Z wudaća: srjeda, 25 nowembera 2020

Berlin (dpa/SN). Zwjazk a zwjazkowe kraje chcychu so dźensa na dalši kurs w boju přećiwo koronawirusej hač do kónca lěta dorozumić. Hižo wčera bě chětro jasne, zo po předstawach ministerskich prezidentow a zwjazkoweje kanclerki Angele Merkel (CDU) tuchwilu płaćiwe wobmjezowanja hač do 20. decembra podlěša. Ministerscy prezidenća 16 zwjazkowych krajow běchu so dojednali, kontaktne wobmjezowanja po 1. decembru hišće raz přiwótřić. Priwatne kontakty měli na pjeć wosobow z dweju domjacnosćow wobmjezowane być. Za to móhli so za čas swjatych dnjow wot 23. decembra hač do 1. januara dźesać wosobow zetkać směć. Dźěći hač do 14 lět su z toho wu­wzate. Po informacijach medijow chcyła kanclerka Angela Merkel rjadowanja w někotrych dypkach „přiwótřić“.

Drježdźany (dpa/SN). Sakski ministerski prezident Michael Kretschmer (CDU) je připowědźił, hodowne prózdniny lětsa prjedy zahajić hač dotal planowane. „Posledni šulski dźeń je 18. december“, Kretsch­mer wčera twitterowaše. Zdobom Kretschmer ludźi namołwješe, swoje zadźerženje změnić. „Kóždy ma zamołwitosć za sebje a za swojeho blišeho.“ Ludźi měli so w priwatnym wobłuku, na dźěle ale tež w swobodnym času tak zetkawać, zo njemóža jako inficěrowani nikoho natyknyć. „To rěka na wotstawk dźiwać, nahubnik wužiwać a kontakty wobeńć.“ Połoženje je chutne, ale w Němskej wob­knježomne, wón piše. „Koronawirus so wo naše naležnosće njestara. Tuž dyrbimy sami rozsudźić, kak tónle čas zmištrujemy.“

Berlin (dpa/SN). Frakcija FDP je plany někotrych zwjazkowych krajow kritizowała, k hodam swójbne zetkanja jenož z pjeć do dźesać ludźimi dowolić. Tajke krute rjadowanja su wot woprawdźitosće zdalene a podrywaja dowěru ludźi do statnych naprawow k wobmjezowanju koronapandemije“, rjekny zastupowaca předsydka frakcije Katja Suding. Wosebje w tak mjenowanych patchwork-swójbach dyrbjeli potom bolostnje rozsudźić, štó smě pod hodownym štomom sedźeć a štó nic. „Měli swójbam dowěrić, zo sami rozsudźa, z kelko swójbnymi chcyli hody swjećić. Njesměli swójbnu harmoniju ze statnymi wukazami wohrozyć.“ Podobnje zwurazni to Lěwica. Swójbnopolitiska rěčnica Katrin Werner nima wobmjezowanje na wěstu ličbu ludźi za zmysłapołne. AfD kóžde zasahnjenje stata do swójbow wotpokazuje. „Naprawy su njepřećelske swójbam napřećo a wot reality zdalene“, frakcija zdźěla.

Marek Krawc rozprawja za Serbske Nowiny z čěskeje stolicy

Přeni dźeń poslednjeho tydźenja nazymnika wobradźi Čecham horco požadane wolóženja. Strowotniske zarjady registrowachu zańdźenej tydźenjej dale a mjenje nowych infekcijow korony, reprodukciska ličba dale spadowaše a napjate połoženje pandemije dla so dźeń a bóle změrowaše. Nuzowy staw drje hišće płaći – knježerstwo je so minjeny tydźeń z parlamentom dojednało, jón hač do 12. hodownika podlěšić – minjenu póndźelu pak móžachu wučerjo šulerjow 1. a 2. lětnikow skónčnje zaso w šulach witać. Dźěći dyrbja pak tež w Čěskej za čas wučby a přestawkow nahubniki wužiwać. A tež naprawy wokoło nakupowanja a zakaza domjacnosć w nocy wopušćić su změnjene. Nětko steja wobchody kupcam zaso hač do 23 hodź. k dispoziciji a tež bjez psa smědźa Češa do 23 hodź. wonka po puću być.

Směšnu debatu, hač směmy so hody z pjeć ludźimi abo samo z dźesaćomi zetkać, móžemy sej tola lutować. Bych-li ja něšto w němskej politice rjec měł, bych hody zakazał – a silwester hnydom k tomu. W tutym kraju su nam minjene měsacy telko zakazali a wotprajili, to móhli so tuteju terminow tež wohladać. Nimo toho bychmy sej tójšto mjerzanja zalutowali: Kóždolětna kritika žony a dźěći šmotaweho hodowneho štoma dla wupadnje, dokelž su štomy lětsa elefantam w coologiskej zahrodźe ćisnyli a silwesterskich pjanuchow tež znjesć njetrjebamy, dokelž su 31. decembra dypkownje w 22 hodź. po wšej Němskej milinu wotpinyli. Tež susodźa za zawěškami njetrjebaja sej hłójčku łamać, kelko ludźi je k nam přijěło. Namjetuju, zo zetkamy so wšitcy 1. januara w 10 hodź. na dróhach a balkonach, zo bychmy našim politikarjam přikleskowali a so jim dźakowali, zo su nas tak wobhladniwje přez hodowny čas do noweho lěta wjedli. Marko Wjeńka

Sara Mičkec z La Pli de Mareja piše:

W přinošku „Pomnikaj cyrkwje so syp­nyłoj“ w SN z dnja 20. nowembra wužiwana njeakceptabelna formulacija njemóže takle­ stejo wostać. Homoseksualita nima ničo z pedofilnosću činić a nawopak. Za přinošk njebě wuprajenje relewantne, zo bě arcybiskop Gulbinowicz homoseksualny, ale zo je so na dźěćoch přešoł. Wšojedne hač wuchadźa znje­wužiwanje dźěći wot hetero-, homo- abo biseksualneje wosoby, wone je šamałe a chłostajomne. Žana wosoba njeje swojeje seksualneje orientacije dla awtomatisce pedofilna.

