Njewšědneho hosća měješe wčera připołdnju Budyske ...
Krótkopowěsće (06.01.23)
Kretschmer kritizuje Wićaza
Zhorjelc. Sakski ministerski prezident Michael Kretschmer (CDU) je wčera na rozmołwnym kole w kubłanskim srjedźišću w Zhorjelcu hodowny postrow Budyskeho krajneho rady Uda Wićaza kritizował. W postrowje wupraji so Wićaz za zamjezowanje azylowych přebytkow za ćěkańcow. „Z tajkimi wuprajenjemi wottraši wón młodych wučerjow, kotřiž su swět widźeli, za kotrychž pak je kónčina powołansce jenož druha wólba.“
Škitne naprawy zběhnjene
Budyšin. Budyski žiwidłowy a weterinarny zarjad (LÜVA) je swoje wukazy za škit pjerizny před pjeriznowej mrětwu zběhnył. Po słowach zarjada su wšitke wuchadźišća mrětwy w Budyskim wokrjesu eliminowane a desinfikowane. Nimo plahowaneje su tež dźiwju pjeriznu w potrjechenych kónčinach prawidłownje přepytowali – njejsu pak wirus hižo měsac dołho nadešli. Z rozsudom zběhnje zarjad tež winowatosć zawrjenja pjerizny.
Kónčny spurt za „Serby pśědu!
Policija (05.01.23)
Kóń do awta zaběžał
Sprjewiny Doł. K zražce mjez wosobowym awtom a konjom je předwčerawšim rano w Sprjewinym Dole dóšło. Wodźer Passata bě na statnej dróze S 130 do směra na Nowu Wjes po puću, jako kóń na jězdnju běžeše. Šofer drje nahle zaborzdźi, njemóžeše pak zražce hižo zadźěwać. Kóń ćekny, na awće nasta něhdźe 4 000 eurow škody.
Awtomat wosta zamknjeny
Budyšin. Cigaretowy awtomat su njeznaći w silwesterskej nocy na Budyskej Allendowej rozbuchnyć spytali. Kaž policija hakle nětko zdźěli, tyknychu skućićeljo praskotaki do faška, hdźež móžeš sej normalnje cigarety won wzać. Byrnjež praskotaki rozbuchnyli, wosta awtomat zamknjeny. Přiwšěm nasta něhdźe 5 000 eurow škody.
Zelena swěca za pěstowarnju
W Delanach loni dobre zakłady za lětuše předewzaća połožili
Róžant (JK/SN). Spokojom a dźakowny zhladuje wjesnjanosta gmejny Ralbicy-Róžant Hubertus Ryćer (CDU) na minjene lěto. W gmejnje zmištrowachu dalši wulki krok k zwoprawdźenju najwažnišeho projekta komuny – nowotwara Ralbičanskeje pěstowarnje a přetwara tučasneje pěstowarnje na hort. Za to je krótko do kónca lěta přišło přizwolenje a wobkrućenje financowanja a spěchowanja. Lětsa steja dalše zarjadniske nadawki jako doskónčny přihot nowotwara na planje. Te spočatk noweho lěta wotdźěłaja a sej ze zamołwitymi zarjadami wothłosuja, zo bychu za symboliski prěni zaryw lětsa wšitko derje přihotowane měli.
Přewjedu dny rozpominanja
Při zastanišću do knihi pohladać
Štóž w Přiwćicach w Malešanskej gmejnje na bus čaka, tomu njetrjeba wostudło być. Za originelnu ideju młodźinskeje wohnjoweje wobory dóstachu samo hišće wosebite myto.
Přiwćicy (UM/SN). Hižo njetrjebane knihi na nowe zaměnić je mjeztym na mnohich městnach holanskeje a hatneje krajiny kaž tež druhdźe móžno. Tak maja mjez druhim w Delnjej Hórce w Malešanskej gmejnje, Lichanju we Wulkodubrawskej gmejnje a tež we Wósporku bywše telefonowe budki nastajene, kotrež na iniciatiwu priwatnikow abo towarstwow z najwšelakorišimi knihami napjelnjeja.
Šulerjo njeměli w dešću stać
Wojerecy (AK/SN). Busowe zastanišćo při statnej dróze S 95 w Němcach měło nuznje třěchu dóstać. „Naši šulerjo njeměli w mokrym stać“, praji wjesny předstejićer Eugeniusz Diesterheft. Wón namjetuje, zo so tale naprawa do cyłkowneho hospodarskeho plana města Wojerecy zapřija. „Po mojim měnjenju busowe zastanišća do wobydlerskeho etata njesłušeja“, tak předstejićer.
Krótko do hód su w Budyšinje Lubijsku dróhu na křižowanišću ...
Krótkopowěsće (05.01.23)
Wupraja so za kónc nahubnika
Drježdźany. Socialna ministerka Sakskeje Petra Köpping (SPD) je so srjedu w Drježdźanach za kónc winowatosće nahubnika hišće w januaru wuprajiła. Po jeje měnjenju su škitne naprawy přećiwo koronje jenož při přećeženju dowolene. „Aktualne wuprajenja wirologi Christiana Drostena naše měnjenje wobkruća, zo smy po puću k endemiji“, wona wuzběhny. Doporuča pak dale šćěpjenje a masku jako najefektiwniši wosobinski škit w zjawnostnym wobchadźe.
Vodafone wotšaltuje MMS
Düsseldorf. Mobilny poskićowar Vodafone zastaji wot 17. januara sem nic wjace načasnu posłužbu za rozsyłanje fotow a widejow (MMS). „Ličba wužiwarjow je porno lětu zawjedźenja 2012 wo 96 procentow woteběrała“, předewzaće rozsud wopodstatni. Porno popłatkowej posłužbje MMS wužiwarjo dźensa fota abo wideja přez appy kaž Whatsapp, signal abo Threema darmotnje rozesćelu.
Ptača gripa jeja podróši
Na wsach wjele zdokonjeli
Łazowska gmejna zhladuje na ćežke wužadanja w zašłym lěće
Łaz (AK/SN). 2022 bě lěto połne ćežkich wužadanjow, w kotrymž su při wšěm wjele zdokonjeli. Tole wuzběhuje wjesnjanosta Thomas Leberecht (CDU), jako wón zašłe lěto bilancuje.
Ćežišćo bě twar wopłóčkoweho kanala podłu zwjazkoweje dróhi B 96 we Wulkich Ždźarach. Tónle projekt zahajichu hižo w nalěću. Krótko do hód su třeći twarski wotrězk mjez Kulowskim a Rachlowskim pućom dotwarili, tak zo móža tam awta zaso po hłownej dróze jězdźić. Dalši wotrězk, hač ke kromje wsy do směra na Stróžu, ma bórze slědować. Potom B 96 znowa dospołnje zawru.
Zakónčiła je Łazowska gmejna loni saněrowanje Wulkoždźarowskeje zakładneje šule „Při Hórnikečanskim jězoru“. Po połdra lěće twarskeho časa móžachu šulerjo a wučerjo zaso do hłowneho twarjenja kubłanišća zaćahnyć. Při tej składnosći 60lětne wobstaće Wulkoždźarowskeje šule woswjećichu.
