„Mentalny trening je runje tak wažny kaž ćělny, wučinja druhdy samo wjetši podźěl zwučowanja hač ćělne napinanje.“ Takle bě moja profesorka za sportowu psychologiju před lětami swoje prěnje čitanje zahajiła. A wona měješe prawje. Čim dlěje jej připosłuchach, ćim bóle spóznawach so sama w swojim zadźerženju při sporće, wosebje na wubědźowanjach.
Bjermy sej raz znaćišu atletku za přikład: Na běžkach njemóžeše Magdalenu Neuner nichtó přetrjechić. Na třělnišću pak so wona boješe. Přiwšěm je jej prawidłowny trening k olympiskej dobyćerce dopomhał. Krute zwučowanja jej pomhachu, přihladowarjow a konkurentki wusćinić (ausblenden). Kelko ćišća ma atlet wudźeržeć, pokaza so tež w tym, zo dyrbješe Magdalena Neuner swoju slěbornu medalju před kamerami zakitować. Samo druhe městno njezdaše so we wočach zjawnosće dobre dosć być.
Tribunowy běh
Prěni raz zarjaduje Budyske lochkoatletiske sportowe towarstwo Čerwjeno-běli 90 tak mjenowany tribunowy běh a přewjedźe jón dźensa wot 17 hodź. w stadionje na Młynkec łuce. Wubědźowanje je tak koncipowane, zo spjelnja wšitke postajenja hygieny. Běh je za jednotliwcow, wobdźělnicy startuja we wotstawku 30 sekundow. Čara je slědowaca: Na Młynkec łuce maja jedne koło na a při běžni běžeć. Na zapadnej stronje, hdźež steji wěža stadionoweho rěčnika, dyrbi sportowc trójce po tribunje horje a dele běžeć a na tamnej stronje někotre přidatne sekle, tak zo wučinja jedne koło něhdźe 555 metrow. Wulki wubědźowanski charakter drje běh njezměje, zamołwitym pak hłownje wo to dźe, zo ludźo zaso sportuja.
Kónctydźenska kopańca
12.07. 15.00 Hlinowski SC –
HZ Łaz/Běły Chołmc
19.07. 14.00 LSV Nowe Město –
SV Eintracht Sermuth
22.07. 18.30 LSV Nowe Město –
FC Energija Choćebuz
25.07. 15.00 LSV Nowe Město –
VfB 1921 Kśišow
26.07. 15.00 FSV Nowosólc-Hródk –
Biskopičanske KT 08 II
02.08. 14.00 ST Porchow –
ST Hbjelsk 1923
16.08. 14.00 ST Porchow –
Natwar Němske Pazlicy
Marathonowe płuwanje w jězoru
Wubědźowanje „Schiebock běha ekstremnje“ chcedźa lětsa trochu hinak přewjesć. Pjatk, 17. julija, budźe to wot 16 do 21 hodź., dźeń po tym wot 9 do 21 hodź. Čara powjedźe běharki a běharjow po sportowym parku Wesenitz. Na 700 metrow dołhim kole dyrbja wobdźělnicy dźesać zadźěwkow přewinyć.
Na wuběr steji 30mjeńšinowy běh za 14 eurow a 60mjeńšinowy za 18 eurow. W połhodźinskim abo hodźinskim běhu ma wobdźělnik telko kołow kaž móžno absolwować. Nimo sportowanja su w startowym pjenjezu zapřijate: hadźicowy šawl, něšto k jědźi, medalja a hišće tójšto wjac. Dalše informacije pod www.schiebock-laeuft-extrem.de
Wukubłanje trenarjow za wrotarjow
Tež wrotarkam a wrotarjam njesmědźa so žane zmylki stać. Jeli žona abo muž mjez žerdźomaj pódla přimnje, móže so hrajna scena z přećiwniskimi wrotami skónčić. Wukon koparki abo koparja we wrotach ma tuž relatiwnje wulki wliw na wuslědk hry. Nimo toho je runje mjenowana pozicija z techniskim a taktiskimi žadanjemi zwjazana. A te posrědkuje nazwučowar wrotarjow zamołwity.
