Mjenje pjenjez
Přepytuja miljej
Kooperacija přećiwo wohenjam
Mišno (dpa/SN). Po wjacorych wulkich lěsnych wohenjach chcetej krajny zwjazk wohnjoweje wobory a statny zawod Sachsenforst zaměrnišo hromadźe dźěłać. Wědu a nazhonjenja chcedźa sej wuměnjeć a tak škit před lěsnymi wohenjemi polěpšić, rěka w kooperaciskim dojednanju. W tutym nimo toho steji, zo maja wosebje zjawnosć na strachi před lěsnymi wohenjemi sensibilizować. Tole chcedźa z informacijemi a wujasnjowanjemi zmóžnić, zdźěli Sachsenforst. Nimo toho su so na to dojednali, zo zhromadnje wučbny material a kubłanske programy za dźěło z dźěćimi a młodostnymi dale wuwiwaja.
Hakle spočatk julija bě so po dołhej suchoće Gohrišowa hola při braniborskej mjezy paliła. Lěsnistwowy zarjad zastopnjowaše woheń jako najwjetši w zašłych lětdźesatkach w Sakskej. Woheń su poměrnje dołho hašeli, wšako běchu wobstejnosće dosć komplikowane. Wulkim škodam, kaž je woheń w holi zawinował, chcedźa w přichodźe zhromadnje zadźěwać.
Detaile hišće jasne njejsu
Trump planuje zetkanje ze Zelenskim a Putinom
Washington (dpa/SN). Po wjeršku wo Ukrainje wčera w Běłym domje we Washingtonje prócuje so prezident USA Donald Trump nětko wo zetkanje prezidentow Ukrainy a Ruskeje Wolodomyra Zelenskeho a Wladimira Putina. Na swojej platformje Truth Social piše Trump, zo chce so tež wón na zetkanju wobdźělić. Do toho bě wón Zelenskeho a wjacore hłowy statow Europy kaž tež nawjednikow Nato a komisije EU we Washingtonje powitał.
Němski zwjazkowy kancler Friedrich Merz, kotryž bě so na zetkanju wobdźělił, rjekny, zo planuja zetkanje Zelenskeho a Putina w přichodnymaj tydźenjomaj. „Tajki wjeršk je jenož předstajomny, mjelča-li brónje“, wón zdobom podšmórny. Zelensky na druhim boku so k tomu zwólniwy wupraji, zo Putina tež bjeze wšěch wuměnjenjow zetka.
Hromadźe poliwku warić
Wotnětka wjace ruma za pasažěrow
To a tamne (19.08.25)
Njeplanowany je regionalny ćah po puću ze Schwerina do Berlina njedźelu nawječor w městačku Neustrelitz pozastał. Přičina běchu defektne nuzniki w ćahu. Kaž wopodstatni Wuchodoněmska železnica, běchu so pasažěrojo w ćahu přiběrajcy hóršili. Tak bě personal w ćahu nućeny pozastać. Po krótkej přestawce poda so ćah dale do Berlina. Wo nuznej přestawce bě sćelak NDR jako prěni rozprawjał.
Na lětanišću we Wienje je policija dohromady 25 000 tabletow namakała, kotrež słuža powyšenju potency muži. Medikamenty je psyk policije w dwěmaj sportowymaj tošomaj wučuchał. Žona, kotrejž toši słušeštej, ma so nětko před sudnistwom wusprawnić. Jej wumjetuja, zo je wona tablety ilegalnje do kraja dowjesć chcyła. Ju móhli z wysokej pjenježnej pokutu pochłostać.
Podpěra swětowej cyrkwi
Bonn (B/SN). Katolske biskopstwa, misionske rjady a pomocne skutki w Němskej su w lěće 2024 z 595 milionami eurow mjezynarodne projekty spěchowali, wuchadźa z financneje lětneje rozprawy swětoweje cyrkwje. Z 62 procentami so swětowa cyrkej, kiž přinošuje k přewinjenju narodnych hranicow a kulturnych wšelakorosćow, z darow, kolektow a cyrkwinskeho dawka spěchuje.
Za swobodu nabožinow
Köln (B/SN). Stefanowy kruh wobsteji z nadkonfesionalnych čłonow frakcije CDU/CSU Němskeho zwjazkoweho sejma. Wón sej za 380 milionow přesćěhanych křesćanow a druhe zhromadźenstwa wěriwych na swěće žada, zo bychu so we wonkownej politice bóle wobkedźbowali. Předsyda kruha Lars Rohwer: „Swoboda nabožinow je centralne čłowječe prawo, a z nim nima so wikować.“
Wučba nabožiny w Sakskej
Trump zetka Zelenskeho
Washington/ Kiew (dpa/SN). Prezident USA Donald Trump nochce po zetkanju z ruskim prezidentom Wladimirom Putinom hižo jenož přiměr w Ukrainje, ale hnydom měrowe zrěčenje w zmysle Putina wujednać. Za to so Trump dźensa, póndźelu, z ukrainskim prezidentom Wolodymirom Zelenskym we Washingtonje zetka. Zelenskyj přijědźe z wjele podpěraćelemi z Europy, mjez kotrymiž su zwjazkowy kancler Friedrich Merz, prezidentka komisije EU Ursula von der Leyen a generalny sekretar NATO Mark Rutte.
Wólby mjez opozicionelnymaj
La Paz (dpa/SN). W Boliwiskej maja druhe wólby wo přichodnym nawodźe stata rozsudźić. Žadyn z požadarjow njeje w prěnich wólbach dosć hłosow dóstał, zdźěli wólbny zarjad, po tym zo su něhdźe 90 procentow wšěch hłosow wuličili. Jasne pak nětko hižo je, zo drje njebudźe přichodny prezident po dwěmaj lětdźesatkomaj hižo lěwicar, ale zo hotuje so kraj na změnu politiskeho nawodnistwa.
Nutřkownu politiku přiměrić
