Nimo DGB běše w Sakskej 1. meje wjele prawicarjow po puću
Budyšin/Drježdźany/Aue (CS/SN/MG). Prěnja meja je dźeń dźěła. Po cyłym kraju so na tutym dnju politiske manifestacije wotměwaja. Na zarjadowanju na Budyskich Žitnych wikach dopokazachu rjemjeslnicy, što je woprawdźe dobre ručne dźěło. Mjez nimi bě Ławrjenc Bobka z Miłoćic. Młody Serb pokazowaše, kak z kulucha drjewa hrjada nastawa. Před krótkim hišće bě wón pola zawoda Kompleta w Kulowje přistajeny, nětko wón twarske inženjerstwo w Lipsku studuje. Towarstwo swobodnych rjemjeslniskich pomocnikow Hornja Łužica. „Chcemy z tym pokazać, kak so stare rjemjeslniske tradicije dale pěstuja“, wón powěda.
We wobłuku nowinarskeje rozmołwy je towarstwo Kunstbauerkino minjenu póndźelu program 21. Nysoweho filmoweho festiwala (NFF) we Wulkich Hendrichecach předstajiło. Wospjet wuhotuja na nim rjad „Regionalia“ ze serbskimi resp. łužiskimi přinoškami.
Wulke Hendrichecy (SN/bn). Program festiwala, kotryž zahaja 14. meje, wopřijima cyłkownje něhdźe 90 hrajnych, dokumentarnych a krótkofilmow w třoch wubědźowanjach a wšelakich filmowych rjadach. Na zwučene wašnje pokazaja paski w resp. na dohromady 19 hrajnišćach w třikrajowym róžku Sakska-Pólska-Čěska. Wudospołnjace zarjadowanja su mjez druhim koncerty, wustajeńca a čitanja.
Drježdźany (SN/MiR). Sakske ministerstwo za kulturu a turizm (SMWK) spožči lětuše Myto Zejlerja za serbsku rěč Jěwje-Mari Čornakec. We wobkrućenju jury rěka: „Jěwa-Marja Čornakec dóstanje Myto za serbsku rěč Myto Zejlerja 2024 za wusahowace zasłužby na polu serbskeje literatury.“ Statna ministerka Barbara Klepsch je poručenje jury přiwzała a rjekny: „Gratuluju nowej lawreatce wutrobnje a wjeselu so, zo so z tymle mytom jeje wobšěrny angažement oficielnje hódnoći. Z jeje skutkowanjom je Jěwa-Marja Čornakec přikładnje dopokazała, kak hodźi so posrědkowanje a wužiwanje serbskeje rěče z kreatiwitu, angažementom a zaměrnosću dale wuwiwać.“ Na naprašowanje SN praji lawreatka: „Sym přewšo překwapjena. Myto mje jara česći a sym jara zwjeselena. Je to wulke připóznaće mojeho dźěła.“
FC Energija Choćebuz – Lokomotiwa Lipsk 4:3 (1:0)Zestawa Energije Choćebuz: Bethke – Hasse, Hildebrandt, Campulka (64. Bretschneider), Slamar, Pelivan, Hofmann, Proničew (69. Shcherbakovski), Heike, Thiele, Krauß (69. Halbauer)slěd wrotow: 1:0 Proničew (5.), 2:0 Heike (53.), 2:1 Adigo (57.), 2:2 Ballo (70.), 2:3 Abderrahmane (82., jědnatka), 3:3 Heike (86.), 4:3 Shcherbakovski (90.+3)přihladowarjo: 11 532Zaso raz je FC Energija Choćebuz wjele wjace ludźi zaběrała, hač móžeše jej to lube być. Tola Choćebuženjo su z pózdnimi wrotami k dobyću 4:3 přećiwo Lokomotiwje Lipsk wjace hač 10 000 fanam dosć bólnych pjenjez zapłaćili. Na dompuću ze stadiona běchu bjezwuwzaćnje domjacy fanojo z jara dobrej naladu widźeć.
Tradicionalna parada Běłeje floty w Drježdźanach bě wčera, 1. meje, zaso wulki magnet za wopytowarjo. Kaž zarjadowarjo zdźěleja, móžeše so dźesać z cyłkownje jědnaće parnikow wobdźělić. Krótko do wotjězda dyrbjachu parnik „Pirna“ techniskeho njedostatka dla ze zarjadowanja wzać. Hosći, kotřiž mějachu jězdźenku, rozdźělichu na druhe łódźe. Cyłkownje 3 000 sobujěducych móžeše sej tute wosebite dožiwjenje lubić dać. Na brjoze dźesaćitysacy spektakl wobdźiwachu. Foto: Jürgen Männel
Na njeličomnych městnach su wutoru chodojty palili. W Hórkach ćehnjechu dźěći w lampionowym ćahu wot nastajeneje meje k wulkej hromadźe na kromje wsy, kotruž na komando wohnjowych wobornikow ze smólnicami zapalichu (nalěwo). W Zejicach su wčera při wjesnym haće scyła prěni raz meju nastajili. Foto: Feliks Haza
Wochozy (AK/SN). Energijowy koncern LEAG je wutoru njedaloko Parka błudźenkow we Wochozach swój nowy Solarny park Hamor poswjećił. Naprawa na 23 hektary wulkim arealu ma lětny wukon hač do 26 000 megawattow na hodźinu. „Dohromady 8 000 do 9 000 domjacnosćow móžemy tak z milinu zastarać“, wuzběhny nawoda předsydstwa LEAG Thorsten Kramer na zarjadowanju. Wón přepoda wjesnjanosće gmejny Hamor Hendrykej Balkej koncept wobdźělenja, w kotrymž je mjez druhim zakótwjene, zo dóstanje gmejna lětnje 50 000 eurow popłatka ze zdobywanja energije w tutej připrawje. Wo dalšich dypkach w koncepće wobě stronje hišće jednatej.
