Sport (09.07.21)

pjatk, 09. julija 2021 spisane wot:

Póndźelu startuje bičtura

Bičwolejbulowa tura Radija Satkula lětsa zaso budźe, a to wot 12. julija do 30. awgusta. Stajnje póndźelu přewjedźe so wot 18 do 22 hodź. dohromady sydom turněrow pod hołym njebjom. Wulke fina­le budźe kónc awgusta pod třěchu w Bobkec jěchanskej hali w Miłoćicach.

Terminy: 12.07. Wotrow, 19.07. Kulow, 26.07. Worklecy, 02.08. Radwor, 09.08. Róžant, 16.08. Konjecy, 23.08. Budyšin, 30.08. Miłoćicy

Testowe koparske hry

09.07. 18:30 Sokoł Ralbicy/Hórki –

Hermsdorf (stara garda)

09.07. 18:30 HZ Wóslink/Skaskow/Kulow II – Sokoł Ralbicy/Hórki (w Kulowje)

10.07. 12:00 ST Marijina hwězda – Drježdź. SC (młodźina E)

10.07. 13:30 VfB Běła Woda 1909 – FSV Budissa Budyšin

10.07. 15:00 SJ Chrósćicy –

  ST Hnašecy-Dobruša

10.07. 16:00 Motor Kumwałd –

  Traktor Malešecy

11.07. 11:00 Sokoł Ralbicy/Hórki –

  ST Ćisk

11.07. 15:00 ST 1922 Radwor –

  LSV Hory

16.07. 18:30 Rakečanske ST –

  FSV Budissa Budyšin

17.07. 14:00 Zeleno-běli Lubnjow –

  FSV Budissa Budyšin

17.07. 17:00 Sokoł Ralbicy/Hórki –

  Zeleno-běli Bukecy

24.07. 13:00 FSV Budissa Budyšin –

  Brjazki-Zły Komorow

Triatlonowe wubědźowanje

London (kh/SN). Dobyće 2:1 po po­dlěšenju połfinala Jendźelskeje přećiwo Danskej wčera wječor w Londonje je hladajo na hrajne podźěle w porjadku. Hrajnu scenu do druhich wrotow Jendźelčanow pak by sej sudnik Danny Makkeile hišće raz dokład­nje wobhladać dyrbjał. Jendźelska nastupi tuž nětko njedźe­lu, 11. julija, w 21 hodź. přećiwo Italskej wo titul europskeho mištra.

Třo wotešli, jedyn podlěšił

štwórtk, 08. julija 2021 spisane wot:

Z Bradom a Nickom Rossom kaž tež Ericom­ Steffenom su třo dalši Łužiske lodo­hokejowe liški Běła Woda wopušćili. Nick Ross je w sezonje 2020/2021 wot madźarskeho kluba DVTK Jegesmedvék do Běłeje Wody přišoł. Wón absolwowaše cyłkownje 44 hrow za Liški a nazběra w tym času 37 scorer-dypkow. Steffen je Běłowodźanow wopušćił. 20lětny wrotar bě w lěće 2019 ze spěchowanskej licencu wot Lodowych mjedwjedźow z Berlina přišoł. Byrnjež minjenu sezonu z Běłej Wodu krute zrěčenje měł, pak je wón cył­kow­nje jenož jědnaće razow na hrajnišću stał. Zamołwići Liškow dojednachu so z woběmaj hrajerjomaj, jeju angažement we Łužicy njepodlěšić. Woni dźakuja so Nickej a Erikej za jeju zasadźenje w tri­koće módro-žołtych a přeja jimaj wšo dobre­ za sportowy a priwatny přichod.

Wubranka młodźiny D trenowała

štwórtk, 08. julija 2021 spisane wot:
W Ralbičanskim Stadionje přećelstwa bě kónc junija po dołhim času zaso raz ­trening Serbskeje koparskeje wubranki młodźiny D. Pod nawodom trenarskeje dwójki Tadej Cyž (Jednota Kamjenc)/Křesćan Bejmak (Sokoł Ralbicy/Hórki) zwu­čowachu holcy a hólcy ćežišći technika kaž tež ofensiwne a defensiwne dwu­boje. Wot Biskopičanskeho KT 08 wobdźělištej so Ralbičanskej koparce Stella Pilcec a Lawinija Frenclec. Hólcy běchu ze sportowych towarstwow Chrósćicy, Pančicy­Kukow, Kamjenc a Ralbicy. Přichodny raz přidruža so jim tež koparjo z Radworja a Njebjelčic. W mjenje wšitkich serbskich koparkow a koparjow dźakujetaj so ­Tadej Cyž a Křesćan Bejmak Ralbičanskim Sokołkam a Sokołam za přewostajene sport­nišćo. Foto: Konstantin Hrjehor

Jasnemu faworitej paroli skićili

srjeda, 07. julija 2021 spisane wot:

ST Marijina hwězda

– Biskopičanske KT 08 1:6 (0:2)

Za domjacych zasadźeni: O. Schmidt, Matik – R. Cyž, R. Hawš, Zelnak, Ch. Cyž, Pjetaš, P. Schmidt, O. Hawš, Langer, Eldor, Pakoßnick, Peschmann, Lugge, Lipič, Jurš, Čornak, Celik

London (kh/SN). Italscy serijowi rjekojo su finale europskich koparskich mišterstwow 2020 docpěli. Po 32 hrach bjez poražki je Squadra Azzurra tež Španisku přewinyła. Za to pak trjebaše po taktiskej hrě třělenje jědnatkow, kotrež doby před 60 000 přihladowarjemi w Londonskim Wembleyjowym stadionje z 5:3. W tajkim krimiju njejsu Španičenjo na kóncu trěbne čuwy měli.

