Z wudaća: pjatk, 07 meje 2021

Loni w lěću je skupina ­Astronawt swój prěni spěw na Youtube wozjewiła – wot toho časa je přerěznje kóždy měsac nowy wušoł. Najnowšej rěkatej „Prošu će“ a „Parkour“. Hižo loni ­swjatki běchu spěw „Prošu će“, kotryž Lil Handrij spisa, z pjeć dalšimi nahrawali. Před někotrymi tydźenjemi wozjewichu jón nětko na Youtube. Widejo k tomu wjerćeše Matej Dźisławk na jeničkim dnju ze swojim I-phonom. Je to prěni serbski hudźbny widejo, na te wašnje nastaty. Nimo Dźisławka jewi so w hudźb­nym wideju 20lětna Josi Illmer z Frankobroda nad Mohanom. Wona sama ma serbske korjenje a so jara za serbsku kulturu za­jimuje. Tuž bě hnydom wotewrjena, sobu činić. Dalša produkcija je instrumentalny kruch z mjenom ­„Parkour“. Tu pokazuje Elija Žur z Hórkow swoje sportowske kmanosće runje hodźace so k zynkam skupiny Astronawt. 20lětny třěchikryjer so hižo tójšto lět w družinje „parkour“ derje čuje a pyta po cyłym swěće blečki, hdźež móže so wupruwować. W přichodźe maja dalše nowe hudźbne wideja wuńć – wostańće tuž wćipni. Matej Dźisławk Fota: Matej Dźisławk (4), Elija Žur (2)

Fota: Feliks Haza, Konstantin

Hrjehor (2)

Pjatk, 7. meje 2021
 SERBSKE NOWINY – KÓNCTYDŹENSKA PŘIŁOHA

Młodźina renowěruje

swój klub.

Předsydstwo młodźiny: městopředsydka Alena Šołćic, předsyda Richard Hawš a pokładnica Anne Cyžec Předsydstwo kluba: předsyda Jonas Pjetaš, pokładnica Tereza Zelnakec a městopředsyda Krystof Cyž Fota: Richard Hawš (1), alena šołćic (1), jakub langa

Wjes Pančicy-Kukow je drje jedna z najwjetšich ­­w  ­Serbach, njeměješe pak w minjenych lětach žadyn ­prawy młodźinski klub. Nětko so tam młodostni ­kołowokoło Richarda Hawša znowa organizuja. Jakub Langa je so z předsydu kluba rozmołwjał.

Serbske młodźinske kluby 4. dźěl

Kelko čłonow tučasnje w młodźinje sće, a kajka je konstelacija mjez holcami a hólcami?

R. Hawš: Smy 54 čłonow, a mamy někak runowahu mjez holcami a hólcami.

Štó wšo słuša do předsydstwa, a kak husto je woliće?

Fota: Rebekka Bejmic

Paslenski plan online dóstali

Šulerjo a šulerki 1. lět­­nika Šule ­Ći­šinskeho Pan­čicy-Kukow nětko zaso doma wuknu.

W tydźenju do chodojty­palenja měja­chu woni cyle wo­se­bity nadawk. Dyrbja­chu mału wjeru-chodojtu paslić. Trěb­ny paslenski plan běchu za to online dóstali. Na wobrazach su chodojty widźeć, kotrež su dźěći doma paslili. Škoda jenož, zo je woheń wšitke wjery we wałpornej nocy spalił.

Tekst a fota: Štefan Paška

Do noweje Kulowskeje katolskeje pě­stowarnje swj. Marije tež tójšto serb­skich dźěći chodźi. Maja tam dwě skupinje, w kotrymajž dźěći serbsce rěča. Wo nje staratej so Cornelija Korchowa a Mandy Brösanowa. W žłobikowej skupinje maja wosom hólcow a holcow. A potom je tam dalše 15 wjetšich dźěći. Wone wšitke rady swjeća. Lětsa pak běchu chětro zrudne, zo njejsu póstnicy swjećić móhli – korony dla. Tuž bě wjeselo wulke, jako zašły tydźeń stajenje meje přihotowachu. Prěni króć su tónle nałožk w pěstowarni hajili, hačrunjež bě jenož mała horstka w dnjowym přeby­wanišću. Tak su girlandu a wěnc nawili a wšitko za stajenje meje přihotowali. Dźěći běchu sej ekstra rukajcy sobu při­njesli a tak sobu pomhachu, zo bychu ze swojimaj kubłarkomaj pjeć metrow wulku meju stajili. Nětko pisane banćiki w serbskich barbach we wětřiku zmawuja. Hdy budu meju mjetać, to hišće njewědźa. Tekst a foto: Alfons Handrik

