Z wudaća: srjeda, 20 februara 2019

Chwaćicy (SN/MWj). Hdźež je minjeny tydźeń w Chwaćicach při Budyskim spjatym jězoru wjetše mnóstwo tepjenskeho wolija wuběžało, je po wšěm zaso wšitko w porjadku. Zastupjerjo wobswětoweho zarjada, krajneho zarjadnistwa rěčnych zawěrow, firmy zawinowarja a wohnjoweje wobory běchu połoženje na městnje posudźowali a kóždežkuli warnowanje zběhnyli. Wolijowe barjery na spjatym jězoru su wohnjowi wobornicy za­wčerawšim zaso zrumowali. Wšitke maćizny, kotrež běchu so z wolijom do wody dóstali, móžachu z pomocu wosebitych chemiskich maćiznow wjazać a fachowsce wotstronić, kaž Budyske měšćanske zarjadnistwo zdźěli.

Nimo toho wolij transportowace předewzaće informuje, zo njeje 800 litrow, ale „jenož“ 300 litrow wolija wuběžało. To zwěsćichu při měrjenju zbywaceho wolija. Šofer potrjecheneho tankoweho awta bě z toho wuchadźał, zo jednaše so wo 800 hač do tysac litrow.

Někotre barjery wostanu při gulijowych wěkach hišće ležo, zo njebychu so zbytki wolija při móžnym sylnym dešću tola hišće do jězora dóstali.

Dyrbi měsac nóžkować

Njebjelčicy. Na statnej dróze S 94 pola Njebjelčic je policija zawčerawšim spěšnosć měriła. Z něhdźe 1 700 kontrolowanych jězdźidłow bě 105 přespěšnych. Najnuznišo měješe wodźer VWja, kotrehož lepichu ze 128 km/h. Wón dyrbi nětko měsac nóžkować, dóstanje dwaj dypkaj a dyrbi 240 eurow pokuty płaćić.

Budyšin/Worklecy. Składnostnje 125. posmjertnin kanonika Michała Hórnika chcedźa horliweho serbskeho prócowarja na wšelake wašnje počesćić. Zajutřišim, pjatk, w 15 hodź. su wšitcy na Budyski Mikławšk k jeho rowej přeprošeni. Zarjadowar je Towarstwo Cyrila a Metoda. Wone přewjedźe dalšej počesćeni štwórtk, 7. měrca, we Worklečanskej kapałce zhromadnje z tamnišim kapałkowym towarstwom a ze župu „Michał Hórnik“ kaž tež pjatk, 8. měrca, z Worklečanskej šulu, kotraž je tohorunja po Michale Hórniku pomjenowana. Zajimcy su wutrobnje přeprošeni.

Bajowe figury w srjedźišću

Stróža. Na popołdnjo za dźěći a šulerjow přeprošatej towarstwo Radiška a zarjadnistwo biosferoweho rezerwata Hornjołužiska hola a haty pjatk, 22. februara, wot 15 do 17 hodź. do Stróžanskeho Domu tysac hatow. Tam chcedźa so z pisanym swětom bajowych figurow, kaž wódneho muža abo připołdnicy, zaběrać. Wšitcy su witani. Zastup­ je darmotny.

Zo móhli pčołki přežiwić

Hišće hač do kónca měrca je w Slepjanskim Serbskim kulturnym centrumje widźeć wosebita pućowanska wustajeńca přirodoškitneje stacije z Dołheje Boršće w Mikowskej gmejnje. Přehladka dawa dohlad do wšelakich wobłukow dźěła přirodoškitneje stacije a do nadawkow jeje sobudźěłaćerjow. Přistupna je wona we wotewrjenskich časach kulturneho centruma wot wutory do pjatka stajnje wot 10 do 17 hodź. kaž tež njedźelu wot 13 do 17 hodź. Mjez zajimowanymi wopytowarjemi bě tele dny Günter Sommer, kiž je sej wustajeńcu zhromadnje z nawodnicu SKC Sylwiju Pano­šinej wobhladał. Foto: Bernhard Donke

