Drohotka Ramnow
– Sokoł Ralbicy/Hórki 0:4 (0:2)
Zestawa hosći: Gloxyn – von Köding, S. Bjeńš, B. Bjeńš, Korjeńk, Šewc, Wałda, Lulak, Šołta, Domaška, Kurjat (60. Matka)
Ralbičenjo chcychu wězo dobyć a w kónčnym hódnoćenju so na třećim městnje tabulki zaměstnić. To so w Ramnowje tež poradźi, dokelž nadźěłachu sej woni tójšto šansow. Někotre pak zdźěla lochkomyslnje njewužichu. W 2. min. wothra Wałda z praweje strony Korjeńkej, tola Pěskečan njezamó z bliskeje distancy wrotarja přewinyć. Tež Domašce so to njeporadźi, jako Korjeńk jeho do haski pósła. W 12. min. třěli Šołta z direktnym wólnym kopom nawjedowanje. Nětko so tež Ramnow prědku pokaza, tola po róžku hłójčkowany bul wrota njenamaka. Po 15 min. nahra Kurjat Domašku, tón pak prosće prózdne wrota njetrjechi. Lěpje sčini to w 19. min., hdyž dołhi bul Šołty dósta a hrajny nastroj do dołheho róžka přetwori. Ramnow pak so njepoda a spyta swójske wrota docpěć, tomu wšak Gloxyn w 36. min. zadźěwa.
Wokrjesna wyša koparska liga
Bukecy – Wjelećin4:6 (1:1)
Wachau – Hory1:5 (0:2)
Ćisk – Kulow1:0 (0:0)
Ramnow – Ralbicy/Hórki 0:4 (0:2)
Rakecy – Połčnica5:1 (2:1)
Chrósćicy – Kumwałd 5:2 (3:1)
Großröhrsdorf – Łuty 8:2 (4:0)
1. Chrósćicy 32 83 : 32 75
2. Hory 32 88 : 37 65
3. Ralbicy/Hórki 32 77 : 34 61
4. Großröhrsdorf 32 93 : 62 61
5. Rakecy 32 72 : 50 57
6. Hnašecy 32 76 : 43 55
7. Póst Budyšin 32 77 : 67 49
8. Ćisk 32 68 : 59 47
9. Kumwałd 32 85 : 76 46
10. Połčnica 32 60 : 63 43
11. Ramnow 32 60 : 82 40
12. Bukecy 32 68 : 90 38
13. Kulow 32 57 : 59 35
Stara koparska garda je so minjeny pjatk w Njebjelčicach 20. raz zetkała, zo by wo pokal Serbskeho Sokoła hrała.
Minjeny pjatk a sobotu zetkachu so młodźi sportowcy w Budyšinje, zo bychu swojich najlěpšich na wokrjesnej spartakiadźe w lochkoatletice pytali. Hačkuli běchu wonkowne wuměnjenja optimalne, běše wobdźělenje lětsa słabše, štož bě trochu škoda za organizowace towarstwo OSLV Budyšin.
Najwuspěšniši zběraćel medaljow běše Elias Kummer (M10) ze Serbskeje zakładneje šule. Elias wubědźi sej hnydom pjeć złotych a jednu bronzowu medalju: Hodźeše-li so hišće prěnja w stafli 4x50m (30,80 sek) snadneje konkurency dla poměrnje lochko docpěć, pokaza wón w jednotliwych disciplinach zdźěla wusahowace wukony. W sprinće na 50 m doběhny z wuběrnym časom 7,96 sek. Najkedźbyhódniši wukon běše jeho dalokoskok, hdźež by ze swojimi 4,15 m samo pola dwě lěće staršich sportowcow na podest skočił. Tež na 60 m přez płótki (10,90 sek) a na 800 m (2:55,44 min) jeho nichtó njepřewiny, jeničce w mjetanju bula (31,50 m) běštaj dwaj lěpšej.
Zamołwići sportoweho towarstwa Budissa Budyšin su zašłe tydźenje tójšto dźěła měli. Na jednej stronje je wjele hrajerjow regionalneho koparskeho ligista wopušćiło, na tamnej stronje je tójšto nowych koparjow w sprjewinym měsće nowe zrěčenje podpisało. Kilian Hrjehor je raz wo wšěch přichadach a wotchadach přehlad zestajał:
Přichady Budissy Budyšin:
Josef Němec/Hornja Łužica Neugersdorf
Jiří Šisler/Hornja Łužica Neugersdorf
Paul Milde/Union Fürstenwalde
Norman Kloß/Dynamo Drježdźany U19
Josef Müller/Dynamo Drježdźany U19
Martin Krásný/Loko Vltavín
Daniel Hänsch/VFC Plauen
Max Hermann/1. FC Magdeburg U19
Patrick Baudis/1. FC Magdeburg U19
Wotchady Budissy Budyšin:
Max Fröhlich/Hornja Łužica Neugersdorf
Chris Reher/Viktoria Berlin
Jakub Jakubov/Berlinski AK
Alexander Jakubov/njeznate
Florian Hansch/Kamjeničanski FC
Ezequiel Rosendo/njeznate
Felix Kunert/njeznate
Pavel Čermák/njeznate
Philip Heineccius/njeznate
SJ Njebjelčicy
– SC Großröhrsdorf II 4:0 (2:0)
Zestawa domjacych: Hahn – Kral, Deleńk, Haška, Hanuza, Cyž, Hrjehor, Šołta (63. Kubaš), Hommel, Korjeńk (70. Lejnart), Čornak (56. Ričel)
W krajnym finalu beachvolleyballa starobneje skupiny IV (5. do 7. lětnik) wurisanja „Młodźina trenuje za olympiju“ w Drježdźanach přěhrachu holcy a hólcy Serbskeho gymnazija Budyšin (SGB) rozsudnu třeću sadźbu přećiwo Wyšej šuli Mišno-Triebischtal a wobsadźichu tuž njedźakowne 4. městno na turněrje.