Moskwa namjetuje USA a NATO moratorij
Zeleni a unija mjez wolerjemi jenak sylni
Přećiwo kriminaliće
Plauen (dpa/SN). Sakska a Bayerska budźetej w boju přećiwo kriminaliće w pomjeznej kónčinje k Čěskej přichodnje wušo hromadźe dźěłać. Wotpowědne zrěčenje staj nutřkownaj ministraj wobeju krajow Roland Wöller (CDU) a Joachim Herrmann (CSU) wčera w vogtlandskim Plauenje podpisałoj. Zhromadnje ze zastupnikami zwjazkoweje policije wotewrěštaj tam nowy pytanski a kompetencny centrum „Vogtlandska“, hdźež maja naprawy policije w boju přećiwo pomjeznej kriminaliće koordinować.
Kooperaciju mjenowaneju swobodneju statow běchu na zhromadnym posedźenju sakskeho a bayerskeho krajneho knježerstwa w meji wobzamknyli. Pjeć dypkow wopřijacy program rjaduje zhromadne dźěło přećiwo wikowanju z drogami, přećiwo pašowanju kradnjenych awtow a ludźi, přećiwo wikowanju z ludźimi a ranjenju zakonja wo brónjach.
Akcija moralisce trěbna była
Pólska wopomina 75. róčnicu Waršawskeho zběžka
Waršawa. 75. róčnica Waršawskeho zběžka je dale wusahowaca tema w pólskich medijach a wšej towaršnosći. Wčera popołdnju w pjećich bě zjawne žiwjenje na mjeńšinu zlemjene – to wšitcy mjelčicy wokomik wopominachu, jako w tym času 1944 zběžk přećiwo němskim okupantam wudyri.
We Waršawje wotměchu so wčera wjacore wopominanske zarjadowanja, na kotrychž so tež němski wonkowny minister Heiko Maas (SPD) wobdźěli. Tak poby wón mjez druhim při wopomnišću zběžka w měšćanskim dźělu Wola, hdźež jednotki SS wosebje surowje přećiwo ciwilistam zachadźachu a na wšě 50 000 ludźi morichu. Maas podšmórny njesměrne horjo, kotrež bě nacionalsocialistiska Němska Pólskej načiniła, a prošeše ju wo wodaće, štož medije dokładnje registrowachu. Maas rjekny: „Hańbuju so za to, štož su wam w mjenje Němskeje načinili, a hańbuju so za to, zo smy winu předołho zatajeli. Zdobom sym dźakowny, zo móžemy sej 75 lět po tym kruće dowěrić.“
Wo atomowe brónje njerodźa
To a tamne (02.08.19)
Při policajskej kontroli sćazane słódkosće smědźa sej chowancy dźěsćownje w Passauwje słodźeć dać. W aprylu běchu wobchadni policisća na awtodróze w Bayerskej w dwěmaj awtomaj dohromady 15 nakupowanskich titow połne słódkosćow namakali. Wosoby w awtomaj běchu zastojnikam w zwisku z kradnjenjom hižo znate. Dokelž njemóžachu pakostnicy dopokazać, zo běchu słódkosće kupili, je zastojnicy sćazachu, njemóžachu pak wobsedźerja plackow zwěsćić. Tuž su słódkosće – něhdźe sto kilogramow šokolody a gumijowych barikow – nawodnicy dźěsćownje přepodali.
Naprawy na dobro lěsow
Moritzburg (dpa/SN). CDU starosći so w časach klimoweje změny wo lěsy w Němskej a chce rjad naprawow zwoprawdźić. Ratarscy ministrojo unije su z teje přičiny zhromadnje ze zwjazkowej ratarskej ministerku Juliju Klöckner wo tym wuradźowali, kak móhli ćerpjacym lěsam pomhać. Na zetkanju w Moritzburgu wobdźělił je so tež sakski ministerski prezident Michael Kretschmer. Schwalić chcychu „Moritzburgsku deklaraciju“ jako masterski plan na dobro lěsow.
Biden pod ćišćom konkurency
Detroit (dpa/SN). Dotalny faworit demokratow USA za kandidata wo zastojnstwo prezidenta Joe Biden je so minjenu nóc w telewizijnej debaće raznym nadpadam swojich stronskich konkurentow wobarać dyrbjał. Tak wumjetowachu jemu mjez druhim zmylki jako přisłušnik knježerstwa bywšeho prezidenta Baracka Obamy. Swój čas běchu ilegalnje zapućowanych migrantow we wulkej ličbje z kraja wupokazali.
Etat brexita podwojili
Wonkowny minister Heiko Maas (SPD, stejo) je dźensa zhromadnje z ...
Dulig za němski pakt na dobro železnicy
Drježdźany (SN). Sakska je Bayersku namołwjała, ze zhromadnej iniciatiwu w Zwjazkowej radźe reformu wšeho železniskeho systema w Němskej nastorčić. „Trjebamy kraje přesahowacy pakt na dobro železnicy. Hdyž škit klimy woprawdźe chutnje bjerjemy a chcemy-li železnicu skrućić, dyrbimy wšón železniski system ponowić.“ To potwjerdźi sakski minister za hospodarstwo Martin Dulig (SPD) wčera w Drježdźanach. Tak móhło wjace ludźi při pućowanju po Europje železnicu wužiwać. Při tym dyrbjeli přiwjazanje k susodnym krajam a planowanja za wutwar a nowotwar železniskich čarow pospěšić. Nimo toho měli wobstatk železnicow a wagonow zasadnje ponowić. Městno k sedźenju měło, kaž je to w Francoskej a Danskej z wašnjom, na jězdźence wupokazane być. „Njemóže być, zo dyrbju dźensa wjele pjenjez za jězdźenku w dalokowobchadźe wudać, zo pak nimam městno k sedźenju zaručene.“
Maas: Misija bjez Němskeje
Waršawa (dpa/SN). Zwjazkowy minister za wonkowne naležnosće Heiko Maas (SPD) je wobdźělenje Němskeje na wot USA nawjedowanej wojerskej misiji na Hormuskej mórskej dróze w Persiskim zaliwje jasnje wotpokazał. „Na wot USA nawjedowanej planowanej mórskej misiji so zwjazkowe knježerstwo njewobdźěli“, rjekny Maas wčera we Waršawje. Zwjazkowe knježerstwo ma strategiju USA „maksimalneho ćišća“ na Iran za wopačnu. Němska nochce žanu wojersku eskalaciju a sadźa dale na diplomatiju.
Krótko do toho bě zakitowanska ministerka Annegret Kramp-Karrenbauer (CDU) hišće rjekła, zo njeje Němska wo próstwje USA nastupajo wobdźělenje hišće doskónčnje rozsudźiła.
Napjatosće mjez USA a Iranom so mjeztym dale přiwótřeja. Knježerstwo prezidenta Trumpa je přećiwo iranskemu wonkownemu ministrej Mohammedej Sarifej sankcije wukazał. Tak je staćanam USA zakazane ze Sarifom wikować. Tón sarkastisce reagowaše: „Dźakuju so, zo maće mje za tak wažneho.“
