„Trio a kumple“ zahudźa
Budyšin. Župa „Jan Arnošt Smoler“ Budyšin a Załožba za serbski lud přeprošujetej na nazymski koncert ze skupinu „Trio a kumple“ 5. nowembra we 18 hodź., na žurlu SLA. Zastupne lisćiki za pjeć eurow budu při wječornej kasy na předań.
Filmy Nowaka-Njechorńskeho
Budyšin. We wobłuku rjadu „Łužiske dohlady“ pokazaja zajutřišim, pjatk, 4. nowembra, na žurli Serbskeho ludoweho ansambla wot 19.30 hodź. filmy, nastate po scenarijach Měrćina Nowaka-Njechorńskeho. Zastup płaći 8 resp. potuńšeny 6 eurow.
Serbske kemše w Drježdźanach
Drježdźany. Serbja w sakskej krajnej stolicy su na maćernorěčnu Božu mšu njedźelu, 6. nowembra, w 16 hodź. do cyrkwje swj. Antonija na Bünauwskej 10 w Drježdźanach-Löbtauwje přeprošeni.
Wo hladanskej swójbje
Na měrćinsku husycu
Nowoslicy. Štóž chce sej 11. nowembra měrćinsku husycu zesłodźeć dać, móže to na dnju Swjateho Měrćina wot 18 hodź. w Nowoslicach pola Dinarjec. Na bifeju poskićeja tam husycu z neplacymi kulkami, čerwjenym kaž tež pupkatym kałom. Na wosobu płaći jědź 25 eurow. Skazanki přijimuja Dinarjecy hač do 4. nowembra pod telefonowym čisłom 0172 357 09 08 abo přez mejlku pod .
Staršisko-dźěćacy kruh
Smjerdźaca. Serbske šulske towarstwo poskići sportowy kurs za nanow a maćerje ze swojimi dźěćimi, kotrež hišće žłobik njewopytuja. Poskitk wotměje so w Kubłanskim srjedźišću LIPA w Smjerdźečanskim kulturnym domje stajnje póndźelu wot 9.30 do 11 hodź. Prěni termin je 7. nowembra. Nawod změje hojenska pedagogowka a sportowa terapeutka Michaela Rabowa. Přizjewjenja přijimuja pod abo pod telefonowym čisłom 0172 7811959. Popłatk na pjeć razow wučinja 37,50 eurow.
Dźeń kina so nawróći
Budyšin. Ze sloganom „Na zbožo je wutora“ poskića Budyske kino zaso kóždu wutoru kinowy dźeń. Na tutym dnju płaći zastup za kóždy film a kóžde městno 6,50 eurow za dorosćenych a 5 eurow za dźěći (3D-přiražka płaći přidatnje).
Předpředań zahajena
Hórki/Chrósćicy. Předpředań za kulturnu kermušu Kamjenskeje župy „Michał Hórnik“ a Hórčanskeho wjesneho towarstwa „Při skali“ je zahajena. Wutoru, 15. nowembra, wotměje so na swjedźenskej žurli Smolic statoka w Hórkach koncert ze skupinu PoŠtyrjoch, tomu přizamknje so spěwny wječor. To je předwječor pokutneho dnja, potajkim swobodneho dnja w Sakskej. Zastup inkl. wosebiteho kulinariskeho přikuska płaći w předpředani wosom a při wječornej kasy dźesać eurow. Zastupne lisćiki skazać móža sej zajimcy pola Kathariny Jurkoweje w regionalnym běrowje Domowiny w Chrósćicach pod telefonowym čisłom 035796 96254 abo z e-mailku pod .
Přeprošuja na hłownu SET
LND w Lipje
Smjerdźaca. Booki-kniha Ludoweho nakładnistwa Domowina „Wotkryj sej swoje ćěło“ steji w srjedźišću knižneje prezentacije jutře, srjedu, w 17 hodź. w Smjerčečanskim Serbskim kubłanskim srjedźišću LIPA. Přełožowarka Sylwija Šěnowa nowostku předstaji a lektorka LND Janina Mikławškowa dalše Booki-knihi prezentuje. Wopytowarjam poskići so móžnosć, sej wšě wušłe serbske wudaća w rjedźe Booki wobhladać a sej snano tón abo tamny eksemplar hižo jako hodowny dar kupić. Zastup je darmotny.
Přeprošuja na hłownu SET
Zaćmiće wobkedźbować
Předstaja operu „Wodźan“
Praha. Koncertne předstajenje serbskeje opery „Wodźan“ basnika Handrija Dučmana a komponista Korle Awgusta Kocora wotměje so jutře, pjatk, w 19 hodź. w koncertnej žurli Hlahola (Masarykovo nábřeží 248/16) w Praze. Koncert wotměje so we wobłuku Lěta Zejlerja a Kocora. Opera „Wodźan“ hižo jara dołho před publikumom předstajena njebu. Tohodla je to jónkrótna přiležnosć, ju nětko dožiwić. Na zarjadowanje přeprošuje Praske towarstwa přećelow Serbow a wjeseli so na prawje wjele wopytowarjow tež z Łužicy.
