Z wudaća: srjeda, 25 nowembera 2020

Hana ist ein schönes Mädel, das findet mancher im Dorf. Sie lebt auf einem Hof in Horka bei Kamenz und hilft ihren sorbischen Stiefeltern in der Landwirtschaft. Ihre richtigen Eltern kennt sie kaum, die wohnen in Dresden und haben sie als Kind aufs Land gebracht, weil sie dachten, sie wäre dort sicherer als in der Großstadt. So scheint es auch über eine lange Zeit. Hana wächst heran, lebt die sorbischen Bräuche und trägt Tracht. Viele Menschen im Dorf wissen, dass sie Jüdin ist und später katholisch getauft wurde. Das spielt keine große Rolle, aber bald mehren sich die Anzeichen, dass es gefährlich wird für die junge Frau. Die Geschichte beginnt 1939, führt bis zum Sommer 1943, als sie Mitte 20 ist, und endet tragisch. Jurij Koch hat sie geschrieben: „Hana. Eine jüdisch-sorbische Erzählung“, die gerade beim Hentrich & Hentrich Verlag Berlin/Leipzig erschien.

Z ponowjenymaj cyblomaj saněrowanje třěchi cyrkwje wotzamknjene

Chrósćicy (SN/MWj). Byrnjež chětro zymny a jěry bě dźensa dopołdnja w Chrósćicach přiwšěm swjatočny a tež historiski wokomik. Horstka Chróšćanow mjenujcy sobu dožiwi, kak twarscy dźěłaćerjo najprjedy na sewjernu a potom na južnu nabóčnu wěžu pozłoćanu kulu a swjaty křiž připrawichu. „Z tym je hač na někotre maličkosće cyłkowne ponowjenje třěchi farskeje cyrkwje wotzamknjene“, rjekny farar Měrćin Deleńk.

Na małym nyšporje bě wón do toho kulu a křiž za sewjernu wěžu požohnował. Zhotowił bě jej Jasčanski kowar Michael Kaczmar. Pozłoćił je jej Rjenčec předewzaće z Dobrošic. W zašłych štyrjoch měsacach dóstaštej wobě wěži nowu cyblu z drjewa a kopora.

Pola Wojerec planuje krajny zarjad za rěčne zawěry klětu wobšěrne saněrowanje nasypa podłu Čornicy a Čorneho Halštrowa. Přihotowanske dźěła tam hižo z połnej paru běža.

Wojerecy (SN/MWj). 18 nowych kwartěrow za njetopyrje je Wojerowska wodowa mištrownja wčera při Čornym Halštrowje pola Wojerec připrawiła. Njetopyrjowe kašćiki su jedna z wjacorych kompensaciskich naprawow za planowane saněrowanje nasypa podłu Wojerowskeje Čornicy a Čorneho Halštrowa, štož maja za přichodne lěto předwidźane. Kaž krajny zarjad za rěčne zawěry (LTV) informuje, trjebaja rozdźělne družiny njetopyrjow tež rozdźělne kwartěry. Tohodla zasadźa w swojej akciji tři wšelake njetopyrjowe kašćiki. Zo bychu małe cycaki swój nowy domicil tež přiwzali, připrawja je we wysokosći znajmjeńša štyrjoch metrow. Dokelž maja njetopyrje rady ćopło, njesmědźa jich kašćiki do sewjera wu­směrjene być. Nimo toho dyrbitej přilět a wotlět bjez zadźěwkow móžnej być.

Swójske koleso namakała

Wojerecy. Na swójsku iniciatiwu a dźakowano wobdźělenju policije je žona we Wojerecach tele dny swoje pokradnjene koleso wróćene dóstała. Njeznaći běchu so do pincy wjaceswójbneho domu na Hasy Konrada Zuseho zadobyli a jeje groćaneho konika typa Stevens sobu wzali. Wobsedźerka wuhlada swoje koleso na to w interneće, hdźež je něchtó na předań poskićeše a aranžowaše z předawarjom zetkanje. Jako tak daloko bě, nječakaše jeno žona na swoje koleso, ale tež policija na podhladneho paducha. Pola 29lětneho namakachu zastojnicy rubiznu, kotraž pochadźa z dalšeho zadobywanja do pincy wjaceswójbneho domu we Wojerecach. Mjez druhim bě wón tam elektro-roler pokradnył. Za swoje njeskutki změje so paduch nětko před sudnistwom zamołwić.

Delnja Hórka (CS/SN). Nimale hižo cyły měsac je Delnja Hórka w Malešanskej gmejnje wo atrakciju bohatša, kotruž tež druhdźe hižo maja. Tam steji mjenujcy tak mjenowana knižna cela. Wona je w starej telefonowej budce zaměstnjena. Wo nju staratej so wjesnjance Ute Gregor a Petra Eckert. Wobě stej z dotalnym wothłosom wobydlerjow dosć spokojom. Dotal dyrbjachu jenož jónu zwěsćić, zo je tam něchtó knihi wotbył, kotrež so hižo wužiwać njehodźa a kotrež dyrbjachu tuž zaso wurumować.

Ideju za knižnu celu měješe čłonka Delnjohórčanskeje wjesneje rady Katja Lorenz. Zo pak móžachu projekt skónčnje tola zwoprawdźić, bě zhromadny skutk mnohich wobdźělenych, Ute Gregor wuzběhny.

Pančicy-Kukow. Wobydlerski policist za teritorij gmejnow zarjadniskeho zwjazka Při Klóšterskej wodźe Uwe Mittag najprjedy raz žane rěčne hodźiny njezměje. Kaž zarjadniski zwjazk zdźěli, su je wotprajili. Štóž přiwšěm policajsku poradu trjeba, njech přizjewi so pod telefonowym čisłom 03578/ 35 20 abo zazwoni nuzowe čisło 110.

Alternatiwa njebudźe

Bikopicy. Jako „nakupowanske dundanje po měsće“ myslenu alternatiwu k adwentnym wikam w Biskopicach přewjesć njesmědźa. Zarjadniske zadźěwki to znjemóžnjeja, rěka z radnicy. Alternatiwny plan bě přewjesć w nutřkownym měsće wot 4. do 6. decembra „kupnicu bjez ­třěchi“. Wikowarjo, kotřiž běchu za poprawne hodowne wiki přizjewjeni, mě­jachu swoje stejnišća z dosahacym wotstawkom natwarić. To pak njebu dowo­lene.

Planuja narunanje