W samsnej naležnosći wupraja so ­Benjamin Hrjehor z Wiena:

Mam za wažne, zo so Serbske Nowiny tež tajkim njepřijomnym temam wěnuja. Tohodla so najprjedy raz za Wašu rešeršu dźakuju.

Z plakatowej akciju pod hesłom „Choćebuz so dźakuje“ staj so Daniel Scholz (nalěwo) a Andreas Rothe w mjenje wobydlerjow sobudźěłaćerjam Choćebuskeho Carla Thiemoweho klinikuma minjenu njedźelu za jich njesprócniwe dźěło za čas koronapandemije dźakowałoj. Samsnu akciju přewjedźeštaj wonaj před hłownej stražu wohnjoweje wobory na Drježdźanskej a před Christopha Kolumbusowej šulu. Organizowała bě akciju iniciatiwa „Wobydlerjo za Choćebuz“ jako přećiwnu reakciju k ćichemu pochodej přećiwnikow wobmjezowanjow koronapandemije dla, kotraž wotmě so samsny dźeń wosrjedź města. Foto: Michael Helbig

Chětro moderna nowa wustajeńca w Choćebuskim Serbskim muzeju

To je woprawdźe tragiske! Po tym zo bě Choćebuski Serbski muzej wobšěrneje renowacije a modernizacije dla dlěje hač štyri lěta zawrjeny a po tym zo su jón 27. oktobra skónčnje zaso wote­wrěli, su jeho durje za wopytowarjow a hosći nětko znowa zawrjene. Jenož pjeć dnjow mějachu zajimcy składnosć sej wobhladać přetwarjeny dom, nowu stajnu a zdobom prěnju wosebitu wusta­jeńcu z fotami Choćebuskeho fotografa a artdirectora Maika Lagodzkeho. Toho je nětko najprjedy raz kónc, nowe krute postajenja a wobmjezowanja koronawirusa dla wšitkim zajimcam přistup do muzejow zakazuja.

Wulki podawk w měsće

Aktualna tabulka krajneje ligi

1. SC Freital 7 20 : 6 19

2. Budissa Budyšin 7 18 : 7 18

3. FC 1910 Lößnitz 7 13 : 4 14

4. Jednota Kamjenc 5 17 : 7 13

5. SG Taucha 99  7 16 : 11 12

6. Großenhainski FV 90  6 14 : 10 10

7. SSV Markranstädt  7 12 : 10 10

8. SG Motor Wilsdruff  7 15 : 16 10

9. FV Přezjednota Niska  5 8 : 5 9

10. Germania Mittweida 7 14 : 13 9

11. FSV Nowosólc-Hródk  8 14 : 14 9

12. Drjěždźany-Laubegast 7 12 : 13 9

13. Radebeulski BC 08 6 10 : 11 8

14. FSV Motor Marienberg 6 8 : 10 8

15. VfB Empor Glauchau  7 9 : 9 7

16. Módro-běli Lipsk  6 6 : 12 6

17. BSG Wocl Riesa  6 8 : 15 6

18. Rjemjesło Rabenstein  6 7 : 17 6

19. VfL Pirna-Copitz 07 6 9 : 12 5

20. LSV Nowe Město 5 5 : 12 3

21. Kickers Markkleeberg  6 5 : 14 3

22. SZ Drježdźany-Strěžin  6 5 : 17 2

Rodźeny Šunowčan Patrik Woko je hrajer­ Serbskeje koparskeje wubranki muži a tež krajneho ligista Jednoty Kamjenc­. Tež wón ma nětko přestawku, wšako na amaterskej runinje hrać ­njesmědźa. Tadej Cyž-Njebjelčanski je so­ z Patrikom Wokom rozmołwjał.

Kak so Wam wjedźe a što měniće k aktualnej přestawce, nastupajo trening, hry a amaterski sport?

Briefwahlen am 23. Januar 2021

Bautzen. Die aktuellen Beschränkungen aufgrund der Corona-Pandemie haben den Sorbischen Schulverein veranlasst, seine für den 21. November geplante Haupt- und Wahlversammlung zu verschieben. Wie der Vorstand informierte, sollen am 23. Januar 2021 Briefwahlen stattfinden, um die turnusgemäße Neuwahl des Vorstandes abzusichern. Die Vorsitzende Ludmila Budar wie auch weitere Mitglieder treten nicht wieder an.

Neue Single „Northern lights“

New York. Die Berliner Musikerin mit sorbischen Wurzeln Carolina Eyck hat eine neue Single „Northern lights“ veröffentlicht, die auf allen Streaming-Plattformen abrufbar ist. Dazu gehört ein Video, das durch das Polarlicht inspiriert wurde. Das achtminütige Stück für Theremin und elektronische Instrumente ist das erste offizielle mit binauraler Technologie. Diese setzt die Künstlerin seit 2010 in Konzerten und Videos ein.

„Naša Domowina“ dreisprachig