Dwě mjeńšinje pobrachowałoj
FC Energija Choćebuz –
Arminia Bielefeld 1:2 (1:0)
Zestawa FC Energije Choćebuz: Bethke – Rorig, Kusić, Campulka (80. Kaizer), Bretschneider, Putze, Möker, Proničew (63. Krauß), Cigerci (80. Hofmann), Halbauer (63. Shcherbakovski), Thiele
slěd wrotow: 1:0 Halbauer (42.), 1:1 Oppie (68.), 1:2 Großer (90.+2)
FC Energiji Choćebuz radźi so w předsezonje wjacore razy wrota w kónčnych mjeńšinach abo samo w přidatnym hrajnym času třělić. Tónraz pak dyrbješe nowačk třećeje ligi sam hórkosć poražki w přidatnym hrajnym času přiwzać.
Energija dźeržeše po startowej fazy dołhi čas derje sobu. Wosebje po wrotach Phila Hallbauera, po wulkotnej dołhej přihrawce Tolkayja Ciğercija z třělwu do dołheho róžka. A njeby-li Ciğerci w 61. min. jenož žerdź trjechił a njeby Timmy Thiele w 88. min. na hóstnym wrotarju Jonasu Kersku zwrěšćił, by tola za dypk dosahało. Tak pak poradźichu so hosćom w 92. min. wrota a z tym dobyće třoch dypkow.
Wuslědki (07.08.24)
Regionalna liga muži
FSV Zwickau – Greifswaldski KK 0:2 (0:2)
Halleski FC – VFC Plauen 1:1 (0:1)
SV Babelsberg – BFC Dynamo 1:1 (0:1)
Jena – Hertha Zehlendorf 6:2 (5:2)
1. FC Carl Zeiss Jena 2 9 : 4 6
2. BSG Chemija Lipsk 2 4 : 2 4
3. FC Čerwjeno-běli Erfurt 2 3 : 1 4
4. FC Viktoria 1889 Berlin 2 4 : 3 4
5. Lok Lipsk 2 2 : 1 4
6. Kamjeničanski FC 2 1 : 0 4
7. Hertha 03 Zehlendorf 2 7 : 6 3
8. Greifswaldski KK 2 2 : 1 3
9. Hertha BSC II 2 1 : 1 3
10. FSV 63 Luckenwalde 2 3 : 3 2
11. SV Babelsberg 03 2 2 : 2 2
12. Halleski FC 2 1 : 1 2
13. BFC Dynamo 2 3 : 4 1
13. VFC Plauen 2 3 : 4 1
15. VSG Altglienicke 2 2 : 3 1
16. ZFC Meuselwitz 2 3 : 5 1
17. FC Eilenburg 2 2 : 4 1
18. FSV Zwickau 2 0 : 7 0
Stopnjowanje spóznajomne
Po njespokojacymaj testowymaj hromaj přećiwo Porchowej a Marijinej hwězdźe wočakowaše Sokołow znowa dwójny test přećiwo mustwomaj z wokrjesneje ligi.
FSV Łuty – Sokoł Ralbicy/Hórki 0:4 (0:1)
Zestawa hosći: Schöne – B. Heidorn (46. Matka), Rachela, Schultz, Wałda (46. Mikławšk), Woko (46. L. Heidorn), Korjenk (46. Šiman), Gloxyn, Hicka, Mjechela, Bejmak (46. Domaška)
Pjatk podachu so Ralbičenjo do Łutow. Tamniše mustwo wotzamkny minjenju sezonu w hornjej třećinje tabulki wokrjesneje ligi.
Hosćićel wězo z połnej paru zakitowaše, štož dyrbjachu Sokoljo hrajersce rozrisać. To so jim tež poměrnje derje zešlachći. Po sydom hratych mjeńšinach zwrěšći Křesćan Bejmak ze stroprocentnej šansu na wrotarju. Tež Pawl Rachela po běrtlk hodźinje dobru składnosć njewuži. Po někak poł hodźinje Sokoljo po dobrym wuhratym nadběhu Bejmaka skónčnje wyskachu. Po dalšej dobrej kombinaciji młody Tim Hicka wótru přihrawku Dennyja Gloxyna před wrotami snadnje misny.
Triatlonowa bajka, basketbulowa sensacija a swětowy rekord
Němscy triatleća postarachu so wčera wo jónkrótny wukon a su sej złoto w měšanej stafli dobyli. Němski kwartet Timo Hellwig, Liza Tertsch, Lasse Lührs a Laura Lindemann skónči wubědźowanje z wuběrnym wukonom po 1:25,39 h před staflomaj z USA a Wulko Britaniskeje. Kónčna starterka Lindemann přesadźi so w napjatym sprinće ze sekundu předskoka. Faworit Francoska zhubi po njezbožu wšitke šansy na dobyće. Za němskich triatletow je to hakle třeća medalja na olympiskich hrach scyła.
Dalša sensacija slědowaše póndźelu wječor. Němske 3x3-basketbulistki Svenja Brunckhorst, Sonja Greinacher, Elisa Mevius a Marie Reichert pisachu olympiske stawizny a zawěsćichu sej z dobyćom 17:16 přećiwo Španiskej złoto. Połfinale, kotrež bu hakle tři hodźiny do finala zakónčeny, su 16:15 přećiwo Kanadźe dobyli. Za Němsku je to scyła prěnja olympiska basketbulowa medalja.
Wrotar druheho koparskeho mustwa SJ Chrósćicy Kito Mark měješe w ...
