Rewanša so zešlachćiła
VFB Auerbach 1906 – FC Energija Choćebuz 0:4 (0:3)
Zestawa hosći: Meyer – Starcew, Karbstein, Stein, Schlüter, Kruse (82. Gehrmann), Ziegenbein (65. Zimmermann), Viteritti (75. Geisler), Weidlich, De Freitas, Mamba
Ze 4:0 pola VfB Auerbach su koparjo FC Energija Choćebuz tež štwórtu dypkowu hru noweje sezony w regionalnej lize z dobyćom zakónčili. Runočasnje rewanšowachu so za domjacu poražku 1:3, kotruž běchu přećiwo VFB Auerbachej před pjeć měsacami poćerpjeli. Hosćo z Vogtlanda wobarachu so njedźelu poł hodźiny. Hakle foul přećiwo Andrejej Starcewej w šěsnatce a na to slědowacy pokutny kop (29.) zahajištej wrotowu lawinu. Jědnatku přetwori Fabio Viteritti. Hišće do połčasa zwyšištaj Björn Ziegenbein (33.) a Streli Mamba (45.+3) na 3:0. Tak bě po 45 hratych mjeńšinach prašenje za dobyćerjom hižo wotmołwjene. Traješe pak přiwšěm hač do 86. min., zo třěli Mamba po wuběrnej přihrawce Felixa Geislera 4:0. Mamba lisćinu třělcow w regionalnej koparskej lize-sewjerowuchod ze šěsć wrotami nawjeduje.
Po hrubym duelu poraženi
SC Großröhrsdorf – Sokoł Ralbicy/Hórki 1:0 (0:0)
Zestawa hosći: Ch. Gloxyn – Rawš, B. Bjeńš, Šewc, K. Matka, M. Matka, D. Gloxyn, Šołta, Janca, S. Bjeńš, Kurjat
Z Gabrielom Čórlichom, Uwe Młynkom, Fabianom Korjeńkom, Pětrom Domašku a Robertom Maternu pobrachowaše Ralbičanam hnydom pjeć akterow, za to pak wupomhaštaj delanskemu teamej Dirk Šołta a Bosćij Bjeńš.
Wot wšeho spočatka postajowachu hosćo bojownisku hru a mějachu w prěnim połčasu tež štyri jara dobre składnosće. Dwójce bu Michał Matka na lěwym křidle pósłany, wobaj razaj pak wón z wótreho kuta na wrotarju abo wonkownym saku zwrěšći (10., 21.). Gabriel Kurjat wuhra na to nutřkowneho škitarja, ale kut bě znowa přewótry (30.). Krótko do połčasa bu Maik Janca na prawym křidle nahraty. Wón móhł na wrota třělić, bu pak w poslednim wokomiku myleny, dokelž předołho čakaše.
Wuslědki (23.08.17)
Wokrjesna wyša koparska liga
Germania Budyšin – Bukecy 1:1 (0:1)
Rakecy – Drohotka Ramnow 2:2 (2:1)
Großröhrsdorf – Ralbicy/Hórki 1:0 (0:0)
Kumwałd – Hnašecy-Dobruša 1:1 (1:1)
Wojerowski FC – Wjelećin 3:1 (0:0)
Hory – Módro-běli Kulow 0:7 (0:1)
Radwor – Großnaundorf 4:1 (4:1)
Kinspork/Łužnica – Budyšin 5:0 (2:0)
1. Módro-běli Kulow 2 13 :0 6
2. Wojerowski FC 2 5 :1 6
3. SC Großröhrsdorf 2 3 :0 6
4. ST Hnašecy-Dobruša 2 5 :3 4
5. ST Drohotka Ramnow 2 4 :3 4
6. ST Radwor 2 5 :3 3
7. Sokoł Ralbicy/Hórki 2 3 :1 3
8. ST Kinspork/Łužnica 2 5 :6 3
9. ST Wjelećin 2 3 :4 3
33. měrowy běh přewjedli
W Běłej Wodźe so rady wubědźuja
Lochkoatletiska sekcija sportoweho zjednoćenstwa TSG Hamor/Běła Woda je na swój mjeztym 33. měrowy běh přeprosyła. Při přijomnym wjedrje pósła organizator tohole wurisanja Wolfgang Petsch na 160 běharkow a běharjow wšěch starobnych klasow na zwjetša płony pjeć kilometrow dołhi kołokurs w lěsnym pasmje na zapadnej kromje Běłeje Wody po lěsnych a pěskojtych pućikach.
