Z wudaća: štwórtk, 30 měrca 2023

Kamjenc (SN/MWj). Runje tak kaž w mnohich druhich městach Němskeje móža šoferojo nětko tež w Kamjencu swój popłatk za parkowanje ze šmóratkom a bjez přidatnych wudawkow zapłaćić. To potrjechi parkowanišći při Lessingowym naměsće a Při nasypje.

Z handyjom parkować ma wjacore lěpšiny. Tak sy před chłostanjom škitany, dokelž móžeš parkowanski čas po puću podlěšić, hdyž na přikład termin dlěje traje hač wočakowane. Na druhim boku móžeš njetrjebawše wudawki zalutować a parkowanje dočasa skónčić, ručež sy so k awtej nawróćił. Přidatne wudawki tohorunja trěbne njejsu, dokelž płaći parkowanje přez šmóratko runje telko kaž při awtomaće.

Padušnu trójku lepili

Wojerecy. Třoch paduchow je policija předwčerawšim wječor we Wojerecach při kradnjenju lepiła. Telefoniski pokiw wjedźeše zastojnikow k prózdnemu twarjenju na Scharnhorstowej. W nim zwěsćichu wjacore skóncowane durje a před domom w karje přihotowanu rubiznu. Bórze na to wuhladachu policisća w bliskich kerkach schowanych třoch paduchow. Pola nich namakachu wjetšu ličbu pokradnjenych wěcow z twarjenja. Zastojnicy wšitko sćazachu. Mužej w starobje 41 a 50 lět kaž tež 35lětna žona změja so nětko wosebje ćežkeho pada padustwa dla zamołwić.

Šunow. K dalšemu škotowemu turněrej su so serbscy wuměnkarjo předwčerawšim w Šunowskej Fabrikskej hospodźe zetkali. Dobył je tónraz Wolfgang Kühn z 2 696 dypkami před Manfredom Hör­aufom (2 640) a Achimom Mejglom (2 451). Dobyćer předwčerawšim tež cyłkowne hódnoćenje nawjeduje. Na dalšimaj městnomaj stejitaj tuchwilu Hermann Woko a Achim Mejgl. Přichodny škotowy turněr wotměje so kónc apryla w Radworskim hosćencu „Meja“.

Wotkryja wopomnjensku taflu

Budyšink. Wopomnjensku taflu składnostnje 250. posmjertnin Hadama Bo­huchwała Šěracha wotkryja njedźelu, 2. apryla, w 14 hodź. při cyrkwi w Budyšinku. Budźe to dalše spominanje na wuznamnu serbsku wosobinu. Přizamknje so zhromadny kofej wopytowarjow w domje Šěracha. Bywši Malešanski ­wjesnjanosta Günter Sodan ma w jubilejnym lěće Šěracha wjacore zarjadowanja lětsa a klětu na starosći. Přichodne ­budźe sobotu, 20. meje, hdyž so kołopuć Šěracha zjawnje předstaji. Započatk ­budźe w 14 hodź. při cyrkwi w Budyšinku. Hadam Bohuchwał Šěrach bě so 1724 w Nosaćicach narodźił a 1773 w Budyšinku zemrěł.

Křižowy puć młodźiny

Skupina DeyziDoxs chce haperlejku comeback na jewišću swjećić

We wobłuku koncerta pod hesłom „Flächenbrand im Hinterland“ 1. apryla w Budyskim Kamjentnym domje chce skupina DeyziDoxs po dołhej přestawce comeback na jewišću swjećić. Karsten Richter je so ze spěwarjom ćělesa Danielom Bětnarjom rozmołwjał.

Danielo, kajki da je aktualny status DeyziDoxsow? Wšako bě w minjenej dekadźe njesměrnje ćicho wokoło Was. Wustupy wotměwaće mjeztym lědma hdy – a generelnje zda so serbska metalowa kowarnja, wothladajo wot Nukstock openaira, skerje nic wjace telko energije přetrjebać. Ma to wšitko něšto z klimowej krizu činić?

