Delnjoserbja dobyćerjo partije
Serbske koparje
– Team Nordschleswig 3:2
Wuspěšnu mjezynarodnu koparsku hru je minjeny pjatk něhdźe 300 ludźi w Hochozy (Drachhausen) w zarjadniskim hamće Picnjo (Peitz) dožiwiło. Mocy měriłoj stej tón wječor mustwje Serbske koparje – Delnjoserbja z Němskeje – a Team Nordschleswig – Němcy z Danskeje. Zhromadnje z Hochožanskim sportowym zjednoćenstwom, z Domowinskej župu Delnja Łužica a z podpěru Lutowarnje Sprjewja-Nysa su čłonojo Serbskich koparjow duel spřihotowali.
Po zajimawych a napjatych 90 mjeńšinach su delnjoserbscy koparjo, pochadźacych z dźesać wšelakich wsow, hrajnišćo jako dobyćerjo wopušćili, přewinywši Němcow z Danskeje z 3:2. Wosebje w prěnim połčasu pak běchu hosćo ze swojimi mnohimi młodymi hrajerjemi wotběh postajeli.
Pančičenjo dočasny mišter
ST Marijina hwězda – ST Ćisk II 9:0 (5:0)
Zestawa domjacych: Matik – Wróbl, Škoda, Rab, R. Hawš, Peschmann (46. Pjetaš), Šołta, O. Hawš, Cyž (46. Bělk), Eldor, Pakoßnick (57. Schmidt)
Z wysoko zasłuženym domjacym dobyćom před 100 přihladowarjemi su sej chowancy koparskeho trenarja ST Marijineje hwězdy Erwina Kleinmanna hižo dočasnje staflowe dobyće a tak postup do wokrjesneje wyšeje ligi zawěsćili. Při lěćnych temperaturach hosćićeljo duel na hrajnišću jasnje postajachu. Wo prěnje wrota pak postara so Ali Eldor hakle w 16. min. z wěsće přetworjenej jědnatku, po tym zo bu Richard Hawš w šěsnatce potorhnjeny. Dalše wrota w prěnim połčasu třělichu Christoph Cyž z hłowu (22.) a z nohu (28.), Dawid Šołta z hłowu (36.) a Richard Hawš (39.), kiž trjechi ze zdalenosće 16 metrow. Hosćo mějachu jenož jednu naspomnjenjahódnu składnosć, kotruž pak wrotar Dawid Matik znješkódni (44.).
Wuslědki (04.06.19)
Kopańca, NOFV-wyša liga
Grimma – Radebeul1:1 (0:1)
Großenhain – Niska1:1 (0:0)
Pirna-Copitz – Wocl Riesa 1:3 (0:1)
Taucha – Markranstädt 2:0 (0:0)
Lößnitz – Glauchau5:1 (2:1)
Markkleeberg – Nowosólc-Hródk 1:4 (0:1)
Mittweida – Kamjenica 2:0 (0:0)
1. FC Grimma 26 58 : 23 62
2. Jednota Kamjenc 26 51 : 24 48
3. FV Přezjednota Niska 26 38 : 33 46
4. FC 1910 Lößnitz 26 52 : 33 44
5. FSV Nowosólc-Hródk 26 52 : 37 43
6. Großenhainski FV 90 26 49 : 37 40
7. VfL Pirna-Copitz 07 26 49 : 44 37
8. Germania Mittweida 26 31 : 42 35
9. BSG Wocl Riesa 26 43 : 46 34
10. Kickers Markkleeberg 26 33 : 41 32
11. Radebeulski BC 08 27 34 : 34 31
12. SG Taucha 99 26 38 : 45 27
13. BSC Rapid Kamjenica 27 37 : 66 23
14. SSV Markranstädt 26 21 : 45 22
15. VfB Empor Glauchau 26 36 : 72 18
16. SV Olbernhau 0 0 : 0 0
krajna klasa
Drježdźany-Strěžin – Ćisk 6:1 (2:1)
Nowe Město – Großröhrsdorf 5:0 (1:0)
Běła Woda – Laubegast 0:3 (0:1)
Oderwitz II – Neugersdorf II 0:5 (0:1)
Rotacija Drježdźany – Horni kraj 9:5 (4:0)
Trjebin – Borea Drježdźany 4:0 (1:0)
Weixdorf – Chrósćicy 2:0 (1:0)
1. LSV Nowe Město 24 74 : 22 55
2. SZ Drježdźany-Strěžin 24 51 : 24 50
3. Laubegast 24 65 : 33 48
4. FC Neugersdorf II 24 46 : 33 38
5. FSV Oderwitz II 24 43 : 39 34
6. VfB Běła Woda 1909 24 56 : 47 33
7. SG Weixdorf 24 50 : 47 33
8. SJ Chrósćicy 24 52 : 58 30
9. SC Borea Drježdźany 24 39 : 53 27
10. ST Ćisk 24 37 : 55 27
11. TSV Rotac. Drježdźany 24 47 : 55 26
12. SC Großröhrsdorf 24 36 : 45 24
13. ST Horni kraj-Sprjewja 24 42 : 88 22
14. ST Trjebin 24 29 : 68 13
Přećiwnik wjace zboža měł
Sokoł Ralbicy/Hórki – HZ Rakecy/Šćeńca 6:7 po jědnatkach (2:2, 0:1)
Zestawa domjacych: Mjetaš-Wowčer, Rychtar, Statnik, Brückner, M. Žur, Jakubaš (41. Serbin), Šołta, Lulak, Šwejda (41. Krawc), Hrjehor, S. Žur (71. Brězan)
Znowa wočakowaše stara koparska garda Sokoła Ralbicy/Hórki susoda z Rakec, tónraz pak w połfinalu wokrjesneho pokala. A wona bě warnowana, wšako móžeše dypkowu hru hakle w druhim połčasu za sebje rozsudźić.