Rejza Šěnowa z Budyšina:W zapósłanym přinošku dr. Hartwiga Küblera wot 29. apryla rěči so wo nalětnjej šědźiwce jako Frühjahrsgreiskraut. Tu pak su so SN při přełoženju teksta dr. Küblera mylili. Šědźiwka je němsce Greisenhaupt a to je kakteja. Měnjena jědojta rostlina, kotraž so pola nas sylnje rozmnožuje je nalětni staršik (Senecio leucanthemifolius vernalis), kaž je ju Józef Woko prawje mjenował. W němčinje so mjenje Greiskraut a Kreuzkraut husto paralelnje wužiwatej.Maruša Šołćic z Drježdźan:Hižo wot spočatka sem mějach w zwisku z prócowanjom wo prawo swójbne mjeno sebi serbsce zapisać dać, tójšto prašenjow: dźe wo kóncowki žónskeho mjena abo wo cyłe mjeno? Tutu njejasnosć je mi knjeni Judit Šołćina wuswětliła (hlej SN z 19. apryla). Jeli pak smě so žona serbsce z cyłym swójbnym mjenom zapisać dać, čehodla potom nic tež muž, na přikład knjez Šołta? Tež w němskim wudaću SN z meje 2024 so mužojo njenaspomnja. ...
2.5. – 8.5.2024Budyski filmowy palast:The Fall Guy: wšědnje 17:00 (nimo srj) a 20:00 | pj, so, nj a wu 14:50srj 16:30 a 22:40 | pj a so 22:30 Challengers – Rivale: wšědnje 18:00 (nimo nj) a 19:30 Planet der Affen: New Kingdom: srj 17:00, 20:00 a 22:20 Arthur der Große: wšědnje 17:30pj, so a wu 14:30 | 19:30 | pj, so a wu 20:15 | štw, pó a srj 20:30 Beautiful Wedding: srj 19:45 Civil War: wšědnje 18:10 Abigail: pj, so, nj a wu 20:30 | pj, so a srj 22:50 Sneak Preview: pó 20:00 Peterchens Mondfahrt: nj 15:00 | štw 16:30 Garfield – Eine Extra Portion Abenteuer: nj 14:30 Garfield – Eine Extra Portion Abenteuer w 3 D: nj 17:00 Spy x Family Code: White: pj, so a srj 23:00 Godzilla x Kong: The New Empire: pj, nj a wu 19:45 | srj 22:10 | pj a so 22:40 Chantal im Märchenland: wšědnje 20:30 (nimo nj a srj) | pj, so, nj a wu 14:20 | pj, so, pó a wu 17:20 | nj a srj 20:00 Max und die Wilde 7 – Die Geister Oma: wšědnje 17:20 | pj, so, nj a wu 15:10 Back to Black: wšědnje 20:00 (nimo wu a srj) | ...
Marek Krawc rozprawja wo aktualnje rozjimanych temach w ČěskejPraha. Zmjerzki minjeny tydźeń su na winicach a w sadowych plantažach wulke škody zawostajili. Zašły pjatk informowaše zjednoćenstwo čěskich winicarjow wo škodach we wysokosći dweju miliardow krónow (79,5 milionow eurow). W Čechach, hdźež namakamy štyri procenty winowych kubłow susodneho kraja, njeje 95 procentow rostlinow přezymne wjedro bjez škodow přetrało. Na Morawje liča z wuraznje mjeńšim wunoškom. Podobna situacija knježi w sadowych plantažach. 500 sadarjow je tuchwilu w swojej eksistency wohroženych. Tohodla zetka so Martin Ludvík, předsyda zjednoćenstwa sadarjow, minjenu póndźelu z ministrom za ratarstwo Marekom Výbornym. Výborný chce pola EU próstwu wo financnu podpěru zapodać. Wosebity fonds EU skići ratarjam pomoc po přirodnych katastrofach. Nimo toho zdźěli politikar, zo njebudu lětsa sadowe žně w Čěskej. Plahowarjo sadu liča z miliardu krónow (40 milionow eurow) škody. ...
