Němsko-Serbske ludowe dźiwadło předstaji swoju aktualnu, na najmłódši publikum měrjacu so inscenaciju „Kralowna barbow“ zajutřišim, njedźelu, w starej šuli w Židźinom. Póndźelu a wutoru pokazaja hru w Kulowje a Chrósćicach. Hłownej róli w kruchu po motiwach Jutty Bauer sćělesnjataj klankarjej Andreas Larraß a Isa-Maria Hupe. Foto: Roman Koryzna

Načolnej hrě za ViktorijuNačolnik sakskeje klasy wuchod, prěnje wolejbulowe mustwo muži Viktorije Worklecy, hraje jutře w Dippoldiswalde přećiwo cyłkej TSV Seifersdorf třećemu tabulki. W 14 hodź. nastupi sobotu we Wojerecach druhe zastupnistwo holcow Viktorije k derbyjej w sportowej hali Lessingoweho gymnazija. Štwórtk přewjedźe so w Pančicach serbski wolejbulowy derby we wokrjesnej klasy stafla wuchod. To pak njebudźe načolna hra, ale pinčny duel, hdyž přijědu k cyłkej ST Marijineje hwězdy wolejbulisća z města.15.11.  12:00  TSV Seifersdorf –  Viktoria Worklecy (m)15.11.  14:00  Módro-Běli Wojerecy –  Viktoria Worklecy II (ž)20.11.  19:30  Marijina Hwězda –  Sokoł Budyšin (m)20.11.  19:30  ST Bart –  Sokoł Budyšin (m)20.11.  19:30  Marijina Hwězda –  ST Bart (m)22.11.   Viktoria Worklecy (ž) 14:00  – Kupoj Nowa Łuka 16:00 – Hamor Běła WodaDerby w Hlinowcu

Jako mje před krótkim dobry přećel, diakon a kandidat za měšnisku swjećiznu, zazwoni, hač nochcył jeho na jeho nowym skutkowanišću w měsće Příbram wopytać, předołho wahał njejsym. Čehodla tež? Młodźi měšnicy su dźensa jara rědki zjaw, jich žiwjenski puć je połny sebjewoprowanja a zawěsće tež dwělow – znajmjeńša móhł jeho ze swojim přećelstwom a přitomnosću podpěrać. Myslach při tym egoistisce tež na sebje. Dawno minyli běchu so časy, hdy móžachmy měšnikow a druhe duchowne wosoby z widłami tam a sem nosyć. Hdyž budu ja raz stary, budu měšnicy žadniši hač proch wokoło hód, a tuž so na kóždy pad zadani, kontakty z nimi hajić.

Berlin (SN/MiP). Na wječor ze serbskej literaturu a hudźbu staj wčera społnomócnjeny Swobodneho stata Sakskeje Markus Franke a społnomócnjena sakskeho statneho knježerstwa za naležnosće Serbow Franciska Brechowa do sakskeho zastupnistwa pola Zwjazka w Berlinje přeprosyłoj. Naposledk mjenowana wjedźeše po programje wječora, kotryž wuhotowaštaj dźiwadźelnik a moderator Axel Thielmann a Lipšćanski jazzowy trijo Sotry wjesela.

Z bajkami podłu SprjewjeChoćebuz. Wobswětowa skupina Choćebuz a tamniša firma Łužiska woda wuhotujetej jutře, sobotu, wuchodźowanje podłu Sprjewje. Po puću sposrědkuja fachowcy­ zajimcam fundowanu wědu runje tak kaž zajimawostki kołowokoło rěki. Čłonki a čłonojo dźiwadła Piccolo wudospołnja program ze serbskimi bajkami. Wuchodźowanje startuje w 14 hodź. při Choćebuskim Domje swójbow (Sprjewina 14). Wosebje swójbam přichileny poskitk je bjezpłatnje přistupny.Hudźba přez doby a žanryBiskopicy. Renoměrowana trójka smyčkarjow Viviendo String Trio koncertuje jutře, sobotu, na wulkej žurli Biskopičanskeje radnicy. We 18 hodź. zahraje pod hesłom „Saitenzauber“ wubrane twórby najwšelakorišich komponistow najwšelakorišich dobow. Tak wopřijima program twórby Antonija Vivaldija, Wolfganga Amadeusa Mozarta abo Astora Piazzole runje tak kaž hity skupiny Queen a kwěćel znatych melodijow z musicalow. Zastup při wječornej kasy płaći 29 eurow.Nazymskej koncertaj ...

Kóžde lěto do adwenta Budyske zjednoćenstwo pjekarjow wosuški swojich sobustawskich pjekarnjow zjawnje pruwuje. Drježdźanski pruwowar André Bernatzky (naprawo) je woblubowane pječwo wčera w Centeru na Žitnych wikach posudźował, na wobrazu z pjekarskej mišterku Theresu Martin a Matthiasom Kupku. Dohromady předležeše jemu 46 wosuškow z 22 pjekarnjow. Wuslědki su na www.brotinstitut.de wozjewjene. Foto: SN/Bojan Benić

Milan PawlikPřiznawam, zo ličba mojich apokalyptiskich wizijow wo přichodźe čłowjestwa w nowembrje přiběra. Hladajo na wjele mokrych a šěrych nazymskich dnjow wšak to najskerje njezadźiwa – to je „nowemberski blues“. Jedyn z hrózbnych scenarijow, kotryž mje hdys a hdys trapi: Wulka mobilizacija NATO, dokelž je Putin baltiske staty nadpadnył, zo by je „domoj dowjedł“, a strach, zo dyrbitaj mojej synaj do wójny. Tón je so po nowym doje­dnanju knježerstwoweje koalicije w zwisku z nowym zakonjom za wobornu winowatosć zawčerawšim tróšku pomjeńšił – wobaj synaj staj so do lěta 2008 narodźiłoj. Hač pak je naćisk połny kompromisow a ewentualitow kmany, němske wójsko wo něhdźe 80 000 wojakow powjetšić, na tym dwěluju.