Wuslědki (22.06.15)
Kopańca, wokrjesna wyša liga
Großröhrsdorf – LSV Hory 1:3 (0:1)
Kulow – Połčnica 1:2 (0:1)
Wachau – Ćisk 2:1 (1:0)
Biskopicy II – Wojerecy 1919 2:1 (1:1)
Hnašecy – Sepicy 3:0 (2:0)
Bukecy – Kumwałd 3:1 (0:0)
Ralbicy/Hórki – Ramnow 4:2 (1:1)
1. Biskopicy II 30 98 : 33 66
2. Ćisk 30 87 : 36 60
3. Großröhrsdorf 30 78 : 45 60
4. LSV Hory 30 76 : 40 59
5. Ralbicy/Hórki 30 67 : 35 57
6. Póst Budyšin 30 70 : 72 52
7. Chrósćicy 30 61 : 49 40
8. Kumwałd 30 57 : 53 38
9. Kulow 30 50 : 68 37
10. Ramnow 30 46 : 57 36
11. Hnašecy 30 54 : 71 33
12. Bukecy 30 46 : 82 32
13. Połčnica 30 46 : 67 31
14. Wachau 30 53 : 95 29
15. Sepicy 30 46 : 92 24
16. Wojerecy 1919 30 21 : 61 23
wokrjesna liga, stafla I
Njeswačidło – Póst Budyšin II 5:2 (4:0)
Załom – Wjelećin 0:8 (0:3)
Malešecy – Kubšicy 4:2 (2:2)
HZ Budestecy – Wulka Dubrawa 2:3 (1:1)
Bart 90 – Minakał 2:3 (1:2)
Sport (19.06.15)
W Delanach swjeća jubilejej
Swjedźenski kónc tydźenja składnostnje 90 lět Serbskeho Sokoła a 50 lět wuměny mjez sportowcami z čěskeho Spáleneho Poříčí a serbskim towarstwom Sokoł Ralbicy/Hórki započnje so dźensa we 18 hodź. z koparskim turněrom starych knjezow wo pokal Serbskeho Sokoła w Stadionje přećelstwa w Ralbicach. Hrać budźe tam stara garda z koparjemi nad 32 lětami, kotruž zastupuja SJ Njebjelčicy, ST 1922 Radwor, ST Marijina hwězda, Zeleno-běli Hórki, SJ Chrósćicy a Sokoł Ralbicy/Hórki (zakitowar pokala). Jutře po dypkowymaj partijomaj w 17 hodź. budźe přećelska koparska hra Sokoł Ralbicy/Hórki – TJ Sokol Spálené Poříčí. Wječor přizamknje so w Ralbičanskim stadionje swjedźenske zarjadowanje.
Integratiwny sportowy swjedźeń
W słabej partiji zbožowniše mustwo dobyło
Natwar Němske Pazlicy
– ST Marijina hwězda 2:3 (1:0)
Zestawa hosći: Matik – Wróbl (84. Czapik), Škoda, Łušćanski, Lipič, T. Jurš (61. Rab), Sbjeznie, Bělk, Schmidt (46. Pakoßnick), Winkler, D. Jurš
Při rjanym słónčnym wjedrje podaštej so wobě koparskej zastupnistwje Sportoweho towarstwa Marijineje hwězdy do Němskich Pazlic. W předehrě poradźi so klóšterskej rezerwje njerozsudne 1:1. Wrota za ST Marijinu hwězdu II třělił bě Měrko Korjeńk.
Prěnje mustwo ST Marijineje hwězdy chcyše z dobyćom 5. městno w tabulce zakitować. W spočatnej fazy wšak mějachu domjacy dwě dobrej móžnosći (8., 12.). 1:0 poradźi so jim w 15. min. přez Neubauera. Wólny kop z połlěweje pozicije bu w šěsnatce hišće wotfalšowany. Jeno tři mjeńšiny pozdźišo ležeše bul we wrotach domjacych. Po dołhim pasu Škody přelesći Dawid Jurš přećiwniskeho wrotarja, jako jeho přezběhny. Sudnik pak pokaza na nimohru. Pančičenjo mějachu wjace hrajnych podźělow, hosćićeljo pak lěpše móžnosće. Jeničku wulku składnosć za wurunanje měješe Łušćanski krótko do połčasa, jako steješe nadobo sam před wrotarjom.
Wrotarjej pjeć razow žerdź pomhała
ST Wjelećin
– ST 1922 Radwor 0:2 (0:1)
Zestawa hosći: Wróbl – F. Šěrak (75. C. Šěrak), Buša, S. Henke, Karwinski, Šram, Mark, Nuk, Bauer, T. Henke, Schulze (77. Wjeńka)
K poslednjej dypkowej hrě sezony 2014/2015 nastupichu koparjo Radworskeho sportoweho towarstwa pola mištra wokrjesneje ligi, stafle I we Wjelećinje. Trenar Pětr Bejmak dyrbješe zestawu mustwa jenož na jednej poziciji změnić. Byrnjež sej wón wot swojich chowancow połnu koncentraciju a bojownosć žadał, słušeše prěnja akcija w hrě domjacym. Kaž wohnjowa wobora woni wrota nadběhowachu. Na zbožo sadźichu prěni kop na žerdź. Radworčenjo skrótka předychachu a startowachu sami dobry nadběh na prawym křidle, kotryž skónči so z jědnatku. Schulze ju k 0:1 (7.) přetwori. Strašnišo nadběhowaše pak dale Wjelećanske mustwo. Jeho derje zahraty cyłk přinjese Radworski škit časćišo do wuskosćow. W 20. min. kaž tež w 32. min. pomhaše Wróblej žerdź.