Hra dočasnje zakónčena
ST Marijina hwězda
– ST Łuty 3:0 (3:0)
Zestawa domjacych: Matik – Wróbl (30. R. Cyž), Škoda, Rab, R. Hawš, Peschmann, Šołta, O. Hawš, Pjetaš, Eldor (46. Winkler), Pakoßnick
Chětro njesławny kónc měješe dypkowa hra mjez koparjemi ST Marijineje hwězdy a ST Łutow. Sudnik André Wende dyrbješe duel hižo po 50 mjeńšinach zakónčić, dokelž stejachu hosćo jenož hišće ze šesćomi na hrajnišću. Po prawidłach koparskeho zwjazka pak dyrbi w jednym mustwje znajmjeńša sydom hrajerjow być. Za rozsud sudnika rozsudna scena pak bě hižo w 24. min., jako dóstaštaj hnydom dwaj Łutowskaj hrajerjej čerwjeny kartonk. Dóšło bě k tomu po hrubym foulu Alija Eldora, kiž dósta za njón žołtu kartu. Na to pak bu wón wot přećiwnika skřiwdźeny a atakowany, tak zo sudnik hnydom dweju Łutowčanow k dušowanju pósła.
Widźał, słyšał, napisał (03.06.19)
Prjedy hač so aktualnemu sportej wěnuju, njech je mi dowolene, tróšku do stawiznow sporta pokuknyć a při tym sportowy podawk zašłosće trochu wobswětlić.
1994 wotměchu so swětowe mišterstwa w kopańcy prěni króć w USA. Němske mustwo poda so jako zakitowar titula z wulkimi wočakowanjemi a nadźijemi do Los Angelesa. Tola runje tak kaž loni, hdyž bě so jako zakitowar titula do Ruskeje podało a tam hižo w předkole zwrěšćiło, dyrbjachu Němcy tehdy po poražce 1:2 přećiwo Bołharskej w štwórćfinalu swoje kófry pakować. Finale docpěštej 1994 Brazilska a Italska. Prěni króć na swětowych mišterstwach rozsudźi kónčnu hru třělenje jědnatkow. Před nimale 95 000 přihladowarjemi w Rose-Bowl-stadionje w Los Angelesu mějachu Brazilčenjo wjace zboža a dobychu 3:2.
Wuslědki (03.06.19)
Kopańca, wokrjesna liga, stafla 2
Lubuš – Haselbachtal 0:4 (0:2)
Mały Wosyk – Njebjelčicy 3:2 (1:1)
Wulka Dubrawa – Chrósćicy II 3:0 (0:0)
Wulke Ždźary – Malešecy 0:3 (0:1)
Łuty – Nadrózna Hrabowka 0:3 (0:1)
Wojerecy II – Łaz/Běły Chołmc 0:4 (0:3)
Marijina hwězda – Ćisk II 9:0 (5:0)
1. ST Marijina hwězda 26 82 : 14 67
2. HZ Łaz/Běły Chołmc 26 80 : 23 60
3. Traktor Malešecy 26 66 : 30 54
4. SV Haselbachtal 26 53 : 34 46
5. ST Ćisk II 26 41 : 47 41
6. HZ Wulke Ždźary 26 39 : 46 37
7. SJ Njebjelčicy 26 40 : 35 35
8. ST Wulka Dubrawa 27 46 : 64 33
9. Wojerowski FC II 26 40 : 46 32
10. Nadrózna Hrabowka 26 43 : 52 32
11. FSV Łuty 25 38 : 47 30
12. SJ Chrósćicy II 26 39 : 44 27
13. ST Lubuš 26 28 : 45 26
14. HZ Rakecy II/Šćeńca 26 27 : 72 18
15. ST Mały Wosyk 26 23 : 85 15
Sport (31.05.19)
Druhi běh dumperowcow
Njedźelu w 14 hodź. zaklinči startowy signal za druhe wurisanje lětušich dumperowych mišterstwow Němskeje, a to w Bad Freienwaldźe. Prěni běh kónc apryla w Adelsdorfje bě Křesćan Grutka před Pawlom Domšom a Filipom Kralom dobył. Dalše wurisanja budu:
13. julija w Baćonju
31. awgusta w Drjowku
29. septembra w Hórkach
Hašerjo so wubědźuja
Wobornicy zarjadniskeho zwjazka při Klóšterskej wodźe zetkaja so pjatk, 7. junija, we Worklecach k druhemu lětušemu wubědźowanju w hašenju. Wone započnje so we 18.30 hodź.