Werderanske ST –

FC Energija Choćebuz 0:7 (0:3)

Zestawa hosći: Sebald – Badu, Hildebrandt, Böhmert (69. Slamar), Borgmann, Hofmann (46. Erlbeck), Eisenhuth (46. Geisler), Sherbakovski, Abu-Alfa, Heike (59.Thiele), Wähling (62.Wagner)

Kaž wočakowane je so regionalny koparski ligist FC Energija Choćebuz pola nižoklasoweho mustwa Werderanske ST w štwórćfinalu krajneho pokalneho wubědźowanja jasnje přesadźił. Přećiwo zastupjerjej Braniborskeje ligi rěkaše po dosć jednostronskej partiji na kóncu 7:0 za aktualneho druheho regionalneje ligi. Za faworita trjechi před 1 500 přihladowarjemi Choćebuski kapitan Axel Borgmann hnydom trójce (18., 56., 76.), dwójce zapisa so Tim Heike (33., 34.) do lisćiny třělcow. Tuta wudospołnja so přez wrota Jana Shcherbakovskeho (71.) a Niclasa Erlbecka. Posledni přetwori pokutny kop w 88. min. Po swojim zranjenju křižneho paska, při zahajenju sezony přećiwo Luckenwalde, měješe wrotar Alexander Seebald swoju prěnju hru, w kotrejž pak měješe lědma móžnosće, swoje kmanosće pokazać.

Biskopičanske KT II –

ST Radwor 3:1 (1:1)

Zestawa hosći: Grenzemann – Wjeńka, Grubert, Šěrak, Paška, Nuk (86. Krječmar), Omran (73. Seiler), Schulze, Jo. Wjaclawk, Hetaš (84. Mička), Šnajder

Na minjenym hrajnym dnju běchu so koparjo z Radworja k načolnikej tabulki do Biskopic podali. Nimo najlěpšeje defensiwy z 12 napřećiwnymi wrotami maja a mějachu hosćićeljo tež najlěpšu ofensiwu ligi ze 63 wrotami. Z tym běchu róle jasnje rozdźělene. Dyrbjało so wjele stać, zo bychu hosćo dypki sobu domoj wzali.

Kopańca, wokrjesna wyša liga

Ott.-Okrilla – Hnašecy-Dobruša 4:0 (2:0)

Großröhrsdorf – Łaz/Bě. Chołmc 4:0 (2:0)

Horni kraj-Sprjewja – Wachau 4:2 (3:1)

Biskopičanske KT II – Radwor 3:1 (1:1)

Kulow – SG Großnaundorf 0:0 (0:0)

Ger. Budyšin – Ralbicy/Hórki 2:0 (2:0)

Němske Pazlicy – ST Ćisk 7:0 (3:0)

Porchow – Kinspork/Łužnica 0:0 (0:0)

1. Biskopičanske KT II 19 64 : 13 49

2. Póst Germania Budyšin 20 51 : 21 46

3. Módro-běli Kulow 20 42 : 14 46

4. Natwar Němske Pazlicy 20 59 : 21 42

5. ST Hnašecy-Dobruša 20 62 : 40 38

6. ST Horni kraj-Sprjewja 19 57 : 32 37

7. FV Ottendorf-Okrilla  20 43 : 37 29

8. SG Großnaundorf 19 27 : 27 27

9. Sokoł Ralbicy/Hórki 19 34 : 29 26

10. SC Großröhrsdorf 20 33 : 31 26

11. HZ Łaz/Běły Chołmc 19 26 : 31 23

12.TSV Wachau 20 35 : 61 20

13. ST Radwor 19 30 : 53 16

14. ST Porchow 19 24 : 66 11

15. ST Ćisk 20 19 : 76 6

16. ST Kinspork/Łužnica 19 20 : 74 5

Krajny pokal

Kamjenica – Erzgebirge Aue 3:0 (2:0)

FC Grimma – Lok Lipsk 1:3 (1:0) nV

Eutritzsch – H. Ł. Neugersdorf 1:2 (0:1)