Hórka strata
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianca Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (30.10.24)
558 taflow šokolody, 100 titow pistacijow a 60 tyzow ryby je policija w sewjerorynsko-westfalskim Borkenje na pokiw kedźbliweho muža w awće paduchow namakała. Swědk bě wobkedźbował, kak třo mužojo za sobu do wobchoda žiwidłow du a so nawróća, bjeztoho zo bychu zapłaćili. Zazwonjena policija awto přeslědźi a rubiznu w hódnoće wjacorych tysac eurow namaka. Paduchow zajachu.
Błyskače w Francoskej maja přichodnje tež wotstawk awtow, připasanje a zakaz mobilnych telefonow za wodźidłom kontrolować a samostatnje chłostać. Medije su wuslědźili, zo zaplanuje knježerstwo 46 milionow eurow za wobstaranje a hladanje wulce modernych nastrojow. Tute z pomocu kumštneje inteligency přeńdźenja zwěsćeja a chłostanku awtomatisce rozesćelu. Awtomobilowy klub tuka na statne wotkasěrowanje ludźi, kotrež nima kubłanski efekt.
30 lět w słužbje na dobro Serbow
Zasudźuja wotprawjenje
Berlin (dpa/SN). Wonkowne ministerstwo je sej nawodu iranskeho wulkopósłanstwa skazało, zo by přećiwo wotprawjenju němsko-iranskeho staćana Djamshida Sharmahda protestowało. „Smy swój razny protest zwuraznili a wobchowamy sej dalše naprawy“, ministerstwo zdźěli. Tež zwjazkowy kancler Olaf Scholz (SPD) a wonkowna ministerka Annalena Baerbock (Zeleni) staj wotprajenje zasudźiłoj. Sharmahda běchu loni terora dla k smjerći zasudźili.
Hisbollah z nowym nawodu
Beirut (dpa/SN). Štyri tydźenje po morjenju nawody Hassana Nasrallah je proiranska milica Hisbollah noweho nawodu pomjenowała. Nowy generalny sekretar je dotal městopředsyda Naim Kassim, organizacija zdźěla. Kassim bě po smjerći Nasralleh wospjet z narěčemi w zjawnosći wustupował. Hdźe wón tuchwilu bydli, njeje znate. Milica připowědźi, swoje dotalne zaměry z nowym nawodu dale sćěhować – „hač k dobyću“.
10 000 wojakow w Ukrainje
Hospodarskej wjerškaj
Berlin (dpa/SN). Zwjazkowy kancler Olaf Scholz (SPD) chcyše so dźensa w Berlinje ze zastupnikami industrijnych zwjazkow, dźěłarnistwow a wulkich předewzaćow zetkać, zo by z nimi wo wupućach z hospodarskeje krizy wuradźował. Wuslědki chcedźa dowěrliwje wobjednawać. Dalše zetkanja maja slědować. Zwjazkowy hospodarski minister Robert Habeck (Zeleni) a financny minister Christian Lindner (FDP) njejstaj přeprošenaj.
Frakcija FDP zarjaduje dźensa swójski hospodarski wjeršk, na kotryž su zastupnikow rjemjesła a srjedźnostawskich předewzaćow přeprosyli. Předsyda frakcije SPD w zwjazkowym sejmje Rolf Mützenich mjenowaše runočasnej hospodarskej wjerškaj „wólbernosć“.
Seibert starosća so pomocy dla
Braniborska SPD zakituje dojednanje
Podstupim (dpa/SN). Generalny sekretar braniborskeje SPD David Kolesnyk je kompromis swojeje strony ze Zwjazkom Sahry Wagenknecht w prašenju prócowanjow wo měr w Ukrainje zakitował. Prezidij SPD je w awgusće w prašenju wěstotneje architektury w Němskeje a Europje dokument wobzamknył. Tam namakaja so tež formulacije k wotbrónjenju a k diplomatiji. „To kryje so z tym, štož smy zhromadnje z BSW wujednali“, Kolesnyk rozhłosowemu sćelakej rbb rjekny. Wón njewidźi w tymle prašenju žadyn problem. Rozhłosownica bě so jeho prašała, hač njespřećiwja so wotrězk dojednanja z BSW k wonkownej a zakitowanskej politice zasadnej poziciji zwjazkoweje SPD w Berlinje.
W Braniborskej chcetej SPD a BSW oficialnje koaliciske jednanja k wutworjenju zhromadneho knježerstwa zahajić. Krajnej předsydstwje wobeju stron běštej tomu po sonděrowanskich rozmołwach přihłosowałoj. Zasadźenje za měr w Ukrainje a wotpokazanje nowych raketow USA běštej centralnej temje.
Söder žada sej razne naprawy
Kriza awtotwarca Volkswagen zbudźa reakcije politisce zamołwitych
Mnichow/Wolfsburg (dpa/SN). Jako reakciju na hrožace zawrjenje wjacorych twornjow awtotwarca Volkswagen žada sej bayerski ministerski prezident a předsyda CSU Markus Söder radikalny přewrót hospodarskeje politiki Němskeje. „Trjebamy Marshallowy plan za awtowu industriju“, rjekny Söder powěsćerni dpa w Mnichowje. „Wuwiće pola VW je brutalne za awtowu industriju Němskeje, byrnjež zmylki managementa wočiwidne byli.“
Kriza VW je Söderej „wuslědk přilubjeneho zeleneho hospodarskeho dźiwa: kriza a negatiwne wuwiće“. EU a Němska awtowu industriju hižo wjele lět z wopačnymi rozsudami wosłabjatej. „Green Deal EU a rozsudy amploweje koalicije rubja Europje a Němskej kmanosć wubědźowanja.“