02.08. 18.30 Sernjany
11.08. 13.30 Smjerdźaca
23.08. 18.30 Pěskecy
25.08. 14.00 Salow (pokal města Kulowa)
13.09. 19.30 Ralbicy
Kónctydźenska kopańca
01.06. 13:00 ST Lubuš II
– Módro-běli Kulow II
01.06. 15:00 SV Hermsdorf II
– SJ Njebjelčicy II
01.06. 15:00 ST Mały Wosyk
– SJ Njebjelčicy
01.06. 15:00 ST 1896 Wulka Dubrawa
– SJ Chrósćicy II
02.06. 13:00 Sokoł Ralbicy/Hórki
– ST Porchow
02.06. 14:00 ST Marijina hwězda
– ST Ćisk II
02.06. 15:00 SG Weixdorf
– SJ Chrósćicy
02.06. 15:00 Drohotka Ramnow
– Módro-běli Kulow
02.06. 15:00 Natwar Němske Pazlicy
– Rakečanske ST
02.06. 15:00 ST Radwor
– ST Hnašecy-Dobruša
Přihotowanski program Liškow
Serbske koparje pjatk hraja
Hochoza (HA/SN). Po dojednanju Serbskeje wubranki a delnjołužiskich Serbskich koparjow, w dźěłowej skupinje přihotować zhromadne mustwo za europeadu 2020, prezentuje so delnjoserbske zastupnistwo zajutřišim, pjatk, w Hochozy w hrě přećiwo teamej Sewjerna Schleswigska. Jemu přisłušeja wubrani hrajerjo němskeje mjeńšiny w Danskej. Zakop je we 18 hodź. Tež zastupjerjo Serbskeje wubranki z Hornjeje Łužicy su so jako hosćo připowědźili.
Hižo loni wopytachu Serbske koparje hromadźe z delnjoserbskimi młodostnymi Dansku. Nětko su tehdyši hosćićeljo na tři dny do Delnjeje Łužicy přeprošeni. Sewjeroschleswigscy koparjo njebudu jenož na hrajnišću mocy měrić. Na Dešnjanskim sportnišću chcedźa trenować. Tak słuša jich wopyt do programa, z kotrymž so na klětušu europeadu pola Korutanskich Słowjencow přihotuja.
Nimo kopańcy chcedźa so hosćo z Danskeje zeznajomić ze žiwjenjom Serbow, jich kulturu a rěču. Předwidźane tohorunja je, zo podadźa so zhromadnje ze swojimi hosćićelemi na čołmikowanje po błótowskich groblach.
Božemje, regionalna liga
FSV Budissa Budyšin – ZFC Meuselwitz 1:2 (0:0)
Zestawa domjacych: Ch. Schulz – Wockatz, Patka, Weiß, Kral (63. Merkel), Treu (73. Dartsch), Hoßmang (77. Noack), Ciapa, Krawčik, Kašiar, Bönisch
Do poslednjeje dypkoweje hry w regionalnej koparskej lize-sewjerowuchod bě so Budissa Budyšin z čerwjenej latarnčku podała. Z dobyćom a tójšto zbožom chcyše wona zestupej zadźěwać. Chowancy trenarja Petrika Sandera dźěchu tuž wulce motiwowani do partije, kotruž dožiwi 341 přihladowarjow. Wužiwanje šansow přez Romana Kašiara (20.), Nicasa Treuja (22.) a Jonasa Krawčika, kiž třěli bul do łaty, pak wostachu wšitke bjez wuspěcha (27.). Nawjedowanje by domjacym tyło a partiju snano do praweho směra wjedło. K połčasej pak steješe nula nula.
Po změnje stronow pokazachu hrajerjo z FC Meuselwitza lěpšu kopańcu. A woni ćišć dale a bóle powjetšichu. Konter wuži Michael Rudolph k nawjedowanju (61.). Kašiar njeměješe zbožo, jako prasny bul do aluminija (72.). Město toho docpě Rintaro Yajima 0:2 (75.). Čestne wrota za Budissu dźěchu na konto Philippa Dartscha (85.). To pak njeje bohužel za wotedaće čerwjeneje latarnčki dosahało. Clemens Werner
