Zakónča sezonu na třećim městnje

srjeda, 15. junija 2016 spisane wot:

Drohotka Ramnow

– Sokoł Ralbicy/Hórki 0:4 (0:2)

Zestawa hosći: Gloxyn – von Köding, S. Bjeńš, B. Bjeńš, Korjeńk, Šewc, Wałda, Lulak, Šołta, Domaška, Kurjat (60. Matka)

Ralbičenjo chcychu wězo dobyć a w kónčnym hódnoćenju so na třećim městnje tabulki zaměstnić. To so w Ramnowje tež poradźi, dokelž nadźěłachu sej woni tójšto šansow. Někotre pak zdźěla lochkomyslnje njewužichu. W 2. min. wothra Wałda z praweje strony Korjeńkej, tola Pěskečan njezamó z bliskeje distancy wrotarja přewinyć. Tež Domašce so to njeporadźi, jako Korjeńk jeho do haski pósła. W 12. min. třěli Šołta z direktnym wólnym kopom nawjedowanje. Nětko so tež Ramnow prědku pokaza, tola po róžku hłójčkowany bul wrota njenamaka. Po 15 min. nahra Kurjat Domašku, tón pak prosće prózdne wrota nje­trjechi. Lěpje sčini to w 19. min., hdyž dołhi bul Šołty dósta a hrajny nastroj do dołheho róžka přetwori. Ramnow pak so njepoda a spyta swójske wrota docpěć, tomu wšak Gloxyn w 36. min. zadźěwa.

Němske mišterstwa w Trjebinje

srjeda, 15. junija 2016 spisane wot:
4. němske mišterstwa w billardowym kehelowanju wotměwaja so wot kónca tydźenja w Trjebinje. 24 sportowcow starobneje klasy wyše 60 lět wojowaše dźensa wo dobre městno. Sobu byłoj staj tež Dieter Kowalick z SZ Mułkecy a Reinhard Nowosch (na foće) ze Zeleno-běłych Běła Woda. Přichodny kónc tydźenja wubědźuja so juniorojo, žony a mužojo wo titl w billardowym kehelowanju. Tule sportowu družinu pěstuja hłownje we wuchodoněmskich zwjazkowych krajach. Foto: Joachim Rjela

Bordeaux. Sensacija Madźarska, drohotny Alaba, prěnja žołto-čerwjena karta, překwapjenje nowačk-Islandska. Z tutymi krótkimi hesłami hodźał so pjaty hrajny dźeń europskich koparskich mišterstwow wopisać. A tež tole hišće za wčerawši dźeń přitrjechi: „Tuni koparjo su druhdy wjace hódni.“ David Alaba (Awstriska), profijowy kopar FC Bayern Mnichow, je z 45 milionami eurow dwójce telko hódny kaž cyłe madźarske mustwo. Tunja madźarska jědnatka je wčera w skupinje F jasneho faworita Awstrisku z 0:2 (0:0) porazyła, štož běše prěnja wulka sensacija EM. Awstričenjo drje super do hry startowachu, zbožo k wrotam pak jim pobrachowaše. Po 32 sekundach měješe Alaba wulku šansu, trjechi pak jenož žerdź. W druhim połčasu bě Madźarska jasnje lěpše mustwo. W 62. mjenšinje docpěchu woni samo 1:0 přez Adama Szalija. Krótko po tym so naši susodźa hišće wosłabichu, jako dósta Aleksandar Dragović prěnju amplowu kartu turněra (66.). Wo kónčne 2:0 bě so zaměnjeny Zoltan Stieber z krasnymi wrotami postarał.

Wuslědki (15.06.16)

srjeda, 15. junija 2016 spisane wot:

Wokrjesna wyša koparska liga

Bukecy – Wjelećin4:6 (1:1)

Wachau – Hory1:5 (0:2)

Ćisk – Kulow1:0 (0:0)

Ramnow – Ralbicy/Hórki 0:4 (0:2)

Rakecy – Połčnica5:1 (2:1)

Chrósćicy – Kumwałd 5:2 (3:1)

Großröhrsdorf – Łuty 8:2 (4:0)

1. Chrósćicy 32 83  : 32 75

2. Hory 32 88  : 37 65

3. Ralbicy/Hórki 32 77  : 34 61

4. Großröhrsdorf 32 93  : 62 61

5. Rakecy 32 72  : 50 57

6. Hnašecy 32 76  : 43 55

7. Póst Budyšin 32 77  : 67 49

8. Ćisk 32 68  : 59 47

9. Kumwałd 32 85  : 76 46

10. Połčnica 32 60  : 63 43

11. Ramnow  32 60  : 82 40

12. Bukecy 32 68  : 90 38

13. Kulow 32 57  : 59 35

Jubilejny koparski turněr

wutora, 14. junija 2016 spisane wot:

Stara koparska garda je so minjeny pjatk w Njebjelčicach 20. raz zetkała, zo by wo pokal Serbskeho Sokoła hrała.