Běhaj na 5 a 10 km hódnoćitej so za rjadnej lisćinje Delnjołužiski cup a za Wjercha Pücklerowy pokal. Starterojo na 10 km dyrbjachu kołokurs dwójce zmištrować. Sportowcy běchu z 50 zjednoćenstwow z cyłeje Braniborskeje kaž tež Sakskeje. Cyłkownaj dobyćerjej na 10 km běštaj Daniel Seher z Běłeje Wody (35:06 min) a Jasmin Beer z Komptendorfa (38:44 min). Roman Měrćink z Baćonja doby w starobnej skupinje 30 (41:40 min) a cyłkownje wobsadźi wón 11. městno.
Znowa njezbožownje podleželi
SJ Chrósćicy
– FSV Wódrjeńca 02 2:3 (0:1)
Zestawa domjacych: Králíček – Dórnik (72. D. Bogusz), Bětnar, Hrdlitschka, Sentivan, Runt (46. Młynk), M. Zahrodnik, Henčel, F. Zahrodnik (56. Teichmann), J. Bogusz, Němec
Při rjanym słónčnym wjedrje dožiwi 110 přihladowarjow w Chrósćicach napjatu dypkowu hru krajneje koparskeje klasy. Partija bě so za domjacych porjadnje započała. Woni derje kombinowachu a běchu hru postajacy. Tola bytostne móžnosće njemóžachu sej wuhrać. Přećiwnik sadźeše akcenty ze spěšnymi konterami. Te pak móžeše Chróšćanska defensiwa z nowopřichadom Marcom Hrdlitschku wotwobarać. Přiwšěm hosćićel kontrolu nad hru poněčim zhubi. Tak docpě Wódrjeńca we 38. min. přez wólny kop 0:1. Z něhdźe 30 metrow smokny nadběhowar bul do praweho kuta. Njezbožowny wrotar Petr Králíček so bula hišće dótkny, njemóžeše pak jón wokoło žerdźe zwjertnyć. Tak běchu Chróšćenjo k połčasej zaso jónu w zastatku.
Stafle za bičwolejbul wulosowane
Póndźelu, 28. awgusta, přewjedźetej Serbski Sokoł jako zarjadowar a Radijo Satkula jako wuhotowar finale bičwolejbuloweje tury Radija Satkula. Wčera su Satkularjo štyri skupiny po pjeć mustwach wulosowali.
SKUPINA A:
1. JCS Smjerdźaca
2. CTP
3. Škit Budyšin
4. Konjecy Šunow
5. Nuknica
SKUPINA B:
1. Pančan žony
2. Serbska murja
3. Radwor
4. OSSV Kamjenc
5. Volker Racho
SKUPINA C:
1. Handicap
2. Wučerjo
3. Power Rangers
4. Satkula
5. Róžant
SKUPINA D:
1. Mixery
2. Dwójna nula
3. Dźiwje micki
4. Na-woči
5. mustwo bjez mjena SN
Wuslědki (22.08.17)
Koparska krajna klasa
Neugersdorf II – Nowe Město 3:0 (2:0)
Horni kraj-Sprjewja – Laubegast 5:1 (3:1)
SC Boreja Dresden – ST Ćisk 3:4 (1:2)
Drježdźanski SC – Drjež. Strěžin 1:8 (1:3)
Nowosólc-Hródk – Trjebin 5:0 (1:0)
SJ Chrósćicy – Wódrjeńca II 2:3 (0:1)
Weixdorf – Mužakow 2:2 (1:1)
1. FSV Wódrjeńca II 2 7 : 4 6
2. ST Ćisk 2 6 : 3 6
3. SZ Drježdźany Strěžin 2 9 : 2 4
3. Čerwj.-běli Mužakow 2 9 : 2 4
5. FSV Nowosólc-Hródk 2 6 : 1 4
6. SG Weixdorf 2 4 : 2 4
7. SZ Horni kraj-Sprjewja 2 7 : 5 3
8. FC Neugersdorf II 2 3 : 2 3
9. ST Trjebin 2 2 : 6 3
10. Drježdźanski SC 2 9 : 15 3
11. SJ Chrósćicy 2 3 : 5 0
12. LSV Nowe Město 2 7 : 11 0
13. FV Laubegast 2 1 : 7 0
14. SC Boreja Dresden 2 3 : 11 0
krajna liga žonow
Biskopicy – Kamjenc3:0 (0:0)