Foto: Feliks HazaNadawki jěžika Milenka Rječcyna Što je so stało? Hej, jěžiko! Njej’ prawe ći hižo borleško? Je lisćo mokre, abo budźa će šćipate hałzy z drěmanja? Ach ně, ty słyšiš něžne kwětki! Su tebi cunjo zwonili a won na słónčko wabili. Nětk rěka derje kedźbu dać, sej wački, šlinki nazběrać. Huj, spěšnje zwjerć so do kule naš pos, tón honić tebje chce. Na swój nós wón njemysli a nic na twoje kałačiki. Tuž mój luby jěžiko, njebjer jemu za zło to. Měj dale wulke wjeselo!

Tradicije su něšto rjane. Tež lětsa zaso je 3. lětnik Serbskeje zakładneje šule „Michał Hórnik“ we Worklecach čitanske wubědźowanje přewjedł. Najlěpšej čitarjej běštaj tónkróć z rjadownje 3/2 Luiza Mikławškec a Richard Lorenz (srjedźa z pokalom). Pius Korjeńk, Nina Ker­nec a Maksimilian Hoier (wotlěwa) docpěchu tohorunja prima wukon. W paralelnej rjadowni 3/1 dóstachu wopismo za wuběrny čitanski wu­kon Henrijeta Dubawic, Franc Zarjeńk, Filip Lukaš a Hanka Fryčec (wotlěwa). Tekst a foće: Jurij Bjeńš

Hólcy 4. lět­nika Chró­šćan­skeje zakładneje šule su z knjezom Šmitom meju při­hotowali a stajili. Brězu za wjeršk bě domow­nik wobstarał. Z wotstawkom su dźěći na šulskim dworje zhromadnje z kěrlušom „Nět meja na zeleni“ meju witali. A nětko hotuje so cyły lětnik na mejemjetanje. Holcy chcedźa so narodnu drastu woblec. A potom pokazaja šulerjo krótki program, jeno za sebje samych. Tón ma so wonka pod hołym njebjom a po koronowych před­pisach wotměć. Teskt a foto: Simona Šěnowa

Bórze 2 000 zemrětych

Budyšin. Ličba 1953 w zwisku z koronawirusom dotal zemrětych w Hornjej Łužicy bliži so hódnoće 2 000. Budyski wo­krjes wozjewi hač do wčerawšeho jedyn smjertny pad a 187 dalšich natyknjenjow, Zhorjelski 118 infekcijow a štyrjoch zemrětych z časa wot 21. do 28. apryla. Za wobaj wokrjesaj podawa RKI dźensa zwyšenu tydźensku incidencu, za Budyski 212,2 a za Zhorjelski 191,5.

Žadyn dalši kandidat

Pančicy-Kukow. Za wólby wjesnjanosty gmejny Pančicy-Kukow 11. julija maja jenož jednoho požadarja. Je to dotalny wjesnjanosta Markus Kreuz (CDU). Hač do wčera postajeneho termina njebu dalša kandidatura přizjewjena. Markusa Kreuza bě tamniša wjesna skupina CDU nominowała. Dalšich kandidatow smědźa wolerjo na wólbnym dnju na wólbnym lisćiku napisać.

14 700 žonow prěnje dźěćo měło

Kamjenc. W Sakskej je loni něhdźe 14 700 žonow swoje prěnje dźěćo porodźiło. Maćerje běchu přerěznje 29,7 lět. Tak je so staroba prěni raz porodźacych wot 29,6 předloni snadnje zwyšiła, kaž Kamjenski statistiski krajny zarjad in­formuje. Za 9 680 prěnjonarodźenych bě porod po dnju maćerje, jich maćerje jón tuž lětsa prěni raz swjeća.