Bolostnu poražku poćerpjeli
Drježdźanski SC
– SJ Chrósćicy 3:2 (1:1)
Zestawa hosći: Králíček – B. Cyž (46. Matješk), F. Cyž, Sentivan, L. Zahrodnik, Zynda, M. Zahrodnik, G. Zahrodnik, F. Zahrodnik (86. Špitank), Vokáček, Heidari
K prěnjej dypkowej hrě po 182 dnjach přestawki nastupi prěnje koparske mustwo SJ Chrósćicy pola Drježdźanskeho SC, a to před 150 přihladowarjemi w starodawnym Heinza Steyerowym stadionje. W publikumje bě něhdźe 30 hóstnych fanow. Wuměnjenja za koparsku partiju běchu optimalne.
Wobaj cyłkaj spočatnje wjele njeriskěrowaštej. Tak wuwi so hra mjez šěsnatkomaj, bjez wulkich šansow, ale z tójšto foulemi. W 25. min. bu domjacy hrajer w šěsnatce foulowany. Sudnik rozsudźi tuž na jědnatku za DSC, a Julius Wetzel ju přetwori. Hosćo spytachu nětko wjace za hru činić, ale zdźeržachu sej kruty porjad. Najwjetšu składnosć za hosćićela wrotar SJC Petr Králíček wotwobara. Hdyž so w tajkej hrě wjele njeradźi, dyrbiš standardy lěpje wužiwać. Přez tajki nasta w 46. min. wurunanje. Po sylnym róžku Gabriela Zahrodnika Feliks Cyž najspěšnišo reagowaše a bul z krótkeje distancy k 1:1 do wrotow suny.
Dobry test krótko do zazběha sezony
Mužojo Viktorije Worklecy zahaja sobotu wolejbulowu sezonu 2020/2021. Po wjele wuspěšnych lětach we wobwodnej lize bě postup do sakskeje klasy wjac hač zasłuženy.
Za mustwo wokoło kapitana Ludwiga Eckerta je to wulke wužadanje a zdobom dyrdomdej. Jasny zaměr wšěch hrajerjow rěka: Klasu dźeržeć! To pak budźe hladajo na sylnu konkurencu jara ćežko. Nimo toho dyrbja Worklečenjo wotchad Jana Bětnarja narunać, kiž nětko w Drježdźanach pod wysokim sakom hraje. Nowačkaj Christian Weitzmann a Max Jurack njejstaj z mustwom hišće dosć zahrataj. Tohodla Worklečenjo tučasnje tak prawje njewědźa, hdźe steja. Tak bě přeprošenje Módro-běłych z Wojerec na přihotowanski turněr w prawym wokomiku dóšło. Wolejbulisća z Zusoweho města hraja w aktualnej sezonje tež w krajnej klasy.
Wuslědki (09.09.20)
Koparska tabulka krajneje klasy
1. Drohotka Ramnow 1 8 :1 3
2. SC Borea Drježdźany 1 6 :0 3
3. SV Wesenitztal 1 3 :0 3
3. VfB Běła Woda 1909 1 3 :0 3
5. Drježdźanski SC 1898 1 3 :2 3
6. BSV 68 Sebnitz 1 2 :1 3
7. FSV Oderwitz II 1 2 :2 1
7. VfB Žitawa 1 2 :2 1
9. SG Weixdorf 1 0 :0 1
9. TSV Rotacija Drježdź. 1 0 :0 1
11. SJ Chrósćicy 1 2 :3 0
12. Rakečanske ST 1 1 :2 0
13. FC Wocl Rěčicy-jězor 1 0 :3 0
13. ST Ćisk 1 0 :3 0
15. ST Sachsenwerk Drježdź. 1 0 :6 0
16. ST Trjebin 1 1 :8 0
Napjata a spěšna partija – zetkanje z wulkej hódnotu
Serbska koparska wubranka młodźiny D hrała
Serbska koparska wubranka młodźiny D nastupi zašłu srjedu w Njebjelčicach přećiwo mustwu Drježdźanskeho Gymnazija Ehrenfrieda Walthera von Tschirnhausa. Tak je lětsa hižo druhi raz na hrajnišću stała. W februarje běchu so serbske koparki a serbscy koparjo mjenujcy hižo w hali prezentowali a na Kamjenskim Galandcupje druhe městno wobsadźili. Tam je tež kontakt k Drježdźanskim koparjam nastał. Wot loni dóstawa Serbski Sokoł za dorostowe dźěło podpěru z fondsa „Čiń sobu!“.
