Z wudaća: pjatk, 29 meje 2020

njedźelu, hornjoserbsce

11:00 Łužica aktualnje z powěsćemi tydźenja

11:20 Rozžohnowanje ze superintendentom Janom Malinkom a witanje Christopha Rummela

11:40 oratorij „Podlěćo“ – 1. dźěl

12:00 Kemše ze superintendentom Christophom Rummelom

po tym zbožopřeća

delnjoserbsce

12:30 Postrow za dźěći, powěsće a aktualne přinoški wo podawkach tydźenja w Delnjej Łužicy, 500. posmjertniny Jana Raka

13:00 Tematiske wusyłanje: Moderna technika na wsy

13:40 Nabožne wusyłanje

 (Adelheid Dawmowa)

po tym hudźba tydźenja a zbožopřeća 

póndźelu, hornjoserbsce 

9:00 Boža mša z Róžanta z fararjom Michałom Andersom

11:10 rozprawa live z Róžanta

11:20 Něhdy Němc – nětko horliwy Serb: Julian Nyča

11:45 Pohladamy do archiwa: Mjezynarodny dźeń dźěsća

12:00 oratorij „Podlěćo“ – 2. dźěl

delnjoserbsce

12:30 Nabožne wusyłanje (Madlena Norbergowa)

13:00  Baršćanska róžowa zahroda

13:30 wosebite postrowy k Mjezynarodnemu dnjej dźěsća

po tym hudźba tydźenja a zbožopřeća

Wodorunje: 3 dobyćer mejemjetanja, 5 prěni direktor našeho ansambla (Jurij), 6 postrow namórnikow, 7 słódki napoj, 10 hoberske morjo, 13 znata wosobina, 14 rosće na łuce, 15 žónske předmjeno

Padorunje: 1 přiwuzny, 2 tak a ..., 3 serbski hudźbnik (Bjarnat), 4 słód, 8 spisar, 9 wulka žiła, 11 zapal, 12 přitok Dunaja

Žiwjensku nadźiju, zmužitosć a humor sej wobchować

Łaz (AK/SN). We Łazowskej hladarni starych spěwa Heiko Harig. Woblečeny je wón módru košlu, žołty woblek a žołte črije. Jemu su barby Hornjeje Łužicy lube. Spěwar, moderator a komikar z Chróstawy njedaloko Šěrachowa wobydlerjow a sobudźěłaćerjow na swoje wašnje zwjesela. „Tulpy z Amsterdama“, „Rucki ­zucki“ a mnohe dalše melodije su tam słyšeć. Wot póstniskeje wutory je to prěni kulturny termin za seniorow. Spontanje spěwa Heiko Harig štučku za wobydlerku Hildegard Kubitz, kotraž njemóže sobu na dworje přebywać. We Łazowskej starowni bydli tuchwilu 62 seniorow w starobje 71 do 97 lět. Někotři su před 18 lětami z Kamjenskeje starownje do Łaza přećahnyli. 54 sobudźěłaćerjow, mjez nimi dwaj wukubłancaj, so wo jich derjeměće stara.

Njebjelčanska gmejnska rada wobšěrny dnjowy porjad rozjimała

Njebjelčicy (JK/SN). Hižo k zahajenju wčerawšeho posedźenja gmejnskeje rady je Njebjelčanski wjesnjanosta Tomaš Čornak (CDU) wuzběhnył, zo budźe to zajimawe posedźenje z wotměnjawym wobsahom. Nimo toho wón radźićelam rjekny, zo gmejnske zarjadnistwo nimale zaso po zwučenych kolijach, po normalnym porjedźe dźěła. Přiwšěm měli wšitcy dale na postajenja dźiwać, kotrež pomhaja rozpřestrěće koronapandemije wobmjezować.

Wulku sumu pjenjez a drogi našli

Mały Wjelkow. Zastojnicy Budyskeho policajskeho rewěra a inspekcije kriminalneje policije su minjenu wutoru z pomocu stafle slědźacych psow přepyto­wanje w Małym Wjelkowje přewjedli. W podhladnym „bydlenskim objekće“ namakachu „něšto mariuany, srědki za woćeńšenje drogow a něhdźe 10 000 eurow“. Třoch muži w starobje 25 do 28 lět a 19lětnu žonu policija zaja, statne rěčnistwo dale přepytuje.

Policistow nadběhował

Niska. Wočiwidnje wopojeny 25lětny muž je so předwčerawšim zajeću spjećował a za policistami kopajo škleńcu słužbneho awta zastojnikow wobškodźił. Wěcnu škodu trochuja na něhdźe 300 eurow. Skućićel spyta z kolesom ćeknyć, štož pak so jemu njeporadźi. Nětko je w přepytowanskej jatbje.

