Koparjo SGB pojědu do Lipska
Wjeselo knježeše mjez šulerjemi-koparjemi 9. do 11. lětnika Serbskeho gymnazija Budyšin (SGB) w Rakecach. Woni dobychu tam złotu medalju wuchodosakskeho finala we wurisanju „Młodźina trenuje za olympiju“ a pojědu 30. meje 2018 do Lipska na krajne finale.
Z wuběrnym wukonom je 14 šulerjow-koparjow Budyskeho Serbskeho gymnazija krótko do nazymskich prózdnin w Rakecach přeswědčiło a regionalne finale w kopańcy w starobnej skupinje II dobyło. Woni su nětko štwórte hólče mustwo SGB, kotrež docpě sakske finale w tutej sportowej družinje. Dwě slěbornej medali a jedne pjate městno su dotalna wuspěšna bilanca. W Rakecach běchu štyrjo wokrjesni dobyćerjo z wuchodneje Sakskeje pódla, a kóždy hraješe přećiwo kóždemu dwójce 15 mjeńšin.
SGB – Leona Foucaultowy gymnazij Wojerecy 1:1
Wulosowanje chcyše, zo hraještej na spočatku turněra najsylnišej mustwje přećiwo sebi. Wuwiła je so wurunana partija, w kotrejž šulerjo z Wojerec po mócnej třělwje do praweho hornjeho kuta w 14. min. nawjedowachu.
Znowa jenož njerozsudnje hrali
ST Babelsberg
– Budissa Budyšin 0:0
Zestawa hosći: Ebersbach – Kunze, Patka, Hoßmang, Krawčik (61. Milde), Schmidt, Weiß, Pfanne, Müller, Gehrmann (75. Hänsch), Bönisch
Na 12. hrajnym dnju chcyše trenar koparjow Budissy Budyšin Torsten Gütschow na dobre dźěło w škiće při 0:0 w partiji přećiwo Lok Lipskej natwarjeć a nadźiješe so wězo wrotow. W hosćićelskim Karla Liebknechtowym stadionje bě 1 525 přihladowarjow. Trójce hižo běchu Budyšenjo pola ST Babelsberg nastupili, a stajnje su njerozsudnje hrali.
Hosćo spytachu z nadběhami hru postajeć. Šansy Tonyja Schmidta (2., 16.) a Maxa Gehrmanna (9.) pak k wrotam njewjedźechu. Hakle po poł hodźinje mějachu domjacy přez Lionela Sallu prěnju prawu móžnosć. Třělwa pak njebě dokładna dosć. Tež Manuel Hoffmann spyta 1:0 docpěć, ale hłójčkowany bul lećeše nimo wrotow.
W přestawce běštej sej wobaj cyłkaj tójšto předewzałoj. Při tym pak wosta. Nadběhi běchu wšitke přesłabe. Wobaj trenarjej měještaj nadźiju na wrota, ale z toho ničo njebu.
Widźał,słyšał, napisał (30.10.17)
Awtor dźensa
Jan Hrjehor
Swěrni čitarjo tejele sportoweje kolumny so nětko zawěsće dźiwaja, zo njepisa dźensa Jan Macka. Wón bě mjenujcy hižo před dlěšim časom redakciju Serbskich Nowin informował, zo chce pisak nabok połožić. Jano! Měj wutrobny dźak za wjelelětnu swěru, za twoje zajimawe přinoški, za wšu spušćomnosć a za zapal za serbske sportowe rozprawnistwo. Na jednej stronje dźakneje medalje je to chětro škoda, zo přestanješ, na tamnej stronje pak sy sej to wjac hač zasłužił. Wěm sam, zo njeje runjewon lochko, něšto zajimaweho namakać a potom tež hišće do chětro dołheho teksta napisać. Zawěsće wostanješ swěrny čitar kolumny, tež hdyž wot dźensnišeho za nju hižo njepisaš. Toho sym sej wěsty.
