Lille. Po randalach do, srjedź a po skupinskej hrě Jendźelska–Ruska je europski koparski zwjazk UEFA woběmaj krajnymaj koparskimaj zwjazkomaj hrozył, zo jej po wospjetnych wukročenjach z turněra wuzamknje. Za ruski cyłk by tale sankcija po wčerawšej poražce 1:2 móhło njetrjebawša być, wšako njejsu šansy k docpěću wosmifinala nětko runjewon najlěpše. Wočakowane randale drje wuwostachu, za to pak pokaza ruska wubranka słaby wukon. W 32. mjeńšinje bě Vladimir Weiss dołhu flanku k 1:0 přetworił a krótko do połčasa bě zawěsće cyła Słowakska z konopeja abo stólca skočiła, jako Marek Hamsík po dalšim róžku z krasnymi wrotami na 2:0 (45.) zwyši. Čestne wrota Denisa Glushakova 10 mjeńšin do kónca stachu so přepozdźe, dokelž njemějachu Rusojo hižo mocow dosć, na 2:2 wurunać.

Wuslědki (16.06.16)

štwórtk, 16. junija 2016 spisane wot:

Wokrjesna koparska liga, stafla III

Marijina hwězda – Großdrebnitz 7:1 (2:1)

Haselbachtal – Njebjelčicy 0:4 (0:1)

1. Ottendorf/Liegau 25 65  : 23 62

2. Frankenthal 25 71  : 35 58

3. Großnaundorf 25 71  : 32 52

4. Arnsdorf 25 59  : 27 45

5. Njebjelčicy 26 54  : 36 44

6. Großröhrsdorf II 26 44  : 34 43

7. Marijina hwězda 25 77  : 47 42

8. Haselbachtal 26 53  : 61 38

9. Sepicy 25 67  : 64 35

10. Němske Pazlicy 25 46  : 51 33

Sezonu z dobyćom zakónčili

srjeda, 15. junija 2016 spisane wot:

SJ Chrósćicy

– ST Motor Kumwałd 5:2 (3:1)

Zestawa domjacych: Králíček – Šiman, Cyž, Šafář, Bětnar (59. Pöpel), Žur, Runt, Domaška (70. Schulze), Młynk (46. Dehn), Šmit, Věchet

Němske mišterstwa

srjeda, 15. junija 2016 spisane wot:
Gotha. Marko Ryćer ze Šunowa wobsa­dźi zašłu sobotu na srjedźnoněmskich lochkoatletiskich mišterstwach za dorosćenych w Gotha 5. městno w běhu na 400 m. Z časom 51,2 s skwalifikowa so zdobom za němske lochkoatletiske mišterstwa w starobnej klasy U18. Alfons Ryćer

Zakónča sezonu na třećim městnje

srjeda, 15. junija 2016 spisane wot:

Drohotka Ramnow

– Sokoł Ralbicy/Hórki 0:4 (0:2)

Zestawa hosći: Gloxyn – von Köding, S. Bjeńš, B. Bjeńš, Korjeńk, Šewc, Wałda, Lulak, Šołta, Domaška, Kurjat (60. Matka)

Ralbičenjo chcychu wězo dobyć a w kónčnym hódnoćenju so na třećim městnje tabulki zaměstnić. To so w Ramnowje tež poradźi, dokelž nadźěłachu sej woni tójšto šansow. Někotre pak zdźěla lochkomyslnje njewužichu. W 2. min. wothra Wałda z praweje strony Korjeńkej, tola Pěskečan njezamó z bliskeje distancy wrotarja přewinyć. Tež Domašce so to njeporadźi, jako Korjeńk jeho do haski pósła. W 12. min. třěli Šołta z direktnym wólnym kopom nawjedowanje. Nětko so tež Ramnow prědku pokaza, tola po róžku hłójčkowany bul wrota njenamaka. Po 15 min. nahra Kurjat Domašku, tón pak prosće prózdne wrota nje­trjechi. Lěpje sčini to w 19. min., hdyž dołhi bul Šołty dósta a hrajny nastroj do dołheho róžka přetwori. Ramnow pak so njepoda a spyta swójske wrota docpěć, tomu wšak Gloxyn w 36. min. zadźěwa.