Španiski trenar Luis Enrique je ze swojej prěnjej zestawu italskeho kolegu Roberto Mancinija překwapił. Zo budźe Dani Olmo w nadběhu za zranjeneho Pabla Sarabiju hrać, běše hišće wotwidźeć. Prěni raz na turněrje pak wzda so Enrique stajneho nadběhowarja Álvara Moraty a pósła za njeho Mikela Oyarzabala na hrajnišćo.

Překwapjenka by so nimale zešlachćiła. Po sylnym započatku Italskeje sta­bilizowachu so Španičenjo a dóstachu wulkotnu šansu k nawjedowanju. Po genialnym pasu 18lětneho stara turněra Pedrija bě Oyarzabal Giorgija Chiellinija a Leonarda Bonuccija přewinył, njezamó pak bul w najlěpšej poziciji kontrolować.

SC Freital – FSV Budissa Budyšin 1:2 (0:2)

Zestawa hosći: Zoul – Rülicke, Patka, Vrabec,­ Käppler, Schröder, Henčl (89. Noack), Hentsch (81. Barnickel), Baudisch (61. Kloß), Henzl, Hagemann

Satkula Allstars –

ATS Fullhelm Łužica 1:1

(4:3 po třělenju jědnatkow)

Zestawa Satkula Allstars: Fabian Hejduška – Clemens Handrik, Franciskus Wornar, Beno Šołta, Clemens Šmit, Stefan Šmit, Tadej Špitank, Matej Wjeńka, Fabian Šěrak, Daniel Nuk, Fabian Kola

zestawa ATS Fullhelm Łužica: Józef Matješk – Mike Janca, Rony Hanuza, Jonas Zynda, Beno Sćapan, Jonas Krawčik, Philipp Šiman, Toni Čornak, Handrij Korjeńk, Martin Sobe

Napjaty duel mjez mustwomaj Satkula Allstars a ATS Fullhelm Łužica wotmě so póndźelu tydźenja w Hórčanskim ko­parskim stadionje. Něhdźe 250 přihla­dowarjow z cyłeje Łužicy bě do Hórkow přichwatało, zo bychu sej spektakl wobhladali. Wo ćělne derjeměće fanow staraše so Hórčanski młodźinski klub z jědźu a napojemi.

Wažnaj hrajerjej přestanjetaj

wutora, 06. julija 2021 spisane wot:

Mnichow (kh/SN). Powěsć bě so dźeń po poražce Němcow přećiwo Jendźelskej šěriła: Toni Kroos zakónči swoju karjeru w na­rodnym koparskim mustwje Němskeje. Po bolostnej poražce přećiwo Jendźelskej je so 31lětny po 106 zasadźenjach w trikoće DFB za krok rozsudźił. Cyły koparski přiwisk pak tak jara zrudny njeje, Kroos njebě mjenujcy pola wšitkich woblubowany. Tež hdyž sej to hrajer Real Madrida jako profi wulce k wutrobje njebjerje, bu wón přez lěta přeco zaso kritizowany. Stajnje so dźiwaše, čehodla je w dwěmaj swětomaj žiwy.

W Španiskej, hdźež Kroos po swojej změnje wot FC Bayern Mnichowa wot lěta­ 2014 pola Real Madrid hraje, wobhladuja jeho jako jednoho z najlěpšich koparjow swěta. Tam maja jeho za mudreho strategu, kiž z inteligencu ćežke situa­cije zmištruje. Fakty rěča za Kroosa, kiž je w swojej karjerje štyri razy mištersku ligu dobył a njeličomne narodne titu­le. Zabyć njesměmy na titul koparskich swětowych mišterstwow w lěće 2014 w Brazilskej.

Kauter nětko tola za Energiju hraje

wutora, 06. julija 2021 spisane wot:

1. julij je nětko tola pozitiwny datum w protyce FC Energije Choćebuz. Tón dźeń je nutřkowny škitar Shawn Kauter swoje zrěčenje z njej nastupił. W meji bě wón mjenujcy prěni nowopřichad. Na dnju treningoweho zazběha pak zamołwitym w Choćebuzu zdźěli, zo za FC Energiju Choćebuz hrać njebudźe. Wot toho časa nastachu diferency a njejasnosće. Po wobšěrnej wuměnje mjez spor­to­wym nawodu Maximilianom Zimmerom, šeftrenarjom Clausom-Dieterom Wollitzom a prezidijom pak Kauter nětko přilubi, zo budźe wón za FC Energiju hrać.

Wuwjedźenja k priwatnym wobstej­nosćam FC Energija tak prawje znała njebě. Nětko nasta na zakładźe špatneje komunikacije ze stron hrajerja nowa situacija. Energija Shawna Kautera podpěruje. Škitar stupi so z wotewrjenymi a sprawnymi słowami před mustwo, rozkładźe wosobinske přičiny a so pola mustwa zamołwi. Njelubozna wěcka je zabyta, delnjołužiske koparske mustwo a towarstwo přihotujetej so nětko zhromadnje na nowu sezonu, kotraž započnje so 24. julija z domjacej hru přećiwo cyłkej FSV Lucken­walde. Georg Zielonkowski

nawěšk