K zazběhej sezony derby we wokrjesnej lize dobyli
Traktor Malešecy
– ST 1922 Radwor 0:1 (0:1)
Zestawa hosći: Ch. Šěrak – Reinecke, F. Šěrak, Měrćink, Paška (80. Zähr), Pěčak (68. Glücklich), Nuk, Omran, Wjacławk (87. Wróbl), Schulze, Hančik
Poslednjej testaj poradźenej
ST 1922 Radwor
– ST Drježdźany-Dobrecy 2:2 (1:1)
Za Radworske mustwo zasadźeni: Ch. Šěrak – Reineke, Sćapan, F. Šěrak, A. Schulze, T. Schulze, Nuk, Wjacławk, Pěčak, Hančik, Wróbl, Wünderlich, Grofa, Handrik, Paška, Zähr, Jendrewski, Glücklich
Wuslědki (08.09.20)
Kopańca, wokrjesna liga stafla II
1. HZ Hórnikečanski jězor 1 6 :0 3
2. HZ Lubuš/Bluń 1 4 :0 3
3. SJ Chrósćicy II 1 4 :2 3
4. Módro-běli Minakał 1 2 :1 3
5. ST Radwor 1 1 :0 3
6. FSV Łuty 1 1 :1 1
6. SJ Njebjelčicy 1 1 :1 1
6. ST 1896 Wulka Dubrawa 1 1 :1 1
6. ST Hlinowc 1 1 :1 1
10. HZ Rakecy II 0 0 :0 0
11. Wósl./Skaskow/Kulow II 1 1 :2 0
12. Traktor Malešecy 1 0 :1 0
13. HZ Wojerowski FC II 1 2 :4 0
14. ST Nadrózna Hrabowka 1 0 :4 0
15. ST Mały Wjelkow 1 0 :6 0
Prěnja hra hnydom horcy derby
Sokoł Ralbicy/Hórki – Módro-běli Kulow 2:1 (0:0)
Zestawa domjacych: Schöne – Lešawa, Wałda, Bejma, Matka, Rawš, Rachela (88. Schultz), Gloxyn (85. Kurjat), Janca (55. Šiman), Šołta, Domaška
zestawa hosći: Peschel – Hantschke, Korch, Sauer, Bulang (46. Böttger), Wehlan (71. Katzer), Brückner, Nicolaides, Zablocki (60. Wittek), Bergmann, Lohan
Dołho dyrbjachu přiwisnicy tohole sporta na tónle wokomik čakać, wčera w Ralbicach smědźachu sej skónčnje zaso raz prawu kopańcu w stadionje wobhladać. K prěnjej winowatostnej hrě přichwata hnydom starodawny konkurent z Kulowa k tak mjenowanemu DJK-derbyjej do Stadiona přećelstwa. Posledni raz dobyli běchu Sokoljo přećiwo wěčnemu kontrahentej doma před třomi lětami. Tuž so wězo wšitcy fanojo na jich dobyće nadźijachu.
Skónčnje raz dobyće žnjeli
VfB Auerbach
– FC Energija Choćebuz 2:5 (1:2)
Zestawa hosći: Stawecki – Fl. Brügmann, Rahn, Koch, Borgmann, Erlbeck, Pelivan, Kremer (86. Mäder), F. Geisler (73. Hoppe), Stettin (86. Gladrow), Fe. Brügmann
Po třoch bolostnych poražkach a pušćenju trenarja Sebastiana Abta je FC Energija pola njepřijomneho přećiwnika w Auerbachu sylnu reakciju pokazała. Pod nawodom nachwilneho nazwučowarja Tima Krusy běchu Choćebuženjo wo wjele lěpši hač hosćićel. Hižo w prěnjej poł hodźinje třělichu woni dwoje wrota, kotrež pokazachu hižo puć k třom dypkam. Najprjedy trjechi Nils Stettin (27.), na to Felix Brügmann (31.). Tež přećiwniske wrota přez Yannica Voigta (41.) Energiju wot puća njewotwjedźechu. Wona bě sej dominancu zdźeržała.
Widźał, słyšał, napisał (07.09.20)
Wjace hač 40 telefonatow a rozmołwow sym w minjenych tydźenjach wjedł, a stajnje dóstach wotmołwu, zo to ničo njebudźe. Tež moji kolegojo z Chrósćic, Pančic-Kukowa a Njebjelčic běchu sobu pytali, trenarja za hrajne zjednoćenstwo młodźiny C pak žanoho njenamakachu. Do telefonata z Matthiasom Möllerom sej rjeknych, zo budźe to mój posledni pospyt – a runje wón je připrajił. Zbožownje móžachmy 25 młodostnym tuž zdźělić, zo smědźa jako serbske zjednoćenstwo dale za bulom honić. Wulki dźak słuša potajkim młodemu Šunowčanej, kiž je runja swojim trenarskim kolegam čestnohamtski nadawk přewzał.