Němske mišterstwa w Trjebinje

srjeda, 15. junija 2016 spisane wot:
4. němske mišterstwa w billardowym kehelowanju wotměwaja so wot kónca tydźenja w Trjebinje. 24 sportowcow starobneje klasy wyše 60 lět wojowaše dźensa wo dobre městno. Sobu byłoj staj tež Dieter Kowalick z SZ Mułkecy a Reinhard Nowosch (na foće) ze Zeleno-běłych Běła Woda. Přichodny kónc tydźenja wubědźuja so juniorojo, žony a mužojo wo titl w billardowym kehelowanju. Tule sportowu družinu pěstuja hłownje we wuchodoněmskich zwjazkowych krajach. Foto: Joachim Rjela

Bordeaux. Sensacija Madźarska, drohotny Alaba, prěnja žołto-čerwjena karta, překwapjenje nowačk-Islandska. Z tutymi krótkimi hesłami hodźał so pjaty hrajny dźeń europskich koparskich mišterstwow wopisać. A tež tole hišće za wčerawši dźeń přitrjechi: „Tuni koparjo su druhdy wjace hódni.“ David Alaba (Awstriska), profijowy kopar FC Bayern Mnichow, je z 45 milionami eurow dwójce telko hódny kaž cyłe madźarske mustwo. Tunja madźarska jědnatka je wčera w skupinje F jasneho faworita Awstrisku z 0:2 (0:0) porazyła, štož běše prěnja wulka sensacija EM. Awstričenjo drje super do hry startowachu, zbožo k wrotam pak jim pobrachowaše. Po 32 sekundach měješe Alaba wulku šansu, trjechi pak jenož žerdź. W druhim połčasu bě Madźarska jasnje lěpše mustwo. W 62. mjenšinje docpěchu woni samo 1:0 přez Adama Szalija. Krótko po tym so naši susodźa hišće wosłabichu, jako dósta Aleksandar Dragović prěnju amplowu kartu turněra (66.). Wo kónčne 2:0 bě so zaměnjeny Zoltan Stieber z krasnymi wrotami postarał.

Wuslědki (15.06.16)

srjeda, 15. junija 2016 spisane wot:

Wokrjesna wyša koparska liga

Bukecy – Wjelećin4:6 (1:1)

Wachau – Hory1:5 (0:2)

Ćisk – Kulow1:0 (0:0)

Ramnow – Ralbicy/Hórki 0:4 (0:2)

Rakecy – Połčnica5:1 (2:1)

Chrósćicy – Kumwałd 5:2 (3:1)

Großröhrsdorf – Łuty 8:2 (4:0)

1. Chrósćicy 32 83  : 32 75

2. Hory 32 88  : 37 65

3. Ralbicy/Hórki 32 77  : 34 61

4. Großröhrsdorf 32 93  : 62 61

5. Rakecy 32 72  : 50 57

6. Hnašecy 32 76  : 43 55

7. Póst Budyšin 32 77  : 67 49

8. Ćisk 32 68  : 59 47

9. Kumwałd 32 85  : 76 46

10. Połčnica 32 60  : 63 43

11. Ramnow  32 60  : 82 40

12. Bukecy 32 68  : 90 38

13. Kulow 32 57  : 59 35

Jubilejny koparski turněr

wutora, 14. junija 2016 spisane wot:

Stara koparska garda je so minjeny pjatk w Njebjelčicach 20. raz zetkała, zo by wo pokal Serbskeho Sokoła hrała.

Młodźi lochkoatleća wuspěšni

wutora, 14. junija 2016 spisane wot:

Minjeny pjatk a sobotu zetkachu so młodźi sportowcy w Budyšinje, zo bychu swojich najlěpšich na wokrjesnej spartakiadźe w lochkoatletice pytali. Hačkuli běchu wonkowne wuměnjenja optimalne, běše wobdźělenje lětsa słabše, štož bě trochu škoda za organizowace towarstwo OSLV Budyšin.

Najwuspěšniši zběraćel medaljow běše Elias Kummer (M10) ze Serbskeje zakładneje šule. Elias wubědźi sej hnydom pjeć złotych a jednu bronzowu medalju: Hodźeše-li so hišće prěnja w stafli 4x50m (30,80 sek) snadneje konkurency dla poměrnje lochko docpěć, pokaza wón w jednotliwych disciplinach zdźěla wusahowace wukony. W sprinće na 50 m doběhny z wuběrnym časom 7,96 sek. Najkedźbyhódniši wukon běše jeho dalokoskok, hdźež by ze swojimi 4,15 m samo pola dwě lěće staršich sportowcow na podest skočił. Tež na 60 m přez płótki (10,90 sek) a na 800 m (2:55,44 min) jeho nichtó njepřewiny, jeničce w mjetanju bula (31,50 m) běštaj dwaj lěpšej.

nawěšk

nowostki LND