Bjez wuspěcha
Rakečanske ST II
– Sokoł Ralbicy/Hórki II 3:1 (1:0)
Zestawa hosći: Cyž – Materna, M. Matka, T. Matka, Čornak, Bogusz, Šwejda, Kobalc, Serbin, Šmit, Krawc (46. Šołta)
Znajmjeńša jednoho koparja narunać steji pola Sokoła Ralbicy/Hórki na dnjowym porjedźe. Tak dyrbješe znowa 44lětny Daniel Krawc wupomhać. Za njeho přińdźe po přestawce 48lětny Roland Šołta na trawnik. Zdobom běše wón jenički hrajer za wuměnu. Žane optimalne wuměnjenja to za wuspěch rezerwy Sokoła. Rakečenjo, jako druhi tabulki, hru diktowachu a hosćo hladachu, zo pod kolesa njepřińdu. W 27. min. docpě Naaser z hłójčku nawjedowanje.
Po połčasu zwyši Reineke ze sylnym solom na změrowace 2:0 (68.) Dźesać mjeńšin pozdźišo zniži Šmit na 2:1. Rakečenjo hru přiwšěm dale postajachu a w podlěšenju na kónčne 3:1 (92.) zwyšichu. Kobalc dyrbješe druheje žołteje karty dla hrajnišćo dočasnje wopušćić. Maik Brězan
Widźał, słyšał, napisał (17.05.16)
Awtor dźensa
Tomaš Faska
To njeběch po zazběhu lětušich swětowych mišterstwow w lodohokeju hižo wočakował. Němska wubranka je so za štwórćfinale kwalifikowała. A to najebać šwarnu ličbu zranjenych hrajerjow. Bjez štyrjoch kruće w mustwje zakótwjenych muži wudobychu sej chowancy trenarja Marca Sturma přećiwo Madźaram ze zasłuženym 4:2 doskónčny skok do koła poslednich wosom cyłkow. Při tym bě to poprawom hižo dočasnje zaručene, dźak dobyću Kanady přećiwo Francoskej. Ale wo to pokoj.
Nětko čaka na němsku wubranku wězo wjetši kaliber – pak hosćićel Ruska pak Čěska pak Šwedska. Kóžde z tychle narodnych mustwow drje Němcam puć do přichodneho koła bjez problemow zarući. Wšo druhe by sensacija była, ale tajkich wšak runje w sporće maš. Wočakńmy!
Što w interneće runje čitam? Miroslav Klose, něhdyši němski narodny kopar, so nawróći? Dźenik Süddeutsche Zeitung znajmjeńša twjerdźi, zo je sej Eintracht Frankfurt 38lětneho rodźeneho Polaka, z 71 wrotami najwuspěšnišeho třělca němskeje wubranki, „kupił“.
Wuslědki (17.05.16)
Wokrjesna wyša koparska liga
Połčnica – Hnašecy1:4 (0:3)
1. Chrósćicy 29 68 : 26 69
2. Hory 28 70 : 34 53
3. Ralbicy/Hórki 28 66 : 30 52
4. Rakecy 29 62 : 45 51
5. Großröhrsdorf 28 71 : 51 49
6. Hnašecy 28 67 : 40 46
7. Póst Budyšin 29 70 : 59 46
8. Ćisk 28 64 : 55 41
9. Kumwałd 28 71 : 63 40
10. Połčnica 28 49 : 53 37
11. Ramnow 28 57 : 68 37
12. Bukecy 28 50 : 73 32
13. Kulow 28 49 : 51 29
14. Kinspork 29 57 : 63 29
15. Wjelećin 28 45 : 77 26
Sport (13.05.16)
Volleyball a kopańcu hrać
31. raz sportuje so swjatki njedźelu w Němskich Pazlicach. Tamniše towarstwo Natwar Němske Pazlicy wuhotuje volleyballowy a koparski turněr. Započatk na arealu při wulkim haće budźe w 10 hodź. W Pěskecach hraja wjesne koparske mustwa zaso swjatki póndźelu. Cyłki zetkaja so w 12.30 hodź., prěnja hra započnje so poł hodźiny pozdźišo.
Hašenske wubědźowanje
Na kupje wjesneho hata we Worklecach wubědźuja so dźensa wot 18.30 hodź. wohnjowi wobornicy. Worklečanscy kameradojo su lětsa prěni, kotřiž hašenske wubědźowanje wo pokal zarjadniskeho zwjazka Při Klóšterskej wodźe Pančicy-Kukow zarjaduja.
Koparskej pokalnej hrě
14.05. 15:00 Großröhrsdorf – Ralbicy
14.05. 15:00 Wachau II – Chrósćicy
Běhi wokoło jězora
Swjatki njedźelu wotměja so běhi wokoło Bjerwałdskeho jězora. Tež wurisanje w skatingu na 21,1 km tam budźe. Te pak započnje so hižo w 7.30 hodź., dokelž njehodźi so paralelnje z běhanskimi wubědźowanjemi přewjesć. Atleća startuja dopołdnja w dźewjećich na distancach 800m/3km/5km/10km a 21,1km.
