Změna a comeback
Měrcowske wudaće telewizijneho magacina Wuhladko wěnuje so ze swojim hłownym přinoškom Serbskemu šulskemu towarstwu. Mjez druhim wobswětleja situaciju towarstwa po lońšim noworjadowanju w předsydstwje a prašeja so, što je tale „změna generacijow“ minjene lěto wuskutkowała. Pod hesłom „Serbja we wukraju“ přepytuje Jakub Wowčer, dokal a čehodla su so ludźo na puć do swěta nastajili. Za to je so wón z wjacorymi (wu)pućowarjemi. rozmołwjał. W kulturnym wobłuku magacina portretuja „wuměłca korjenjow“ Alojsa Šołtu, kiž bě telewiznikam dowolił jemu cyły dźeń takrjec přez ramjo hladać móc. Nimo toho wotbłyšćuja comeback skupiny Lózy hólcy, kotraž je spočatk tydźenja po dlěšej přestawce nowy spěw „Homeoffice“ digitalnje wozjewiła.
Telewizija MDR wusyła Wuhladko jutře, sobotu, w 11.45 hodź. Wospjetowanje na samsnym sćelaku slěduje póndźelu, 7. měrca, w 6.45 hodź. Telewizija RBB pokaza magacin sobotu, 12. měrca, w 13.30 hodź. W mediatece ARD je aktualne wudaće wot jutřišeho cyłe lěto kóždy čas přistupne.
Do kina (02.03.22)
Pokiwy (25.02.22)
Na dobro žabow a krokawow
Mikow. Wobswětoškitna stacija Hornja Łužica namołwja wšitkich angažowanych zajimcow so jutře, 26. februara, na „wulkej, decentralnej akciji zběranja wotpadkow“ wobdźělić. Zaměr je, „wotstronić haćenja za kóždolětnje po hatach a dróhach pućowace amfibije a pomjeńšić strach, zo so wone zranja, na přikład přez črjopy abo plastikowe tity a nopachi. „Decentralnje“ w tym zwisku woznamjenja, zo móže sej kóžda/kóždy městnosć sam/sama wuzwolić, kotruž chce zrumować. Mjez digitalnje pod přizjewjenymi wobdźělnikami wulosuja zarjadowarjo cyłkownje tři myta.
Lorenc z dalšej zajimawostku
Mišnjanski pórclinowy muzej wuhotuje tuchwilu wosebity prózdninski ...
Protyka (25.02.22)
Pjatk 25.2. 18:00 Ekumeniske modlenje wo měr w Budyskej tachantskej cyrkwi
18:30 Hłowna zhromadźizna towarstwa Njepilic dwór na Rownjanskim Njepilic statoku
19:00 Swjedźenska Boža słužba składnostnje 800. jubileja wosadow cyrkwinskeho wobwoda Budyšin-Kamjenc, mj. dr. Bukecy, Klukš a Poršicy; w Budyskej tachantskej cyrkwi
Sobotu 26.2. 19:30 Předstajenje hry „Šěrcec Hanka“ na hłownym jewišću Budyskeho NSLDź
Njedźelu 27.2. 16:00 Wodźenje po wosebitej wustajeńcy „5 x Němska po wšěm swěće“ w serbskej rěči; w Budyskim Serbskim muzeju
Rozhłós (25.02.22)
njedźelu hornjoserbsce
11:00 Łužica tutón tydźeń
11:20 Ćežišćowe wusyłanje: Wójna na Ukrainje
12:00 Nabožne wusyłanje
(Pětr Mróz)
po tym zbožopřeća
delnjoserbsce
12:30 Aktualny magacin, mjez druhim z přinoškom wo 20lětnym wobstaću serwisa za serbsku drastu Antje Lehnitz a z kolumnu „Sorbus domestica“
13:00 Martina Golašojc – portret serbskeje žurnalistki
13:40 Nabožne wusyłanje
(Katharina Köhlerowa)
po tym zbožopřeća
Do kina (23.02.22)
Spěwytwórc Dirk Zöllner a mjez druhim jako gitarist skupiny Pankow ...
Protyka (18.02.22)
Sobotu 19.2. 9:00 Dźěłarnička wo prawym wurězowanju sadowcow na Wojerowskej dźěćacej a młodźinskej farmje
18:00 Palenje hodownych štomow z wubědźowanjom dalokomjetanja při Pěskečanskej wohnjowej woborje
19:45 Čitanje „Ein neues Leben in 80 Tagen – Tagebuch eines Pilgers“ z Klausom Reinholdom w Chróšćanskej putniskej hospodźe
Póndźelu 21.2. 14:00 Prózdninski program „Šula anno 1900“ we Wojerowskim měšćanskim muzeju
14:00 Darowanje kreje na Kulowskim Starym dwórnišću
Wutrou 22.2. 10:00 Prózdninski program „Fantastiske wobrazy z pisaneho drjewa a hozdźow“ w Muzeju Budyšin
13:00 Prózdninski program „Barbojte swěty“ w Muzeju Budyšin
14:00 Seniorski škot w Radworskej „Meji“
14:00 Prózdninski program „Historiske metody konserwěrowanja“ we Wojerowskim měšćanskim muzeju
14:00 Darowanje kreje na Kulowskim Starym dwórnišću
16:00 Hornčerska dźěłarnička z Marion Sperlingowej w Smjerdźečanskim kubłanskim srjedźišću LIPA
19:00 Informaciske zarjadowanje wo naslědnym zastaranju z energiju w Njebjelčicach
Pokiwy (18.02.22)
„Gundijej“ k narodninam
Wojerecy. Kulturna fabrika we Wojerecach prezentuje we wobłuku swojeho poskitka programoweho kina „Blow up“ póndźelu, 21. februara, wosebity wječor wopominanja. W 19 hodź. pokazaja film Petera Rochi „Die Schmerzen der Lausitz – Žałosći nam Łužyca“. Předstajenju přizamknje so wječor ze spěwami a tekstami 21. februara 1955 rodźeneho Gerharda „Gundija“ Gundermanna, kotrež Christian Völker-Kieschnick přednjese. Zastup za zhromadnje z towarstwom Gundermanns Seilschaft wuhotowane zarjadowanje płaći 6 eurow resp. 4 eura w potuńšenju.
Penploter jako grat kreatiwity
Wojerecy. Bywši docent Wuměłstwoweje wysokeje šule Burg Giebichenstein w Halle nad Solawu Tom Witschel sposrědkuje zajimcam wospjet pozadki, zasady a rjemjesło wašnja tworjenja penploter we Wojerowskim Zusowym kompjuterowym muzeju ZCOM. Tale technika wopisuje zdźěłanje ručneje grafiki a jeje mechanisku reprodukciju z ploterom. Dźěłarnička startuje štwórtk, 24. februara, w 15 hodź. Přizjewće so darmotnje pod .
Dołhi puć do njewotwisnosće
