Z wudaća: štwórtk, 19 julija 2018

Budyšin. Pod nawodom Hansa-Chri­stopha Rademanna wuhotujetej orchester Sinfonietta Drježdźany a Drježdźanski komorny chór jutře, w 20 hodź. w Budyskej tachantskej cyrkwi zahajenski koncert lětušeho Łužiskeho hudźbneho lěća. Start rjada hudźbnych zarjadowanjow pod hesłom „Krajiny“ steji w znamjenju 1 000. róčnicy Budyskeho měra. Zastupne lisćiki při wječornej kasy poskićeja za 20 eurow, potuńšene za 15 eurow.

19.07.2018 – 25.07.2018

Budyski fil­mo­wy palast:

Mamma Mia: wšědnje 14:30, 17:15 a 20:15 | pj a so 22:45 Hotel Transsilvanien: wšědnje 13:30 | wu a srj 9:45 | nj, wu a srj 11:45 Hotel Transsilvanien w 3 D: wšědnje 15:45 a 18:00 Ant-Man and the Wasp w 3 D: srj 20:15 Sicario 2: wšědnje 20:00 | pj a so 22:45 Meine teuflisch­ gute Freundin: wšědnje 14:00 | wu a srj 9:45 Skyscraper w 3 D: wšědnje 18:00 a 20:15 (nimo srj) Liliane Susewind: wu a srj 11:45 Die Farbe des Horizonts: wšědnje 19:00 (nimo pó) The First Purge: wšědnje 21:00 (nimo pó) | pj a so 23:00 Hilfe, ich hab meine Eltern geschrumpft: wu a srj 10:00 Papst Franziskus: pj, nj a wu 15:45 Juras­sic World: wšědnje 16:15 (nimo­ nj a pó) Jurassic World w 3 D: pj 22:30 Love­, Simon: nj 11:45 Oceans 8: štw, so, pó a srj 15:45 Luis und die Aliens: wšědnje 14:00 | wu a srj 9:45 | nj 11:30 Jim Knopf: nj, wu a srj 12:15 Deadpool 2: so 22:30

Kino-ekstra:

Tully: nj 16:45 | pó 17:15 a 20:15

Wojerowski CineMotion:

Na Wojerowskej dźěćacej a młodźinskej farmje, kotraž je w nošerstwje Křesćansko-socialneho kubłanskeho skutka Miłoćicy, su tele dny wosebite zynki słyšeć. Z podpěru dźěća­ceho cirkusa Krabatino, kotryž Jakob Scholz nawjeduje, přewjeduja tam hudźbny projekt. Za to su wobdźělnicy hižo njetrěbne wěcy z domjacnosće kaž tež wšelake sudobja a srědki za zapakowanje sobu přinjesli. Hač do jutřišeho pjatka hišće­ wužiwaja dźěći a młodostni składnosć, na trochu hinašich nastrojach hudźić. Zdobom zhonja woni wo skutkownym wobchadźenju ze wšelakimi resursami. Europ­ski socialny fonds projekt pjenježnje pod­pě­ruje. Foto: Gernot Menzel

Andreas Löpke so ze Šćeńčanskej šulskej chroniku z lěta 1844 zaběrał

Słowo po słowje, sadu po sadźe a linku po lince wón staroněmske pismo roz­klu­čuje. „Něštožkuli je přešmórnjene. Ně­ko­tre městna hižo njespóznaješ. A dru­hdy su strony samo wobškodźene“, powěda Andreas Löpke. We Łazowskim Do­mje­ Zejlerja a Smolerja so 58lětny Wojerowčan wot kónca zašłeho lěta ze Šćeń­čanskej šulskej chroniku z lěta 1844 cyle dokładnje zaběra. Dohromady 170 A4-stron z něhdźe 45 000 słowami šulska akta­ wopřijima. Za spěchowanske towarstwo zetkanišća Dom Zejlerja a Smolerja je Andreas Löpke dokument do kompjutera přenjesł. Wot meje 2017 wón w programje „Socialne wobdźělenje na dźěłowych wikach“ za Łazowske spěchowanske towarstwo skutkuje.

Wowčerjo sej dźensa zawěrno lochko nimaja, hdyž jim wjelk přiběrajcy klubu čini. Ćim bóle zadźiwa, zo chce so młoda žona runje do tohole powołanja podać.

Na Dörryjec małym ratarskim statoku w Lěšćach (Hornow) pola Grodka mějachu njedawno dworowy swjedźeń z dujerskej hudźbu, z kulinariskimi wosebi­tosćemi a z prezentaciju stareho rjemjesła. Wjeršk pak bě, jako w přitomnosći mnohich wopytowarjow nowu wowčernju přepodachu.

Po internych změnach w trenarskim teamje­ pola FC Energije Choćebuz (kotrenar Sebastian Abt přewozmje młodźinu A koparskeho kluba) wróći so něhdyši lubušk publikuma René Renno a stanje so z kotrenarjom Energije. Mjeztym 39lětny ekswrotar je w lěće 2015 swoju karjeru po ćežkim zranjenju ramjenja zakónčił. W samsnym času wuzwolichu Renna za „koparja lěta FC Energije“. Rodźeny Berlinjan pak wosta ze swójbu w Choćebuzu-Žylowje a z FCE jako poradźowar stajnje zwjazany. Jeho syn Tim hraje tež za Energiju, a to kaž nan mjez žerdźomaj.

Młodźina ze Serbskich Pazlic a Njebjelčic je zašłu sobotu wulki bičwolejbulowy turněr­ z dźesać mustwami přewjedła, a to na ponowjenym wolej­bulnišću při Nje­bjel­čanskim sportnišću. Cyłki, mjez nimi dwě z ćěkancami z Wojerec a Kamjenca, hrajachu w dwěmaj staflomaj. Dobyli su Radworčenjo. Foto: Gloria Žurec

Clemens Werner, rozprawjer regionalneho koparskeho ligista Budissa Budyšin za SN, zhladuje tydźeń do starta now­eje sezony w štwórtej najwyšej lize Němskeje z tabulku na štyri lěta, kotrež Budissa w regionalnej lize hraje.

hry/dobyća/remisy/poražki/wrota/dypki

ZFC Meuselwitz8 4 1 3 12:9 13

FSV Luckenwalde6 3 2 1 13:6 11

SV Babelsberg8 2 5 1 9:5 11

TSC Neustrelitz 8 2 3 3 9:10 9

Viktoria Berlin8 2 2 4 10:13 8

VfB Auerbach8 1 4 3 7:11 7

Hertha BSC II8 2 1 5 10:16 7

BFC Dynamo8 2 1 5 7:18 7

VSG Altglienicke2 2 0 0 4:1 6

1. FC Lok Lipsk4 1 3 0 3:2 6

FC HŁ Neugersdorf6 1 3 2 6:8 6

Germ. Halberstadt6 1 3 2 7:11 6

Berlinski AK8 1 3 4 6:16 6

VFC Plauen2 1 1 0 3:0 4

Wack. Nordhausen8 1 1 6 7:12 4

Optik Rathenow2 1 0 1 3:2 3

Chemija Lipsk2 1 0 1 1:1 3

RB Lipsk II4 0 3 1 4:7 3

FC Schönberg 954 0 2 2 4:8 2

1. FC Union Berlin2 0 1 1 1:3 1

FSV Zwickau4 0 1 3 0:5 1

Union Fürstenw.4 0 1 3 4:10 1

Energija Choćebuz4 0 1 3 1:8 1

FC Carl Zeiss Jena6 0 1 5 1:10 1

1. FC Magdeburg2 0 0 2 0:8 0