W Šwicarskej 5. městno docpěli
Hrajny plan pjatk, 5. julija
MUŽOJO
połfinalnej hrě
hry wo zaměstnjenja
ŽONY
hra wo městno 3
hry wo zaměstnjenja, mjez druhim
Serbske mustwo – Les Ladines
Serbska wubranka muži je so dotal na wšitkich Europeadach wobdźěliła. Při premjernym turněrje 2008 w Šwicarskej docpě 5. městno. Tak rěka prawa wotmołwa na druhe prašenje kwisa SN. Wo myto pokerkarty z wobličemi Serbskeho mustwa móže so Jurek Thiemann z Budyšina wjeselić, wo knižku fanow Gabriel Mikławšk ze Serbskich Pazlic.
Dobre a špatne stronki EM
Tuta EM pisa dotalnje nimale jenož pozitiwne stawiznički. Skupinske hry a wosmifinale su wuhrate, wot jutřišeho pjatka dźe ze štwórćfinalnymi hrami do horceje fazy turněra. Nimo sportowych wjerškow wubranki DFB, předewšěm fanojo ze wšěch krajow města a ludźi zakuzłuja.
51 738 přihladowarjow přichwata přerěznje w skupinskej fazy k hram do stadijow. Wosebje w srjedźišću pak steja fanojo susodneho kraja. Němska je tróšku Oranje. Fanowe marše Nižozemjanow su absolutny spektakl. Na jich hrajnych dnjach přeměnichu naši susodźa dróhi do oranžojteje błudnicy. „Naar links, naar rechts“ – nižozemski spěw je hižo nětko EM-wuchač. Hinak hač při druhich zarjadowanjach nimaja za hry EM papjerjane tikety. Tikety steja jenož digitalnje přez app UEFA k dispoziciji.
Nimo zastupa do stadiona je wěstosć wšěch wobdźělnikow, za fanow, hrajerjow a sobudźěłaćerjow, to najwažniše. 335 000 policistow ma EM dla zakaz dowola. Woni wukonjeja wulkotne dźěło. Hač dotal njeběchu žane wjetše wukročenja, přihladowarjo čuja so wěsći.
Nižozemska doby prěnju k.o.-hru při EM po 20 lětach
Nižozemske narodne koparske mustwo steji w štwórćfinalu europskeho mišterstwa w Němskej. W Mnichowje doby Nižozemska 3:0 přećiwo Rumunskej přez wrota Cody Gakpowa a dwoje Donyella Malena. Je to prěnje dobyće w k.o.-hrě, pola EM, po lěće 2004. Tehdy zwrěšći Oranje hakle w połfinalu na Portugalskej. W štwórćfinalu steješe Nižozemska drje tež 2008, tehdy pak hišće wosmifinale njeeksistowaše. Rumunska wubranka njeje při EM hišće ženje finalnu partiju dobyła.
Lochke přestajenje w zestawje pomhaše nižozemskej hrě. Spěšnišo, hač hišće w skupinskej fazy, přizemi bul w strašnych pasmach. Nawjedowanje docpě Oranje z wobhladanja hódnej jednotliwej akciju Gakpowa. Na lěwym boku w šěsnatce wuhra wón Andrei Rațiua a třěli z kónčkojteho kuta na krótki róžk. Twjerdu třělwu njemóžeše rumunski wrotar Florin Nițı wotwobarać (20.).
Wulkotni fanojo a njezbožowne rozsudy sudnikow
Serbske mustwo –
Němcy z Hornjeje Šleskeje
1:3 (0:0)
Na rozsudnym třećim hrajnym dnju w skupinje B lětušeje Europeady podachu so serbscy koparjo znowa do Sewjerneje Friziskeje do městačka Bredstedt, hdźež hrajachu přećiwo FC DFK Hornja Šleska. Dopołdnja bě so team wokoło trenarjow Franka Ričela a Svena Ballacka k treningej zhromadźił, zo by mjez druhim tež poslednje taktiske nastajenja za hru přećiwo najćešemu přećiwnikej skupinskeje fazy zwučował.
Popołdnju w Bredstedće wjace hač 400 serbskich fanow mustwo wjesele powita. Woni postarachu so wo absolutnje jónkrótnu atmosferu a podpěrachu swoju jědnatku hač do poslednjeje minuty jara wótře. Z Janšojc bě ekstra cyły bus połny fanow přijěł. A tež serbske žónske mustwo muži energisce podpěraše.
Porno hrě dźeń do toho namakachmy na wosom pozicijach čerstwe mjezwoča. Tak hraješe Lucas Lehmann w nadběhu a tež zestawa w škiće bu přez trenarski zapřah přećiwnikej přiměrjena.
Nowe prašenje w kwisu SN
Wuslědki
MUŽOJO
Serbske mustwo – FC DFK Hornja
Šleska 1:3
Hrajny plan štwórtk, 4. julija
MUŽOJO
štwórćfinalne hry: Słowacy w Madź. – Okcitanojo, Team Koroška – Južny Tirol, Južni Serbja w Chorw. – Južny Schleswig, FC DFK Hornja Šleska – Friûl
wo městna 9-12: Aromunojo – Serbja
ŽONY
połfinale: Team Koroška – Južny Tirol, Sewjerna Friziska – Južna Schleswigska
zaměstnjenja: Serbske mustwo – Sewjerna Schleswigska, Retoromanki – Serbske mustwo
Hdźe bě so finalna hra Europeady 2012 we Łužicy woměła?