Wuslědki (18.06.15)
Kopańca, wokrjesna liga, stafla II
Kulow II – Łuty 2:3 (1:3)
1. Łuty 25 62 : 24 61
2. Rakecy II 25 59 : 28 50
3. Lubuš 24 53 : 41 41
4. Nadrózna Hrabowka 25 47 : 34 40
5. Kamjenc II 25 49 : 34 39
6. FC Łužica 25 52 : 44 38
7. Bluń 25 56 : 60 35
8. Ćisk II 25 46 : 56 33
9. Hórnikecy 25 57 : 57 29
10. Nowe Město II 25 42 : 52 29
11. HZ Łaz 24 41 : 41 27
12. Ralbicy/Hórki II 25 22 : 45 20
13. Wětnica/Hola 25 44 : 79 15
14. Kulow II 25 29 : 64 14
čoło tabulki wokrjesneje ligi, stafla III
1. Kinspork 24 78 : 20 58
2. Großnaundorf 26 50 : 31 50
3. Frankenthal 26 62 : 42 46
4. Ottendorf-Okrilla 25 50 : 28 42
5. Marijina hwězda 25 46 : 43 40
6. Großröhrsdorf II 25 42 : 45 37
7. Njebjelčicy 25 53 : 53 32
8. Liegau-Augustusbad 24 51 : 45 30
9. Haselbachtal 25 38 : 51 29
Tabulkoweho susoda porazyli
Póst Germania Budyšin
– Sokoł Ralbicy/Hórki 0:5 (0:2)
Zestawa hosći: Gloxyn – M. Matka (27. von Köding), Kř. Matka (73. Wowčerk), Korjeńk, Lulak, Bjeńš, Šołta, Schulz, Wałda, Kurjat (64. G. Čórlich), Domaška
Z dobyćom pola Pósta Germanije w Budyšinje bychu so koparjo Sokoła Ralbicy/Hórki wo jedne městno w tabulce polěpšili. W prěnich dźesać mjeńšinach přewostajichu woni jednanje domjacym, kotřiž so wočiwidnje prócowachu, ale bjez rozsudnych akcentow. Najprjedy Křesćan Matka dobry nadběh k róžkej wotwobara. Kaminski za Germaniju bul do šěsnatki kopny, a tón prasny do žerdźe – Matka pak by na městnje był. Prěni nadběh Sokoła běše hnydom wuspěch. Wałda jón přez prawy bok zahaji. Šołta přihra bul Kurjatej, kiž pósła Domašku preciznje na puć. A tón rjanu kombinaciju k 0:1 zakónči. Dwě mjeńšinje pozdźišo zleća Gloxynowy wotkop daloko do přećiwniskeje połojcy. Domaška wottam kulowatu kožu k 0:2 do wrotow smokny. Krótko do změny móhł Kurjat wuslědk dale zwyšić. Sam před wrotarjom pak njezamó jeho přewinyć. Na tamnym boku Gloxyn Hanspachowy pospyt do łaty storči.
Serbscy triatleća w Moritzburgu startowali
We wobłuku Moritzburgskeho hrodoweho triatlona startowachu njedźelu znowa wjacori serbscy sportowcy. Po wubědźowanju su Serbske Nowiny wot nich někotre měnjenja nazběrali.
Wuslědki (17.06.15)
Kopańca, wokrjesna liga stafla II
Hermsdorf – Njebjelčicy 1:2 (1:1)
Wětnica/Hola – Kamjenc II 1:2 (1:1)
Nadrózna Hrabowka – Rakecy II 2:2 (1:0)
wokrjesna liga stafla III
Großnaundorf – Němske Pazlicy 3:1 (0:1)
Porchow – Großröhrsdorf II 3:3 (1:1)
Prěnje mustwo Biskopičanskeho koparskeho towarstwa budźe w nowej ...
Maturantki wučerki přewinyli, wučerjo pak šulerjow
Volleyball na Serbskim gymnaziju Budyšin
Minjeny štwórtk je so sportowa hala Serbskeho šulskeho a zetkawanskeho centruma Budyšin krótko do 14 hodź. pjelniła. Šulerjo wjacorych lětnikow čakachu na ławkach sedźo na mjeztym sedmy volleyballowy duel mjez cyłkomaj wučerkow/referendarkow a maturantkow. Wosebje wulki bě fanowy blok dwanatkarjow. Wón tworješe perfektny ramik wubědźowanja. Dotal je stajnje młódša generacija dobyła a tež lětsa tomu tak bě. Z 25:7, 25:17 a 25:9 su šulerki wšitke tři sadźby za sebje rozsudźili. Wulki kompliment słuša našim pedagogowkam, kotrež su bjez treninga z wulkim zasadźenjom wojowali, a šulerkam za fairne hraće. W jich rjadach zasadźene běchu volleyballistki, kiž su w januaru we wuchodosakskim finalu gymnazijow w swojej starobnej klasy slěbro dobyli. Tak běštej wjeselo a strowa atmosfera hač do kónca zaručenej.
