Koło dale
SJ Wjelećin II
– ST Marijina hwězda 0:3 (0:2)
Zestawa hosći: O. Schmidt – Wróbl, Sbjeznie, Łušćanski, T. Jurš, P. Schmidt, Langer, D. Jurš, Peschmann, Winkler, Bětnar
W prěnim wokrjesnym pokalnym kole podachu so klóšterscy koparjo k načolnikej 1. wokrjesneje klasy. Po stacijach Winkler, Schmidt a Bětnar poda so bul k Juršej a wottam do wrotow k 0:1 (20.). Wo nawjedowanje k 2:0 do přestawki postara so znowa Jurš. Wrota spřihotował bě z mjerwjeńcy Langer.
1:2 wuchowa hosćićelski wrotar, kiž na wrotowej liniji bul z nohu wotwobara. W 54. mjeńšinje bu Bětnar wot Jurša nahraty a wotzamkny ze zdalenosće k 0:3. Po hodźinje prasny tež jónu wólny kop domjacych do łaty wrotow hosći. Dalšej šansy k 0:4 wuwostajištaj Schmidt a Jurš.
Facit: W pokalnej hrě přesadźi so cyłk, kotryž hraje klasu wyše, zasłužbnje a tróšku zbožownje z 3:0. Tobias Nowak
Budyšin mjez najlěpšimi
Tež lětsa bu Budyski měšćanski běh wuhódnoćeny. Mjez druhim počesćichu šule w sportowym a šulskim hódnoćenju. Na swjatočnym přepodaću pokalow wobdźělichu so dołholětni sponsorojo, organizatorojo a zamołwići sportowi wučerjo kubłanišćow.
Montessoriska zakładna přesadźi so w šulskim hódnoćenju přećiwo Mättigowej a Militzerowej zakładnej šuli. Najlěpše serbske kubłanišćo – Serbska wyša šula Budyšin docpě štwórte městno – běše zdobom najlěpša wyša šula. Sportowe hódnoćenje doby Monterssoriska zakładna šula před gymnazijomaj Philippa Melanchthona a Friedricha Schillera. Serbska wyša šula Budyšin docpě tež w tymle wurisanju štwórte městno, štož bě dalši wulkotny wuspěch. Hišće ženje njeje so jej w sportowym hódnoćenju městno mjez prěnimi šesćomi poradźiło. Jan Hrjehor, sportowy wučer na SWŠ Budyšin, móžeše na to hišće dalše poćesćenje přijimać. SWŠ Budyšin a Fichtowa zakładna šula wobdźělištej so lětsa mjenujcy 15. raz na Budyskim měšćanskim běhu.Dieter SchüßlerChróšćanscy w Radworju hrali
Napjatosć hač do poslednjeje hry wulka była
Złoto w regionalnym finalu na Budyskej Młynkec łuce.
Najwuspěšniše holče koparske mustwo w stawiznach Serbskeho gymnazija Budyšin (SGB) skwalifikowa so tydźenja třeći raz za krajne finale, a to w minjenych štyrjoch lětach. Po dobyću slěborneje medalje w juniju 2013 a šestym městnje w juniju 2015 pojědu serbske šulerki kónc meje 2016 znowa do Lipska.
Do Budyšina bě sej šěsć holčich cyłkow z wuchodneje Sakskeje dojěło, zo by we wobłuku šulskeho sportoweho wubědźowanja „Młodźina trenuje za olympiju“ regionalneho mištra zwěsćiło. Wulosowanje chcyše, zo hnydom w prěnjej partiji turněra faworitaj na cyłkowne dobyće mocy měrjachu. Koncentrowani startowachu holcy SGB a po dwěmaj mjeńšinomaj we wrotach Goethoweho gymnazija Biskopicy zaklinka. Tadeja Šeferec postara so wo nawjedowanje. Krótko po połčasu zwyši kapitanka Lea Krječmarjec na 2:0. Jeje mócnu flanku z lěweje strony njedocpě žana hrajerka a tež nic wrotarka. Krótko do wothwizdanja bě znowa Tadeja Šeferec na prawym městnje, jako přihrawku Karoliny Šrajterec direktnje k 3:0 přetwori.
Najwyše dobyće w lize
ZFC Meuselwitz
– FSV Budissa Budyšin 0:4 (0:2)
Zestawa Budissy: J. Jakubov – Kolan, Klippel, (67. Pfanne), Patka, Kral, Hoßmang, Reher (85. Hansch), Rosendo (62. Hausdorf), Salewski, Walther
Po dobyću w Budyšinje přećiwo Viktoriji Berlin poda so regionalny ligist Budissa Budyšin na wonkownu hru, a to k ZFC Meuselwitz. Wobaj cyłkaj chcyštaj hru wězo dobyć. By-li so to hosćićelej poradźiło, by wón w tabulce Budyšanow přesćahnył. Tomu chcyše Budissa wězo zadźěwać. Prěnju składnosć k wrotam měješe za hosća Salewski, kotryž pak jenož wonkownu syć wrotow trjechi. Na to pospytaštaj so na tamnej stronje Krieger a Müller. Po wrotach Walthera (25.), bě přećiwnik nadobo chětro njewěsty. Bě to dźeń nadběhowarja Walthera. Jeho prěni wólny kop šmórny snadnje wyše wrotow, dalši pak přetwori wón k 0:2 (43.). Z tutym wuslědkom podaštej so mustwje do přestawki.
