Do zymneje wody skočić
Rakecy: Murju parka saněruja
Twarski projekt w Rakecach njemóžachu hladajo na jeho substancu hižo dlěje wotstorkować. Z wjetšim předewzaćom porno tomu dotal hišće wjele dale přišli njejsu.
Rakecy (UM/SN). W Rakečanskim hrodowym parku tuchwilu wonkownu murju k zwjazkowej dróze B 96 saněruja. Po wuprajenju nowinskeho rěčnika statneho zawoda Sakski imobilijowy a twarski management (SIB) Alwina-Rainera Zipfla jedna so wo dźělnu twarsku naprawu, kotruž su z cyłkowneho saněrowanja hrodu wuspinkowali. To bě trěbne, dokelž bě twarski staw murje jara špatny. Nimo toho dyrbješe so wobchadna wěstota zaručić. Po słowach Zipfla saněruja murju pod dohladom pomnikoškita. Projekt płaći něhdźe 600 000 eurow a ma klětu wotzamknjeny być.
Młodźinske towarstwo Pančicy-Kukow chce jutře w swojich ...
Nošne struktury za wěsty přichod chorownjow tworić
Zhorjelski wokrjesny sejmik je zasadny rozsud za zachowanje stejnišćow chorownjow w Žitawje, Habrachćicach a Běłej Wodźe wobzamknył.
Zhorjelc (AK/SN). W Zhorjelskim wokrjesu chcedźa stejnišća chorownjow w Žitawje, Habrachćicach a Běłej Wodźe dołhodobnje zachować. Wone maja dóstać nošne struktury za přichod. To podšmórny wokrjesny sejmik njedawno ze zasadnym rozsudom. Žitawa ma być stacionarny centrum klinikuma Hornjołužiski hórski kraj ptzwr. W Habrachćicach budźe ambulantny centrum, a zdobom nuzowe zastaranje sobu zawěsća. Běłowodźanska klinika ma so z integrowanym strowotniskim centrumom stać. To wuchadźa z nowowusměrjenja stejnišćow. Krajny rada dr. Stephan Meyer (CDU) ma kóžde štwórć lěta wokrjesnemu sejmikej wo wěcnym stawje zwoprawdźenja rozprawjeć. Komuny Žitawu, Habrachćicy a Běłu Wodu do procesa přestrukturowanja intensiwnje sobu zapřijeja. Wokrjesny sejmik je předłoze ze 46 hłosami přihłosował, 20 běchu přećiwo tomu a pjećo so hłosa wzdachu.
Serbske kemše w Choćebuzu
Krótkopowěsće (27.12.22)
Kolebka rewolucije w Sakskej
Drježdźany. Sakski ministerski prezident Michael Kretschmer (CDU) widźi swobodny stat jako najlěpše stejnišćo za planowany centrum přichoda Němskeje jednoty a europskeje transformacije. „Posrědkowanje stawiznow trjeba awtentiske městnosće. Tajkej stej Plauen a Lipsk wosrjedź Europy“, Kretschmer njedawno wuzběhny. Lipsk a Plauen stej kolebce měrliweje rewolucije we wuchodnej Němskej a zhromadne požadanje za centrum zapodałoj.
Dźeń a wjac „papjercow“
Flensburg. Po informacijach Zwjazkoweho zarjada za motorske jězdźidła je ličba registrowanych awtow typa Trabant w minjenych dwanaće měsacach dale přiběrała. Aktualnje je něhdźe 40 000 awtow tohole fabrikata na němskich dróhach po puću, z wjace hač štwórćinu cyłkownje dopušćenych jězdźidłow najwjace z nich w Sakskej,
Ze žurnala budźe hamtske łopjeno
Policija (23.12.22)
Nuznik skóncowali
Budyšin. Zawěrno njewšědny objekt su sej minjenu wutoru wječor njeznaći wupytali, zo bychu swoje mocy wopokazali. W času wot 18.15 do 18.45 hodź. woni na Bozančanskej dróze mobilny nuznik dospołnje rozbichu. Tak mjenowany Toi Toi steješe blisko bydlenskeho domu čisło 35. Po informacijach Zhorjelskeje policajskeje direkcije nasta něhdźe 530 eurow škody. Policija pad přepytuje a pyta w tym zwisku swědkow, kotřiž su něšto wobkedźbowali. Pokiwy přijimuja pod telefonowym čisłom 03591/ 35 60.
