Tež Radworscy koparjo běchu w přihotowanskej fazy na nowu hrajnu dobu treningowe lěhwo přewjedli. Wot pjatka do njedźele čakaštej na koparjow kóždy dźeń dwě treningowej jednotce. Nimale cyłe mustwo je so wobdźěliło a derje sobu dźěłało. W srjedźišću stejachu nimo kondicije hrajerske elemen­ty.

Po katastrofalnym starće do hrajneje doby, w kotrymž njeje sej FC Energija ani jenički dypk wudobyła, su zamołwići FCE trenarja Sebastiana Abta pu­šći­li. Po analyzy třoch hratych partijow sezony 2020/2021 je so­ prezidij za to rozsudźił, zo wjele lět wuspěšnje w dorosće Energije dźěłacy nazwučowar prěnje mustwo hižo trenować njebudźe. Dotalny kotrenar Tim Kruse cyłk nachwilnje přewozmje a pojědźe z nim jutře, srjedu, na hru do Auerbacha. Nimo toho dósta sportowy nawo­da Sebastian König nadawk, wšelake opcije za naslědnistwo Abta pruwować, zo móhli městno šeftrenarja bórze zaso­ wotpowědnje wobsadźić. Tule rozprawje wo minjenymaj dypkowymaj hromaj FC Energije Choćebuz:

W Delnjej Łužicy kriza wuwołana

ZFC Meuselwitz

– FC Energija Choćebuz 2:0 (1:0)

Zestawa hosći: Stawecki – Hoppe (80. Rahn), Koch, Storb, Borgmann, Erlbeck, Pelivan, Mäder (76. Geisler), Gladrow (54. Stettin), Kremer, Brügmann

Kopańca, regionalna liga muži

Choćebuz – Viktoria Berlin 1:2 (0:1)

Rathenow – Auerbach 1:4 (0:2)

Borussia Berlin – Lichtenberg 2:0 (0:0)

Altglienicke – Meuselwitz 3:1 (2:1)

Carl Zeiss Jena – Lok Lipsk 1:0 (0:0)

Chemija Lipsk – Hertha BSC II 1:1 (0:0)

Kamjeničanski FC – Halberstadt 1:0 (0:0)

Biskopičanske KT – Babelsberg 1:2 (0:1)

Luckenwalde – Fürstenwalde 1:2 (1:0)

Berlinski AK – BFC Dynamo 1:3 (1:1)

1. VSG Altglienicke 3 10 :5  9

2. Viktoria Berlin 3 6 :2  9

3. BSG Chemija Lipsk 3 7 :3  7

4. Hertha BSC II 3 6 :3  7

5. Union Fürstenwalde 3 7 :5  6

6. Biskopičanske KT 3 6 :4  6

6. VfB Auerbach 3 6 :4  6

8. FSV 63 Luckenwalde 3 5 :3  6

8. ZFC Meuselwitz 3 5 :3  6

10. Lok Lipsk 3 4 :5  4

10. SV Babelsberg 3 4 :5  4

12. BFC Dynamo 3 5 :6  3

12. Tennis Borussia Berlin 3 5 :6  3

14. Kamjeničanski FC 3 3 :4  3

15. Berlinski AK 3 5 :7  3

16. SV Lichtenberg 47 3 4 :7  3

17. FC Carl Zeiss Jena 3 3 :5  2

18. Germania Halberstadt 3 2 :5  0

19. FC Energija Choćebuz 3 2 :6  0

20. Optik Rathenow 3 1 :8  0

Erika Zuchold słušeše k naj­elegantnišim ćěłozwučowarkam swěta

Erika Zuchold narodźi so 19. měrca 1947 w durinskej wjesce Lucka we wokrjesu Altenberg jako Erika Barth. Poprawom chcyše wona přeco do cirkusa. Prjedy hač pak swój cil docpě, wopokaza so jako přewšo elegantna ćěłozwučowarka.

Znata po cyłym swěće bu wona hižo jako 17lětna 1964 we wobłuku mišterstwow Němskeje demokratiskeje republiki (NDR) w Halle, hdźež jako prěnja ćěł­ozwučowarka swěta swój flikflak na hrjedźe (Schwebebalken) pokaza. Z tutym wukonom je wona ćěłozwučowanje rewolucionowała. A tak by tež na Olympiskich lětnich hrach w japanskej stolicy Tokio swoje konkurentki překwapić móhła­. Wotpowědne wurisanja za cyłoněmske mustwo je sportowča SC Lipska z wulkim wotstawkom dobyła, a to hišće jako rodźena Barth. Tehdy sym ju tež jako­ tajku zeznał. Wona wšak běše tež čłonka sportoweho kluba SC Lipsk, sek­cije ćěłozwučowanja. Ja pak trenowach a so wubědźowach stajnje kónc tydźenja a w prózdninach jako běhar a čłon tutoho kluba hač do lěta 1965.