Wjele Serbow zwonka Łužicy so swjate dny domoj nawróćiło
Budyšin (SN/MWj/BŠe). Hody je tež lětsa zaso wjetšina ludźi w swojej domiznje woswjećiła. Mnozy Serbja, kiž zwonka Hornjeje Łužicy bydla, su hody domoj přijěli a zhromadnje w kruhu swójby woswjećili. Po tradiciji wopytachu woni patoržicu w nocy jednu z Božich mšow, kotruž chóry, dujerjo a dalši instrumentalisća a hudźbnicy swjedźensce wuhotowachu. W klóštrje Marijina hwězda w Pančicach-Kukowje wobrubja Božu nóc hižo wjacore lěta projektny chór. Lětsa staj jón Uta Volkmerowa a Krystof Rjeda prěni raz zhromadnje nawjedowałoj. Chór z nimale 40 spěwarkami a spěwarjemi je nimo němskich a łaćonskich twórbow tež serbski hodowny kěrluš zanjesł. W Radworju je skupina dujerjow kemšerjow do Božeje mšě z dujerskej hudźbu zawjeseliła. Tež chór Meja pod nawodom dirigenta Pětra Cyža je Božu mšu wobrubił a so předewšěm z přinoškom „Transeamus“ wo hodownu atmosferu w cyrkwi postarał. Na zwučene wašnje su zaso ministranća ze solistami ewangelij zanjesli. Tole su prěni dźeń hód wospjetowali, štož bě premjera.
We wobłuku kemšow na druhim dnju hód předstajichu cyrkwinski chór ewangelskeje wosady swj. Pětra, smyčkarjo orchestra Serbskeho ludoweho ansambla a hosćo pod nawodom Michaela Vettera zažnu twórbu „Oratorio de Noël“ Camilleja Saint-Saënsa w Budyskej cyrkwi Marje a Marty. Solisća běchu harfenistka Kazumi Hashimoto kaž tež spěwarjo Jennifer Riedel, Ines Böhme, Stephanie Hautfleisch, Florian Neubauer a Martin Schicketanz. Wo přewod na pišćelach postara so Fabian Kiupel. Kontrast k wokalnej twórbje wutwori Vetter na kóncu Božeje mšě z furioznej interpretaciju byrgloweje toccaty „Dieu parmi nous“ Oliviera Messiaena. Foto: Hanka Šěnec
Najebać poražku we Wiesbadenje a remisej doma w Choćebuzu je prěnje koparske mustwo FC Energije Choćebuz prěni raz nazymski mišter w třećej najwyšej koparskej lize Němskeje.ST Wehen Wiesbaden – FC Energija Choćebuz 3:1 (1:0)Energija Choćebuz: Funk – Straudi (85. Moustfa), Campulka, Awortwie-Grant, Guwara (46. Rorig), Pelivan, Tolcay Ciğerci, Borgmann, Hannemann (71. Duah), Biankadi (46. Michelbrink), E. Engelhardt (71. Thiele)wrota: 1:0 Jordy (22.), 1:1 Rorig (63.), 2:1 Hübner (71.), 3:1 Gözüsirin (90.+5)přihladowarjo: 4 071žołto-čerwjena karta: Pelivan (40.)
W bayerskim Beilngriesu sewjernje Ingolstadta su wčera swjedźeń Dwanaće hodownych nocow woswjećili. Po měsće ćehnjechu jako demonojo zdrasćeni čłonojo 30 wšelakich skupin z Němskeje a druhich krajow. Dny mjez hodami a swjedźenjom Třoch kralow 6. januara maja wosebity mystiski wuznam. Mnozy w tym času płachty njepłokaja, dokelž móhli je złe duchi pokradnyć a jako ćěłowe ruby za jich wobsedźerja wužiwać. Tež karty ludźo w tym času pječa placać njeměli. Foto: dpa/Christian Mang
Nowy móst nad Sprjewju zasadźili
Rěčitaj wo Gazaskim pasmje
Nowy popłatk pola lěkarja?
Wikowarjo 2025 njespokojom
Zetkanje w Floridźe bjez wuspěcha
Butra za 99 centow přetunja
Perfektnje njeperfektny
Mnozy stres dźěła domoj noša
Wočakuje razne debaty w koaliciji
Zwjeselaca bilanca
To a tamne (29.12.25)
Koncert Lipy hodownu powěsć měra a pokoja sposrědkowałRóžant (JK/SN). Njesměrne syły awtow před Róžeńčanskej swjatnicu swědčachu wčera wo wulkim zajimje a wočakowanjach na lětuši hodowny koncert chóra Lipa. Hač na poslednje městno bě cyrkej wobsadźena, kaž hižo na wšitkich dotalnych 22 koncertach. A znowa zamó chór pod nawodom Jadwigi Kaulfürstoweje z bohatym poskitkom mjezynarodnych hodownych spěwow přitomnych zahorić a sposrědkowa hišće raz na dostojne wašnje hodowne poselstwo měra a pokoja. Smyčkowy kwartet Serbskeje komorneje filharmonije SLA z huslerjomaj Jin Oa Choi a Matthiasom Reichelom, z bračistom Jong Yun Jeung a cellistom Christianom Rutenbergom spěwarki a spěwarjow jenož njepřewodźeše, ale wotměnjejo so z chórom tež hodowne spěwy w nowym šaće zahudźi, štož bě přijomne a koncertej dospołnosć spožči. Spěwarki a spěwarjo mějachu tak móžnosć předychać, štož so na kwalitu interpretacije spěwow wuskutkowa. ...
Hižo 31 lět wuhotuje pianistka a komponistka Heidemarja Wiesnerec wosebity koncert na spočatku lěta. Pod hesłom „Wětřikec hólcy, připołdnicy a druhe mytiske bytosće“ předstaja jón wot 9. januara 2026 w Berlinje a Lipsku kaž tež w Koporcach, Choćebuzu, Budyšinje a we Wojerecach. Bosćan Nawka je so z organizatorku rozmołwjał.Knjeni Wiesnerec, lětuše hesło koncertow dowola tójšto interpretacijow. Što so za Was za nim chowa?H. Wiesnerec: Zasadna myslička lětsa bě, twórby komponistkow a lyrikarkow do srjedźišća stajić. Zdobom chcych zwisk k serbskej mytologiji wutworić. Připołdnica słuša k najznaćišim bajowym postawam Łužicy, je pak w tym konteksće jedna z mało žónskich figurow. Po wobšěrnej rešerši sym někotružkuli towaršku našła, kotraž so w koncerće jewi. Skrótka: Wěnujemy so tónraz sylnym žonam.Charakteristikum rjada je, zo nastawaja za njón prawidłownje nowe kompozicije. Je tomu tež lětsa tak a złožuja so tele twórby tohorunja na serbsku mytologiju? ...
