Gymnaziastce z wurjadnym a jónkrótnym rekordom
Serbski gymnazij Budyšin (SGB) ma dwě sportowči, kotrejž stej na wurisanjach „Młodźina trenuje za olympiju“ hnydom w štyrjoch sportowych družinach sakske krajne finale docpěłoj – a to we wolejbulu, w kopańcy, lochkoatletice a bičwolejbulu. Na tajki wurjadny rekord smětej Helena Hejduškec a Tadeja Šeferec jara hordej być. Sportowy wučer SGB Měrko Korjeńk je so z nimaj rozmołwjał.
Předstajtej so prošu čitarjam Serbskich Nowin ...
Helena: Ja sym Helena Hejduškec a bydlu na Horje. Sym 16 lět a póńdu wot awgusta do 11. lětnika Serbskeho gymnazija.
Tadeja: Sym Tadeja Šeferec a tohorunja z Hory. Tež ja budu po lětnich prózdninach w 11. lětniku SGB dale wuknyć.
Što su Waju najlubše předmjety w šuli?
Helena: Sport, zajimuju pak so tež za biologiju.
Tadeja: Sport.
Kak husto stej na sakskich finalach pódla byłoj a kelko medaljow stej dobyłoj?
Helena: Moje prěnje krajne finale bě w juniju 2013 w Lipsku, jako smy sej w 5. lětniku slěbro w kopańcy wubědźili. Cyłkownje móžu na dźewjeć sakskich finalow zhladować, hdźež wubědźich sej jednu złotu, dwě slěbornej a dwě bronzowej medali.
Francoska swětowy mišter, Chorwatska mišter wutrobow
Po 20 lětach je narodne koparske mustwo Francoskeje druhi raz swětowe mišterstwa w kopańcy dobyło. Wčera wječor přewiny wone w spektakularnej partiji Chorwatow ze 4:2. We 18. min. nawjedowaše Équipe Tricolore po samowrotach Marija Mandžukića. Antoine Griezmann bě njewoprawnjeny wólny kop do šěsnatki třělił, a Mandžukić bul njezbožownje z hłowu do wrotow dale šmórny. To běchu prěnje samowrota w stawiznach swětowych mišterstwow kopańcy w finalnej hrě. Njetraješe pak dołho, a Chorwaća z wrotami wotmołwichu (28.). Po wólnym kopje Ivana Rakitića přizemi hrajny nastroj po wjacorych hłójčkowanych bulach před nohomaj Ivana Perišića. A tón přetwori suwerenje ze šěsnaće metrow do praweho kuta. Hišće do přestawki docpěchu Francozojo 2:1. Po róžku bě bul z krótkeje distancy Perišićej njezbožownje na ruku skočił. Argentinski sudnik Nestor Pitana sej scenu na wobrazowce hišće razo wobhlada a rozsudźi na pokutny kop, byrnjež to tak mjenowana 50:50-jědnatka była. Antoine Griezmann wěsće přetwori (38.).
Zabawny test při dobrych wonkownych wuměnjenjach
Jednota Kamjenc – Serbska koparska wubranka 7:0 (2:0)
Za serbsku wubranku hrajachu: Dawid Matik – Samuel Šiman, Fabian Korjeńk, Fabian Pöpel, Michał Matka, Maksimilian Zahrodnik, Danny Püschel, Maik Janca, Robert Lejnart, Michał Młynk, Ali Eldor
Na 21. gmejnskim swjedźenju w Njebjelčicach přewjedźechu wčera testowu hru mjez krajnym ligistom Jednota Kamjenc a Serbskej koparskej wubranku muži. Po 90 mjeńšinach steješe wysoke dobyće 7:0 za Jednotu na hrajnym protokolu. Přez cyły čas wukonješe faworit z Lessingoweho města ćišć na wrota Serbow, byrnjež spočatnje přewjele šansow njeměł. Mustwo trenarja Detlefa Panitza, kiž bě za wubranku zamołwity, k přestawce z 0:2 wróćo ležeše.