Merseburg – Sandersdorf 0:5 (0:2)
Eilenburg – Jena1:1 (1:1)
Rudolstadt – Kśišow4:2 (2:0)
Carl Zeiss Jena II – Barleben 1:0 (1:0)
Plauen – Halle0:0 (0:0)
Askania Bernburg – Stendal 1:1 (1:0)
Lipsk – Wismut Gera1:0 (0:0)
1. Biskopičanske KT 2 7 : 2 6
2. FC Eilenburg 2 6 : 3 4
3. 1. FC Lok Stendal 2 3 : 1 4
Tež w druhej hrě doma wuspěšni
FSV Budissa Budyšin – BSG Chemija Lipsk 1:0 (1:0)
Zestawa domjacych: Ebersbach – Kunze, Patka, Hoßmang, Heppner, Pfanne, Weiß (71. Milde), Krawčik, T. Schmidt, Hänsch (46. Müller), Bönisch (79. Hausdorf)
Při rjanym koparskim wjedrje běchu trawersy Budyskeje Młynkec łuki derje pjelnjene. Postupnik Chemija Lipsk bě tójšto fanow sobu přiwjezł. 1 354 přihladowarjow je partiju dožiwiło. Domjacy bojownisce započachu a mějachu prěnju móžnosć přez Daniela Hänscha. Třělwa drje bu wotwobarana, nimale pak by k samowrotam hosći dóšło (9.). Po krasnej přihrawce Jonasa Krawčika za Budissu třěli Tony Schmidt 1:0 (13.). Hač do přestawki njezamó Chemija wurunać, ale tež Kevin Bönisch (45.) a Martin Hoßmang (45.+1) na wrotarju hosći zwrěšćištaj.
Dobyće wjace hač zasłužene
ST 1922 Radwor – SZ Großnaundorf 4:1 (4:1)
Zestawa domjacych: Kral – Henka, Šěrak, Omran, von Karwin, Hančik, Bejmak, Nuk, Zimmermann, Kurjat (78. Mark), Schulze (90. Bauer)
Po njetrjebawšej poražce tydźeń do toho w Ramnowje, hdźež klacaše na klewernosći, su sej koparjo ST 1922 Radworja za domjacu hru předewzali dobyć. To bě tež wot spočatka spóznajomne. W duelu nowačkow we wokrjesnej wyšej lize mějachu woni wot prěnjeje minuty ceptar w rukomaj. Nimale wšitke strašne hrajne sceny wotměwachu so před wrotami hosći. Nawal Radworskich nadběhow pak bě najprjedy bjez wuspěcha. Hakle po njelepym wotwobaranskim pospyće hóstneho wrotarja so suk torhny. Spěšnje Daniel Nuk reagowaše a z něhdźe dwaceći metrow bul z centralneje pozicije do saka sadźi (7.).
Tři dypki po horcym boju žnjeli
SJ Njebjelčicy – Nadrózna Hrabowka 3:2 (1:1)
Zestawa domjacych: Hahn – Čornak, Pawlik, Hanuza, Domš, Deleńk, Kral, Lejnart, Haška, Hrjehor (78. Frank Ričel), Korjeńk (90.+3 Šram)
W Njebjelčicach předstaji so wčera dotal njeznate mustwo w prěnjej domjacej dypkowej partiji hrajneje doby 2017/2018. Hosćo z Nadrózneje Hrabowki dachu so hnydom do boja. Hižo w 4. min. zjewi so srjedźny nadběhowar samlutki před Njebjelčanskej klětku, suny pak bul na zbožo nimo. Při dalšej přiležnosći spěšneho nadběha prasny bul do žerdźe. W 19. min. pak zhłójčkowa Handrij Korjeńk wótru přihrawku Gabriela Čornaka k 1:0 do saka hosći. Naslědnje steješe domjacy škit wjacekróć pod sylnym ćišćom. Wrotar Nico Hahn dwójce wurjadnje zakroči a zadźěwa tak wurunanju. Tola w 42. min. bě wón při wótrej třělwje ze zdalenosće bjezmócny. Tak steješe k přestawce 1:1.