Wjelcej (FAG/SN). Před wosom lětami załožichu we Wjelčanskim archeotechniskim centrumje skupinu, kotraž so tam měsačnje k přazy zetkawa. Při tym steja zwjetša kołwróty w srjedźišću wobdźělnikow. Tuchwilu pak tam tež hinaše ručne­ dźěło wukonjeja. Čłonka skupiny Kerstin­ Scholta bě w interneće storčiła na namołwu zwěrinoškitneje akcije­ za pomoc hoberskeje zwěrjatownje w Rumunskej. Tam maja tysacy psow, mjez nimi něhdźe 500 młodźatow. Dokelž so po wšěm zdaću wo nje prawje starać njemóža, pletu nětko tež we Wjelcej za štyrinohače přikrywy a dalše ćopłe wěcy, kotrež chcedźa do Rumunskeje pósłać. Při mjenowanej akciji čłonojo Wjelčanskeje přazy rady pomhaja.

Na wopyće w dźěłarni blidarja a hladarja pomnikow Krystofa Žura

Při hłownym wjesnym puću wosrjedź Chrósćic pokazuje tafla z napisom „Denkmalpflege Sauer GmbH & Co.KG – www.denkmalpflege-sauer.de“ (Hladanje pomnikow Žur) na to, zo je w bywšim Čornakec zežiwidłowym wobchodźe zaměstnjena blidarnja, specializowana na hladanje pomnikow. Wo wobchodźe njeje­ w nětčišej wulkej dźěłarni-blidarni ničo wjace widźeć. Wjacore mašiny – wšelake piły, frezawy, pačidła a dalše za blidarja wažne nastroje a dźěłowe graty – a po rumnosći składźene deski, dźěłarnju wupjelnjeja. Wóń sucheho drjewa chójny ći do nosa stupa. Zdobom čuješ tež wóń lěpka, kotryž blidarjo za swoje dźěło wužiwaja.

Rakečanske ST – ST Radwor 2:1 (1:0)

Zestawa hosći: Ch. Šěrak – Henka, Reineke, Bauer, F. Šěrak, Winar, Wjeńka, Mark (86. Pěčak), Kral, Rachela (46. Glücklich), Hetaš (46. Amar)

Po prěnjej połseriji steja koparjo ST Radworja na poslednim městnje tabulki wokrjesneje wyšeje ligi. Za mnohich, tak mjenowanych ekspertow, su woni hižo wotstupjeni, móhłrjec mortwi. Runje tohodla móža nětko do druheje połojcy sezony bjez ćišća startować a wšěm to napřećiwne dopokazać.

Kopańca, wokrjesna liga, stafla 1

1. TSV Wachau 16 77 : 28 35

2. Horni kraj-Sprjewja II 15 50 : 18 32

3. ST Wjelećin 16 39 : 26 31

4. FV Ottendorf-Okrilla 14 34 : 23 28

5. Biskopičanske KT II 16 48 : 36 27

6. Arnsdorfske KT 15 45 : 28 26

7. SC Großröhrsdorf II 16 35 : 27 26

8. ST Kubšicy 15 34 : 36 23

9. ST Budyšin 15 24 : 25 22

10. TSV Wjernarjecy 14 37 : 44 20

11. Bretnig-Hauswalde 16 25 : 46 19

12. SV Frankenthal 15 33 : 47 16

13. HZ Huska/Hodźij 16 15 : 41 13

regionalna liga

1. Kamjeničanski FC 19 50 : 15 51

2. Berlinski AK 20 40 : 22 42

3. Hertha BSC II 20 39 : 25 38

4. Čerwjeno-běli Erfurt 19 37 : 17 36

5. Wacker Nordhausen 19 27 : 17 33

6. SV Babelsberg 20 33 : 26 28

7. Lok Lipsk 20 28 : 22 27

8. Germania Halberstadt 21 28 : 28 26

9. Union Fürstenwalde 21 29 : 40 24

10. VfB Auerbach 19 22 : 28 23

11. VSG Altglienicke 20 32 : 39 23

12. FC Viktoria Berlin 19 26 : 17 22

13. Budissa Budyšin 21 15 : 29 22

14. Biskopičanske KT 20 15 : 31 21

15. ZFC Meuselwitz 20 31 : 41 20