Trump na swětowym forumje
Davos (dpa/SN). Prezident USA Donald Trump je dźensa do šwicarskeho Davosa dolećał, zo by so tam na swětowym hospodarskim forumje wobdźělił. W běhu dnja zetka so wón z britiskej premierministerku Theresu May a z israelskim ministerskim prezidentom Benjaminom Netanjahuwom. Jutře chce na zakónčenju konferency k wobdźělnikam rěčeć. Powšitkownje liča z tym, zo Trump swoju restriktiwnu a jeničce na USA wusměrjenu politiku zakituje.
Strategiju sej dorěčeli
Berlin (dpa/SN). Započatk koaliciskich jednanjow mjez CDU, CSU a SPD so bliži. Socialdemokraća su dźensa internje wuradźowali, zo bychu sej strategiju za rozmołwy z uniju dorěčeli. K tomu přichwatachu nimo prezidija strony a jednanskeho mustwa tež zwjazkowi ministrojo a ministerscy prezidenća SPD do stronskeje centrale, Willyja Brandtoweho domu w Berlinje.
Rozdźělna interpretacija
Cyłkownje 13 transportnych tankowych awtow typa „Boxer“ su ...
Wjace policistow do Choćebuza
Naprawy nutřkowneho a socialneho ministerstwa po namócnosćach
Podstupim (dpa/SN). Braniborske krajne knježerstwo chce hladajo na napjate połoženje w Choćebuzu wjace socialnych dźěłaćerjow a přidatnych policistow zasadźić.
Policajsku inspekciju ma dźesać přidatnych zastojnikow hotowostneje policije w patruljowej słužbje podpěrać. Tež ciwilnych zastojnikow chcedźa pósłać, kaž nutřkowny minister kraja Karl-Heinz Schröter (SPD) připowědźa.„Mam začuće, zo so w Choćebuzu połoženje wuwiwa, kotrež sej wot nas energiske postupowanje žada.“
Nimo toho ma 30 do 40 přidatnych socialnych dźěłaćerjow ćěkancow we wšelakich žiwjenskich situacijach podpěrać. Socialna ministerka Diana Golze (Lěwica) chcyła za to krótkodobnje 16 milionow eurow přewostajić, zo móhło po wšěm kraju 320 přidatnych socialnych dźěłaćerjow migrantam pomhać.
Zeleni so zetkaja
Skorža agresiwity dla
To a tamne (25.01.18)
Njewšědny swětnišćowy objekt je wot najnowšeho na njebju widźeć: Nižozemske předewzaće Rocket Lab je ze swojej prěnjej raketu nimo komercielnych satelitow tež naddimensionalnu diskotekowu kulu do swětnišća pósłało. Něhdźe meter wulka „hwězda čłowjestwa“ ze 65 reflektowacymi płoninami je po informacijach předewzaća při schadźenju a chowanju słónca po wšěm swěće bjez pomocnych srědkow widźeć.
Něhdźe 50 000 eurow škody staj Markneukirchenjanaj načiniłoj, jako spytaštaj kachle zatepić. Dokelž běštaj młodostnaj w starobje 17 a 22 lět drjewo „njefachowsce“ wužiwałoj, dóńdźe z rozpłunjenju a wohenjej. A tón so po bydlenju rozšěri. Młodostneju dowjezechu do chorownje, dokelž běštaj zajědojćenje z kurom poćerpjełoj. Wohnjowa wobora płomjenja we wjaceswójbnym domje podusy.
Wjace bróni wuwožowali
Berlin (dpa/SN). Wulka koalicija je minjene štyri lěta wo wjele wjace brónjenskich eksportow dowoliła hač knježerstwo CDU a FDP do toho. Cyłkowna hódnota wuwoza bróni wot lěta 2014 do 2017 wučinješe 25,1 miliardu eurow a tak 21 procentow wjace hač za čas čorno-žołteje koalicije wot 2009 do 2013. Tole zdźěli hospodarske ministerstwo w Berlinje na naprašowanje Lěwicy. Fachowc Zelenych za zakitowanje Omid Nouripur přiběrace eksporty raznje kritizuje, wšako su němske zakonje dosć krute. „To njehodźi so rjanym słowam wonkowneho ministra Gabriela a druhich.“
Dwě bombje rozbuchnyłoj
Tripolis (dpa/SN). Při dwójnym bombowym atentaće we wuchodolibyskim měsće Bengasi je znajmjeńša 27 ludźi žiwjenje přisadźiło. 42 wosobow so zrani, kaž zamołwići zdźěleja. Bombje běštej krótko za sobu njedaloko mošeje rozbuchnyłoj. Prěnja bomba detonowaše, jako wěriwi mošeju wopušćichu. Mjez woporami je pječa tež nawoda lokalneje milicy. Štó je wina na nadpadźe, dotal njewědźa.
Ludźo ćěkaja před ofensiwu