Sport (27.10.17)
Nachwataja treningowe lěhwo
Treningowe lěhwo za motocrossowy dorost nachwata MC Jawora zajutřišim, 28. oktobra. Započatkarjo a pokročeni smědźa so při motocrosowej čarje Kaponica wot 9.30 hodź. přizjewić a wot 10 do 17 hodź. trenować. Přizjewjenja su móžne pod www-mc-jauer.de. Samsny dźeń prezentuje firma Zweirad Pfeil w Jaworje modele firmy Kawasaki za lěto 2018.
Běhać a kolesować
Budyske kolesowarske towarstwo RSV zarjaduje njedźelu sportowe wurisanje w Radworju. Start a cil budźetej zaso w bydlenskej štwórći Młynske chěže. Wot 10 hodź. wubědźuja so dźěći w starobje wosom do 13 lět w crossowym běhu, wot 10.30 hodź. atleća w kolesowarskim crossu a wot 14.55 hodź. hobbyjowy kolesowarjo.
Keheluja na domjacej čarje
Kehelerjo Sokoła Ralbicy/Hórki keheluja jutře na domjacej čarje w Rakecach, a to wot 13 hodź. přećiwo KSV Łutam II.
Kónctydźenska kopańca
28.10. 14:00 Motor Kumwałd
– ST Radwor
28.10. 14:00 Rakečanske ST
– Módro-běli Kulow
28.10. 15:00 Čerwjeno-běli Mužakow
– SJ Chrósćicy
29.10. 13:30 Budissa Budyšin
– Fürstenwalde
29.10. 12:00 SJ Njebjelčicy II
– SV Hermsdorf II
29.10. 14:00 SJ Njebjelčicy
– SJ Chrósćicy II
29.10. 14:00 Sokoł Ralbicy/Hórki
– ST Wjelećin
SGB swjedźeń lochkoatletiki přewjedł
Kapitanka koparkow Serbskeho gymnazija Budyšin (SGB) Lea Krječmarjec z Wulkeho Wjelkowa doby na Budyskej Młynkec łuce lochkoatletiski třibój z 382 dypkami před Terezu Pöpelec z Chrósćic z 369 dypkami a Budyšanom Fridtjofom Schadu z 307 dypkami.
Dźěłowe dobyće
ST Marijina hwězda
– ST Ćisk II 2:1 (1:0)
Zestawa domjacych: Schmidt – Wróbl, K. Pakoßnick, Jurš, R. Hawš, Rab, Kuring, O. Hawš, Peschmann, Eldor (73. Prasse), J. Pakoßnick (90. Czapik)
Na dźewjatym hrajnym dnju nastupi w Pančicach-Kukowje druhe koparske mustwo ST Ćiska. Domjacy wopušćichu hrajnišćo ze snadnym dobyćom 2:1. Za jich trenarja Erwina Kleinmanna bě to mały dar k 65. narodninam.
W spočatnej fazy hry bě wočiwidne, zo nochcyštej wobaj cyłkaj žane zmylki worać. Prěnju prawu móžnosć měješe po 24 mjeńšinach Jakob Pakoßnick. Tomaš Jurš bě wólny kop do šěsnatki Jeffreyjej Rabej třělił. Tón pak bul na hišće lěpje stejaceho Pakoßnicka wotpołoži. A ze zdalenosće šěsć metrow třěli wón bul nimo prózdnych wrotow. W 44. min. poradźi so domjacym 1:0. Matijas Wróbl posłuži na lěwym křidle Raba, a tón Pakoßnicka, kiž bul do syće zhłójčkowa.
