Błótowske Bórkowy wopytać so přeco zaso wudani. Wosebje, hdyž nowe wulětnišća wabja, kotrež snano na prěni pohlad z krajinu groblow wjele zhromadneho nimaja. Tajki nowy cil je Koizahroda na Wilišćach (Willischza). Byrnjež za zjawnosć hakle wot lońšeho přistupna była, je wona w regionje hižo jara woblubowana adresa.
Přijědźeš-li ze směra Serbskich Pazlic do Smječkec, steješe na lěwej stronje wjeski něhdy we wokolinje znata korčma z mjenom „Bücke Dich“. Stare tykowane twarjenje z přitwarkom małeje žurle dyrbješe so mjeztym wobstejnosćam časa kłonić. Měrćin Nowak, wnuk znateju Musiatec-korčmarjec mandźelskeju, chce sej na tym městnje za swoju partnerku a za swoju mać Wóršu Nowakowu nowe domske natwarić.
Po serbskich stopach po Praze rěka nowy serial w Serbskich Nowinach. W nim wjedźe Pražan Marek Krawc čitarjow na městnosće w čěskej stolicy, kotrež maja za nas Serbow wulki wuznam.
Stowěžata Praha přiwabja ze swojim romantiskim kuzłom kóžde lěto njeličomnych turistow ze wšeho swěta. Za Serbow měješe a ma wona cyle wosebity wuznam. Wšako mějachu tu serbscy katolscy duchowni a studenća móžnosć, so z pomocu čěskich přećelow na rěčnym a narodnym polu wukubłać a swój słowjanski rjap skrućić. Za toho abo tamneho Serba je město hišće dźensa tajna stolica Serbow. Tuž witajće k nam a nastajće so ze mnu na puć po serbskich stopach w čěskej stolicy.
Poprawom chcyše 63 čłonow Trjebinskeje Domowinskeje skupiny ze swojej předsydku Angeliku Balccynej w nowej wjesnej srjedźiznje na Šusterec statoku swój 75. załoženski jubilej 30. awgusta swjatočnje woswjećić. Bohužel so tele předewzaće wuměnjenjow koronakrizy dla přewjesć njehodźi. Tohodla chcu dźěło Trjebinskich Domowinjanow tule bliže předstajić.
Domowinska skupina běše w Trjebinje wot wšeho spočatka sylny stołp we wsy. Hačrunjež je so Domowina, zwjazk serbskich towarstwow, hižo 1912 załožiła, bě so tehdy w Slepjanskim regionje na narodnym polu mało hibało. W lěće 1937 su fašisća Domowinu zakazali. Jenož dnjej po skónčenju Druheje swětoweje wójny, 10. meje 1945, Domowinu w Chrósćicach wozrodźichu.
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
Skónčnje je tak daloko! Nětko nawuknjeće pisać, ličić a čitać. Tohorunja budźeće sportować, rysować, spěwać a pućować. Jutře pak dóstanjeće najprjedy raz cokorowu titu. Nadźijomnje je suchoty dla přiwšěm wulka tita narostła, tak zo změjeće wulke wjeselo ju wupakować. Njech so wšitkim šulskim nowačkam start do noweho šulskeho lěta poradźi! Hižo nětko wjeselu so na waše rozprawy a dyrdomdeje, kotrež w šuli změjeće! waš Dźěćiznak
Hanka lóštnje zaskaka: Skónčnje sym ja šulerka a směm chodźić do šule. Fibla je žno w tobole, pisak, zešiwk k pisanju, wšo, štož trjebam za wučbu. Staršimaj sym slubiła, zo budu stajnje posłušna, chcu wšak wjele nawuknyć, wo swěće tójšto nazhonić, sej wjele wědy přiswojić: čitać, pisać, rysować, ličić a tež sportować. Dźensa pak so wjeselu na wulku titu cok’rowu. W.Š.Zo wuhotuje Smjerdźečanske kubłanske srjedźišćo LIPA w prěnim a poslednim tydźenju lěćnych prózdnin wočerstwjace a sportowe lěhwo, je mnohim dźěćom znate. Mjeztym zo běchu to w prěnim tydźenju dwanaće dźěći, su so za posledni tydźeń telko wjele přizjewili, zo bě trjeba, za to přidatny tydźeń wuhotować. W nim wěnowachu so dźěći přewažnje kreatiwnym zaběram.
Šwalča Anita Hendrichowa jim nawuči z elektriskej šijawu šić. W tutym tydźenju běchu to samo 37 dźěći, kotrež so w štyrjoch skupinach přewažnje sportowym zaběram wěnowachu.
Wjele su tež pućowali a we wulkim lěsu wokoło Bušenki zeznachu prastare štomy a rozdźělne rostliny, kotrež tam rostu. Při tym přiswojichu sej tež jich serbske pomjenowanja.
Loni 31. julija je serbski komponist a bywši hudźbny redaktor ORB/RBB Ulrich Pogoda 65. žiwjenske lěto dokónčił, njeje pak to swjećił. Alfons Wićaz je so z nim rozmołwjał.
Što je so stało, zo njejsće swoje narodniny swjećił?
U. Pogoda: W zašłych třoch lětach mějach strowotne problemy. Dóstach diagnozu krejneje chorosće. Z tym zwjazane njeběch dlěši čas kmany dźěłać. Dyrbjach kónc lěta 2018 na dołho trajacu rehabilitaciju. Tohodla njejsym so scyła ze swojimi narodninami zaběrał. W tym zwisku sym nětko wot lońšeho decembra z rentnarjom.
Sće tuž hižo dlěje hač poł lěta wuměnkar. Što to za Was woznamjenja?
Ludowe nakładnistwo Domowina poskića tučasnje we wšelakich předawarnjach pisane wudaće „Dźesać mojich porsćikow“. Kniha za 9,90 eurow je zestajenka Lydije Maćijoweje. Mjeno awtorki błyšći so prěni raz na wobalce nowostki. Z jeje pomocu nasta wulkotny wuběr hrow, hrónčkow a wuličenkow. Našła bě je w pěstowarnjach, we wobłuku maćernych kružkow abo při naprašowanjach w přiwuznistwje a přećelstwje. Na cyłkownje 21 stronach předstajene su moderne kaž tež hižo staroznate linki kaž „Myška běži dźěrku pytać“ za ćěšenki, małe dźěći a wězo tež za wšěch druhich zajimcow. Někotrym budźe te abo tamne hrónčko z němčiny znate, kaž na přikład klasikar „Himplašk a pimplašk“. Lóštne hrónčka wabja do zhromadneje zabawy a pohibowanja: porsćiki, humpawa – wšitko je prašane. Tak njejedna so tónkróć wo ryzy předčitanski eksemplar.