Na wopyće we Waršawje sakski premier Pólskej dwaj drohotnej meblej wróćił

Waršawa (dpa/K/SN). Jako tuchwilny prezident Zwjazkoweje rady Němskeje wěnowaše Stanisław Tilich (CDU) Pólskej swoju nastupnu wizitu. Při tejle składnosći wabješe wón wčera we Waršawje za to, za susoda měć zrozumjenje. „Europa je jenož potom sylna, hdyž je tež Pólska sylna“, sakski ministerski prezident zwurazni. Za Němsku płaći to runje tak. „Jeli so tole poradźi, Europa zesylnjena z toho wuńdźe. Jeli nic, změjemy wšitcy problem.“ Agentura dpa měni, zo ma Tilich snano tohodla za pólsku politiku wjetše zrozumjenje hač druzy němscy politikarjo, dokelž wón pólšćinu rozumi.