Wobydlerjam zarjadniskeho zwjazka Njeswačidło a Bóšicy předleži nětko derje wuhotowana informaciska brošura. Wuhotowała a wudała je 30stronski wulkoformatowy zešiwk w nadawku mjenowaneho zarjadniskeho zwjazka firma Mediaprint info-nakładnistwo w Meringu pola Augsburga. Karta wo hornjołužiskej holi a hatach z dwurěčnymi ­mjenami a detailowe karty gmejnow su přidate.

Ideja, tajki spis za wobydlerjow zarjadniskeho zwjazka a wo nim wudać je chwalobne. Na titulnej stronje wuhladamy wulkobarbne foto wo Njeswačanskim Starym hrodźe z baroknej zahrodu a třomi pawiljonami před nim, dale tři kulojte mjeńše fota wo hrajkanišću, Koslowskich łučnych hatach a wo swj. křižu na Horje. Swjaty křiž skedźbnja na wosebitosć teritorija, na wsy z katolskimi serbskimi wjesnjanami a tradicijemi kaž tež na ewangelskich wobydlerjow a jich kulturny rum.

Bart. Dobrowólna wohnjowa wobora Bart by lětsa 170. róčnicu wobstaća swjećiła. Za to planowane swjedźenske zarjadowanje pak dyrbjachu koronapandemije dla wotprajić. Tež tradicionalne mejemjetanje žane njebě. Wšako chcychu jubilej a mejski swjatk zhromadnje woswjećić. Wobornicy wobroćichu so nětko zjawnje na wobydlerjow. Wěmy, kak ćežko mjeztym je w tak małej wsy někajki swjedźeń organizować. Štó pak měł to činić, hdyž nic towarstwa a organizatorojo ze wsy sameje, z Barta? Ze swojim listom na wobydlerjow zwjazuja nadźiju, zo móža bórze zaso zhromadnje swjećić. Zdobom dźakuja so wšitkim, kotřiž su za přihoty jubileja a mejemjetanja mjeztym hižo wjele prócy nałožili. Wobornicy zwjazuja swój dźak z nadźiju, zo po koronje dale dobru zhromadnosć pěstuja.

Kmótřiski projekt za přirodu

Nalětnje słónco dźeń a wjac ludźi won do přirody wabi. Wšudźe drje namakaš rjane kućiki, ale komuž je znaty wobswět před jeho domom přewostudły, tón njech sej raz druhdźe dojědźe. Tak chcych so tež ja zaso jónu do Sakskeje Šwicy podać. Krutych wobmjezowanjow korony dla pak to w času jutrownych prózdnin njemóžach. Ćim rjeńšo bě, jako nětko skónčnje tak daloko bě.

Königstein a wokołopuć přez twjerdźiznu

Sobotu spočatk meje móžeše so naše planowane pućowanje při optimalnych 20 stopnjach celsija wotměć. Na pućowanskej app Komoot běch so za woblubowanu čaru Popowski kamjeń (Pfaffenstein)-wuško (Nadelöhr) rozsudźiła.

Dopołdnja w jědnaćich zetkachmy so na parkowanišću w měsće Königstein nad Łobjom. Tam wšak bě chětro wótře. Awtow a nimo jěducych ćahow dla njemóžachmy so ani rozmołwjeć. Nastajichmy so tuž hnydom na puć, mój bratr z přećelom a ja ze znatym a jeho psom.

Konječan Měrćin Štrawba stara so wo znowazalěsnjenje hórskeje krajiny južnje Budyšina

Lěsny hospodar (Forstwirt) rěka statnje připóznate powołanje Měrćina Štrawby z Konjec. W třilětnym wukubłanju je sej wón trěbnu praktisku kwalifikaciju Sakskeho statneho lěsnistwa přiswojił, wopytujo powołansku šulu w vogtlandskim Morgenröthe-Rautenkranzu. Po wukubłanju dźěłaše wón rady w serbskim posłužbowym zawodźe w Smječkecach. Dźěło w přirodźe bě jemu wosebje lube, a ćežkeho ćělneho dźěła so tohorunja ženje njeboješe. Ale w Smječkečanskej firmje dźěłaše wón předewšěm z mašinami, štož jeho pohnu so druhdźe požadać?

Wuspěšnje wo spokojace dźěło so prócował

„Jednoho dnja sym w socialnej syći Facebook Budyskeho měšćanskeho zarjadnistwa připadnje widźał, zo pytaja sobudźěłaćerja za měšćanski lěs, a to z mojim wukubłanjom. Nablaku so z trěbnymi podłožkami přizjewich, byrnjež termin hižo zapasł.“