Z wudaća: srjeda, 15 nowembera 2023

Njeswačanscy gmejnscy radźićeljo tójšto pozitiwneho zhonili

Njeswačidło (JK/SN). Po dlěšej přestawce je wjesnjanosta Gerd Schuster (CDU) ­posedźenje Njeswačanskeje gmejnskeje rady zaso nawjedował. Prjedy hač wón radźićelow wo najnowšich podawkach w gmejnje informowaše, dojednachu so wšitcy jednohłósnje na to, zo chcedźa za klětuše komunalne wólby, 9. junija, ze susodnej Bóšičanskej gmejnu zhromadny wólbny wuběrk wutworić. Dokelž stej gmejnje w zarjadniskim zhromadźen­stwje, zda so tajki wuběrk logiski a praktiski. Nadrobnosće za wotběh wólbow so potom klětu wujednaja a postaja.

Potom slědowachu radźićeljo rozprawje wjesnjanosty wo njedawnym wopyće delegacije z čěskeho partnerskeho města Lučany nad Nisou. Hosćo z Čěskeje běchu so w Njeswačidle jara derje čuli a wuprajichu so za dalewjedźenje přećelskich poćahow. Wosebje spodobało je so hosćom park, hród, kulturne poskitki ­towarstwa přećelow domizny a kultury kaž tež wutrobne pohosćenje kameradow wohnjoweje wobory.

Njebjelčicy. Před pjeć lětami bu w Slepom Serbski sejm jako prěni demokra­tisce woleny parlament Serbow skonstituowany. Tónle jubilej woswjeća zaju­třišim, pjatk, wot 17 hodź. w Njebjel­čanskim farskim centrumje „Bjesada“. Wšitcy zapósłancy, podpěraćeljo, přećel­jo, partnerojo a zajimowani hosćo su na tutón wjeršk přeprošeni. Za planowanja proša zajimcow wo to, so z mejlku na přizjewić a zdźělić, hač chcedźa přitomnym postrowne słowa posrědkować.

Druhi raz „Kino fever“

Nuknica. Towarstwo Barakka wuhotuje zajutřišim, pjatk, pod hesłom „Ničo nimo – Kino fever“ druhi filmowy wječor w Nukničanskim młodźinskim klubje, tónraz z ćežišćomaj aktiwizm a škit klimy. W 19.30 hodź startowacy program wopřijima paskaj „Rise up“ a „Bestie ze złego“ kaž tež krótkofilm „Libawka – Winterlieb“.

Pójće bubnować

16.11. – 22.11.2023

Budyski filmowy ­palast:

One for the Road: wšědnje 19:30 | pj, so a wu 23:00 Five Nights at Freddy’s: wšědnje 19:30 (nimo pó) | pj, so a wu 23:00 The Marvels w 3 D: wšědnje 17:40 a 20:00 | pj, so a wu 22:30 Sneak Preview: pó 20:00 Trolls – Gemeinsam stark: nj a srj 12:50 | srj 15:00 | wšědnje 15:10 (nimo štw, pó a srj) a 17:30 Killers of the Flower Moon: wšědnje 19:00 Ein Fest fürs Leben: pj, nj a wu 16:40 Das fliegende Klassenzimmer: srj 12:10 | wu 14:40 | pj, so a nj 15:00 | štw, so, pó a srj 17:10 Checker Tobi und die Reise zu den fliegenden Flüssen: nj a srj 12:30 | pj, so, nj a srj 14:40 | pj, nj a wu 17:10 Wochenend­rebellen: nj a srj 12:10 | wu 14:30 | wšědnje 14:40 (nimo štw, pó, wu a srj) a 16:40 (nimo pj, nj a wu) Der Exorzist: Bekenntnis: pj, so, nj a wu 19:45 | pj, so a wu 22:10 The Nun 2: pj, so a wu 22:00 Paw ­Patrol: Der Mighty Kinofilm: srj 12:10 | nj 12:20 | srj 14:20 | pj, so, nj a wu 14:30 Ponyherz: nj a srj 12:20 Elemental: nj a srj 12:30 The Marvels: wšědnje 14:50 (nimo štw a pó) a 17:00 (nimo štwó a pó) Die Tribute von Panem – The Ballad of Songbirds & Snakes: wšědnje 14:30 (nimo štw a pó), 16:40 (nimo srj) a 19:45 | srj 16:30 | pj, so a wu 21:50 Thanksgiving: wšědnje 17:10 a 20:00 | pj, so a wu 22:20 20 ­Jahre Tatsächlich Liebe: srj 19:45 Seniorenkino:­ Weißt du noch: srj 14:30 a 14:45

Wojerowski CineMotion:

Z psychiskimi ćežemi

Budyšin. 41lětny muž je póndźelu na wšelakich dróhach města w běhu jedneje hodźiny pasantam zeškodźał. Jednej wosobje storhny nawoči z nosa, druhej wutorhny ručnu tobołu, nimo duceho kopny. Pozdatna přičina jeho wustupowanja běše wuwzaćny psychiski staw.

Paduši bjez duše

Ćisk. Njeznaći su mjez sobotu a pón­dźelu dopołdnja wjacore pleńčatka z rowa na Ćiskowskim kěrchowje pokrad­nyli. Nan tam pochowaneje wosoby zdźěli, zo je so to hižo wospjet stało. Hódnota pokradnjenych figurow wučinja 30 eurow. Materielna škoda za njeho rozsudna njeje, za to pak ideelna, praji nan.

Tysacy přihladowarjo, sta předstajenjow, zbožowni dobyćerjo kaž tež organizatorojo: Minjenu njedźelu zakónčeny 33. Choćebuski filmowy festiwal (CFF) bě wospjet wjeršk wuchodoeuropskeje kinematografije. Serbske přinoški njeběchu na nim nihdy tak prezentne – a požadane – kaž lětsa.

Hižo wotewrjenje festiwala z połdrahodźinskim filmom „Pola nas rěka wona Hanka“ kaž tež zahajenske słowa w hornjo- a delnjoserbšćinje režiserki paska Grit Lemke a protagonista Ignaca Wjesele woznamjenješe nowum. Dalša nowosć bě prěni raz wuhotowane wubědźowanje „Dołha nóc krótkich łužiskich filmow“, kotrež je jako naslědnica dotalneho formata „Łužiska filmowa přehladka“ wotnětka z krutym wobstatkom CFF.

ST Radwor –

TSV Wachau 3:3 (0:0)

Zestawa domjacych: Šěrak – B. Grubert, Castejon, Schäfer, Paška, Reineke, Nuk, Schöne (56. Schulze), Wjacławk (81. Wróbl), Glücklich, Šnajder

Po njezbožownym wustupje w Großnaundorfje mějachu Radworscy koparjo na domjacej kermuši zaso połny kader. Tutón raz steješe jara wažna hra na programje, dokelž dźěše tu wo 6 dypkow. Dotal bjez zboža hrajacy Radworčenjo nadźijachu so nětko trochu na zbožo, zo bychu sej z pincy tabulki wulězli.

Radwor přińdźe trochu lěpje do hry a steješe tež hižo někotre razy před přećiwniskimi wrotami. Reineke měješe najwjetšu šansu na 1:0, ale połoži bul prěki na Šnajdera, kotryž pak bul nimo wrotow sadźi. Po tym bě Nuk z hłowu při bulu, wrotar pak derje dźeržeše. Tež wrotar domjacych móžeše so někotre razy dopokazać a ze swojimi akcijemi mustwo wobchować. Tak dźěše bjez wuspěcha do połčasa.