Tabulki koparskeho dorosta Braniborskeje
C-juniorojo, wokrjesna liga stafla B Južna Braniborska
1. FSV Čerwjeno-běli Łukow 9 51 : 1 2,78
2. ST Rań 10 73 : 8 2,50
3. SJ Lubin 65/Wacker 21 9 59 : 20 2,33
4. HZ Lok Kalawa/ST Kalawa/Wětošow
10 37 : 21 1,90
5. Módro-běli Lubolce 10 37 :2 8 1,80
6. SJ Gießmannsdorf 9 35 : 62 1,11
7. Aleman. Stara Darbnja 9 31 : 32 1,00
8. SG Gójac/Lutol 10 24 : 57 0,90
9. TSG Lubnjow 63 10 33 : 46 0,60
10. Zeleno-běli Lubin 10 9: 114 0,00
D-juniorojo, wokrjesna liga Južna Braniborska
1. HZ Grabin 8 38 : 15 2,63
2. Brjazki/Zły Komorow II 10 51 : 6 2,40
3. TSG Lubnjow 63 9 53 : 24 2,00
4. HZ Ortrand/Frauendorf/Großkmehlen/Lindenau 9 23 : 14 1,67
5. Zeleno-běli Lubin 8 27 : 30 1,50
6. Brjazki/Zły Komorow III 9 33 : 34 1,11
7. HZ Sonnewalde/Crinitz 8 19 : 34 0,88
8. FC Łuchow 9 20 : 47 0,56
9. TSV Missen 8 7 : 67 0,38
D-juniorojo, wokrjesna klasa stafla A Južna Braniborska
1. VfB Herzberg 68 II 9 76 : 11 3,00
2. ESV Lok Sokolnica 10 86 : 14 2,40
3. Módro-běli Möglenz 9 42 : 5 2,33
4. VfB Herzberg 68 8 43 : 26 2,25
5. FC Bad Liebenwerda 11 34 : 31 1,55
6. Sliwin II/Schönewalde 10 16 : 45 1,40
7. TSV 1878 Sliwin 10 41 : 49 1,00
8. SV Empor Mühlberg 10 18 : 70 0,60
9. SV Lok Uebigau 11 23 : 65 0,36
10. ST Wikow (D-holcy) 10 5 : 68 0,30
W Němskim koparskim zwjazku (DFB), w Sakskim koparskim zwjazku (SFV) a na najnišej runinje Zapadołužiskeho koparskeho zwjazka (WFV) njejsu w času koronapandemije lěnjeho pasli. Maksimilian Zahrodnik je někotre měnjenja k dźěłu runje mjenowanych zwjazkow w rjadach Sportoweje jednotki Chrósćicy nazběrał.
Józef Donat: Jako přiwisnik kopańcy sym wězo wjesoły, zo su sezonu na profijowej runinje dohrać móhli. Tak mějach zaso kónctydźensku zaběru. Po mojim zdaću tróšku njefairne pak bě, zo mějachu tam naraz pjenjezy a srědki za testy. Porno tomu je we wjetšich zetkawanskich centrach, ale tež w šulach přeco hišće wobćežne so dosć testować dać. Zapadołužiski koparski zwjazk je to po mojim měnjenju derje činił. Wot tydźenja k tydźenjej su tam rozsudźeli, a, bě-li trjeba, hry wotprajili. Na kóncu cyły zbytk sezony 2019/2020. Wězo njejsu na tej runinje móžnosće date, zo by so dale hrać hodźało. Sym pak wjesoły, zo směmy mjeztym zaso trenować a zo je start přichodneje sezony tak daloko zrjadowany. Tak so jako koparski lajk na hrajnu dobu 2020/2021 wjeselu.
Po dołhej přestawce dožiwichmy minjenu njedźelu skónčnje zazběh lětušeje sezony formule 1, a to w awstriskim Spielbergu.
Dołho su na komplikowanym hygienowym koncepće dźěłali, zo móhli docyła wubědźowanje tajkeho rozměra bjez strowotnych rizikow za wšitkich wobdźělenych přewjesć. Tež wšitcy stražnicy při čarje dyrbjachu wotpowědne wěstotne předpisy dodźeržeć. Zamołwići čary a swětoweje organizacija FIA su woprawdźe wulku prócu nałožili, wšitke rizika wobkedźbować a w 30 stronskim rjadowanju spisać. We wobłuku sobustawstwa w komisiji FIA běch tež ja do procesa zapřijaty. Próca je so wudaniła. Njemóžachmy žane wulke komplikacije registrować. To je zdobom dobra powěsć za wšitke serije w motorsporće, kotrež chcedźa ze swojimi běhami nětko tohorunja tak spěšnje kaž móžno započeć.