Hrajna přestawka žonow
Po prěnjej hrajnej fazy předkoła mějachu koparki serbskeho mustwa wčera hrajnu přestawku a wočaknychu wuslědki na zbytne hry. Wot dalšich rezultatow partijow bě wotwisne, hač tola do połfinala zaćahnu. W swójskej skupinje C je Sydslesvig na Les Ladines 3:2 hrało. Z tym zaměstnichu so Serbowki na suwerenym druhim městnom z třomi dypkami. Naposledk njeje za połfinale dosahało.
Hrajny modus nastupajo dalše hry je slědowacy: Hraje so kóždy přećiwo kóždemu. Na dwěmaj dnjomaj so hry wo dokónčne zaměstnjenje wuhraja. Jutře, štwórtk, nastupja žony přećiwo Sewjernej Schleswigskej a Las Rumantschas. Pjatk hraja přećiwo FC DFK Hornja Šleska a znowa přećiwo Les Ladines. Wšitke partije wuhraja so jenož w jednym połčasu, potajkim jenož 45 mjeńšinow.
Dźeń startowachu z rańšim sportom. Po snědani podachu so do Husuma, zo bychu sej Sewjerne morjo a městačko wobhladali. Wot tam jědźechu do Bredstedta serbskich koparjow podpěrać. Po hrě slědowaše zhromadny fanowy wječor, hdźež dóstachu přiwisnicy awtogramy koparkow a koparjow. Tereza Wićazowa
Prěnje dobyće žonow na Europeadźe so poradźiło
Harrislee/Niebüll (SN/MkWj). Dwójny wuspěch za serbsku wubranku: Wobě mustwje stej swoju wčerawšu hru dobyłoj, mužojo 4:1 a žony 2:1.
Minimalisća z Francoskeje w štwórćfinalu
Přisłowo praji „Dobry kóń jenož tak wysoko skoči kaž dyrbi“. Tute je sebi francoska koparska wubranka při europskim mišterstwje k wutrobje wzała. Wčera wječor přewinychu Belgisku we wosmifinalu 1:0. Wuslědki Francozow w skupinskej fazy běchu 1:0, 0:0 a 1:1. Tónraz drje běchu Francozojo zaso dołho lěpše mustwo, k wjace hač rozsudnym wrotam pak njedóńdźe. Jónu přińdźe Kylian Mbappé po róžku k wutřělej (14. min.), w kónčnej fazy prěnjeje połojcy bě to potom Aurélien Tchouaméni, kiž dwójce strašnje ze zadnjeho ruma wotzamkny. Belgiskaj nadběhowarjej Loïs Openda a Romelu Lukaku wisaštaj w prěnjej połojcy dospołnje w powětře. Zhromadnje přińdźeštaj wonaj na runje 16 kontaktow z hrajnym nastrojom. To so tež hač k wuměnje Opendy po něšto wjace hač hodźinje njezměni. Francoska třěleše husto, ale zrědka na wrota. Wot 20 francoskich třělwow měrještej so jenož dwě na wrota Belgičanow.
Ralbičanka třělča wrotow
Les Ladines –
Serbske mustwo žonow 1:2 (1:1)
Zestawa Serbskeho mustwa žonow: Vanessa Peschel – Vianneya Paškec, Sophie Matješkec, Laura Hanušojc, Marta Handrikec (73. Stella Pilcec), Johanna Wjeselic, Lavinia Frenclec, Ulrika Lobedźina, Thea Kuntzec (51. Leoni Wenclec), Vivien Sophie Fišerojc, Lena Handrikec
Druhi hrajny dźeń startowaše z rańšim sportom. Po snědani podachu so koparki do danskeho Grænsehallerne, hdźež lochki trening přewjedźechu. Na druhu hru předkoła dojědźechu sej Serbowki do bliskeho Harrisleeva. Tam nastupichu napřećo Ladinčankam. Tež hdyž ma mustwo Ladinčankow přirunajo ze zašłym razom nowu zestawu, je tam dosć nazhonjenych hrajerkow pódla, kotrež hraja na přikład pola FC Südtirol abo Val Badia we wyšej lize. Mały kruh koparkow hraje samo w Seriji C, štož je 3. najwyša liga w Italskej. Z tym čakaše znowa sylny přećiwnik na žony serbskeho mustwa.
Po nawjedowanju wysoka poražka za serbske koparki
Serbske mustwo žonow –
Sydslesvig 1:6 (1:2)
Zestawa Serbske mustwo žony: Xenia Koberec – Vianneya Paškec, Sophie Matješkec (80. Leoni Wenclec), Stella Pilzec (80. Paula Simulic), Laura Hanušojc, Johanna Wjeselic, Lavinia Frenclec, Ulrika Lobedźina, Thea Kuntzec, Vivien Sophie Fišerec, Lena Handrikec
Serbske mustwo žonow wobdźěli so druhi raz po 2016 na Europeadźe. Po wulosowanju do skupinow zarjadowaše so zastupnistwo zhromadnje z mustwom Sydslesvig, to je mjeńšina Danow z Němskeje, a Les Ladins, mjeńšina z Italskeje, do skupiny C.
Zo by so serbske mustwo žonow na prěnju hru přihotowało, bě wone sobotu dopołdnja treningowu jednotku w danskim Grænsehallerne přewjedło.