Snadna poražka k zakónčenju přihotowanskeje fazy
ST 1910 Drohotka Ramnow –
ST Marijina hwězda 1:0 (0:0)
Zestawa hosći: Wünsche – Czapik, Wróbl, T. Jurš, K. Pakoßnick, Ladewig, F. Bulank, Kurink, Kreuz, E. Bulank, J. Pakoßnick, Eldor, R. Cyž, Špitank, Zynda, Bayer
Hižo dwójce testowachu so Pančičenjo, jónu 21. julija na turněrje wo Serbski supercup w Njebjelčicach. Tam podležachu w finalu přećiwo Radworskemu cyłkej snadnje 4:3. Tydźeń pozdźišo dojědźechu sej do Ralbic a dobychu přećiwo klasu wyše hrajacemu mustwu 3:2.
Na poslednju přihotowansku hru za nowu sezonu podachu so koparjo Marijineje hwězdy k wokrjesnemu wyšemu ligistej do Ramnowa. Dowola a zranjenjow dla pobrachowachu trenarjomaj Frankej Schneiderej a Kai Frenzelej w Ramnowje někotři wažni hrajerjo, mjez druhim tež kapitan Christoph Cyž. Tutón je sej při Serbskim supercupje srjedźnostopowu kósć złamał (Mittelfußbruch) a z tym wjacore tydźenje wupadnje.
Poslednja testowa hra Rakečanow
Dalši wrotar za Łužiske liški
We wrotach Łužiskich liškow steji přichodnu sezonu 25lětny rodźeny Kanadźan Anthony Morrone. 187 cm wulki a 86 kg ćežki nowopřichad změni wot Shefield Steelers z jendźelskeje EIHL do Běłeje Wody.
Jeho kompletne lodohokejowe wukubłanje absolwowaše „goalie“ w Kanadźe. Tak steješe hač do lěta 2020 za mustwa w kanadiskich juniorskich ligach mjez žerdźomaj. Po tym zwaži sej kročel do Europy a zakitowaše wrota stajnje jednu sezonu dołho za EHC Lustenau w Awstriskej, Mulhouse w najwyšej francoskej lodohokejowej lize kaž tež za HK Olimpiju Ljubljanu w Słowjenskej. W zašłej sezonje swjećeše ze Sheffield Steelers mišterstwo w najwyšej jendźelskej lize.
Transfer Anthonyja bě trěbny, dokelž je wrotar Matthew Galajda próstwu wo rozpušćenje zrěčenja z Łužiskimi liškami stajił. Jeho přeće za wosobinskej a powołanskej nowoorientaciju su zamołwići kluba po intensiwnych rozmołwach a jednanjach spjelnili.
Wuslědki (06.08.24)
Wyša liga mužojo
Zorbau – SG Union Sandersdorf 2:2 (2:0)
SC Freital – Budissa Budyšin 1:2 (0:1)
Ludwigsfeldski KK – VfL Halle 0:0 (0:0)
Biskopičanske KT – Auerbach 0:0 (0:0)
1. VfB 1921 Kśišow 1 5 : 0 3
2. 1. FC Magdeburg II 1 4 : 1 3
3. BSG Wismut Gera 1 2 : 0 3
4. Budissa Budyšin 1 2 : 1 3
5. FC Jednota Rudolstadt 1 3 : 3 1
5. Germania Halberstadt 1 3 : 3 1
7. SG Union Sandersdorf 1 2 : 2 1
7. ST Módro-běli Zorbau 1 2 : 2 1
9. Biskopičanske KT 08 1 0 : 0 1
9. Ludwigsfeldski KK 1 0 : 0 1
9. VfB Auerbach 1 0 : 0 1
9. VfL Halle 96 1 0 : 0 1
13. SC Freital 1 1 : 2 0
14. RSV Eintracht 1949 1 0 : 2 0
15. FC Jednota Wernigerode 1 1 : 4 0
16. FC Grimma 1 0 : 5 0
Wuspěšny kónc tydźenja: Trójce złoto a trójce slěbro
Němske dresurowe mustwo je w napjatym rozsudźe złoto dobyło. Jessica von Bredow-Werndl z Daleru, Isabell Werth z Wendy a Frederic Wandres z Bluetoothom dobychu před Danskej a Wulkej Britaniskej. Werth je nětko najwuspěšniša němska olympionikowka stawiznow. Hišće lěpje pak zešlachći so jěcharjam Němskeje nazajtra. Dźeń po dobyću němskeje equipe w dresurowym wubědźowanju slědowaštej dalšej medali za němski cyłk. Jessica von Bredow-Werndl z Daleru doby złoto w dresurje we wubědźowanju jednotliwcow a Isabell Werth z Wendy slěbro.
Sobotu je Oliver Zeidler wočakowane złoto we wubědźowanju jednotliwcow we wjesłowanju dobył. 28lětny přesadźi so suwerenje a zawěsći sej w tutej disciplinje jako prěni Němc po Thomasu Lange 1992 w Barcelonje olympiske dobyće.
Nimale runje telko hódny je němski wuspěch atletow. Leo Neugebauer wudoby sej při swojim prěnim olympiskim starće slěbro a z tym prěnju olympisku medalju w dźesaćiboju za Němsku po 28 lětach. Při hrach 1996 w Atlanta bě Frank Busemann tohorunja slěbro docpěł. Triumfował je lětsa w Parisu Norwegčan Markus Rooth.