Młodźi lochkoatleća wuspěšni

wutora, 14. junija 2016 spisane wot:

Minjeny pjatk a sobotu zetkachu so młodźi sportowcy w Budyšinje, zo bychu swojich najlěpšich na wokrjesnej spartakiadźe w lochkoatletice pytali. Hačkuli běchu wonkowne wuměnjenja optimalne, běše wobdźělenje lětsa słabše, štož bě trochu škoda za organizowace towarstwo OSLV Budyšin.

Najwuspěšniši zběraćel medaljow běše Elias Kummer (M10) ze Serbskeje zakładneje šule. Elias wubědźi sej hnydom pjeć złotych a jednu bronzowu medalju: Hodźeše-li so hišće prěnja w stafli 4x50m (30,80 sek) snadneje konkurency dla poměrnje lochko docpěć, pokaza wón w jednotliwych disciplinach zdźěla wusahowace wukony. W sprinće na 50 m doběhny z wuběrnym časom 7,96 sek. Najkedźbyhódniši wukon běše jeho dalokoskok, hdźež by ze swojimi 4,15 m samo pola dwě lěće staršich sportowcow na podest skočił. Tež na 60 m přez płótki (10,90 sek) a na 800 m (2:55,44 min) jeho nichtó njepřewiny, jeničce w mjetanju bula (31,50 m) běštaj dwaj lěpšej.

Zamołwići sportoweho towarstwa Budissa­ Budyšin su zašłe tydźenje tójšto dźěła měli. Na jednej stronje je wjele hrajerjow regionalneho koparskeho ligista wopušćiło, na tamnej stronje je tójšto nowych koparjow w sprjewi­nym měsće nowe zrěčenje podpisało. Kilian Hrjehor je raz wo wšěch při­chadach a wotchadach přehlad zestajał:

Přichady Budissy Budyšin:

Josef Němec/Hornja Łužica Neugersdorf

Jiří Šisler/Hornja Łužica Neugersdorf

Paul Milde/Union Fürstenwalde

Norman Kloß/Dynamo Drježdźany U19

Josef Müller/Dynamo Drježdźany U19

Martin Krásný/Loko Vltavín

Daniel Hänsch/VFC Plauen

Max Hermann/1. FC Magdeburg U19

Patrick Baudis/1. FC Magdeburg U19

Wotchady Budissy Budyšin:

Max Fröhlich/Hornja Łužica Neugersdorf

Chris Reher/Viktoria Berlin

Jakub Jakubov/Berlinski AK

Alexander Jakubov/njeznate

Florian Hansch/Kamjeničanski FC

Ezequiel Rosendo/njeznate

Felix Kunert/njeznate

Pavel Čermák/njeznate

Philip Heineccius/njeznate

Spěšne nawjedowanje a kónčne dobyće

wutora, 14. junija 2016 spisane wot:

SJ Njebjelčicy

– SC Großröhrsdorf II 4:0 (2:0)

Zestawa domjacych: Hahn – Kral, Deleńk, Haška, Hanuza, Cyž, Hrjehor, Šołta (63. Kubaš), Hommel, Korjeńk (70. Lejnart), Čornak (56. Ričel)

Toulouse. Španiska, zakitowarka pokala, je wčera w prěnjej hrě dnja zbožowne, za to pak zasłužene dobyće 1:0 (0:0) přećiwo narodnej koparskej wubrance Čěskeje swjećiła. Wot wšeho spočatka běchu Španičenjo lěpše mustwo, štož je ze statistikow jasnje spóznać. Čěska škitna murja měješe hač do 87. mjenšiny zbožo a prědku někotre dobre składnosće přećiwo hewak jasnje lěpšemu přećiwnikej. Hakle krótko do kónca wolóži Pique Španisku z hłójčku, jako superflanku superstara Iniesty (87.) přetwori. Wrotar čěskeje wubranki Petr Čech njeměješe žanu šansu, bul wotwobarać. Krótka přidatna info hišće k čěskemu hrajerjej Tomášej Rosickemu, kotryž hraje za FC Arsenal w jendźelskej Premiere League. Rosický bě w minjenej sezonje zranjenja dla za Arsenal cyłkownje jenož 19 mjeńšin hrał, wčera w Toulousu samo 80 wjace. Dalši superstar měješe potom w druhej hrě dnja swój wustup w prěnjej hrě skupiny E. W duelu Šwedska přećiwo Irskej běchu wšitke woči na Zlatana Ibrahimowića wusměrjene. Šwedska běše jasna faworitka. Irska pak dopokaza, zo móže so hra tež bjez wulkeho superstara wuspěšnje přewjesć a dirigować.

W krajnym finalu beachvolleyballa starobneje skupiny IV (5. do 7. lětnik) wurisanja „Młodźina trenuje za olympiju“ w Drježdźanach přěhrachu holcy a hólcy Serbskeho gymnazija Budyšin (SGB) rozsudnu třeću sadźbu přećiwo Wyšej šuli Mišno-Triebischtal a wobsadźichu tuž njedźakowne 4. městno na turněrje.

Serbska debata

nowostki LND