Policija (19.10.15)
Kulow. Z kolesom drje budźe nětko 41lětny muž z Kulowskeje wokoliny hišće tróšku dlěje jězdźić dyrbjeć. Jako jeho sobotu w nocy zastojnicy Wojerowskeje policajskeje direkcije na Budyskej hasy w Kulowje kontrolowachu, napadny jim nimo njewšědneho jězbneho stila tež „chorhojčka“. Test wujewi, zo měješe kolesowar 2,98 promilow alkohola w kreji.
Turneja skupiny w filmje widźeć
Swoju premjeru dožiwi wčera w Berlinskim kinje Lichtblick film z mjenom „Weißkohlraumschiff“ wo lońšej turneji serbskeje hudźbneje skupiny Berlinska dróha po Pólskej a Běłoruskej.
Berlin (ŠR/SN). Serbska folkpunk-skupina Berlinska dróha je wčera w Berlinje dokumentaciju wo swojej lońšej turneji po Pólskej a Běłoruskej předstajiła. Pask mjenowachu „Weißkohlraumschiff“, serbsce móhli jón pomjenować „Kosmiska łódź běłeho kału“. Režiser filma Robert Eckstein bě na prezentaciji přitomny, zo by na prašenja wotmołwił. Po předstajenju da serbske hudźbne duwo unplugged-koncert.
Wobsadka kosmiskeje łódźe w filmje běchu pianistka a spěwarka skupiny Uta, husler Paul, manager Pijotrek a chronikar Robert. Šofer respektiwnje pilot bě najstarši a najnazhonićiši čłon cyłka z mjenom Łukasz. Reportaža wjedźe přihladowarjow z Berlina přez Pólsku dale do Běłoruskeje a je zdobom mjezy překročacy roadmovie. Myslimy-li na Běłorusku, je zdźěla ćežko so stereotypow wzdać. Pućowanska dokumentacija pak pokazuje, zo je kraj wjac hač poslednja diktatura w Europje.
Krótkopowěsće (19.10.15)
SLA připóznaće žnjał
Biskopicy/Budyšin. Wjele připóznaća zdobyli su sej chórisća Serbskeho ludoweho ansambla z chórowymaj koncertomaj kónc tydźenja w Biskopicach a w Budyskim Serbskim muzeju. Pod hudźbnym nawodom Gabriele Donà a z klawěrnym přewodom Liany Bertók zanjesechu woni serbske kaž tež němske twórby romantiki a pózdnjeje romantiki.
List wjesneju předstejićerjow
Gósćeraz. Wjesna předstejićerjej Gósćeraza (Groß Gastrose) a Dubojc (Taubendorf) staj Zwjazkowy zličbowanski zarjad prosyłoj, naslědne kóšty přepołoženja zwjazkoweje dróhi B 112 za Janšojsku brunicowu jamu Vattenfalla pruwować. W lisće zličbowanskemu zarjadej wobaj dwělujetaj, zo wobhospodarjer jamy wšitke naslědne kóšty přewozmje.
Nowy sport blisko Łužicy
Rumburk. Prěnje certifikowane hrajnišćo „kopańcogolfa“ (jendźelsce „footballgolf“) je na horje Dymník pola Rumburka w Šluknovskim wuběžku. Tónle sport zwjazuje prawidła kopańcy a golfa – kopaja bul přez zadźěwki do jamkow. W awgusće su tam samo kopańcogolfowe mišterstwa Europy přewjedli.
Zawod chce swój skład rozšěrić
Krótkopowěsće (16.10.15)
Taflički za šćežki
Njebjelčicy. Z woznamjenjenjom pućowanskich šćežkow w Njebjelčanskej gmejnje je so wčera tamniša gmejnska rada zaběrała. Kaž krajinowa architektka Ilona Palme rjekny, móhła sej komuna nowe taflički po něhdźe 80 procentach ze zjawnych pjenjez spěchować dać. Předstajeny naćisk koncepta wopřijima tež městna k sedźenju podłu šćežkow.
Wšitko wěsće dale běži
Zhorjelc. Předewzaće Borbet, kotrež w Kodersdorfje pola Zhorjelca twornju za zhotowjenje zwjenow twari, njeliči z wuskutkami VW-skandala na stejnišćo. Wokomiknje njeje wo wičnej słabosći ničo pytnyć, měni jednaćel Reiner Dürkop. Zaměrnje přichodnych sobudźěłaćerjow dale wukubłuja. 400 ma tam jónu dźěłać.