W druhej połojcy pak so móžnosće koparjow Franka Ričela kopjachu. Wubranka hrajerjow SJ Chrósćic, ST Marijineje hwězdy, SJ Njebjelčic a Sokoła Ralbicy/Hórki přiwšěm sylnje bojownisce dale wojowaše, byrnjež jenož jědnaćo k dispoziciji byli. Wrotar Dawid Matik móžeše při tym někotre razy swoje kmanosće pokazać. Ale w druhim połčasu dyrbješe hišće pjeć razow zady so přimnyć. Dawid Matik
Wuslědki (16.07.18)
Kónčne tabulki dorosta Zapadołužiskeho koparskeho zwjazka
młodźina E, wokrjesna liga, stafla 3
1. SC Großröhrsdorf II 11 123 : 21 31
2. SG Großnaundorf 11 124 : 25 30
3. Arnsdorfske KT 11 102 : 36 28
4. Liegau-Augustusbad II 11 70 : 47 21
5. HZ FV Ottendorf-Okrilla 05/
SV Hermsdorf II 11 76 : 42 18
6. ST Jednota Radeberg 11 62 : 41 15
7. HZ Lomnitzer SV/
SG Großnaundorf II 11 53 : 66 15
8. SC Großröhrsdorf II 11 39 : 59 15
9. SV Hermsdorf 11 28 : 78 9
10. Liegau-Augustusbad III 11 21 : 92 9
11. TSV Wachau II 11 24 : 104 6
12. Arnsdorfske KT II 11 7 : 118 0
młodźina E, wokrjesna liga, stafla 4
1. ST Kinspork/Łužnica 11 120 : 9 31
2. ST Kinspork/Łužnica II 11 77 : 22 27
3. Jednota Kamjenc II 11 74 : 26 25
4. FSV Bretnig-Hauswalde 11 57 : 29 25
5. TSV Połčnica 1920 11 62 : 27 23
6. SJ Chrósćicy 11 50 : 25 18
7. ST Marijina hwězda 11 47 : 63 10
8. SJ Njebjelčicy 11 33 : 64 10
9. Natwar Něm. Pazlicy II 11 32 : 64 9
10. SV Haselbachtal 11 32 : 63 8
11. TSV Połčnica 1920 II 11 18 : 58 6
12. HZ ST Hlinowc/
Zeleno-běli Halštrow 11 8 : 160 0
młodźina E, wokrjesna liga, stafla 5
1. HZ ST Lubuš/ LSV Bluń 9 59 : 18 25
2. Módro-běli Njeswačidło 9 67 : 19 22
3. LSV Hory 1990 9 40 : 21 16
4. Sokoł Ralbicy/Hórki 9 43 : 35 16
5. Natwar Němske Pazlicy II 9 66 : 29 15
6. HZ ST Wětnica/Hola/
ST Nadrózna Hrabowka/
TSG Njedźichow 9 35 : 33 15
7. Módro-běli Kulow 9 24 : 44 8
8. HZ Łaz/Běły Chołmc 9 27 : 74 5
9. ST Ćisk 9 13 : 45 4
10. Rakečanske ST II 9 18 : 74 2
Fotograf z Mexika starwot jedneje sekundy na druhu
Njetraješe dołho, a mexiski fotograf powěsćoweje agentury AFP Yuri Cortez bě na swětowych koparskich mišterstwach w Ruskej nadobo mały star. Koparjo chorwatskeho narodneho mustwa su so po dobyćerskich wrotach Marija Mandžukića w połfinalu přećiwo Jendźelskej tak wjeselili, zo fotografa, kiž steješe na kromje hrajnišća, bjez wotpohlada powalichu. Cortez, fotograf powěsćoweje agentury Agence France Presse, ležeše nadobo zhromadnje z hejsowacymi Chorwatami na zemi, při čimž pak dale fotografowaše. A tak nastachu najrjeńše wobrazy wječora. Jako bě třělc wrotow Mandžukić pytnył, zo su wón a sobuhrajerjo Corteza powalili, zawda fotografej ruku, zo by jemu stanyć pomhał. Ivan Rakitić a Domagoj Vida staj so pola Mexičana samo z hubku zamołwiłoj.
Sport (13.07.18)
Mjezynarodny turněr
Serbskopazličanscy a Njebjelčanscy młodostni přeprošeja młodźinu na mjezynarodny wolejbulowy turněr z migrantami, kotryž je jutře, sobotu, wot 13 do 18 hodź. na Njebjelčanskim sportnišću. Dobyćerske mustwo změje darmotny zastup na wječornej party.