Tež kermušu bjez dypka wostali
SJ Chrósćicy II
– Wulka Dubrawa 0:3 (0:1)
Zestawa domjacych: Matješk – Donat (46. Lešawa), Mark, D. Bogusz (23. Zahrodnik), Wowčer, Liznar, Šiman, J. Bogusz (58. Budar), Jakubaš, Dórnik, Šmit
Zašłu njedźelu hrajachu hnydom třo z młodźiny A za SJ Chrósćicy II. Předewzaće, hru dobyć abo sej znajmjeńša prěni dypk wubědźić, bě hižo po třoch mjeńšinach zabyte. Nico Heinrich startowaše w swójskej połojcy, wuhra Měrćina Jakubaša a Klemensa Marka a hižo steješe 0:1. Wulka Dubrawa běše lěpše mustwo, ale poslednja konsekwenca pobrachowaše. Tak so jej najprjedy jónu 0:2 njeporadźi. Domjacy běchu jeno přez kontery strašni abo přez Jana Bogusza. Srjedź prěnjeho połčasa so wón přećiwo třom přećiwnikam přesadźi, wrotarja pak njezamó přewinyć.
Druhi połčas njebě wjele lěpši. Nickej Lešawje a Lucianej Zahrodnikej, kotrajž běštaj hižo 90 minutow za młodźinu A hrałoj, pomału mocy popušćichu. Rezerwa SJC skutkowaše bjezmócna a přećiwnik zwyši na 0:2 (52.) a 0:3 (70.). Zmylki kaž tež pobrachowacej koncentracija a personal su kermušnu partiju rosudźili.
Wuslědki (26.10.17)
Wokrjesna koparska liga, stafla II
Wojerowski FC II – Njebjelčicy 1:1 (0:0)
Chrósćicy II – Wulka Dubrawa 0:3 (0:1)
Marijina hwězda – Ćisk II 2:1 (1:0)
1. ST Lubuš 9 29 : 7 25
2. HZ Łaz/Běły Chołmc 9 27 : 12 22
3. Natwar Němske Pazlicy 9 40 : 9 21
4. SV Haselbachtal 9 32 : 13 21
5. FSV Łuty 9 15 : 17 16
6. ST Marijina hwězda 9 20 : 12 15
7. Nowe Město II 9 19 : 20 15
8. SJ Njebjelčicy 9 13 : 16 15
Pod nowej trenarskej dwójku doma dobyli
SJ Chrósćicy
– SG Weixdorf 3:0 (2:0)
Zestawa domjacych: Králíček – Pöpel, Sentivan, Cyž, F. Zahrodnik, M. Zahrodnik, Henčl, Runt (88. Dehn), Młynk (69. Domaška), Věchet (89. Kunze), Němec
Wuslědki (25.10.17)
Krajna koparska klasa
Drježdźanski SC – Neugersdorf II 3:2 (3:1)
Horni kraj-Sprjewja – Mužakow 2:3 (1:2)
Oderwitz – Ćisk4:3 (2:1)
Laubegast – Drježdźany-Strěžin 3:2 (1:1)
Trjebin – Nowe Město 0:3 (0:2)
Chrósćicy – Weixdorf 3:0 (2:0)
1. LSV Nowe Město 9 31 : 19 21
2. FSV Oderwitz 9 25 : 15 20
3. Čerwj.-běli Mužakow 9 28 : 17 17
4. FSV Nowosólc-Hródk 8 22 : 11 14
5. FC Neugersdorf II 9 20 : 12 13
6. ST Horni kraj-Sprjewja 9 23 : 16 13
7. ST Ćisk 9 14 : 23 12
8. ST Trjebin 9 13 : 23 12
9. Laubegast 9 21 : 24 11
10. SZ Drježdźany-Strěžin 9 20 : 13 10
11. SJ Chrósćicy 9 14 : 25 10
12. SG Weixdorf 9 13 : 16 8
13. SC Borea Drježdźany 9 18 : 36 8
14. Drježdźanski SC 8 19 : 31 7
regionalna liga – žony
Biskopicy – Steglitz0:3 (0:2)
Marzahn – Viktoria Berlin 1:4 (0:1)
Rudne horiny – Union Berlin 0:3 (0:1)
Neubrandenburg – Magdeburg 1:4 (0:1)
Beelitz – Fortuna Drježdźany 0:1 (0:1)
1. FC Viktoria Berlin 7 36 : 2 21
2. Magdeburgski FFC 6 29 : 3 18
