Kak biskopow wolić
Vatikan (B/SN). Bamž Franciskus je dźesać studijnych skupin swětoweje synody zawjedł. Skupina za wuzwolenje biskopow je kónčnu rozprawu předpołožiła. Wona sej přeje, zo by kóžda cyrkej ze zapřijećom gremijow diecezy swoje potrjeby pruwowała. „Kóždy čłon gremija“ měł w začinjenym lisće biskopej mjena měšnikow napisać, kotřiž bychu so za zastojnstwo biskopa hodźeli. Po tym zo je komisija wuradźowała, rozsudźi nuncius.
Bamžowske změny
Vatikan (B/SN). Bamž Leo XIV. bydli zaso w bamžowskim bydlenju. Wón přebywa prawidłownje w Castelu Gandolfo, wužiwa aktiwnje internet, na ruce nosy smartwatch. Po časopisu Vogue słuša bamž k 55 najlěpje zdrasćenym wosobinam lěta 2025. W politice je za diplomatiju a njeda so wobwliwować. Někotre rozsudy předchadnika drje je Leo XIV. změnił, ale w cyłku je wón tradiciji bamžow swěrny.
Cyrkej w Iraku sylnić
Ciwilny škit wutwarić
Berlin (dpa/SN). Zwjazkowy nutřkowny minister Alexander Dobrindt (CSU) chce kapacity ciwilneho škita za pad wójny abo atentata masiwnje wutwarić. Za to planuje inwesticije we wobjimje dohromady dźesać miliardow eurow. Z pjenjezami chcedźa po informacijach nowiny Bild přidatne wuhotowanje, twarjenja kaž tež personal a techniku, na přikład pola Techniskeho pomocneho skutka, zapłaćić. Do lěta 2029 chcyli dohromady 1 000 nowych specielnych jězdźidłow a 110 000 pólnych łožow nakupić.
Bołharka ESC dobyła
Wien (dpa/SN). Ze spěwom „Bangaranga“ je bołharska spěwarka Dara prěni raz Eurovision Song Contest (ESC) za swój kraj dobyła. 27lětna wubědźi sej ze swojim fulminantnym spěwom z wotstawkom najwjace dypkow. Spěwarka Sahra Engels zdoby za Němsku ze swojim titlom „Fire“ 23. wot dohromady 25 městnow. 8,935 milionow ludźi bě sej finalnu show minjenu sobotu w němskej telewiziji wobhladało.
Tiger muža ćežko zranił
Buddhisća po cyłym swěće hotuja so na narodniny Buddhy, kiž ...
Strowotniski alarm ebole dla
Němskana 25. městnje
Ličba wotprawjenjow stupała
Zmužiće so angažować
74 000 wěriwych na 104. zjězdźe katolikow zhromadnje swjećiło a diskutowało
Würzburg (dpa/SN). Z bojowniskim prědowanjom je biskop dr. Heiner Wilmer, předsyda Němskeje konferency biskopow (DBK), na zakónčacej Božej mši lětuši 104. zjězd katolikow we Würzburgu zakónčił. Wón namołwješe wěriwych a politiku, so aktiwnišo na dobro ćerpjacych angažować: „Swět so pali. Tuchwilu najwjetšu čłowjesku katastrofu dožiwjamy w Sudanje. (…) My pak smy dźěl tutoho swěta. Woheń njezhašeš z tym zo přihladuješ!“ Ze swojim poselstwom poćahowaše so na hesło lětušeho zjězda katolikow „Měj zmužitosć, stań!“. Dohromady 74 000 wěriwych je so wot srjedy hač do wčerawšeho na nim wobdźěliło, mjez nimi běchu tež zwjazkowy kancler Friedrich Merz (CDU), zwjazkowy prezident Frank-Walter Steinmeier, prezidentka zwjazkoweho sejma Julia Klöckner (CDU) a bayerski ministerski prezident Markus Söder (CSU). Mjez dohromady 900 zarjadowanjemi běchu tež podijowe diskusije, na kotrychž so politiscy zamołwići z cyrkwinskimi zamołwitymi a wěriwymi do rozmołwy dachu.
Němskej so směja
Smjerć tema fachoweho dnja
Přirodowědny muzej přećehnje
Sobudźěłaćerki a sobudźěłaćerjo Přirodowědneho muzeja Senckenberg w Zhorjelcu hotuja so z połnej paru na přećah do noweho campusa při dwórnišću. Muzej wosrjedź města pak wostanje tež po přećahu dale wotewrjeny. Hač do lěta 2028 matej „wulke pakowanje“ a přećah zdokonjanej być.
Zhorjelc (dpa/SN). W Přirodowědnym muzeju Senckenberg w měsće nad Nysu so tuchwilu na přećah do noweho twarjenja přihotuja. W nowym kompleksu njedaloko dwórnišća chcedźa w přichodźe slědźenje, zběranje a wuwučowanje zjednoćić, rjekny nawodnica muzeja Kristin Baber. Liča z tym, zo budźe nowe twarjenje wosrjedź tutoho lěta hotowe. Hižo tutón tydźeń pjatk, 22. meje, wotewru w dotalnym twarjenju při Marijinym naměsće wustajeńcu pod hesłom „Zapakowane a wupakowane“, kotraž ma přećah na nowe stejišćo přewodźeć. „Prezentaciju w přichodnymaj lětomaj stajnje znowa přiměrimy“, Baber připowědźa.
