Z Němcow pochadźaca 44lětna Serbowka Beata Čórlichec je třeći króć na najćešim Ironman-wubědźowanju swěta na kupje Hawaii startowała, a je wurisanje zaso z brawuru zmištrowała. Porno lońšemu je so samo wo nimale pjeć mjeńšin polěpšiła. Jeje cyłkowny čas běše 10:43 h (3,8 km płuwanje w 1:17 h, 180 km kolesowanje w 5:31 h a 42,2 km marathonowy běh w 3:48 h). Mjez 2 365 starterami – profijemi kaž amaterami – wobsadźi wona cyłkowne 813. městno. W swojej starobnej klasy 40-44 lět doběža na wurjadnym 13. městnje, a w njej běše samo najlěpša Němka. Mjez 672 žónskimi wobsadźi jara dobre 96. městno. Po wubědźowanju wosta Beata Čórlichec, kaž hižo loni, hišće tydźenjej na Hawaiiju a je tam zaso dźěl swojeho dowola přežiwiła. Za Serbske Nowiny je so Jurij Nuk z rodźenej Němčanku rozmołwjał.

Kak sy so na lětuše wurisanje přihotowała?

Prěnja hra wječora mjez volleyballistami z Chróstawy a MSV Budyšina 04 IV započa so po sćoplenskej fazy w 20.15 hodź. MSV Budyšin duel z 1:2 přěhra. Nětko běchu Sokoljo z města na rjedźe. Woni běchu so minjene měsacy a tydźenje krok po kroku polěpšili. To drje w tabulce spóznajomne njeje (0 dypkow), ale wašnje hraća je nětko wo wjele lěpše. Tež mustwo to tak widźi. Wosebje derje zamóchu při přećiwniskich a swójskich nadaćach poziciju dźeržeć. To k tomu wjedźeše, zo docpěchu přećiwnicy jenož mało dypkow z nadaćemi. Tež při saku su so Sokoljo při dlěšich bulowych fazach polěpšili. Tójšto razow nastachu dlěše hrajne situacije, w kotrychž bul tři abo štyri razy přez sak lětaše. Wobě partiji běštej wobhladanjahódnej. Jako mustwo Sokoł Budyšin dosć derje funguje. Kóždy běha za kóždeho. Druhdy pak teptaja sej sobuhrajerjo tež mjez sobu na noze, dokelž chcetaj na přikład dwaj k bulej. Prěnju hru přećiwo ST Chróstawje Sokoł z 0:2 (17:25, 11:25) přěhra a dru­hu tež z 0:2 (21:25, 20:25) přećiwo MSV Budyšinej 04 IV. Při měšćanskim duelu běštej wobě sadźbje wurunanej. Sokoł měješe wjele sebjewědomja.

Regionalna koparska liga

Altglienicke – Meuselwitz 2:0 (0:0)

Neustrelitz – Budyšinwupad

Neugersdorf – Auerbach wupad

Luckenwalde – Berlinski AK wupad

Fürstenwalde – Hertha BSC II 0:0 (0:0)

Nordhausen – BFC Dynamo wupad

FC Vikt. Berlin – Halberstadt wupad

Babelsberg – Lok Lipsk wupad

1. Energija Choćebuz 18 47  :  5 50

2. BFC Dynamo 18 47  : 20 36

3. Nordhausen 18 21  : 10 30

4. Lok Lipsk 17 24  : 14 30

5. Fürstenwalde 19 33  : 30 29

6. FC Viktoria Berlin 18 33  : 27 27

7. Berlinski AK 18 29  : 30 26

8. Hertha BSC II 19 24  : 26 25

9. Meuselwitz 18 25  : 22 24

10. Budissa Budyšin 18 17  : 23 24

11. Halberstadt 18 30  : 30 23

12. Babelsberg  18 21  : 21 23

13. Neugersdorf 18 27  : 32 23

14. Altglienicke 19 16  : 21 22

15. Auerbach 18 21  : 28 18

16. Neustrelitz 18 18  : 37 13

17. Chemija Lipsk 18 8  : 31 13

18. Luckenwalde 18 14  : 48 5

Na wosmym hrajnym dnju sezony 2017/2018, kotryž bě lětsa zdobom posledni, poda so muske volleyballowe mustwo ST Marijineje hwězdy na puć do Budyšina, zo by přećiwo načolnikej tabulki z Budyšina kaž tež nowačkej z Hnašec-Dobruše nastupiło. Přihla­dowarjam kaž hrajerjam kiwachu napjate hry.

ST Budyšin-sewjer – ST Hnašecy-Dobruša 2:0 (25:10,25:21)

W prěnjej hrě wječora mějachu hosćo z Pančic-Kukowa nadawk sudniskeho kolektiwa přewzać. Hosćićel z Budyšina tabulku wokrjesneje klasy Budyšin-wuchod tučasnje nawjeduje. Njezadźiwa tuž, zo měješe nowačka klasy dosć derje pod kontrolu. Sylne nadběhi a pólny škit bjez někajkeje dźěry zawěsći jemu spěšne dobyće.

ST Budyšin-sewjer – ST Marijina hwězda 2:1 (25:23, 24:26, 15:10)