To a tamne (01.08.16)
Na wšě 7 620 metrow z lětadła do hłubiny skočił je Luke Aikins z USA – a to bjez padaka. Tak je „skydiver“ nowy rekord nastajił. Tajki zwažliwy skok sej do njeho hišće nichtó zwěrił njebě. Akcija nad juhokaliforniskej pusćinu njedaloko Los Angelesa traješe dobrej dwě mjeńšinje. Aikinsa přewodźachu třo parašutisća. Sekundy do přizemjenja so wón na chribjet wobroći a padny do 30 króć 30 metrow wulkeho saka 60 metrow nad zemju. Wokomiki pozdźišo Aikins ze saka wulěze a swoju žonu wobjimaše.
Skóncowaneho zamka dla njemóžeše muž w Heidelbergu minjenu nóc nuznik hižo wopušćić. Wón wołaše tak dołho wo pomoc, doniž susodka policiju njezawoła. Zastojnicy móžachu drje z generalnym klučom do bydlenja samostejaceho. Durje wustupa pak dyrbjachu wohnjowi wobornicy wočinić.
Clinton nětko kandidatka
Philadelphia (dpa/SN). Hillary Clinton je oficialna kandidatka demokratiskeje strony za prezidentstwo USA. Wona nastupi w boju wo Běły dom we Washingtonje přećiwo kandidatej republikanow Donaldej Trumpej. Něhdyša wonkowna ministerka je wčera w narěči na zjězdźe demokratow w Philadelphiji nominowanje za kandidatku přiwzała. Wona bě so při wothłosowanju přećiwo swojemu konkurentej Berniejej Sandersej jasnje přesadźiła.
Ruscy hooliganojo zasudźeni
Köln (dpa/SN). Po brutalnym nadpadźe na španiskich turistow wosrjedź Kölna su dźensa štyrjoch ruskich hooliganow na pruwowanski čas zasudźili. Wobskorženi w starobje 26 do 30 lět přiznachu, zo běchu srjedź junija třoch Španičanow nadpadnyli, kotřiž rozdźělachu antifašistiske lětaki. Kölnske hamtske sudnistwo zasudźi třoch hooliganow k dźesać měsacam a štwórteho k jednomu lětu jastwa na pruwowanski čas.
Demonstraciju zakazać?
Historiski to wobraz: Bamž Franciskus je dźensa něhdyše němske ...
Opozicija kritizuje Angelu Merkel
„Winikam“ nětko wšitko zebjeru
25. róčnica wažneho čisła
To a tamne (29.07.16)
Ničo za słabe čuwy: Wosebje zmužići turisća smědźa so w chinskim Shanghaiju 340 metrow nad zemju přechodźować. Tam su wčera na 88. poschodźe 420 metrow wysokeje wěže Jin Mao wonkowny škleńčany chódnik přepodali. Tón je 60 metrow dołhi a runje 1,20 metrow šěroki. Zastup płaći 40 do 50 eurow. Ludźo su z pasom zawěsćeni, přetož škleńčany chódnik nima žane wobłoženje. Za to je wuhlad na milionowe město pječa wulkotny.
Dospołnje pjany po cuzej zahrodźe wjacore koła jězdźił je wodźer awta wčera rano zahe w Braunsdorfje we wokrjesu Wódra-Sprjewja. 56lětny wšak měješe tež 3,29 promilow alkohola w kreji. Wopity bě z jězdnje zajěł a přez polo skónčnje na zahrodu, při čimž hišće płót wobškodźi. Wobsedźer zahrody bě policiju wołał. Jězbnu dowolnosć dyrbješe muž jej hnydom přewostajić.
Putin IOC pochwalił
Moskwa (dpa/K/SN). Prezident Wladimir Putin je poroki dopinga přećiwo ruskim sportowcam a funkcionaram kampanju mjenował a wuzamknjenje rjadu ruskich atletow z olympiskich hrow raznje kritizował. Pochwalił je Mjezynarodny olympiski komitej pod nawodom Thomasa Bacha. „Najebać hoberski ćišć njeje so IOC na šćěpjenju olympiskeho hibanja wobdźělił“, Putin měnješe.
Nowy wěstotny koncept
Mnichow (dpa/SN). Hladajo na atentaty minjeneho časa je bayerske krajne knježerstwo dźensa nowy wěstotny koncept schwaliło. Pod hesłom „Wěstota přez sylnosć“ chcedźa policiju zesylnić a wěstotne naprawy přiwótřić. Hač do lěta 2020 ma so 2 000 nowych policistow přistajić, kaž nutřkowny minister Joachim Herrmann (CSU) dźensa připowědźi. Zastojnikow wuhotuja z modernej techniku a nowymi jězdźidłami. Tež bój přećiwo internetej kriminaliće budźe z dalšimi policistami zesylnjeny.
Humanitarne pasmo za Aleppo
Bamž Franciskus je wčera z „bamžowskim woknom“ Krakowskeho ...
Merkel hesło „zmištrujemy to“ potwjerdźiła
Berlin (dpa/SN). Terorowe nadpady minjeneho časa w Němskej a z nimi zwjazane napjate nutřkopolitiske połoženje su zwjazkowej kanclerce Angeli Merkel (CDU) hoberske wužadanje, runje tak kaž zasadna politika ćěkancam napřećo. Angela Merkel potwjerdźi tole dźensa w Berlinje na krótkodobnje zwołanej nowinarskej konferency, kotrejež dla je swój dowol přetorhnyła. Nastork běchu jej terorowe nadpady w Nizzy, Würzburgu, Mni- chowje a Ansbachu.