Přednošujetaj wo kolesowanju
Njeswačidło. Domizniske a kulturne towarstwo wsy přeprošuje jutře, pjatk, w 19 hodź, na multimedialny přednošk na žurli Njeswačanskeho hosćenca. Kolesowarjej ze Šwicy rozprawjataj wo swojej połlětnej jězbje po tak mjenowanej židźanej dróze hač do Irana. Jeju jězba wjedźeše mjez druhim podłu Ryna a Dunaja k Čornemu morju, dale přez Azerbajdźan, ke Kaspiskemu morju, do horin Pamira a přez pusćinu Uzbekistana hač do Irana. Organizatorojo wjesela so na bohaty wopyt.
Seniorojo škotuja
Basnje w šěsć rěčach
Budyšin. Basnje Milana Hrabala w šěsć rěčach steja w srjedźišću knižneho předstajenja z awtorom a přełožerku Róžu Domašcynej jutře, štwórtk, w 19 hodź. w Budyskej Smolerjec kniharni. Cyklus Milana Hrabala „Cestou bolesti a víry“ bu do delnjoserbšćiny, hornjoserbšćiny, němčiny, jendźelšćiny a do pólšćiny přełoženy. Knižne wudaće je Spěchowanske towarstwo za serbsku rěč w cyrkwi přewzało. Zarjadowanje je zhromadny projekt Smolerjec kniharnje a Zwjazka serbskich wuměłcow. Wšitcy zajimcy su wutrobnje witani
Křižowanišćo zawrjene
Budyšin. Wot dźensnišeho je Budyske křižowanišćo Lubijska/Pawlijowa/Fichtowa dospołnje zawrjene. Za čas dotalneho přetwara tam zwěsćichu, zo wjacore kable a roły hinak leža hač wočakowane. Zo móhli wšitko trěbne přepołožić a na wjacorych městnach runočasnje dźěłać, je dospołnjene zawrjenje trěbne, měšćanske zarjadnistwo zdźěli. Po wšěm zdaću w decembru budźe křižowanišćo zaso wočinjene.
Radźićeljo wuradźuja
Pančicy-Kukow. Asfaltowe dźěła na hłownej dróze w Kanecach budu jedna z temow přichodneho zjawneho posedźenja gmejnskeje rady Pančicy-Kukow štwórtk, 20. oktobra, w 19 hodź. w awli Šule Ćišinskeho. Dale zaběraja so radźićeljo z wohnjowobornym planom gmejny, kiž chcedźa wo lěto podlěšić. Nimo toho steja twarske naležnosće na dnjowym porjedźe posedźenja.
Dobyćerjo koncertuja
Budyšin. Němsko-Serbske ludowe dźiwadło zarjaduje njedźelu, 23. oktobra, w 11 hodź. w Muzeju Budyšin koncert dobyćerjow pólskeho hudźbneho festiwala „Silesia Sonans“. Tam wustupi skupina Tansman Trio, kotraž je wubědźowanje młodych hudźbnych talentow w Jeleniej Górje dobyła. Koncert wotměje so we wobłuku pólsko-němskeho kooperaciskeho projekta „Zhromadnje do přichoda“.
Wopominaja Zejlerja
Łaz. Solisća, chór a orchester Serbskeho ludoweho ansambla pod hudźbnym nawodom Georgiosa Balatsinosa wuhotuja jutře, sobotu, w 14.30 hodź. koncert składnostnje 150. posmjertnin Handrija Zejlerja. Hudźbne zarjadowanje je zdobom wěnowane 200. posmjertnym narodninam jeho towarša Korle Awgusta Kocora. Wobaj staj z njezapomnitymi oratorijemi hłuboke slědy swojeho wuměłskeho přećelstwa a njesprócniweho skutkowanja za zdźerženje serbskeje rěče a kultury zawostajiłoj. Oratorijowy cyklus „Počasy“, z kotrehož někotre sadźby zaklinča, liči k najwuznamnišim twórbam serbskeje hudźbneje kultury. Nimo toho słyša wopytowarjo w koncerće instrumentalne twórby załožerja serbskeje wuměłskeje hudźby a twórby načasnych serbskich komponistow, kotřiž su so z tworjenjom Kocora rozestajeli.
Wotewrjeny proces
Jewišćo wotewrjene
Budyšin. Po dlěšej přestawce je jutře, pjatk, wot 20 hodź. jewišćo Budyskeho Kamjentneho domu zaso wšitkim hudźbnicam a hudźbnikam wotewrjene. Tradicionalna „jamsession“ je zetkanišćo za hudźbnych zajimcow kaž tež za připosłucharjow. Hudźbnu připrawu, piano a bijadła w Kamjentnym domje změja, instrumenty dyrbi sej kóždy sam sobu přinjesć. Na prašenja wotmołwja Andre Toth pod .
So prawje požadać
Budyšin. Hač su swójske požadanske podłožki dospołne a prawje zestajene, wo tym móža so zajimcy póndźelu, 17. oktobra, wot 8 do 12 hodź. w Budyskej agenturje za dźěło poradźować dać. Wobdźělnicy njech přinjesu swoje podłožki na papjerje abo digitalnje sobu. Přizjewjenja přijimuja pod telefonowym čisłom 03591 661410.