Sezonu beachvolleyballa wuhódnoćili
Prěnja serbska beachvolleyballowa liga je oficialnje zakónčena. Nimale wšitcy hrajerjo zetkachu so k wotchadničce w nowym Róžeńčanskim młodźinskim klubje, zo bychu tam aktualnu sezonu wuhódnoćili a nowe ideje za klětušu prezentowali.
Wuslědki (06.10.15)
Krajna klasa
Nowe Město – Budestecy 3:1 (1:0)
Nowosólc Hrodk – P. Drježdźany 1:1 (0:1)
1. Mužakow625 : 1015
2. Trjebin 6 14 : 7 13
3. Niska 6 12 : 8 13
4. Biskopicy II 6 18 : 11 12
5. Budissa Budyšin II 6 13 : 8 12
6. Laubegast 6 14 : 6 11
7. Nowe Město 7 13 : 17 10
8. Zschachwitz 5 14 : 8 9
9. Nowosólc Hrodk 6 8 : 10 6
10. Radebeul 6 3 : 8 5
11. Póst Drježdźany 7 10 : 22 5
12. Budestecy 6 7 : 19 4
13. Drježdźany-Strěžin 6 5 : 13 3
14. Drježdźanski SC 5 8 : 17 1
Bjezwrotowy derby
SJ Njebjelčicy
– ST Natwar Němske Pazlicy 0:0
Zestawa domjacych: Hahn - Kral, Haška, Šołta, Hojer (50. Hommel), Hanuza, Cyž, Dubaw, Hrjehor, Lejnart, Čornak
To běše woprawdźe tajki prawy derby přećiwo koparjam z Němskich Pazlic. Žadyn dźiw, wšako so nimale wšitcy akterojo mjez sobu znaja. Towarstwje wšak stej jenož něhdźe dwaj kilometraj wot so zdalenej. Tuž zaběža partija na kóždej stronje trochu nerwoznje. Lědma štó zjewi so strašnje před wrotami. Wobaj wrotarjej měještaj tak hač do štwórć hodźiny do kónca hry měrny dźeń. Jenož jónu zakroči domjacy Nico Hahn w prěnim połčasu a wotwobara k róžkej.
Dobry start do hrajneje doby
ST Kundraćicy
– ST Viktoria Worklecy 0:3
(20:25, 17:25, 22:25)
Za hosća hrajachu: Marko Brězan, Milan Budar, Jan Bětnar, Ludwig Eckert, Stefan Gedik, Jurij Lipič, Stefan Wjenka, trenarjej: Marcel Rjelka a Matijas Eckert
Zazběh do noweje sezony bě so za volleyballistow prěnjeho mustwa ST Viktorije Worklecy z chětro špatnej powěsću započał. Při obligatoriskim pjatkownym treningu bě so rutinowany přistajer Marcel Rjelka zranił. Zranjeneho naruna na poziciji přistajerja Jan Bětnar. Marcel Rjelka přewza tuž zhromadnje z Matom Eckertom, kotryž budźe w nowej hrajnej dobje poradźowar Worklečanskich volleyballistow, funkciju trenarja.
W prěnjej sadźbje dyrbjachu so akterojo do hry namakać. Wobaj cyłkaj so najprjedy raz hač k 16:16 chětro kopoleštej. Po tym pak nasta za hosći předskok z pjeć dypkami. W druhim přechodźe běžeše hra za Worklečanow přez dlěši čas kaž na štryčku. Wosebje dźěło při blokowanju běše jara solidne. Při jasnym předskoku 13:20 přińdźe nowačk Marko Brězan do hry. Ralbičan přetwori sadźbowy bul k 17:25. Krótki, za to pak wuspěšny zastup.
Poradźeny start do noweje sezony
K prěnim dypkowym hram noweje hrajneje doby nastupištaj Sokoł Budyšin a ST Marijina hwězda z Pančic we Wósporku. Mjeztym zo móžachu hosćo z Pančic pola hrajerjow z połneho čerpać, nastupi Sokoł jenož z nuzowej šěstku.
Sokoł Budyšin – TSV Wóspork/Hrodźišćo 0:2 (11:25, 11:25)
Zo njebě Sokoł z najsylnišej zestawu nastupił, pokaza so wočiwidnje hižo na započatku prěnjeje sadźby. Spěšny zastatk so přeco bóle powjetši. Sokoljo popadnychu sej wótru plistu. W přichodnej sadźbje so ničo njezměni a Budyšenjo dóstachu přichodnu plistu.
Sokoł Budyšin – Marijina hwězda 0:2 (8:25, 13:25)
Hišće hórje zeńdźe so Sokołam ze sprjewineho města w hrě přećiwo Marijinej hwězdźe z Pančic-Kukowa. W prěnjej sadźbje njedocpěchu Budyscy volleyballisća ani dźesać dypkow. Tež w druhej sadźbje so jim wjele njeporadźi. Cyle hinak wupadaše to pola Marijineje hwězdy. Wot spočatka běštaj Benedikt Smoła jako přistajer a Metod Šołta w nadběhu zasadźenaj. Wobaj swój nadawk wuběrnje spjelništaj. Z tym přinošowaštaj wobaj k dobremu wukonej cyłeho mustwa. Wuslědk hry budźeše nadźije za slědowace rozestajenje z Wósporkom.
