Z wudaća: srjeda, 12 decembera 2018

1Wosobinska motiwacija je a wostanje na dobro Serbow so angažować. Dowěrliwe zhromadne dźěło w radźe ze zastupjerjemi Sakskeje, Braniborskeje a Zwjazka a z regionalnymi zastupjerjemi je mi wosebite wužadanje. Skutkować ze Serbami z Hornjeje, srjedźneje, Delnjeje a zwonka Łužicy mje při tym wosobinsce wobohaća.

2Załožba je wuspěšny instrument financowanja za serbski lud. Přeju sej, zo so wona w tym dale wukmani. Trjebamy nazhonitu partnerku za zwoprawdźenje našich předewzaćow. Wočakuju přesadźenje wobsahowych prioritow w spěchowanju, nawabjenje srědkow třećich, trěbnu zjawnu komunikaciju a poradźowanje za projekty a ideje. Kak a hdźe tučasnje kaž tež nowe wobsahi – hlej digitalizaciju – přichodnje přirjadujemy, to spušćam so na namjety zamołwitych.

Helmut Mark, Erhard Kunaschk, Gerhard Polling a Willi Dschietzig stejachu tehdy wosrjedź swojeho powołanskeho žiwjenja. „Woni dźěłachu w tak mjenowanej suchej słužbje Hórnikečanskeje briketownje. Při rozbuchnjenju su woni žiwjenje přisadźili“, powěda Günter Hančka wo 16. měrcu 1978. Dźensa 70lětny Kulowčan bě na městnje 16 lět připrawowy mašinist w mokrej słužbje. Na tradicionalnej nutrnosći za znjezboženych hórnikow na dnju swj. Borbory, 4. decembra, je wón w kapałce dźensnišeho muzeja Hórnikečanska Energijowa fabrika z ně­hdźe 30 dalšimi přitomnymi na to spominał. Jako kolega a katolik je jemu to wažne. Dwacety raz su nutrnosć swjećili. Na gitarje je přitomnych přewodźał Simon Riedlecker, student Weimarskeje Hudźbneje wysokeje šule „Franz Liszt“. Nimale 900 mjenow znjezboženych hórnistwa we łužiskim rewěrje – a to wot lěta 1849 hač do dźensnišeho datěrowane – je na taflach w kapałce zwěčnjenych. Dźeń swj. Borbory, škitneje patronki hórnistwa, hórnikow a mrějacych w hodźinje smjerće, na nich dopomina.

Sakskemu krajnemu knježerstwu leži wosebje wuwiće a skrućenje strukturow a bytostnych znamjenjow wjesnych kónčin na wutrobje. Njeje jenož politisce a demokratisce trjeba, žiwjenje na wsach runje tak derje rjadować kaž w městach. Je to skerje wužadanje, zachować kulturne namrěwstwo wjesneho žiwjenja ze wšěmi jeho wosebitosćemi a jónkrótnosćemi.

Kopańca, krajna klasa

Sprjewja – Nowe Město 3:2 (2:0)

Großröhrsdorf – Weixdorf 1:1 (1:1)

Neugersdorf II – Ćisk0:1 (0:0)

Rotacija Drježdźany – Trjebin 2:2 (1:2)

Laubegast – Oderwitz II 3:0 (2:0)

Chrósćicy – Drježdźany-Strěžin wupad

Borea Drježdźany – Běła Woda  1:1 (1:1)

1. LSV Nowe Město 13 40 : 17 26

2. Laubegast 13 31 : 16 25

3. FC Neugersdorf II 12 21 : 16 22

4. VfB Běła Woda 1909 13 38 : 23 20

5. SZ Drježdźany-Strěžin 11 20 : 13 19

6. ST Ćisk 13 22 : 21 19

7. SG Weixdorf 13 25 : 25 17

8. SC Borea Drježdźany 13 20 : 23 15

9. FSV Oderwitz II 12 15 : 17 14

10. TSV Rotacija Drježdź. 13 21 : 29 14

11. SJ Chrósćicy 11 24 : 31 13

12. ST Horni kraj-Sprjewja 13 21 : 45 13

13. SC Großröhrsdorf 13 19 : 22 12

14. ST Trjebin 13 15 : 34 9

wokrjesna wyša liga

Wojerowski FC – Hory 3:1 (1:0)

Połčnica – Ramnow1:2 (0:1)

Kulow – Ralbicy/Hórki 0:0 (0:0)

Rakecy – Bukecy9:0 (3:0)

Germ. Budyšin – Kinspork/Łužn. 4:1 (1:0)

Hnašecy-Dobruša – Kumwałd 2:1 (1:0)

Großnaundorf – Němske Pazlicy 2:4 (2:2)

Porchow – Radwor8:0 (4:0)

SJ Chrósćicy II – FSV Łuty 0:2 (0:2)

Zestawa domjacych: Hejduška (22. Klimant) – M. Donat, Mark, Wowčer, Le­šawa, Šołta, C. Šmit, Špitank, Mohaupt (61. D. Šmit), Liznar, J. Donat (83. Pjetaš)

W poslednjej hrě prěnjeje połserije poho­sći rezerwa Chróšćanskeje SJ koparjow z Łutow. Wězo by dobyće optimalny zazběh do zymskeje přestawki był, wšako su Chróšćenjo hižo w minjenymaj tydźenjomaj njetrjebawši přěhrali.

