Loni 15 000 ludźi SKC wopytało
Slepjanski Serbski kulturny centrum (SKC) je wažne turistiske městno srjedźneje Łužicy. Wosebje wiki jutrownych jejkow lěto wob lěto wjace wopytowarjow přiwabjeja.
Slepo (AK/SN). K najwšelakorišim zarjadowanjam a přiležnosćam je loni 15 000 zajimcow Slepjanski Serbski kulturny centrum wopytało. Tole zdźěli jeho nawodnica Silwija Panošina na wčerawšim posedźenju Slepjanskeje gmejnskeje rady. Nimale 6 000 ludźi bě na zarjadowanjach, 1 100 hosći je sej wustajeńcy wobhladało, 1 700 wopytowarjow wopřijachu pućowanske skupiny. 2 700 zajimcow je so po wobchodźe suweněrow rozhladowało. Na kursach debjenja jutrownych jejkow zličichu 700 wobdźělnikow. „A wjace hač 3 000 ludźi su dalši zarjadowarjo přiwabili, na přikład Vattenfall ze swojimi wukubłanskimi wikami“, rozłoži Silwija Panošina Slepjanskim radźićelam.
Rozsuda dla rozhorjeni
Krajnoradny zarjad powjetšenju Ralbičanskeje kormjernje swini přizwolił
Ralbicy (SN/MWj). Nadźija jako poslednja „zemrěje“. Ale „zemrěła“ wona nětko je, a to mjez wobydlerjemi Ralbic, kotřiž běchu so podarmo nadźijeli, zo snano tola k rozšěrjenju tamnišeje kormjernje swini njedóńdźe. Wotpowědnej próstwje Döbelnskeho ratarskeho předewzaća, kotremuž kormjernja přisłuša, je Budyski krajnoradny zarjad 21. februara přizwolił. Tole zdźěli přirjadnica krajneho rady Birgit Weber wčera wobydlerjam na zhromadźiznje na Ralbičanskej starej šuli. Tež wjesna skupina CDU, kotraž bě ludźi přeprosyła, hižo wědźeše, zo njemóže powjetšenju zadźěwać, su-li wšitke wuměnjenja spjelnjene, rjekny Eduard Luhmann, kiž wjace hač 50 zajimcow witaše.
Šansu prosće wužić
Nowa forma dialoga zahajena
Za forum z wyšim měšćanostu Budyšina jedne prašenje serbsce podate było
Budyšin (SN/at). Z wobydlerskim forumom „Budyšin – dźensa a jutře“ je radnica sprjewineho města minjeny pjatk w Kamjentnym domje nowy format mjezsobneje wuměny myslow z měšćanami zahajiła. Něhdźe sto ludźi je přišło, zo bychu wotmołwy wyšeho měšćanosty Alexandera Ahrensa (njestronjan) na prašenja słyšeli, kotrež běchu wobydlerjo pisomnje zapodali abo kotrež su wobdźělnicy za blidom na žurli stajili.
Krótkopowěsće (07.03.17)
Woheń w domje ćěkancow
Wojerecy. We Wojerowskim domje ćěkancow na Thomasa Müntzerowej je wčera popołdnju woheń wulku škodu zawinił. Jedna rumnosć so dospołnje wupali. Třoch wobydlerjow w starobje 20 do 31 lět dyrbješe wohnjowa wobora wuchować. Přičina wohenja njeje hišće wujasnjena. Cyłkownje přebywa w domje něhdźe 300 ćěkancow.
Ptača gripa so rozpřestrěwa
Hamor. Tež Bjerwałdski jězor je mrětwy dźiwjeje pjerizny dla nětko zawrjene pasmo. Tole zdźěli Zhorjelski krajnoradny zarjad. Fachowcy běchu pola třoch zahinjenych ptakow strašny wirus H5N8 zwěsćili. Cyłkownje ma wokrjes šěsć zawrjenych pasmow ptačeje gripy dla.
Studija wo stronach we Łužicy
Budyšin. W rjedźe spisow Serbskeho instituta je w LND wušła studija Michaela Richtera „Deutsche Parteien in der sorbischen Oberlausitz 1945–1953“. Awtor rysuje proces, kak so Domowina a strony pod wliwom sowjetskich zaměrow we formje simulowaneje demokratije přez wobsadnisku móc a wot njeje nawjedowaneje SED politisce podrywachu a so do nastawaceje diktatury zawjazachu.
Budissa ma noweho trenarja
Policija (07.03.17)
Tójšto cigaretow namakali
Horni Wujězd. 400 pakćikow cigaretow su policisća wčera rano we wosobowym awće na awtodróze A 4 namakali. W Litawskej přizjewjeny Peugeot, kotryž bě do směra na Drježdźany po puću, kontrolowachu zastojnicy na parkowanišću w Hornim Wujězdźe. Podhladneju w starobje 33 a 36 lět zajachu. Dawkowa škoda wučinja něhdźe 15 000 eurow.
Dobra adresa za narodnu drastu
Wobchodnica Marja Hrjehorjowa w Róžeńće slěborny jubilej swjećiła
Róžant (JK/SN). Na našich wsach mamy dźeń a mjenje wobchodow. K tym, kotrež we wulkej měrje tež zjawne wjesne, haj samo regionalne žiwjenje sobu postajeja, słuša bjezdwěla drastowy wobchod Marje Hrjehorjoweje w Róžeńće.
Na wsy so derje čuć móc
Miłoćicy (JK/SN). Jako městnosće bydlenja su wjesne kónčiny dźeń a zajimawše, ale tež jako žórło žiwjenja a wodychnjenja. Zo bychu tajkim narokam wotpowědowali, maja so přeća wobydlerjow wobkedźbować, tak tež w Miłoćicach. Minjenu sobotu bě zamołwity za wjesne wuwiće Njebjelčanskeje gmejny Gilles Bultel zhromadnje z wjesnjanostu Tomašom Čornakom (CDU) wjesnjanow přeprosył, na dźěłarničce pod hesłom „Derje žiwi być w Miłoćicach“ zhromadnje wo dalšim wuwiću wsy wuradźować.
Z wustajeńcu sezonu skónčili
Wažne zetkanišćo ewangelskich Serbow
Lětuši Serbski ewangelski domizniski dźeń Wojerowskeho regiona budźe w Sprjejcach a Nowym Měsće nad Sprjewju. Přihoty z połnej paru běža.
Sprjejcy (AK/SN). Jubilejny dźesaty serbski ewangelski domizniski dźeń wuhotuja 18. junija w Sprjejčanskej wosadźe. Na to je so přihotowanski wuběrk njedawno hakle dojednał. Dołhodobnje jeho čłonojo wotběh hižo planuja. „K tomu słuša swjedźenska Boža słužba w 10 hodź. w Sprjejčanskej cyrkwi“, podšmórnje Jörg Michel, farar wosady, kotrejž přisłušeja Sprjejcy, Nowa Wjes, Bórk, Bórkhamor, Drětwja, Sprjewiny Doł a Nowe Město nad Sprjewju. Z mnohimi partnerami wosada dźeń organizuje.
