Na njejednore wašnje do serbskich stawiznow so zapisał
„Bychmy-li pola nas něšto tajke kaž špihel popularnosće wudawali ... by jeho mjeno sobu cyle prědku stało“, pisaše k sydomdźesaćinam Bjarnata Nowaka serbski publicist a spisowaćel Cyril Kola. Tehdy, hdyž bě tak mjenowane koło Starych serbskich knjezow wjetše a młódše. Hdyž potom, doniž njemějach za zastup do starych muži trěbnu starobu, sobu z nimi na měsačnych zetkanjach sedźach, wobdźiwach Bjarnata Nowaka, hdyž ze swojeho žiwjenja srjódki powědaše. Moje napominanje, tole napisać abo do protokola dać, nochcyše rady słyšeć: što da sym wulkeho činił ...
Nětkole, w sydomadźewjećdźesatym žiwjenskim lěće, je wutroba Bjarnata Nowaka 27. junija zastała bić.
Čas žiwjenja je so Bjarnat Nowak wobarał: jako hólčec a jako młodźenc, w systemje, kotryž jeho njeběše, jako młody muž w systemje, kotryž jeho běše, jako starc w hinašim systemje, kotryž znowa jeho njeběše. Tak widźane, je Bjarnat Nowak w swojej wosobje nazhonjenja mnohich Serbowkow a Serbow zjednoćił.
Z młodostnymaj z Delnjeje Łužicy
Budyšin (SN). Na lětušim posedźenju poradźowaceho wuběrka za prašenja serbskeho ludu poboku zwjazkoweho ministerstwa nutřkowneho chce Domowina nimo předsydy Dawida Statnika a městopředsydow dr. Hartmuta Leipnera a Marka Hančika dwěmaj młodostnymaj z Delnjeje Łužicy wobdźělenje zmóžnić. Za to je hišće trjeba, so z předsydstwom župy Delnja Łužica dorozumić. To je prezidij zwjazkoweho předsydstwa na swojim wčerawšim posedźenju wobzamknył. Kaž třěšny zwjazk informuje, je gremij zdobom přihot wólbow serbskich zastupjerjow rady Załožby za serbski lud za wólbnu periodu 2023-2027 zahajił. Z tym ma so zwjazkowe předsydstwo na posedźenju 25. nowembra zaběrać.
Z móžnej nowelu Sakskeho serbskeho zakonja je so prezidij znowa zaběrał. Po njedawnym wuradźowanju prawniskeho wuběrka chcedźa na zetkanje a dorozumjenje mjez prezidijom, wuběrkom a Radu za serbske naležnosće w Sakskej přeprosyć. Nimo toho rozjimachu kónčne wotličenje za institucionelne spěchowanje Domowiny, Rěčneho centruma WITAJ a konkretnych zaměrow lěta 2021.
We Worklecach su wčera na terasy před dnjowej hladarnju „Při ...
Skutkowanje Kocora hódnoćił
Tójšto zajima za serbske poskitki
Njechorń (kl/SN). Prěni wjeršk w skutkowanju Domowinskeje župy „Jan Arnošt Smoler“ Budyšin po dołhim času korony budźe Dźeń wotewrjenych duri w domje Měrćina-Nowaka w Njechornju. Na njón župne předsydstwo 9. julija wot 14 hodź. přeprošuje. Staw přihotow su jeho čłonojo na swojim posedźenju wčera na městnje rozjimali. Zdobom su wurjadnu hłownu zhromadźiznu Domowiny spočatk junija w Choćebuzu wuhódnoćili.
Projekty a poskitki na šulach je tudyša regionalna rěčnica Domowiny Katja Liznarjec předstajiła. Kaž wona zwěsći, bě lětsa dotal tójšto naprašowanjow za serbskim poskitkom. Tak wuhotowachu na přikład w Hućinjanskej zakładnej šuli předčitanski dźeń za šulerjow kaž tež swjedźeń serbskeje rěče, kotryž wšitcy šulerjo-serbšćinarjo w Budyskim Serbskim domje dožiwichu. Zakładna šula Bošecy woswjeći lětsa swój 125. jubilej a změje dźeń wotewrjenych duri a šulski swjedźeń w septembrje ze serbskim podźělom.
Předsydstwo zdobom hižo na serbske swójbne popołdnjo 16. julija w sundowner-barje w Budyšinje skedźbnja.
Nowy lětak Domowiny
Statnik: Serbja su kótwica łužiskeje identity
Zwjazk Łužiskich Serbow Domowina ze změnu strukturow wulku nadźiju na wozrodźenje serbskeje rěče zwjazuje. To zwurazni jeho předsyda Dawid Statnik wčera po zhromadnym posedźenju sakskeho a braniborskeho knježerstwa na Łužiskim motodromje a skedźbni při tym na delnjoserbski projekt „Zorja“.
Na slědach Jana Radyserba-Wjele po Budyšinje
Budyšin (SN/CoR). „Dołho sym za tutym bajkowym domom pytał. Běše dźě Jan Radyserb mój lubowany, njezapomnity wučer, přećel mojeho nana a tež mój nanowski přećel.“ Tak dołho kaž Oto Wićaz njejsu Přećeljo Smolerjec kniharnje minjeny pjatk za ródnym domom basnika Jana Radyserba-Wjele pytali. Na Židowje, při Hrodźiškowych schodach w Budyšinje, hdźež steješe jónu tónle dom, započina lětuše literarne wuchodźowanje towarstwa při najrjeńšim wjedrje w zmysle Ota Wićaza z basnju „Bajka“ Radyserba.
Chór Meja nětko z předsydu
25lětne wobstaće z openairom woswjeća
W lěće 1997 załožichu młodostni w Smječkecach swójski klub. W minjenych lětach su so předewšěm přetwarej swojeho domicila wěnowali. Składnostnje 25lětneho wobstaća kluba zaběraja so młodostni hižo dlěši čas z organizaciju openaira Vinea Mea, kotryž ma so 1. a 2. julija wotměć. Tak přewjedu tež wabjensku turu w ramiku kotrejež chcedźa tamne serbske młodźinske kluby wopytać.
W zašłych lětach so přetwarej kluba wěnowali
