Rozprawnistwo přehnate było
Budyšin (CS/SN). Tři a poł měsaca po wohenju w bywšim Budyskim hotelu „Husarenhof“, kotryž bě mysleny jako azylowy dom, je so medialna napjatosć zaso złahodniła. Tak je nětko načasu podawki předźěłać, měni Budyski měšćanski zwjazk CDU, kotryž je so předwčerawšim za stajnym blidom z temu „Přiklesk, wćipni abo tola ničo njebyło?“ rozestajał.
Druhdy móže jeničke słowo rozsudne być. W nowinskej zdźělence wuchadźeše Zhorjelska policajska direkcija z třoch 19- a 20lětnych Budyšanow, kotřiž běchu dźěło wobornikow masiwnje haćili. Někotři ze zdźěla wopitych wćipnych ludźi běchu woheń z wjeselom a negatiwnymi přispomnjenjemi komentowali. Štož je so po tym we wozjewjenjach nadregionalnych medijow wuwiwało, dźensa hišće we wušomaj wobydlerjow klinči. Tak bě rěč wo „hewrjekacej a kleskacej cwólbje“, kotraž bě prawdźepodobnje nadróžnu bitwu z wobornikami a policiju wjedła.
To a tamne (10.06.16)
Tójšto wotpadkow so tuchwilu na dróhach francoskeje stolicy Parisa kopi – a to na dnju prěnjeje hry europskich koparskich mišterstwow. Dźěłarnistwa ze stawkami a blokadami dźěło wotpadkowych předewzaćow blokuja, zo bychu reformje dźěłowych wikow, kaž ju knježerstwo planuje, zadźěwali. Namołwy zamołwitych města njejsu dotal ničo wuskutkowali.
Kurić je w Kaliforniskej hakle wot 21. žiwjenskeho lěta dowolene. Wotpowědny zakoń, kotryž starobnu hranicu z 18 na 21 lět zběhnje, je wot wčerawšeho w zwjazkowym kraju USA z najwjace wobydlerjemi płaćiwy. Nowy zakoń předwidźi tež čućiwe chłostanja. Wojacy smědźa dale hižo z 18 lětami kurić.
Nadpadaj a wjele mortwych
Bagdad (dpa/SN). Při dwěmaj terorowymaj nadpadomaj je w irakskej stolicy znajmjeńša 21 ludźi žiwjenje přisadźiło, něhdźe 60 so zrani. Po informacijach policije zahiny w nakromnej štwórći Bagdada 17 wosobow, jako awtowa bomba rozbuchny. Wjace hač 50 ludźi poćerpje zranjenja. Nimo toho je so na sewjeru města atentatnik při kontrolnišću wójska rozbuchnył, hdźež znajmjeńša třoch ludźi do smjerće storhny. Atentataj přiličeja teroristiskej milicy IS.
Wot interneta wotwisni
Berlin (dpa/SN). W Němskej je wjace hač poł miliona ludźi, kotřiž su chcyćiwi za internetom. K tomu přińdźe wulka ličba wot internetneje chcyćiwosće wohroženych. Tole zdźěli społnomócnjena zwjazkoweho knježerstwa w naležnosći drogow a chcyćiwosće Marlene Mortler (CSU), kotraž předpołoži dźensa w Berlinje swoju kóždolětnu rozprawu. Wosebje wohroženi su młodźi ludźo hač do 24 lět. Wotwisnosć wot kompjuterowych hrow a interneta je ćežišćo rozprawy.
De Maizière: Połoženje chutne
Před Berlinskimi Braniborskimi wrotami započachu dźensa hobersku ...