Zapadołužiski koparski zwjazk je nowu zestawu wokrjesneje wyšeje ligi a wokrjesnych ligow za sezonu 2020/2021 wozjewił.
Postupnikaj we wokrjesnej wyše lize stej druhe mustwo Biskopičanskeho KT 08 a prěnje Hrajneho zjednoćenstwa Łaz/Běły Chołmc. Do wokrjesneje ligi-stafle 1 postupitej druhe mustwo Sportoweho towarstwa Kinspork/Łužnica a cyłk Zeleno-běłych Sepicy.
Staflu 2 wokrjesneje ligi zesylni Sportowe towarstwo Mały Wjelkow. To wosebite na stafli 2 je, zo hraja w njej tež tři serbske zastupnistwa ST 1922 Radwor, SJ Njebjelčicy a SJ Chrósćicy II. To rěka, zo tam w běhu hrajneje doby k wjacorym derbyjam dóńdźe.
wokrjesna wyša liga
1. ST Horni kraj Sprjewja
2. DJK Módro-běli Kulow
3. Biskopičanske KT 08 II
4. Wojerowski FC
5. Motor Kumwałd
6. LSV Hory 1990
7. Póst Germania Budyšin
8. Sokoł Ralbicy/Hórki
9. TST Połčnica 1920
10. ST Hnašecy-Dobruša
11. ST Kinspork/Łužnica
12. ST Natwar Němske Pazlicy
13. SG Großnaundorf
14. ST Porchow
15. TSV Wachau
16. ST Marijina hwězda
17. HZ Łaz/Běły Chołmc
18. SC 1911 Großröhrsdorf
wokrjesna liga-stafla 1
1. Zeleno-běli Bukecy
2. ST Kinspork/Łužnica II
3. FV Ottendorf-Okrilla 05
4. SV Haselbachtal
Po tym zo njeje kapitan Dimitar Rangelow žane nowe zrěčenje w nowym teamje FC Energije Choćebuz dóstał, je ličba wotchadow hišće raz jasnje rozrostła.
Znate hižo dlěši čas bě, zo staj sej Moritz Broschinski a Borussia Dortmund přezjednaj. Tam ma Broschinski w druhim mustwje na kopanišću stać. Ale tež Abdulkadir Beyazit, Orhan Yildirim, Paul Gehrmann a Damir Bektić, a hrajerjej Jonas Zickert a Colin Raak ze swójskeho dorosta FC Energije, njejsu nowe zrěčenja dóstali. A Berkan Taz wróći so kaž planowane zaso k zwjazkowemu koparskemu ligistej 1. FC Union Berlin. Za škitarjow Roberta Müllera, Bena Meyera a Ibrahima Hajtića je čas pola FCE tohorunja zakónčeny, runje tak za Jana Glinkera a youngstera Juliana Simona (póńdźe k FSV Unionej Fürstenwalde). Njejsu pak jenož w rjadach koparjow zrěčenja rozwjazali. Wosebje zadźiwani nowinarjo běchu, zo tež fitnesowaj trenarjej Maurice Ehmke a Ken Kaiser žane nowe zrěčenje njedóstanjetaj. To njech rozumi, štóž chce … Georg ZielonkowskiWolejbulowe mustwo Wyšeje šule „Korla Awgust Kocor“ Kulow smě so skónčnje nad nowymi trikotami wjeselić. Naposledk móžachu so tamniši wyši šulerjo Tobias Crüger (kapitan), Alexander Heinz, Henning Schreiber, Louis Kreuz a Toni Stache na wolejbulowym turněrje přesadźić a hrajnišćo jako dobyćer wopušćić. Po tym zo běchu wolejbulisća 7. lětnika wuspěch euforisce wozjewili, přilubi jim šulski socialny dźěłaćer Philipp Schwabe nowu sadźbu sportowych košlow. Šulerjo wězo njepopušćichu, přilubjene bě přilubjene.
Tak su sportowy wučer Sven Holweger, něhdyši FSJnik Lucas Franz a šulski socialny dźěłaćer Philipp Schwabe wšitke kóšty přewzali. „Myslu rady na čas swojeho dobrowólneho socialneho lěta w Kulowskej wyšej šuli. Rady so dale za šulerki a šulerjow angažuju“, podšmórny mjeztym w Drježdźanach bydlacy student wučerstwa Franz.