Marathonowe płuwanje
W přistawje Klětno při Bjerwałdskim jězoru přewjedu jutře, 14. julija, 10. marathonowe płuwanje w Bjerwałdskim jězoru. Wot 10 hodź. wubědźuja so tam dźěći a dorosćeni na wjacorych distancach w płuwanju bjez a z pjericami. Dalše informacije pod www.baer-service.de
Přihotowanske koparske hry
13.07. 19:00 Rakečanske ST –
Nowe Město
14.07. 13:30 Módro-běli Kulow –
SC Mały Wosyk
14.07. 16:00 FSV Nowosólc-Hródk –
Budissa Budyšin
15.07. 11:00 Jednota Kamjenc –
Serbska koparska wu- branka (w Njebjelčicach)
15.07. 14:00 International Lipsk –
Budissa Budyšin
21.07. 11:00 Módro-běli Kulow –
SG Weixdorf
21.07. 15:00 SJ Njebjelčicy –
Lok Slepo
22.07. 14:30 ST 1922 Radwor –
SJ Chrósćicy
(w Njebjelčicach)
22.07. 15:20 ST Marijina hwězda –
Sokoł Ralbicy/Hórki
(w Njebjelčicach)
22.07. 16:15 Serbski supercup w Nje- bjelčicach – hra wo
3. městno
22.07. 17:00 Serbski supercup
w Njebjelčicach – finale
Chorwatska prěni raz w finalu
Narodne koparske mustwo Chorwatskeje je prěni raz w stawiznach swětowych koparskich mišterstwow kónčnu hru docpěło. Chorwaća přewinychu wčera wječor w połfinalu Jendźelsku po 120 hratych mjeńšinach z 2:1. Najprjedy pak nawjedowachu Jendźelčenjo, po tym zo bě Kieran Trippier wólny kop ze zdalenosće 17 metrow direktnje do praweho kuta přetworił (5.). Krasne to wrota, nastate zaso raz po standardźe. K dźewjeć z cyłkownje dwanaće wrotow, kotrež su chowancy trenarja Garetha Southgata lětsa w Ruskej třělili, je dóšło po jědnatce, wólnym kopje abo róžku. Tež 2:0 by so někotre mjeńšiny pozdźišo po róžku nimale poradźiło, jako zhłójčkowa Harry Maguire bul strašnje na klětku (14.). Tež po tym wostachu Jendźelčenjo dale strašniši. Dwójnu šansu měješe Harry Kane, najprjedy pak zwrěšći na wrotarju a po tym na žerdźi (30.). Chorwatscy hrajerjo móžachu w tej fazy hry někak sobu dźeržeć, k přećiwniskim wrotam pak so přezrědka předrěchu.
4. captainscup we Worklecach přewjedli
Mjeztym štwórty raz su minjenu sobotu we Worklecach tak mjenowany Captainscup přewjedli. Jeho hłowny zaměr je, wyšoklasowy turněr za mužace dwójki we Łužicy etablěrować a zdobom wólnočasnym wolejbulistam a wjesnym klubam měrjenje mocow zmóžnić. Lětsa pak dyrbjachu sportowcy Viktorije Worklecy, kotřiž Captainscup priwatnje wuhotuja, wolejbulowy turněr na trawniku do toho wotprajić, dokelž bě so přemało mustwow přizjewiło.
Koparska wubranka Francoskeje prěni finalist
Njeběchu to nadběhowarjo Antoine Griezmann, Olivier Giroud abo Kylian Mbappé, za to pak škitar Samuel Umtiti, kiž je wčera rozsudne wrota za francosku narodnu wubranku w połfinalu swětowych koparskich mišterstwow w Ruskej třělił. Wčera wječor přewiny Équipe Tricolore susoda z Belgiskeje snadnje z 1:0.
Wjedro sobu njehrało
Minjeny tydźeń bě do Budyšina hnydom pjeć mustwow serbskeje bičwolejbuloweje ligi přichwatało. Planowane bě, zo přewjedu tónraz dohromady sydom hrow. Zdypkom we wosmich pak dyrbjachu wolejbulisća swoje zmachi zaso spakować. Swjaty Pětr njeměješe žadyn lóšt wjac na serbsku bičligu a skónči wječor ze sylnym dešćom. Štyri duele pak najebać špatne wjedro wuhrachu, a to bjez překwapjenki.
W prěnjej hrě nastupištaj Józef Krawc a Matej Cyž přećiwo Worklečanskej trójce Marcel Rjelka/Daniel Gall/Stephan Wjeńka. Tući třo wobstajnje měnjachu a dobychu suwerenje z 2:0 (21:14, 21:12), a to tež dźakowano zmylkam młodeju Krawca a Cyža. Druhu hru pak Chróšćanska dwójka přećiwo koparjomaj Njebjelčanskeje SJ doby. Ronnyja Hanuzu a Jakuba Langu porazy z 21:15 a 21:17.
