu­dyskim běrowje na Wysokej hasy (Hohengasse) 16. Zo njeby nichtó dołho ­čakać trjebał, njech sej zajimcy pod telefonowym čisłom 03591 45159 termin dojednaja.

Kühn dobył a nawjeduje

Kašecy. Z wjacorymi zarjadnisko-twarskimi naležnosćemi zaběraja so čłonojo gmejnskeje rady Pančicy-Kukow na swojim přichodnym posedźenju jutře, štwórtk. Woni zetkaja so w Kašečanskim wjacezaměrowym domje w 19 hodź. Mjez druhim wuradźuja wo twarskich wustawkach na Kimbark kaž tež wo ­wustawki za Dolinowy puć we Wotrowje. Zjawnemu posedźenju slěduje njezjawny dźěl.

Róžant. Tohorunja jutře, ale hižo we 18.30 hodź. budźe posedźenje gmejn­skeje rady Ralbicy-Róžant w Róžeńčanskej sydarni. Wjacore dypki dnjoweho porjada wobsahuja změnu projekta, po kotrejž njepřetwarja dotalny dom Ral­bičanskeje pěstowarnje na hort, ale ­twarja nowy hort pódla šule. Za tónle twar chcedźa jutře hižo prěnje twarske nadawki rozdźělić. Mjez druhim potrjechi to planowanje objekta a nošneje ­konstrukcije kaž tež planowanje tepjenja, přewětrjenja, sanitarneje techniki a elektriki.

Bjez serbskeho podźěla