Chrósćicy (SN/JaW). Chróšćanska wosada hotuje so na chětro wulku twarsku naprawu. Klětu chcedźa tam mjenujcy třěchu wosadneje cyrkwje ponowić.

Kaž farar Měrćin Deleńk našemu wječornikej na naprašowanje wobkrući, je financny plan twarskeho předewzaća schwaleny. Tak dóstanje wosada za ponowjenje třěchi cyłkownje 148 000 eurow spěchowanja z programa Leader. „Cyrkej steji pod škitom pomnikow, a naša kónčina a z njej Chrósćicy přisłušeja tak mjenowanej Leaderowej kónčinje“, wosadny farar rozłoži. Kaž wón Serbskim Nowinam dale zdźěli, je mjenowana suma tuchwilu najwyša móžna přiražka ze stron Leader. „Hornc za aktualnu spěchowansku dobu wobsahowaše jenož hišće 148 000 eurow. Te su nam přizwolili“, je Měrćin Deleńk zbožowny.

Drježdźansko-Mišnjanske biskopstwo přida twarskemu projektej 192 000 eurow. Zbytk cyłkownych kóštow, kotrež wučinjeja dohromady 650 000 eurow, dyrbi wosada sama zwjesć. Dźěl trěbneje sumy je wona po informacijach Chróšćanskeho wosadneho fararja hižo nazběrała a za swoje hoberske twarske předewzaće składowała. Klětu w meji chcedźa cyrkej zaróštować.

Njeswačidło (ML/SN). Hodownu pychu – wjace hač 50 pyramidow z rudnohór­skimi postawami a małymi božimi narodkami kaž tež palčikami, jandźelemi a hórnikami – pokazuje 40. wosebita wustajeńca Njeswačanskeho domizniskeho muzeja. Budyšan Peter Baaske, zběraćel adwentnych a hodownych ludowuměłskich wudźěłkow, předewšěm pyramidow a postawow wot rudnohórskich rězbarjow z časa NDR, je 49 požčonkow za přehladku přewostajił.

Njeplanowane wudawki z přidatnymi pjenjezami wurunaja

Njeswačidło (JK/SN). Na swojim poslednim lětušim posedźenju wěnowaše so Njeswačanska gmejnska rada wčera wječor tomu, rozdźělić lětuši podźěl pawšale sakskeho knježerstwa za spěchowanje wjesneho ruma we wobjimje 70 000 eurow. To wuwoła wočakowanu čiłu a kontrowersnu diskusiju. Namjetej wjesnjanosty Gerda Schustera (CDU), pjenjezy za přidatne a njeplanowane wudawki we wobłuku lětušeho hospodarskeho plana zasadźić, njemóžachu so wšitcy radźićeljo přizamknyć. Dwaj sej skerje žadaštaj, rozdźělić pjenjezy gmejnskim towarstwam za dalše spomóžne dźěło. Wjesnjanosta pak wobkrući swój namjet prajo, zo měješe a ma gmejna přidatne a wyše wudawki, zo bychu dźěći w žłobiku a pěstowarni zastarane byli. Tuchwilu zarjaduje gmejna dalše dnjowe zastaranje dźěći na Šešowskej dróze, kotrež chcedźa spočatk lěta zahajić. To je z tójšto wudawkami zwjazane. Dalša pozicija su wudawki za nakup jězdźidła, kotrež su dotal wotnajeli a za kotrež financowanje lětsa wuběži.

Skazane twórby sej wotewzać

Budyšin. Wšitcy lubowarjo wuměłstwa serbskeje tworjaceje wuměłče Wórše Lanzyneje, kotřiž su sej w Budyskej Serbskej kulturnej informaciji wustajene twórby kupili abo rezerwować dali, njech sej je prošu hač do jutřišeho štwórtka, 13. decembra, připołdnju tam wotewzaja. Tón dźeń mjenujcy započnu přehladku w SKI wottwarjeć.

Na adwentne wiki

Hórki. Wjesne towarstwo „Při skale“ přeproša wšitkich zajimcow na swoje adwentne­ wiki, kotrež budu njedźelu, 16. decembra, w Hórkach. Wot 16 hodź. poskićeja při tamnišej gratowni wohnjoweje wobory wosrjedź wsy nimo horceho wina tež kurjenu rybu, pražene kołbaski a dalše překwapjenki. Popołdnjo zahaja z programom wjesnych dźěći. Wone­ změja potom móžnosće paslić, a rumpodich je so tež připowědźił.

Wěnuja so literaturje