Tura z tandemami
Za kopańcu
Ćišć zestupa přewinjeny
FSV Budissa Budyšin
– TSG Neustrelitz 1:1 (1:1)
Zestawa domjacych: Jakubov – Kolan, Klippel, Patka, Kral, Hausdorf, Hoßmang, Rosendo (80. Barnickel), Reher (73. Hansch), Walther, Salewski (73. Kunert)
Spěšnje ze zestupneho boja so rozžohnować a přećiwo Neustrelitzej po móžnosći połnje dypkować běchu sej koparjo Budissy Budyšin předewzali. Mustwo TSG pak pokaza jara dobry wukon. Hižo zahe bu Budyski wrotar Jakubov pruwowany (5.) Wospjet pak tež wón swoju wuběrnu klasu pokaza a třělwy wotwobara. Kaž hižo často w sezonje měješe Budissa w běhu hry njelěpšiny. Najprjedy buštaj Reher a Walther w šěsnatce njefairnje zadźeržanaj (17.). Krótko po tym docpě Salewski regularne wrota (24.), kotrež pak sudniski kolektiw njepřipózna, dokelž steješe třělc wrotow pječa w nimohrě. Patce drje poradźi so 1:0 (33.) po róžku, Neustrelitz pak spěšnje wuruna (37.). Pütt, třělc tychle wrotow, měješe štyri mjeńšiny po tym dalšu wulku móžnosć. Znowa pak bě wrotar Jakubov na prawym městnje dźeržeše.
Doma znowa plajtu dožiwili
ST Marijina hwězda
– SG Großnaundorf 1:3 (0:2)
Zestawa domjacych: Schmidt – Wróbl (81. Bejmak), Czapik, Łušćanski, Lipič, Peschmann, Pakoßnick, T. Jurš, Rab (83. Langer), Winkler, D. Jurš
Na 25. hrajnym dnju pohosćichu klóšterscy koparjo mustwo SG Großnaundorf, najsylniše druheje połserije. Při přijomnych temperaturach wyskaše přiwisk domjacych hižo w 9. min. Hłójčkowany bul Dawida Jurša pak asistent při liniji njepřipózna, dokelž bě Pančičanski goalgetter w nimohrě stał. Jako dyrbjachu so domjacy hišće změrować, steješe hižo 0:1 (10.). Přez mnohe zmylki w hrajnym natwarje ST Marijineje hwězdy nastachu za hosći přeco zaso dobre móžnosće na 0:2 zwyšić. Po wólnym kopje ze srjedźneje linije njeběchu sej wrotar Oliver Schmidt a sobuhrajerjo přezjedni, štó bul ze strašneje cony kopnje. Söhnel reagowaše najspěšnišo a třěli 0:2 (20.). Hišće wjetšemu zastatkej zadźěwaštaj na to žerdź a fenomenalnje reagowacy Schmidt (32., 35.).
Wuslědki (12.05.16)
Regionalna koparska liga
BFC Dynamo – RB Lipsk II 2:0 (1:0)
Luckenwalde – Auerbach 0:1 (0:0)
Meuselwitz – Hertha BSC II 0:0 (0:0)
Budissa Budyšin v Neustrelitz 1:1 (1:1)
1. Zwickau 32 73 : 30 71
2. Berlinski AK 31 59 : 18 68
3. Nordhausen 32 56 : 36 58
4. Neugersdorf 32 50 : 39 54
5. BFC Dynamo 32 60 : 46 52
Derby hižo wjele zašo rozsudźić dyrbjeli
Módro-běli Kulow
– Sokoł Ralbicy/Hórki 1:2 (0:1)
Zestawa domjacych: Kliemank – Zomack, Žur, Schapals, Pfennig, Witteck, Matik, Šołta, S. Kubaink, Adamowicz, N. Kubaink
Zestawa hosći: Gloxyn – Wałda (64. M. Kurjat), Šewc, Lulak, Šołta, G. Kurjat, Zynda (35. Bejmak), Schultz (80. Matka), B. Bejma, T. Bejma
Wuslědki (11.05.16)
Wokrjesna koparska liga, stafla II
FC Łužica – Njeswačidło 1:3 (0:1)
Ćisk II – N. Hrabowka 1:3 (1:0)
Rakecy II – Ralbicy/Hórki II 3:1 (1:0)
1. Wojerecy 1919 22 71 : 18 51
2. Rakecy II 24 58 : 21 50
3. FC Łužica 24 49 : 33 43
4. HZ Łaz 23 41 : 20 42
5. Hórnikecy 23 46 : 40 38
6. N. Hrabowka 23 53 : 38 37
7. Nowe Město II 22 80 : 39 36
8. Lubuš 23 49 : 57 33
9. Njeswačidło 23 48 : 47 32
10. Bluń 23 44 : 51 31
11. Hory II 22 41 : 37 26
12. Ralbicy/Hórki II 23 44 : 50 25
13. Ćisk II 23 44 : 69 25
14. Wětnica/Hola 23 32 : 86 14
15. Šćeńca 23 29 : 123 7
Wokrjesna koparska klasa, stafla II
Marijina hwězda II – HZ Łaz II 1:8 (1:4)
Chrósćicy II – Bretnig/Hausw. II 2:1 (1:1)
Hlinowc II – Njebjelčicy II 0:3 (0:2)
1. Hermsdorf 25 124 : 22 66
2. HZ Łaz II 25 93 : 38 57
3. Łuty II 25 87 : 55 43
4. Kulow II 25 52 : 31 43
5. Kleinhänchen 25 58 : 47 43
6. Bretnig-Hauswalde II 25 54 : 35 40
7. FC Łužica II 25 70 : 48 39
8. Njebjelčicy II 25 49 : 49 37
9. Chrósćicy II 25 54 : 63 33
10. Wjelećin III 25 45 : 61 30
11. Němske Pazlicy II 25 34 : 61 25
12. Hlinowc II 25 45 : 107 24