Štyrjo mortwipo hrózbnym atentaće
Erdoğan raznje kritizowany
List zwjazkowej kanclerce
Čorna Pumpa (JoS/SN). Nowozałožene zwjazkarstwo Łužiske koło zetka so wčera na Čornopumpskim industrijnišću, hdźež podpisachu list zwjazkowej kanclerce Angeli Merkel (CDU). 23 wokrjesow a komunow braniborskeje a sakskeje Łužicy zwjazkarstwu přisłuša a zastupuje zajimy přichodneho hospodarskeho wuwića za milion wobydlerjow kónčiny. „Tele komunalne zwjazkarstwo je historiske“, podšmórny Grodkowska měšćanostka Christine Herntier (njestronjanka), kotraž je zdobom jeho rěčnica. „Zhromadnje chcemy wužadanjam strukturneje změny wotpowědować. Žro našeje powěsće je, zo žadamy sej dialog ze zwjazkowym knježerstwom, dokelž zastupujemy zajimy potrjechenych. Nježadamy sej jenož komunalne sobupostajowanje, ale poskićamy tež móžne rozrisanja.“ Łužiske koło orientuje so w swojim dźěle na hospodarske wuwiće přichoda a na pomoc předewzaćam, so w strukturnej změnje nowoorientować a wobstać. „Wěmy, zo je brunica jako přechodna technologija hišće dołho trěbna.
Kozel: Mjeńšiny lěpje škitać
Antiserbske namócnosće tema w sakskim wustawowym wuběrku
Drježdźany (SN/MkWj). Přećiwo Serbam měrjace so njeskutki minjeneho časa běchu jedna tema wčerawšeho posedźenja wustawoweho wuběrka Sakskeho krajneho sejma. Serbski zapósłanc Lěwicy w sejmje Hajko Kozel bě wuběrkej cyłkownje 20 prašenjow k tutej za Serbow dosć wažnej temje zapodał.
Kozel chcyše wot justicneho ministra Sebastiana Gemkowa (CDU) mjez druhim wědźeć, kotre naprawy su na krajnej a zwjazkowej runinje planowane, zo njebychu so w prašenju statistiki antiserbskich njeskutkow stajnje zaso dospołnje rozdźělne ličby jewili. Nimo toho so Kozel prašeše, kelko statnych rěčnikow so z antiserbskimi chłostanskimi njeskutkami zaběra abo je to hižo činiło a kak chcedźa dalšim njeskutkam zadźěwać.
To a tamne (09.06.16)
Na terasy hosćenca hnězdo natwariła je sej kačka w Frankfurće nad Wódru. Mjeztym třeće lěto wona na wulkim kwětkowym horncu hnězdźi, hdźež so po wšěm zdaću wěsćiša čuje hač w bliskim parku. Kačka Agatha njeda so mylić, ani wot wopytowarjow restawranta ani wot rjedźerkow. Jeno přimnyć so njeda. Picu za čas lehnjenja tež wotpokazuje. Loni bě tam dźesać pilatkow wulahnyła.
Wjećba dyrbi być! Tole rjekny sej 24lětna w schwabskim Günzburgu, po tym zo bě ju přećel wopušćił. Z pomocu rezerwoweho klučika wza sej wona awto 30lětneho a je w bliskim jězoru podnuri. Jako muž swoje jězdźidło njenamaka, informowaše policiju a móžeše tež móžnu skućićelku pomjenować. Njetrjebachu tuž dołho pytać. Wohnjowa wobora wućahny awto z jězora.
Wo imunitu přišli
Istanbul (dpa/K/SN). Na počinanje prezidenta Recepa Tayyipa Erdoğana je dobra štwórćina zapósłancow turkowskeho parlamenta wo imunitu přišła. Z wozjewjenjom w hamtskim łopjenu je dwělomny zakoń płaćiwosće nabył. Wot naprawy potrjecheni drje su zapósłancy wšěch štyrjoch stron, hłownje pak prokurdiskeje HDP, kotraž ma pječa zwiski k zakazanej stronje PKK.
NPD so přesadźiła
Weimar. Prawicarskoekstremna strona NPD je so ze swojej wustawowej skóržbu přećiwo durinskemu ministerskemu prezidentej Bodej Ramelowej (Lěwica) přesadźiła. Durinske wustawowe sudnistwo we Weimaru je dźensa rozsudźiło, zo njeje Ramelow ze swojimi wuprajenjemi wo NPD swojej winowatosći k neutralnosći wotpowědował a zo je prawo strony na samsne šansy w politiskim wubědźowanju ranił. Ramelow bě čłonow NPD „nacijow“ mjenował a ludźom wotradźał, tutu stronu wolić.
Železnicarjo protestowali