Twarja nowe naměsto
Mužakow. K přerjadowanju namjezneho naměsta w Mužakowje započnu spočatk nowembra twarić. Wo přihotach a z tym zwjazanymi zaraćenjemi a wokołopućemi informowaše měšćanske zarjadnistwo wčera wobydlerjow. Naměsto chcedźa dospołnje nowe natwarić, štož so derje na wobchad do směra na Pólsku wuskutkuje.
Randall zapołoži přestawku
Policija (16.10.15)
Lejno. Njewšědna hara bě to wčera rano na stanowanišću w Lejnom pola Wojerec při tamnišim jězoru. Z wulkim wrjeskotom je tam stanowanski připowěšak rozbuchnył. Wohnjowi wobornicy drje přichwatachu, wjele k hašenju pak hižo njemějachu. Připowěšak bě dospołnje zničeny. Na zbožo žane wosoby w nim njeběchu, kaž móžachu po prěnim wobhladanju městna wolóženi zwěsćić. Dalše připowěšaki na samsnym stanowanišću so njewobškodźichu. Wěcnu škodu trochuja na něhdźe 10 000 eurow.
Dalše twarnišćo
Budyšin. Krajny zarjad za dróhotwar a wobchad chce na zwjazkowej dróze B 96 na kromje Budyšina móst nad Jordanowym dołom porjedźeć. Tam ma so wobhrodźenje na woběmaj bokomaj chódnika a kolesowanskeje šćežki podlěšić. Nimo toho ponowja městna, hdźež su so plesternaki sadźili. Twarić započeć chcedźa w 44. kalendrowym tydźenju. Wotwisnje wot wjedra je start za 26. oktober planowany, potajkim prěni dźeń po nazymskich prózdninach. Hač do 20. nowembra ma wšitko dočinjene być. W tym času budźe zwjazkowa dróha połojčnje zawrjena, wobchad rjaduja potom z amplu. Po informacijach krajneho zarjada za dróhotwar a wobchad płaći tale naprawa dohromady 30 000 eurow. Wudawki njese Zwjazk.
Wotewru dom ćěkancow
Lěs ze solidnymi wunoškami
W času, hdyž so města a gmejny nad wšěmi móžnymi dochodami wjesela, wone tež mjeńše sumy njezacpěwaja. K tomu słušeja wunoški z komunalneho lěsa, kaž maja jón na přikład wokoło města Kulowa.
Kulow (AK/SN). Komunalny lěs města Kulowa je w dobry stawje a přinjese stabilne a solidne wunoški. „Hač na lěto 2009 docpěchmy hewak stajnje pozitiw- ne wuslědki. Lětsa bě sobu rozsudne, zo móžachmy při wichorach spowalane štomy blisko Kulowskeje lěsneje kupjele sobu wužiwać“, wuswětla Alexander Haase, referendar w lěsniskim wobwodźe Hornja Łužica statneho zawoda Sakski lěs. Aktualne połoženje bě wón tež Kulowskim měšćanskim radźićelam na jich njedawnym posedźenju rozłožił. Woni hospodarskemu planej za komu- nalny lěs Kulowa jednohłósnje přihło- sowachu.
Hišće hač do 8. nowembra móža zajimcy jedne ze zarjadowanjow we ...
Krótkopowěsće (15.10.15)
Něhdyši hotel wužiwać
Budyšin. Wokrjes Budyšin chce w něhdyšim Parkowym hotelu w Delnjej Hórce 150 ćěkancow zaměstnić. Hižo loni běchu wo tym wotwažowali. Wobhospodarić budźe dom firma Pro Shelter GmbH, kotraž ma zdobom socialne zastaranje ćěkancow zawěsćić. Prěni wobydlerjo přińdu spočatk nowembra.
Za zhromadne žiwjenje
Biskopicy. Wobydlerjo Biskopic a wokoliny móža so dźensa wječor wuznać za měrliwe zhromadne žiwjenje. Wšitcy zajimcy su přeprošeni we 18.30 hodź. do Chrystoweje cyrkwje k napominanskej straži za tolerancu. Wobydlerjo móža tež swěčku na wokno stajić, kaž wyši měšćanosta Holm Große (njestronjan) namołwja. Wječor ma być gesta witanja a wuraz za to, zo su tež tule ćěkancy akceptowani.
Z frakcije Lěwicy wustupił
